[書蟲］你最近睇緊咩書？10

暫時都OK, 我最鐘意係個reading challenge
可以每一年review下自己睇過D咩

係
仲有monthly chart數埋頁數

睇完一本書，開新一本睇

hi各位書蟲好耐冇見
之前開咗幾本書，但都唔係幾好睇所以中途棄咗
不過今日要介紹嘅呢本書，唔單止好睇，而且仲同我哋嘅處境息息相關
就係最近出版、張家偉所著《英國檔案中的香港前途問題》


張家偉係南華日報同明報嘅記者，之前曾經寫過《六七暴動：香港戰後歷史的分水嶺》，而今次本書就係講香港前途談判。

張挖掘英國近年解密嘅檔案，補充既有嘅史料，還原中英以及港人嘅背後角力嘅波譎雲詭。
睇完之後覺得整體相當持平，多史料鋪陳，作者意見只係喺序言同結語入面隱隱透露（類似「話咗抗爭都唔會令共產黨讓步㗎喇不過衝突遠因都係中共同香港追求民主化嘅目標一直有矛盾」噉）

正如唔少人都大概知道，前途談判經過，大概就係中國一直企硬要取得香港嘅主權+管治權，英國就由「唔畀」、「淨係畀主權」，退到去「完全轉讓香港」。而呢本書就用檔案加返啲歷史細節

基本上成條時間線有幾個轉捩點：
1981年12月 中國決定要「收返」香港
1983年3月，英國放棄堅守香港主權
1983年11月，英國放棄埋97後嘅管治權

但係成場談判遠因可以追溯到六七暴動，就係嗰時開始英國正正意識到香港此地不宜久留而佢地60年代就做咗份研究報告，探討前途問題。

總括英國喺前途問題上面嘅預設，就係：
- 香港守唔住㗎喇、對中國嘅經濟貢獻亦都越來越少，遲早要將香港交畀中國㗎喇。
- 談判拖得越耐，香港人就會越無信心，香港就會越唔穩定（但係英國佬有問過香港人咩？lol）所以喇喇聲deal掂佢啦
- 地契能否續期跨越97、影響投資者信心嘅問題

事後睇返，呢種「底氣不足」同埋無形心理deadline係貫徹成個前途談判，令到英國不斷退讓

尤其是英國駐華大使叫柯利達（Percy Cradock），彭定康形容佢「積極破壞我們在做的事」（“working actively to scupper what we are trying to do”）；而我睇完本書會話，只要見柯利達有份出現，你就知道，呢場談判必定會妥協、縮沙，同埋含撚

而喺前途談判入面，香港人基本上好似隱形咗噉，中方亦都一直反對加入香港人嘅聲音；唯一會偶爾蒲頭以及語出驚人嘅，就係行政局非官守成員、「政壇教父」鍾士元（以及to a lesser extent 鄧蓮如）

一邊睇嘅時候，有幾件事我覺得幾有趣：

喺英國放棄堅守香港主權之前，時任英國首相戴卓爾都算係喺四圍睇淡嘅情況下，扭盡六壬撐到最尾一刻，佢甚至有諗過香港公投自決，揀中國定英國繼續管治

然後鍾士元可能係香港最早嘅「攬炒派」？
例如中英有次談判氣氛鬧到好僵，傳咗風聲出嚟之後，港元大跌，呢個就係後來港元同美元掛勾嘅由來

但係：

[1983年10月13日]，香港行政局討論四天後（10月17日）實施穩定港元匯價的聯繫匯率的建議。鍾士元是唯一有申明立場的行政局議員，他認爲聯繫匯率長遠會對香港前途造成損害，但如果港英政府認爲基於短期經濟需要而實行此制度，他不會從中作梗。尤德表示，鍾士元沒有解釋聯繫匯率將怎樣損害香港，但鍾的看法似乎是香港的經濟困難是迫使北京在治權問題上的最強大壓力。

（p94）

又例如以下呢段都好有共鳴：

[1983年10月25日] 鍾士元在[行政局]會議期間讀出一份事前擬就的聲明，表示：「中方（關於香港前途）的方案看似寬宏大量，但爲什麼香港人對這些建議缺乏信心？答案在於中國共產黨差劣的往跡、過去違背的承諾、經常修改的憲法，以及他們無法執行現有憲法。」他更直率而不客氣地說，除非英國政府準備接受談判破裂及與中國對抗的風險，否則「遊戲」已完結

（p102）

不過基於上面提到英國「底氣」不足嘅問題，英國都係跪低

又例如1984年嘅時候，鄧蓮如話唔少香港人都擔心中國違反同英國嘅協議都吹佢唔漲，所以提議訂立有實權嘅機制同組織監察協議落實；鍾士元都話如果無監察落實嘅機制，協議簽嚟有乜用，佢後來甚至提議用全民投票嘅方式嚟徵詢香港人對協議嘅意見

當然上述嘅創見全部落空

基本上香港嘅命運就係Murphy’s Law嘅體現——諗到有可能仆街嘅地方都會仆街

就連立法會選舉DQ勝選人嘅問題，都喺彭定康任內嘅後續談判入面考慮到：

爲1995年當選的立法局議員爭取過渡成爲特區首屆立法會議員，即俗稱的「直通車」安排，是英方的主要爭取目標，「直通車」的標準也是中英會談最後階段其中一個主要爭議課題。韓達德在備忘錄中表示：「在直通車問題上，提議在基本法規定的要求的基礎上，（1995年當選的）立法局議員過渡時另行宣誓，對我們來說沒有難度。但宣誓應該是過渡至首屆立法會的唯一標準，而宣誓所規範的應該只是未來的行爲。我們不能接受任何關於過去言論和行爲的主觀標準。」

韓達德更以當時的民主派領袖李柱銘爲例，說明英方對「直通車」的要求。韓達德說：「直白地說，中方必須接受如果李柱銘作出宣誓，將符合1997年7月1日後留任立法會議員的資格，他在1989年和1990年的行動，將無關宏旨。」

（p194）

當然2016年DQ立法會議員同埋後續「真誠宣誓」規定，又係回力鏢。

總括而言
本書好好睇，現實很骨感

有興趣睇本書嘅人，可以去序言買啊
https://www.facebook.com/hkreaders/posts/pfbid0tBmHMqUSDCJtoNjccZDiwaXGHfvgG3yNzqxXyCcZH6EWnh9BfWyqFm8yTHzJc9Sul
（旺角樂文書店之前問過話賣晒，唔知而家有貨未）

有興趣進一步了解前途談判歷史嘅書蟲
推薦兩個blogger
- 世代懺悔錄
https://medium.com/recall-hk

- 崔永健（毛來由）博士嘅patreon，佢本人都喺英國挖緊解密檔案，而家衆籌寫緊《一國兩制的開場與收場》，由1971年開始講起，至2020年國安法生效爲止。
https://www.patreon.com/hk19712020/

大廈 and 紅月亮
不過已經係N年前睇所以唔係太記得啲內容

本書好似幾正我都買返本睇下先

睇睇下1q84都幾長篇

Dorian Gray一開波好撚gay

其實中間睇得幾辛苦

呢本書人類學田野考察嘅方式，介紹南洋華人歷史，最終希望用台灣視角認識南洋，展現兩地歷史上嘅扣連。佢包含咗家族史、商業史，風俗習慣以至殖民管治等主題。雖然呢本書立足台灣，但用香港角度思考，其實我們都置身同一網絡之中。

例如細個如果迫不得已要喺街頭痾尿，通常都會講聲唔該借借，同馬來西亞人請拿督公迴避差唔多。另外佢地殖民地官員同香港嘅官學生（AO）近似，而且都係用以華治華嘅方針，避免直接干預華人事務。港大陸佑堂嘅陸佑同中文學院創辦人賴際輝都同南洋有唔少關係。

書入面有一句：「香港在某時代上被歸類為南洋或東南亞的北緣，是南洋華人社會的其中一部分。」本地好多殖民地或中華框架嘅香港史，立足本土嘅論調都越嚟越多，但就好少視香港為南洋一部份。就地理而言，一海之隔的台灣開始整理南島民族嘅歷史，香港位處的東南沿海地區自古以來都同東南亞有唔少來往。從華人移民史而言，香港既係下南洋嘅中途站，亦都係移民終點站，所以唔知用南洋框架嚟睇香港會有啲咩新睇法。

但呢本書以中華文化為本位去睇南洋歷史，可能會局限咗華人對南洋嘅認識。始終馬來西亞同新加坡都係多民族國家，華人只係其中一個族群，咁樣好容易以偏概全。加上東南亞唔少國家都有過排華事件，可能華人喺南洋落腳嘅時候同時造成唔少矛盾，所以除咗書入面提及華人如何喺南洋發跡嘅故事，認識埋佢地同其他族群嘅交流都好重要。

日本既會唔會考慮?
被殺了三次的女孩 by 清水潔

唔係去到超級超級轟動社會但我覺得好睇同埋非常值得反思

得呀我睇睇
另外唔該哂樓主幫我pin

睇緊Steve cavanagh既小說
好撚入局 睇到成個腦都係畫面訓唔到

我暫時睇咗一半都ok，呢本係呢個系列第4本書嚟，

不過我都無睇前三本，書入面都會輕輕描述返啲人物關係，

遲吓有時間，我都會追返前三本

啱啱睇完小說stranger 冇想像中咁好睇

想知其實睇小說個enjoyment係邊度

事關鐘意睇人講哲學跟住知道Camus呢個人 之後睇左好多片講本書 但係一嚟睇完本書自己好似冇乜領悟 二嚟唔係話好enjoy睇小說個過程小弟係咪唔啱睇小說

幻愛