[書蟲］你最近睇緊咩書？10

係講咩架！好似好有趣

有睇過佢寫金庸嗰系列，當時好surprise佢會寫

節奏唔好？我睇佢分章用兩個時空交錯

如果係博客來買抵唔抵

總之覺得悶悶哋
不過如果巴打係想透過本小說了解香港字嘅歷史係幾好

如果單本買就麻麻哋 通常我都係買一pack嗰啲 夠抵先買
博客來每月7號有會員discount的不過要先洗一筆先有得做會員

計埋運費依家都唔會平過樓上書店8折
雖然依家獨立書店未必有折，雖然係貴啲，不過當支持下佢哋啦，如果唔係好快會執笠

《忍不住的關懷:1949年前後的書生與政治》楊奎松
書入面主要圍繞住三個人物：張東蓀，王芸生，潘光旦。作者係研究中共黨史好出名嘅史家，佢利用呢三個知識分子喺1949前後嘅思想變化，帶出一個point，就係當時嘅知識分子想愛國，但係永遠都難以跟隨黨嘅步伐，但佢哋係捨棄個人得失，由衷咁希望可以為國家奉獻。

上面個part比較多史料論述。而令我最inspiring嘅係佢講到知識分子面對時代變幻，所產生嘅不同諗法。佢哋未必係違背個人主張，只不過係希望國家可以變好。（余論個part）一開始嘅嚴復，梁啟超本身鼓吹自由，民主，但係後尾見到國家有被列強瓜分嘅危險，就反而支持專制；到後來國民政府執政，大批知識分子反對蔣介石獨裁專政，但佢地見到日本侵華嘅時候都希望建立一個強而有力嘅獨裁政府抗日；再到49年後胡適所採取「容忍比自由更重要」嘅諗法。（可見吳國楨案&自由中國）

知識分子嘅退與進，好值得今日嘅我哋去思考。作者最尾又提及到柏拉圖嘅《理想國》，呢度就唔一一敘述lu。

題外話，呢本書係簡體字的，我都係系大學圖書館借，真心覺得係一本好書。大陸嘅度唔知係咪因為本書涉及三反，思想改造運動嗰啲，已經停咗版...

題外話，如果大家對呢類型嘅題材有興趣嘅話，可以睇埋Hannah Arendt 嘅《黑暗時代群像》

lm

呢排睇緊金閣寺
覺得三島由紀夫真係好撚勁

多謝分享 依排係睇香港歷史多

有冇邊本推介 除左簡史

睇吓你想睇邊個時期嘅歷史

除左最早期個啲都有興趣 早期個啲已經睇左簡史

高馬可有本edges of empire 都唔錯
鄺智文都應該幾好 利申未睇過

啱啱睇完兄弟 成個故事咁好睇點解好似快快手埋尾咁

歐亞混血eurasian由西方開始大規模嚟東方貿易之後出現，最初多數係歐洲男人同亞洲女人（呢本書個context係中國）結果，後來中國人開始出去留學同搵食，先開始食鬼妹生混血兒。本書基本上講晒中美一百年入面唔同背景嘅混血兒，內容都幾豐富。

好多時覺得mixed都係有錢靚仔上流社會，但以前混血兒要面對唔少歧視，成日都兩邊不是人，甚至被迫扮成血統純正。雖然唔容易，但佢地嘅際遇更加受當地文化、父母國籍/種族、階級等影響，形成唔同嘅身份認同。就好似上海嘅mixed傾向認為自己係歐洲人，香港嘅mixed就多數扮係華人。

書入面特別提到香港唔少早期「華人」領袖其實都係mixed，港英政府雖然視佢地係低等族群，但歐洲血統令佢地得到政府信任，成為「華人」領袖。呢個論點好似比較少聽人講過，多數都係focus喺呢班「華人」嘅西式教育背景。佢地曾經試過脫離歐洲人/中國人身份認同，建立自己族群，就例如經常出現族內通婚，只可惜二十世紀上半葉嘅戰亂令佢地散居外地，留低嘅好似何家咁就乖乖地做華人。

我覺得呢種靈活係混血兒嘅特徵，兩邊不是人，但又可以隨便blend in，獨特嘅文化背景甚至令佢地可以帶動兩個種族間嘅交流。早排冬奧嘅谷愛凌係混血兒特性嘅好例子，一時做中國人一時又做美國人。雖然具爭議性，但一百年前啲eurasian已經係咁做。中國第一個美國留學生容閎個仔就試過一邊喺中國搞兵工廠，做埋陸軍少將；返美國就話見到星條旗好感動

push

前排我都睇完女神同美與暴烈
覺得佢人生仲勁過佢自己d小說

有冇手足睇過zoopolis 動物公民：動物權利的政治哲學

想睇！

佢地曾經試過脫離歐洲人/中國人身份認同，建立自己族群

諗起《想像的共同體》入面都有講過啲類似嘅嘢，拉丁美洲啲Creole兩邊不是人，因爲唔係純種白人所以官運受阻，頂盡都係喺殖民地內部升遷。呢種共同命運形成羣體認同，成爲後來民族主義嘅濫觴