[書蟲］你最近睇緊咩書？10

想睇下宋朝經濟同社會方面嘅書求推介

Bending Adversity - Japan and the Art of Survival

作者 (David Pilling) 於2001-2008 曾經係Financial Times嘅日本分部做記者
311之後返咗日本訪問災民
David將係日本工作時訪問政界人物 及日常接觸嘅本地人 嘅所見所聞結集成書

內容前段講日本嘅地理特徵，作為島國 ("shima kuni")，人民形成獨有嘅心態，以至意識型態及宗教
David 引述 前《朝日新聞》總編輯 船橋洋一 嘅對話
大意係： 島國精神令國民以為可以和平地與世隔絕，但歷史反映現實並非如此。相反，應該學習與外界共處。
後段講近代日本新生代同嬰兒潮之間資源上分配不均，性別係職場上嘅差異
其中一個case係一位男上司帶一位新入職男下屬去風月場所消遣
兩個下身赤裸對著坐，然後有學生打扮嘅女仕為住佢地不停撫摸，期間上司係咁對住下屬微笑。呢類消遣自然排除女下屬出席

本書令我知多咗日本嘅文化、歷史，以下會有幾個例子:
1. 因為韓戰爆發，美軍需要日本作後勤供應物資，將二戰後蕭條嘅日本經濟拯救出黎，突別係造船嘅技述
2. 有d人歸咎廣場協定，迫日元升值，令日本經濟爆破，
但更大程度係因為日本政府無規管個經濟市場
好多表現唔理想嘅公司會借錢炒樓，希望房地產瘋狂嘅升幅可以賺返筆數
大公司之間互相托起股價，人人都加入炒股
公司發債而非向銀行借貸，而銀行為咗開源，就將客戶存款借俾人炒樓
最後中央銀行見市場失控，加息降溫，結果篤爆個泡沫
3. 日本郵局以前除咗郵政，仲攝獵人籌保險
當中得到極龐大嘅保費，自民黨透過半政府組織將呢d資金投放地區嘅基建項目，間接提升黨嘅民望
而小泉純一郎當選後，致力打破利益輸送，將保險業務私有化。
最後成功改革，但得罪咗好多既有勢力
4. 311大地震後，有報導話黑道有出黎幫手派物資
另一方面，核電廠平時會透過黑道聘請合約員工，去做危險性較高的工作。而呢班人通常係失業工人、農夫甚至無家者。災後，呢類聘請模式依然持續，更有工人意外吸收大量幅射，需入院治療。

睇同事書

睇落唔錯
lm

之前有叫做開咗野口悠紀雄 本《日本戰後經濟史》
雖然放低咗一陣

都想了解下日本經濟

印象中蘇基朗寫過唔少宋代經濟嘅野，社會方面英文學界可以睇下Pat Ebrey同Beverly Bossler。

宋朝經濟 Paper: https://www.jstor.org/stable/43910010

專講王安石變法: https://www.hup.harvard.edu/catalog.php?isbn=9780674424388

以下唔知算書評定簡介。福山個大名聽得多但佢嘅書真係第一次睇。
如果你長時間留意時事政治嘅，呢本書講嘅嘢完全冇新意，主要都係講現今嘅政治出現兩極化。作者典型左右兩邊批評但又唔敢講得太深入具體。不過從佢立場明確指出，短期內共和黨嘅問題更值得憂慮。佢多次點名評論Trump拒絕承認落敗，指控選舉舞弊同引起國會衝擊呢啲事但美國民主選舉嘅破壞好大，各種陰謀論嚴重影響選舉公信力同挑動對立，亦有暴力衝突呢類事件。
對左派嘅批評就係用identity politics凌駕理性，cancel culture，否定科學共識呢類問題，佢就認為呢個係長期值得憂慮嘅問題。
仲有個人主義同經濟自由主義變咗過度放任，資金不受規管導致外流去極權國家血汗工廠反咬西方，國內就大量工作流失而基層又不被尊重，財富分配不平均導致各種民怨（成功的反思呢點寫得更深入）。
保守派就覺得白人被逐漸被妖魔化，邊緣化同被取代，左膠就搞文化獵巫，無政府主義搞到罪案氾濫等等。簡言之就係極左極右都好仆街，短期問題就極右逼切啲，長期問題就極左大。然後呼籲大家回到古典自由主義，尊重更高又更基本嘅價值觀e.g 尊重人權，言論自由，機會平等，自由選擇等等，但又要有社會共感，關心同參與社會事務，唔好用個人意志凌駕一切等等。右派就應該回到最基本嘅人權立場尊重種族平等，左派就尊重言論同信仰自由唔好動不動就搞批鬥之類。

其實呢本書好多嘢都係Common Sense，而且陶傑經常講，不過陶傑觀點偏右啲咁解。書入面後半同成功的反思好多類似觀點，都係鼓勵理性討論，互相尊重同懂得感恩，仲有抑制自我唔好過份澎漲而目空一切，確守中庸之道。

我細個英文好差，CE/AL都係得E，平時亦少睇純英文嘅書，但過去十幾年工作同生活環境全英文，久而久之自問英文進步咗好多，經常用英文同本地人深入交談政治/左右派/經濟同社會嘅程度。但呢本書對我嚟講仍然唔易讀，詞句好有學者象牙塔風格。但內容就好多都Common Sense，呢種寫法我唔係幾鍾意。你可以怪我英文仲係麻麻，但我想陳述幾個事實:
一句說話就有大量”ism”字。大家都知每個”ism”背後都係一個複雜兼龐大嘅思想體系，呢個作者一句15個字可以有3-4個”ism”。假設讀者知係一回事，更大問題係假設你同意。
另一個問題係佢好刻意用非常用字。認真，我睇呢本書果陣專登揾番本紙本牛津字典出嚟(以前考CE/AL）考場常見果本。發現我唔識嘅字，10個入面有7-8個都冇辦法係果本牛津字典查到。仲試過翻翻吓字典，見我連續幾頁嘅字都識，就係揾唔到佢用個字。當然上網得查到，但我就係想知係自己英文太差定係作者刻意風格，所以專登讀到一半揾牛津字典嚟印證吓我個諗法。
難怪學術界成日比人批係象牙塔。我個人更鍾意Freakonomics果種文風，題材由學者提出，再由資深傳媒執筆。探討嘅內容既深入又有趣，最重要係連文筆都好通順易讀，唔洗電話字典不離手咁睇。

最後呢本書適合咩人睇呢？

1. 平時好少留意政治，社會問題同各門派理念嘅-No
2.英文唔太好嘅-No
3.經常留意政治，社會各門派嘅:No
4. 有留意吓，有啲基礎知識英文又好嘅:Yes
5.寫論文想搵Reference扮大枝野嘅:Yes Yes Yes

整體來講呢本書我只會比6/10，太多賣弄詞句但又唔敢就問題本身深入探討，建議亦唔見得幾Ground Breaking。刻意想中立但難掩偏左立場。

最後我只想講，香港有陶傑做節目做咗咁多年真係好幸運。中西文化，各種思想體系嘅演化同優劣，各地政治歷史文化，藝術美學等等全部覆蓋囇而且佢嘅觀點始終站係崇優主義上用理智同幽默對抗政治正確歪風，真係好難得。聽多幾集陶傑嘅節目好過睇呢本書。

最近睇緊一本《藝術人類學》，劉其偉編著。入面收錄咗好多原始人類藝術，幾得意。
有無人類學書推介？

問得好
#1有寫過，介紹多次

有關人類學
https://allaboutanthropology.medium.com/

無睇，lm

之前幫中學圖書館推薦書籍
揀咗福山嘅政治秩序的起源全兩冊
結果買完就放置

至於陶傑呢...

福山其它書我冇睇所以唔想以偏概全，呢本真係麻麻地唔特別建議。只知佢嘅成名作係歷史的終結。
可能只係我，但覺得呢本書嘅target audience 會幾狹窄。正如我上面講，唔留意政治學說思想流派嘅一定睇唔明，有Keep住留意嘅又會覺得Common Sense，就係比有少少基礎想知多啲，同頂到學者式英文或鍾意拋下書包嘅人睇。

劉子健本書有返咁上下年份，其實學界已經有唔少較新嘅專書講變法果段歷史，用多左新材料

東野圭吾作品馬拉松中
啱啱睇完巴打推嘅平行世界的愛情故事
都真係幾好睇
我覺得智彥好慘

lm

想問下邊度仲有佢啲書？

話說有冇書蟲鍾意買中譯本嚟睇？
有的話就要留意啲翻譯質素參差

試伏大會：
https://1453liencai.blogspot.com/

中譯本讀者，因為唔想成日查字

其實唔止書，Netflix 啲字幕嗰啲好多都譯得唔好

懷疑好多都係為咗慳成本同想快，電腦譯完望幾眼再執少少睇得明就算

最明顯例子係依家乜鳩都譯「打造」，好似唔識其他詞語咁

啱啱睇完陳浩基三本書
遺忘·刑警
網內人
氣球人

準備睇quiet
想睇好耐

我見個blog入面有啲中譯本嘅鳩譯程度都幾離譜下

超正

最近睇緊A matter of death and life
思考死亡

Technically 原來唔止解技術上

如果有書蟲睇開講菁英主義弊病嘅書
呢篇文可能啱你

https://pansci.asia/archives/355950
// 總結這次獲得「搞笑諾貝爾經濟獎」的研究，透過這個極度簡化的 TvL 模型模擬所告訴我們的訊息是：

這個模型雖然簡單，但它能夠重現真實世界財富分布的「80－20 法則」，所以有抓到一些真實的經濟社會狀況的重點，不是來亂的。
才能對生涯的表現有影響，但真正具有壓倒性力量的是運氣。
政府如果想要鼓勵才能較好的人，期待他們有更好的表現的話，「想當然耳」的菁英主義（補助本來表現就比較好的人）是最糟糕的辦法，還不如齊頭式補助，或是亂槍打鳥式的補助。如果政府銀彈充裕的話，折衷式的補助成果也會不錯。
整體人民素質提高，可以讓才能高的人表現更好，所以教育很重要。
產業環境好，機會越多的話，也有助於高才能的人有好的表現。如果衰退的話，則是大家一起慘。//