【少甜】我係一隻以為自己值得幸福嘅臭雞

樓豬加油

好似睇緊自己嘅故仔咁

樓豬

樓主加油

睇到好想喊
好想同女主角講狗改不了吃屎
佢喊哂口講對唔住講唔會再做但最後都係會
然後你知道左個傷害係仲重仲嚴重以後唔識信人

Sorry今日有啲事
聽日先出到文
對唔住大家

樓主呢

召喚樓主

樓主我地等緊故

當日佢講咗好多句對唔住，講咗好多次愛嘅係我。

我唔想再深究佢其實愛邊個。

揀得原諒佢，我決定咗要繼續同佢行埋落去，如果仲要日日諗呢樣諗嗰樣，日子恐怕太難捱。

我好需要放鬆，或者搵啲嘢做去分散下注意力。

而且我暫時仲未知要點長時間面對Jake，想出去抖下氣。

但一定唔可以搵阿軒。

Heidi又去咗旅行唔喺香港，淨係可以搵詠頤陪我。

佢好爽快就應承咗，一放工就帶我去行街食飯再直落飲嘢。

『係呢，上次同我地呻完之後你男朋友仲有冇再偷食』食飯嗰陣我問佢。

「好心你顧掂自己先再關心人啦」佢打咗我個頭一下。

我成日都話就算自己得唔到幸福，見到身邊嘅人幸福我都好開心，見到佢地受傷我比起佢地更加唔開心。

對住Jake都一樣。

為咗滿足佢嘅慾望同要求，我可以唔理自己意願去做啲我唔中意做嘅嘢。

太唔自私，究竟係優點定缺點？

企喺道德高地嗰啲撚樣一定話係優點。

但事實係呢個現實社會有幾多人會同你講道德？有幾多人會交個心出嚟同你建立關係？

無私，蝕底嘅都係你。

食完飯未飲得落嘢，佢就陪我周圍行街睇衫。

結果我咩都冇買，佢就買到fing咗一半人工，明明早幾日先出糧。

「開心呀嘛」佢成日都係咁講，又唔見佢會為咗開心啲而同Jayden分手，可能同我一樣覺得失去比起容忍更傷心。

鬼唔知開心就好咩。

但都有人話唔開心都選擇繼續愛一個人，先至係真正嘅愛。

行到啲舖頭準備閂門，我地就起行去酒吧。

坐低冇耐就見到Jayden打比佢。

「如果佢都嚟你o唔ok？」個電話講到一半佢問我。

都係嗰句，我志在有人陪下我散心，多個人嚟到熱鬧啲都好。

『ok呀我冇所謂』

過咗十分鐘都冇Jayden就嚟到，應該頭先都係喺附近。

佢唔靚仔亦都唔係特別高，叫做識襯下衫同性格唔毒，咁嘅貨色都溝到詠頤好心佢就定性啲啦。

不過詠頤自己都未出聲，我呢個外人都唔敢第一次見面就屌鳩佢。

開頭未熟絡都有些少尷尬。

但大家差唔多年紀，又有酒飲有煙食，好快就傾到計。

望住佢同詠頤啲交流咁sweet，好難將佢同仆街呢個term擺埋一齊。

人真係冇樣睇。

酒過三巡玩到興起，我地三個都笑得好大聲。

老細望咗我地張枱一眼，嚇到我地即刻收細音量驚比人屌。

點知佢行埋嚟，話未見過有客帶住咁多煙覺得好壯觀所以過嚟搭嗲。

都係嘅，我地三個都食煙，咁啱每人都帶咗幾隻煙喺身攤哂喺張枱度仲嫌唔夠要叫埋shisha，係幾痴線。

見同我地啱傾，老細都坐咗落嚟玩埋一份。

教咗我地幾個人少都玩到嘅酒game，仲免費開咗枝白酒比我地。

好耐都冇試過飲得咁爽咁開心。

係衰在佢地兩公婆扯貓尾係咁做我，搞到我係咁輸係咁罰飲。

個老細又睇我仆街睇得開心，做埋一份。

飲咗三、四個鐘我已經湯咗兩轉，wing到玩緊咩都唔知繼續係撚咁輸，希望詠頤會識做叫Jake嚟接我。

得我自己一個返去，比人執屍都唔知咩事。

容許我講多次對唔住
呢幾日真係好多事又遲咗出文

唔緊要 講聲就可以
幾耐都等

樓豬撐住

信你今次唔爛尾
點都一直留係到等

唔緊要呀樓主！

等幾耐都等樓主撐住

留名睇文

再有意識已經係第二朝。

琴晚真係醉到連最後有意識係幾時都唔記得。

啲記憶都好凌亂，個頭痛到就嚟裂開咁。

記得湯第三轉之前都飲咗至少兩pint啤酒一枝白酒同唔知幾多shot，唔痛就有鬼。

我好努力咁撐開對眼想去屙尿。

但一擘大眼，眼前嘅天花板有對唔對路。

我唔喺Jake間房，都唔喺佢屋企，應該都唔係詠頤屋企。

想再環顧下四周睇下自己喺邊，先見到我隔離瞓咗個男人。

係Jayden。

唔洗好似啲濕鳩電視劇咁揭開張被望，我都知自己而家係全裸。

一陣噁心嘅感覺湧上嚟，我衝咗入廁所嘔，好努力想回想返琴晚究竟發生咩事。

「不如等間你同我男朋友去開房」

『下？你傻咗呀？』

「講真㗎，嗰日睇完你張相佢就成日講起你」

「佢想食你好耐㗎啦」

『我唔想你唔開心，都唔想自己偷食』

「我ok㗎喎，都唔係第一次啦」

「但你唔想就算啦」

淨係記得呢啲。

好似係我又湯，詠頤陪我去嘔嗰陣喺廁所嘅對話。

好想再諗返多啲，想知點解我明明拒絕咗都仲會出發喺呢度，但唔得，個頭好痛好想嘔。

「佢醉到咁咩都唔記得㗎」

「喂你地個fd掂唔掂呀，佢咁唔飲得你地仲係咁隊佢？」

「你唔怪得我㗎喎，佢又大波過你又索過你，我係男人想屌佢都好正常姐」

「醒返嗰陣你都得逞食到佢啦，你想咗咁耐」

「記得你應承我啲咩」詠頤好似喊過？

「一間房，大床呀唔該」

「咁⋯⋯我走啦，你聽朝瞓醒就搵我啦」

腦入面啲對話仲係好零碎，重組唔到琴晚個情景出嚟。

可以肯定嘅係琴晚唔會咩事都冇發生。

我攬住個廁所嘔下停下，好辛苦。

「冇嘢呀嘛你？」Jayden把聲喺我側邊傳嚟，嚇到我跌低坐咗喺地下。

唔係佢突然間出現嚇親我，而係見到呢個執咗我屍嘅人我覺得好驚。

執屍？定應該話係老強？

我撞開佢，衝咗出去攞張被包住自己。

『點解我會喺度』呢一刻我都唔知係驚緊定嬲緊，其實我應該快啲著返衫走人然後報警，但我好想知琴晚發生咩事。

「你真係咩都唔記得㗎喎」佢笑笑口咁講。

佢行埋床邊坐低，我即刻褪後咗幾步。

「你記得幾多先」

『乜都唔記得，你快啲講』

成件事對佢嚟講好似日常咁，佢仲可以咁冷靜全裸鳩fing fing玩住電話咁同我講嘢。

望住佢我真係好撚想嘔。

「詠頤知我想⋯⋯深入啲了解下你，琴晚佢應該有問你但你拒絕咗」

『我就係想知點解我拒絕咗都仲會同你⋯⋯』

「Come on扑個嘢姐你都成日去玩㗎啦，見你醉成咁又咁唔開心，咪同你開心下囉」

『開乜撚嘢心呀，而家係你夾硬執咗我呀』

好委屈好想喊，但我知佢見到我喊只會再侮辱多我幾句。

「又唔好諗到係強姦咁嚴重，如果唔係詠頤幫手灌醉你，我都帶唔到你走啦，你要搵人找悔氣搵佢好啦唔好搵我」

我伸手去攞電話想報警。

係邊個令到我比佢搞都好，報警佢都係攬炒。

「做咩？想報警定搵你個變態男朋友呀？」佢施施然起身著衫「即管試下都得嘅，不過琴晚見做得咁爽忍唔住影咗啲相拍咗條片留個念」

Jayden拎起電話比我睇，相簿入面全部都係琴晚我同佢喺張床度嘅相。

全部都有我個樣。

我終於知點解佢一啲都唔緊張。

報警會攬炒嗰個係我。

「有咩你去搵詠頤問啦，我就走先啦」

我冇追出去，就算追到都冇用。

佢發起癲上嚟擺哂啲相上網我呢一世就玩完。

冷靜落嚟，我著返衫離開咗酒店搭車返Jake屋企。

個頭仲係好痛。

頭先Jayden嗰番說話好明顯講緊詠頤都有份，我一直都以為我地係朋友，點解佢要跣我？

我打咗比佢幾次，都係直飛留言。

我：點解你要咁做

佢好快就online輸入中。

詠頤：淨係咁樣我先可以留住佢

我：咁就可以犧牲我？我一路都當你係好朋友

詠頤：你要嬲我憎我都唔緊要我理解 但我冇做錯 同你為咗自己男朋友做咁多嘢其實係一樣

我仲打緊字想再問清楚，佢已經block咗我。

之後成程車我係咁打電話都搵唔到佢。

IG、Telegram、Facebook，所有嘢都比佢block哂。

原來人真係可以好恐怖。

佢係少數我喺大學入面交到心嘅人。

呢幾年嚟我同佢經歷咗咁多嘢，一齊玩一齊傾心事，到頭來出賣我嘅人都係佢。

枉我一直都咁信佢。

咩叫同我一樣係為咗留住男朋友先至會咁做？

我犧牲自己，佢犧牲我，所以係一樣？

呢個乜撚嘢邏輯，乜撚嘢世界嚟。

呢一part寫得好鳩覺得好撚對你地唔住
日日等我出文但我就比啲垃圾貨