【少甜】我係一隻以為自己值得幸福嘅臭雞

有未 想睇 可唔可以每次出長d

返工嗰度好撚忙
今晚出住啲比大家睇先

等樓主今晚

等~~~

睇左咁耐
真係得死可以解決問題

可唔可以加少少彿經道理入去
好似無間道片頭出句...
《涅槃經》第十九卷：八大地獄之最，稱為無間地獄，為無間斷遭受大苦之意。故有此名。

走啦 離開一個認識你嘅地方
延遲畢業一年好過
太過多傷心 都幾難消化
特別係 其實都係想有人愛自己
點解要愛得咁卑微 我算得係啲咩

劃落去啦，冇任何事比起解脫來得重要。

刀鋒由左至右狠狠地劃過手腕，竟然冇想像中咁痛。

唔知係我反應遲鈍咗，定本身啲血就係冇咁快流出嚟，過咗五至十秒我先見到一粒粒鮮紅色嘅液體好似水珠咁掛咗喺傷口上面。

痛楚開始加劇，但仍然可以接受。

可能係我個人已經壞撚到一個地步，對肉體上嘅痛唔再有反應。

都可能係我已經開始意識模糊。

因為剛才仲係水珠般嘅鮮血，喺一瞬間已經化成涓涓細流由手腕滴落地下，形成一攤血漬。

我將視線由地上嘅血水轉移到頭上嘅天花板。

好平靜。

原來我間房嘅天花板有三條細小嘅裂痕。

定係五條？好似又變咗九條？

點解越數會越多嘅？唔係一路keep住裂緊呀嘛……

我想留個全屍，拜托你唔好冧落嚟住。

房門外響起咗幾下如雷貫耳嘅碰撞聲。

未來得及反應，我聽到一把男聲叫我個名，一路拍門一路叫。

「開門呀姚蔚晴，開門呀」阿軒？你係阿軒？

由得我啦，我唔需要被救贖亦都冇人可以救贖到我，就算嗰個係你，就算係咁愛我嘅你都好，你都冇可能可以將我喺深淵入面拉返出嚟。

佢唔會聽到呢番說話，但我衷心希望佢離開。

永遠地離開我呢攤禍水。

眼前嘅畫面好似越嚟越黯淡，the time has come right?

終於可以安安樂樂，平靜地從呢個世界抽身。

Jake，希望你唔好再令到任何人經歷我走過嘅呢段日子，縱使遍體鱗傷，我到呢刻依然愛你，依然想你日後得到幸福。以後應該唔會再有人好似我咁，帶咁多負能量比你，對唔住呀令到你要為我嘅悲傷而煩惱。唔好再令人傷心啦，好冇？

爸媽，我地好耐冇見過啦，放心啦下一次見面我已經再駁唔到你地嘴。我仲係忘記唔到你地得知我有病嗰刻嘅表情，可能到而家你地都仲係覺得有病係我嘅錯。對唔住我好自私，明明你地只有我一個囡，原諒我冇能力盡做囡嘅責任照顧你地終老。

Heidi，唔好意思呀搞到我地間房變兇宅，返到嚟見到咁多血一定會嚇親你。傷心一陣好啦，多謝你陪住我走過咁多荒誕。希望你知道我真係從來冇因為嗰件事嬲過你，你要同男朋友繼續開心落去。我冇得幸福，你要幸福埋我嗰份。

軒，多謝你全心愛過我，對唔住我比唔到你要嘅嘢你，對唔住我令到你咁擔心咁傷心。你要快啲忘記我，最好唔好再記起我，然後搵個同樣咁愛你嘅人好好地行落去。

唔好再撞門啦，就算我想開門比你都做唔到。

比我安靜地走，好冇？

佢唔打算停，keep住不停想撞開度門。

我諗起上次喺酒店，佢又係咁喺外面不停拍門不停叫我。

希望hall嘅房門夠硬淨，但我唔應該對大學嘅建築太有信心。

撞擊聲持咗一段短時間度門就頂唔住。

阿軒衝咗去我所在嘅床邊停低咗。

我唔知佢係比地下嗰一大攤血嚇親，定係比我個傷口嚇親，又或者係冇預計過我會選擇用呢個方式同佢再次道別。

佢好快就喺我衣櫃度拎咗條毛巾包實我隻手止血，同時拎咗電話出嚟。

求下你唔好call白車。

我好想叫佢走，我唔想比人救。

但我一粒聲都出唔到，眼前嘅一切越嚟越黑，好攰好攰。

「喂，呢度有人𠝹手流咗好多血，呢度係⋯」佢把聲逐漸變弱？

嗯，睇嚟我要瞓一教先。

唔好意思咁遲先出文啱啱先忙完

晴晴

諗起另一個朋友又係咁樣自殺 …好好彩冇事 … 而佢都知唔值得但果陣既佢真係好愛個男仔…

阿軒

同阿軒一齊happy ending 咪算.
有個愛你既人唔珍惜都無乜好講

好想呀晴得到救贖
我相信呀軒係一個願意陪伴呀晴走落去既人

冇人想自己有情緒問題
每個有情緒問題既人
口係想講放棄
因為自己都覺得自己好麻煩
但其實內心深處好想有人救到自己

平時連登仔唔係話抵死啦臭雞咁污糟俾咁多人吊，而加又個個留言覺得佢慘唔係女主自己攞嚟㗎咩

啊晴零自我價值建議學識點愛自己先，幸福唔係搵個人係身邊咁簡單

live左

但我唔應該對大學嘅建築太有信心<<< 已笑thx

kids, down the road not across the street

我又嚟懺悔
忙撚到嘔冇時間寫文
今個weekend一定有文出唔會棄！！！

加油啊樓豬
等你