[書蟲］你最近睇緊咩書？10

lm

次次都見絲打po一大篇書評，感謝撐場

好快噉樣擸咗一次
想問幾樣嘢

- 本書有冇講點樣解決色情作品帶嚟嘅問題，係要禁止、限制？定係單靠社會言論去批判？單純係後者的話同status quo基本上一樣，前者的話實際操作上又應該點？

- 篇文有提到色情作品都分幾種（按照係咪暴力，有冇心理描寫 etc）；而文中列出嘅一堆負面影響，係針對某一啲色情作品，定係所有色情作品？

- // 喜歡這種色情片不單是指個人品味的價值判斷，是低俗的、變態的這麼表面，而是這種個人喜好背後所認同的思想觀念。在客觀的色情影片傳播到接收者，激發起個別接收者的性喚起，背後起作用的性心理和性觀念，才是可怕之處。//

我唔肯定 性喚起 同埋 觀看形象之間嘅關係 係咪咁直接同有理可循
睇BL嘅女性觀衆，喺現實世界可能係反同嘅（中國有唔少例子），但係呢種反同嘅心理又唔會影響佢地觀賞作品
furries社羣有相應嘅色情作品，但係佢地係咪真係會對現實世界嘅動物有性慾？恐怕亦未必

- // 「第二階段是以行為主義、實證主義方式進行研究，大量研究顯示男性測試者暴露於色情後會出現攻擊行為。」//

噉我嘅諗法係要搵返啲研究出嚟睇。
而且篇文後面有提到一啲同暴力無關嘅負面影響，好多都係文化層面、心理狀態，噉點樣確認因果關係存在與否？

- // 女性的受虐性癖也是後天塑造而成的。除了色情媒體，日常生活的文化符號，文藝中的男性凝視，語言文字本身含有的厭女思想等等，都是塑造女性成為受虐狂的材料。//
// 性慾、性癖不是僵化而固定的。一旦意識到性癖、性慾甚至性向是建構出來的，那麼就有改變的可能性，進而重塑自己的性慾。//

主要都係幾個問題，因果關係宣稱嘅真實性（係咪色情作品令到女性講『鞭我、揍我』），同埋點解要重塑
既然性癖不是僵化而固定，係咪代表本身唔係受虐狂嘅女性都可以（乃至應該）改變自己變成受虐狂？
呢度講嘅改變性癖，會唔會係一種單向嘅改變（由受虐狂變成非受虐狂）？背後係咪源於對性癖嘅污名化？
就好似強調「性傾向同性別認同都係後天塑造」嘅論述一樣，目的往往都係push homophobic/transphobic agenda
文中講到性癖自由對改善社會狀況和女性地位毫無用處，背後又係點樣理解「女性地位嘅改善」？

我估個問題核心係點解性行爲要「表達人與人之間互為主體性，以及互相對象化的辯證過程」呢？性行爲當然可以係噉啦，但係咪必須/應該只係噉呢？
呢種近乎積極自由式嘅理解，似乎會扼殺咗唔少「唔符合互爲主體性」嘅性慾表達形式，反而削弱咗第一序自由

借用 Timo Airaksinen對Thomas Nagel《Sexual Perversion》一文嘅批評 “For Sartre, flesh meets flesh and becomes one, but for Nagel this cannot happen because one always must recognize the other, which entails a certain distance. Nagel’s ideal couple never really fucks.”

同樣嘅問題亦都出現喺
// 女性觀點並非女性主義視點，她們所書寫描繪的作品如言情小說、bl、abo等女性表達，大多仍不能跳脫陽具中心主義，支配與臣服的情慾模式，複製男本位的情慾邏輯和性別刻板印象，顯露出濃厚的厭女色彩。
女人看的色情小說，男人看的色情影片的相同之處是重複男人是性主體、女人是性客體的性別敘述。//

如果女性觀點並非女性主義視點，噉女性主義視點係乜呢，同現實世界嘅女性有乜關係？女性主義視點嘅願景（起碼喺色情作品方面）如果唔係現實世界具體女性個體所肯認嘅，噉呢種願景嘅代表性同正當性有幾大？

如果同女性主義者視點相牴觸嘅女性視點，都被視爲係父權意識形態嘅洗腦，噉係咪女性主義版本嘅家長制思想——「你覺得好嘅嘢其實唔好，只有我先知有啲乜係對你好」，定還是某種no true scotsman fallacy

偏門作 sparkling cyanide
跟手睇 The adventures of Sherlock Holmes

個人最推薦顧燕翎編既《女性主義理論與流變》
梳理婦女運動的歷史脈絡，介紹女性主義各個流派的特點和影響。
特色一：多人合著。女性主義有不同流派，立場和觀點甚至是對立的。每個章節由熟悉其流派的女性主義者書寫，避免因立場不同有所偏頗和缺失，誤導讀者。
特色二：簡述各項學術思想。女性主義受到不少當時盛行的思想影響，例如馬克思主義、存在主義、後現代主義等等。本書會先簡單介紹這類思想的主要觀點，再談其對女性主義的影響。所有，睇呢本書不但可以了解女性主義，仲可以對其他哲學思想有個基本認知。
特色三：台灣出版。同樣有中儒家遺毒，台灣的性平指數是亞洲國家最高，性別意識和女性地位比起鄰近的東亞三國好得多，婦女運動發展蓬勃，女性主義的論述有一定的水準。
門檻：雖然是女性主義的入門書，但始終是學術書籍，對讀者的閱讀水平、理解能力、性別意識有一定的要求。如果有睇過一啲女性主義的介紹文化或影片，有少少基礎應該睇得明。

其他比較多人推薦既入門書：

俾零基礎、對女性主義毫無認識、缺乏性別意識既人睇：
1.Tabi Jackson Gee, Freya Rose：《女性主義有什麼用？》What Would de Beauvoir Do: How the greatest feminists would solve your everyday problems
呢本我睇大陸翻譯，用設問既形式，以女性主義既角度解答日常生活的「性別議題」，舉例多用歐美。
2.上野千鶴子、田房永子：《從零開始的女性主義》
女學者與女漫畫家、獨身者與婚女的對談，討論女性主義的核心議題，舉例多用日本。
上面兩邊真係好基礎，唔學術，形式上比較有趣味性，亦因為咁講得比較顯淺唔夠深入，立場非常溫和，適合不分性別既大眾閱讀。

西蒙·波娃《第二性》
女性主義的經典之作，最周詳、最深刻的理論性著作。往後既女性研究分工日細，好難有咁大部頭既理論著作。
一個人完成的一家之言，加上時代局限性，其論述和論據或有錯漏。因其影響深遠，之後的女性主義者的批判都繞不過其論述。
中文翻譯最好的是邱瑞鑾的版本（貓頭鷹出版社）。成本字典咁厚，想一次過深入了解女性主義，有個基本認知，就睇呢本。
《第二性》係好多人既入門書，其觀點在現今看來或不見得新穎、甚至是理所當然。因波娃的立場和經歷，放在女性主義的脈絡上，始終是偏向溫和。尤其是女性身體和生理的觀點，遭到許多後輩的批判。
有個波娃既訪談（簡體）：好簡單咁闡述自己既觀點，睇下啱唔啱自己口味，再考慮睇唔睇《第二性》。
https://book.douban.com/review/12675968/

上野千鶴子 ：《厭女》
主要圍繞日本社會的厭女現象，講述厭女的概念。本書比較近期，係雜誌稿收錄而成，唔係嚴謹既學術著作。
我都推薦《厭女》做入門書，內容顯淺易明，入門講既問題和列舉事例都好切身，作者觀點都好有啟發性。不過，我對作者某些觀點有保留，覺得始終受到日本文化和社會風氣影響太深，跳脫唔到既定框架。
東亞三個厭女大國中，日本的厭女程度最高。中韓既性別壓迫是非常嚴峻，反抗既意識都好激烈，唯獨日本既女權簡直是一池死水，簡直係凝固既水泥。上野千鶴子是屬於溫和派，日本社會都容納唔到，指其激進

Kate Manne：《厭女的資格》
西方哲學學者重新定義厭女的概念，寫咗《Down Girl: The Logic of Misogyny》學術書籍，但太多人話睇唔明，好抽象。
所有佢寫咗《厭女的資格》呢本書，從好多事例中延伸厭女的論述，可視為《Down Girl》既大眾簡易版。
我對美國既社會狀況了解不多，睇到啲匪夷所思既事都會係美國發生。其中，入面就有提到心跳法案，現在已經發展到美國部分州失去的墮胎權，實在很感概。

Allan G. Johnson：《性別打結》
睇得多性別研究既書，會好留意著者既sex and gender。生理男性有其無法突破既性別限制，所以觀點都不會很基進，抗拒最激進既主張。呢本書就少有提及性別分離主義、政治女同、女性情慾的論述。
之前我寫過書評，copy如下：
呢本書係台灣大學性別研究常用既教科書。
作者係中層階級白人異性戀男性，一出生就享有眾多特權。佢性格敏感、愛好文學，同男子氣概的形象不太相符。
身處女權運動蓬勃發展的時代，受到女性主義的啟蒙，老婆又係女性主義者，深諳身為既得利益者既男性對於女性主義的抗拒。
所以用咗唔少筆墨去紓解男性面對女性主義的不安、焦慮、排斥，回答一般冇性別意識既男性一見到女性主義會跳掣既問題。
佢會用個人經歷、身處既社會環境、文化創作等等嚟舉例解釋父權制度點樣運作，內裡既機制點樣維持咁矛盾既制度。
呢本係是男性、女性皆可讀既介紹父權制度既書籍，顧慮到男性既處境和地位，亦因此立場偏向溫和，注重兩性既平等溝通。所有適合作為一般讀者想要認識父權制度和女性主義既入門讀物。

何春蕤：《豪爽女人》
作者寫於1994年，以淺白易懂的文字，從台灣傳統華人社會的婚戀觀念和性別角色的社會期望，分析父權制度下兩性情慾不平等的規範，包括：一夫一妻制婚姻而衍生的男賺女賠邏輯、男主動女被動的情慾模式、雙重標準的性道德、兩性身體開放程度的差異等等。
在男性統治的性秩序，女性的身體受到更多的規訓和監管，承受過多的性壓抑。所以，作者鼓吹女性自主的性解放，打破性羞恥、性壓抑，衝破父權的文化和道德邏輯，發展以女性本位的情慾文化和性活動。
此書出版至今差不多三十年，裡面顛覆而創新的論述仍然很有啟發性，給當時的我很大的震撼和驚訝：震撼於推倒婚姻制度和傳統性愛觀念的激進立場，驚訝於作者對兩性經驗和色情文本的分析跟我從日常生活經驗觀察所得觀點頗為吻合。
現在重看，書中許多觀點對我而言已不再陌生，甚至視之為理所當然。不過，我對作者的觀點持一貫的保留態度，不認同她的部分主張，但書中分析父權社會的性別政治很有參考價值，所以也是值得一看。

其他：
了解女性主義最好係睇英文文獻。
不過，我既英文水平係I go to school by bus既級別，加上想堅持中文寫作，改善中文語言既性別歧視，所有較常睇中文資料。
我初初接觸女性主義主要睇呢兩個網站：
https://womany.net/genderpower
我早期成日睇呢個網站，佢哋既立場真係溫和，文章涵蓋生活各個層面，但唔會有咩好顛覆性既觀點。

https://radfemtw.wordpress.com/
立場鮮明、不容妥協、態度基進既女性主義網站，關注女性的性、身體、生育的議題，反色情反賣淫反bdsm。
最初接觸會唔會接受到佢哋既基進觀點，不符合理性、中立、客觀既準則。依家睇返，網站風格和文章作者既口吻，真的很有基進女性主義者的特色

我應該唔會再係呢方面留言架啦
有問題問下先留
crime and punishment真係幾精彩
尼采明顯半copy咗crime定義superior人有冇犯法呢個觀點放咗入thus spoke
其餘神學就有少少跟st augustine
作為一個坐監五年, 五年來手扣腳扣永遠跟身, 只可以睇新約來講
佢真係讀極多書, 係獄中無書咁諗野豐富過大部份現代人極多

尼采有睇過Dostoyevsky，呢點可以喺佢嘅藏書筆記入面得知

Thomas H Brobjer_ Nietzsche's philosophical context _ an intellectual biography-University of Illinois p182

// Nietzsche discovered Dostoyevsky in 1887 and read him intensively that year and in 1888.//

係啦佢極迷
跟手kafka都叫自己做dostoevsky blood brother
dostoevsky本crime真係開咗個新genre

臣服實驗

我都趁依段時間買左啲書
不過係去左幾間樓上書店，就當行左書展
唔想on99 俾入場費而且又要同人地逼餐懵

都值得一睇，尤其係個啲回憶中嘅過去同依家嘅對比寫得幾好，不過學上面位巴打講個主角係故事就完之前都成個黎生咁

非常感謝好詳細好多唔同類型啊有好多本我都有興趣
依個comment我會記底for自己or推薦其他人用

我冇諗過會有人認真睇曬，多謝你既仔細閱讀
我好感謝網絡上一直有女性主義者發聲，幫到我好多，所以想做返啲嘢，希望對類似以前既我呢啲迷途羔羊既人有幫助
好奇一問，點解你最近會對女性主義有興趣？係乜嘢契機/事情令你咁想了解女性主義？

在我看來，香港既性別意識低落，社會表明開放、內在保守，香港人對於性仍然很保守。
香港跟台灣一樣是個自由派女性主義運行得不錯的地方，雖然香港看起來很西化（西方太大，有的也很保守），但在性別意識上仍然很低落，在性別角色、性別表現、性愛觀念等等都接近父權社會期望的框架，不過近年有點好轉。
香港女性在性、愛情、婚姻觀念仍然比較傳統（男高女低，男主動女被動，性愛合一，結婚是生子是人生目標，孩子冠父姓等等）。
社會容許女性的性自由就只有結婚前的序列式一對一關係（一次與一個伴侶在一起，分手後再尋找新對象）。這種關係十分有限而且有時間限制，只容許女性在一生中某個階段實施，之後就要修心養性，要成為母親了（父權社會頒予女性最大的獎賞，女性要成為母親才是完整的女人）。
女性仍然遵循著尋找男性作為結婚對象、有親密關係才可發生性行為、跟一個男性組織家庭、結婚生子。當中如果女性未婚生育、隨意性行為、開放式關係、多重關係、同性戀等等背離傳統角色的作為，都不會得到好名聲，甚至帶來嚴厲的社會制裁。
一般香港人對於女權都沒什麼認識，再不然就是污名化，對此抱有敵意，只能容許男女平等的自由派女權。談論女權最多的地方是大學內部，其他空間好少有談論到更深入的議題。所以很好奇點解你會對女權感到興趣。

反而覺得notes from underground係始祖
crime主題特別 不過敘事上都好傳統
而kafka好多monologue stories明顯受notes影響

想知多少少你關於女權嘅尺度嘅睇法？或者係你心中真正想達到嘅係咩？
從生物學角度黎講，男女一定唔會平等。
照我理解，我覺得呢個尺度應該係浮動，問題係你想男女嘅比例趨向去到邊個比例。

推理小說算唔算 orz
個書蟲索引 有一part係mark 低咗過往推薦過嘅推理小說

有冇人鍾意睇啲中國古代小說紅樓夢 老殘遊記 世說新語嗰啲

其實我覺得好多現時男女不平等嘅地方同生物學關係唔係咁直接
更加多係社會賦予兩性嘅印象同責任 例如男性係陽剛女性係陰柔
以男性為例子 生物學角度上接近 但陽剛男性比陰柔男性更為推崇 (alpha male>>> beta/omega male)
而且女權並唔係將兩性放係對立面 淨係着重女性權益 父權社會下兩性都受壓迫
好難話最理想狀態係點 我諗就算係大師都各説紛紜
但現時個體可以唔因性別定型而受限制或壓迫仲有好長嘅路要走

Crime我覺得係psychological novel的始祖
至於你講notes from underground可能叫手法行得新
但內容佢自己都有reference返Rousseau本Confessions
手法上未真係始祖的, Goethe本維特同浮士德係歐洲有風潮先, 雖然唔係全monologue story, 但都有unreliable narrator個種

Hamlet
雖然係play

係, play
莎啲野全部都係play
好似係faust先叫book
但明明faust都係Play來

係Amazon 買左Complete Collection of Shakespeare

完全唔想睇住

見到thou已經唔想….
我主要方法係audiobook多
Faust已經聽唔明勁多
可能睇下theatre再睇書會好好多