牽龜頭動全身
2022-07-30 01:46:13
(由呢度開始係阿jake外傳, 希望咁樣可以止到大家癮得嚟,樓主返嚟可以繼續自己嘅故事!)
望住緩緩揮動大鎚嘅雙手,伴隨著大大隻暗紅色嘅defeat字樣,只有果一抹紅留咗係我嘅視網膜,久久不去。
係血嘅顏色,係果日家姐留低係屋企嘅顏色。
蔚睛有幾分似我家姐。
粗魯奔放得嚟,有一份含蓄嘅溫柔。
自細,我屋企係雙職家庭。爸爸媽媽畀到我哋嘅時間相當有限,所以要講我係由家姐湊大都不為過 。我愛爸爸媽媽,但我更愛姐姐。
係我十七歲果陣,我係一隻典型波牛。日日打波打到食飯時間先返屋企。一嚟係因為我好中意打波,但最大嘅原因,係我唔洗諗家姐幾時返嚟。
家姐大我2歲,啱啱入咗year one。係o camp識咗個男仔。當初我都無咩為意,一個外人可以有幾重要?佢又後生,份人又貪玩貪新鮮,點會識第一個就拍拖?
點知過咗無幾耐,佢哋就係埋咗一齊。
條仔叫Jeffery, 同家姐同齡,讀physics,日日頂住個毒撚油頭,頹T,老牛。
我望到佢都唔開胃。