【少甜】我係一隻以為自己值得幸福嘅臭雞

815 回覆
191 Like 34 Dislike
2022-05-04 09:23:22
2022-05-04 22:07:00
由上一個故追到Live
F5啊
2022-05-04 22:41:51
F5
2022-05-04 23:13:42
雖然好攰,但完事之後Jake都攬住我陪我傾計,冇即刻瞓。

對上一次同佢講到咁多嘢係起碼一個月前嘅事,具體講咗啲咩我已經唔係好記得,淨係記得自己好耐都冇咁開心過。

雖然唔肯定佢係咪開心都同樣咁開心,但至少佢對我嘅態度變好咗。

『我愛你』瞓著之前我同佢講。

佢輕輕喺我額頭度留低咗一個吻,攬住我一齊入睡。

第二朝佢電話啲msg聲連響幾下嘈醒咗我。

一起身擘大眼可以見到自己愛嘅人,應該係每日最幸福嘅一瞬間。

我就咁靜靜地望住佢,唔知過咗幾耐佢都醒咗。

「做咩望到我實一實」好似嚇親佢。

『好耐冇睇過你瞓教個樣』

「咁都好睇㗎咩」佢笑咗一笑,仲係同我第一次見佢嗰陣一樣咁陽光,令我想一直睇落去。

攞起電話先知原來今日星期日,唔怪之得佢冇較鬧鐘。

「一陣去行下街咯」

正當我諗緊成日流流長有咩可以一齊做,佢就提出咗呢個建議。

咁耐冇同佢出街拍拖,我即刻lur飯應。

就算冇嘢做淨係周圍行下街睇下嘢,只要同佢一齊我就已經好開心。

梳洗完,我地落樓諗住食啲嘢再出旺角嗰邊。

「去睇戲好冇」等緊位嗰陣佢問我。

香港嘅weekend真係邊度都咁多人,落樓食個飯都要排隊。

『好呀』

我挨住佢撳緊電話,呢兩日阿軒都有text我,但我唔敢撳入去睇佢同我講咩,佢講咩都好我都會唔識覆。

「你睇下想睇邊齣,我買埋飛」

我上網睇有啲咩戲上緊,見到有套迪士尼真人電影想睇好耐(唔是花木蘭),就開咗個trailer嚟睇。

不過我知Jake唔中意睇呢類型,都係遲啲上網睇算。

睇完條trailer,我繼續碌下睇下有咩戲會啱佢睇。

「買咗啦」

『下?我仲未揀喎』黑人問號?

「你想睇頭先嗰套呀嘛」佢好不經意咁講。
2022-05-04 23:14:23
Jake份人好嘅位就係咁,對你好關心你唔會講出口,係就係好難捉摸,但到某啲位就會發現佢冇表面上咁大男人。

好似係。

我好開心咁繼續痴住佢,去到有位嗰時先捨得分開。

食完飯出城去睇戲,所有嘢都好幸福美好。

成程戲佢都拖住我睇,係去到中後段佢老細打嚟,佢要出去講電話留低我一個人睇最浪漫嗰part。

之後佢仲陪我買衫睇嘢行到傍晚。

「之前食過間糖水幾好食,呢個鐘數應該開咗門啦」

佢帶住我過咗去深水埗食芋圓,順便一齊去睇電腦嘢同game。

喺黃金行緊,我見到之前比佢啪斷咗隻碟嗰個game出咗新一年嘅version,但如果我當住佢面買比佢佢一定唔會比。

所以我地去緊等車嗰陣,我呃佢話要去西九去廁所。

然後9秒9衝去黃金喺最出嗰間舖買咗隻game,再跑返返去。

如無意外我應該無做咗水魚食咗炒價。

不過望住佢見到隻game嗰時個開心樣,就算買貴咗仲比佢屌我十小蠢都抵。

「你有冇紙巾」

應該係空氣差,佢啲鼻敏感又發作。

比咗紙巾佢呻完個鼻一輪,佢突然間捉實我隻手將舊雲吞塞落我手掌度,我反應到嗰陣佢已經笑到傻咗。

真係好無聊,但就算係比佢整蠱都覺得好開心。

可以好似今日咁好好地同佢過,其實稱得上係得來不易。

所以我當每一次都係最後一次享受同佢嘅相處嘅機會,好珍惜呢啲時光。

估唔到嘅係,我把烏鴉口又全中。

而家回想返都覺得好撚可笑。

明明係每對情侶嘅普通日常拍拖,由佢做出嚟好似係對我嘅恩賜咁。
2022-05-04 23:15:05
Sorly最近好忙啲文出得比較短
2022-05-04 23:19:39
Push 樓主做嘢加油呀
2022-05-04 23:22:01
樓主加油唔好爛尾
2022-05-05 02:04:18
Push
2022-05-05 04:04:46
睇到覺得好心up
2022-05-05 09:03:21
新讀者留名
2022-05-05 09:43:41
2022-05-05 11:08:25
睇完個故 真係remind左我 愛情好複雜好醜陋
真係唔好沉船 如果唔係只會遍體鱗傷
2022-05-05 11:13:37
老實講,覺得鍾意ntr 唔係問題
性癖呢家野,講到尾同食野口味一樣,咸魚青菜各有所愛姐

Jake 嘅問題係佢好撚toxic
冇尊重對方嘅感受,甚至否定對方嘅情緒

配合對方嘅性癖唔係唔得
但Ntr 又好BDSM 又好各式各樣嘅fetish 又好,全部都係令 *兩個人* 開心嘅野,絕對唔應該成為其中一方愛嚟乞求對方嘅愛嘅手段

2022-05-05 13:35:28
樓主加油
最尾嗰度我完全明
2022-05-05 13:57:57
正評
2022-05-05 17:56:10
樓主你現在幸福嘛
2022-05-06 00:10:19
樓主再唔出文 jake 哥拉大隊架啦
2022-05-06 00:46:51
相安無事,過咗接近一個月。

冇奇怪嘅要求、冇置之不理嘅冷漠、都冇突如其來嘅發脾氣。

稱唔上好sweet,但平淡得嚟好舒服。

因為有佢喺我身邊。

幸福到好似之前咁多事完全冇發生過咁。

我都學識咗唔好逼得佢咁緊,佢想去邊都由得佢,不過諗諗下其實我以前都冇阻過佢做自己嘢。

可能係見我對佢放任咗,佢都多咗約朋友出去玩。

唔同嘅係,佢冇再粒聲唔出唔見咗人。

就算玩到好夜,都會返嚟攬住我瞓。

雖然真係少咗時間陪我,但起碼佢冇嘢做嗰陣係完完全全屬於我一個人。

呢一晚佢同fd食完飯,11點就返咗嚟。

我地激戰咗兩場,做完就一齊一教瞓天光。

最近佢電話啲msg朝朝都嘈醒我,醒咗又瞓唔返,個人日日都好攰,好羨慕佢幾嘈都瞓到成隻豬咁。

第二朝都唔例外,又8點幾比啲叮叮聲嘈醒。

有啲急急地,去揸個水再返上床試下瞓唔瞓得返。

「叮」一行入房又響。

平時就算見佢電話個mon著住我都唔會特登走去望係咩嚟。

因為手多而出事我試過太多次。

但今次咁啱我入到房,咁啱準備爬返上床,咁啱張枱就痴住床邊,要爬上床瞓返入面個位就一定要撳一撳張枱借力。

就係咁多咁啱,我又睇到唔應該睇嘅嘢。

有個叫Jessica嘅contact wtsapp佢:我都冇話想要😌😚

Jake問佢想要啲咩?

扑嘢嗰啲想要?定係一樣實體嘅嘢想要?

仲要用埋啲咁曖昧嘅emoji。

我忍唔住拎起咗佢個電話,如果密碼冇改到,應該會係我生日。

開咗。
2022-05-06 00:47:41
Chatroom入面除咗嗰句嘢就咩都冇。

姐係Jake del哂。

如果唔係啲咩唔見得光嘅嘢點解要del?有咩唔比得人睇唔比得我知?

個頭像背哂光睇唔到樣,淨係睇到一個身材好好嘅剪影。

我好想幫Jake搵藉口,好想相信佢冇對我唔住。

諗到佢呢排成日話約咗朋友出去玩,係就係冇過夜,但有好多嘢唔洗過夜都可以做到。

係,我講過就算佢逢場作戲唔緊要,識得返嚟我身邊我都可以忍。

前提係佢只係喺出面玩玩下,擺個心喺我度。

但如果佢對呢個女人唔係玩咁簡單呢?我又接唔接受到要同人分享Jake?

我撳開咗佢IG個dm,第一個已經係呢個Jessica。

好肯定,因為個icon一模一樣。

呢度個chatroom冇del到,可能佢冇諗過我會走去睇wtsapp以外嘅嘢。

最新嘅對話係琴晚。

Jessica在他的限時動態中提及了你

一張影住一個男人上半身但冇影到樣嘅story,寫住love you❤️❤️,地點係尖沙咀一間餐廳。

琴日Jake就係同我講佢同fd去尖沙咀食飯。

件衫係佢琴日出門口著住嗰件。

加上呢大半年嚟我差唔多日日都對住佢,冇可能連自己男朋友都認錯。

再者,都tag埋佢出嚟。

佢仲覆咗個Jessica一句:love you too

一路以嚟佢都好少同我講佢愛我,text又好面對面又好,就算有都好,對上一次都係好幾個月之前嘅事。

但佢竟然同第個講愛佢。

嗰刻我好亂,好痛。

到後來我先知,呢排Jake對我嘅好其實係做咗虧心事想係咁依補償下,等佢自己內心好過啲。

睇睇下戲話要同老細傾公事出咗去講電話,其實係同第條女傾計。

話帶我去食糖水,其實係之前同第條女去食過。

佢愛嘅始終都只有自己。
2022-05-06 00:48:17
我坐咗喺地下,攬住對腳係咁喊係咁喊。

原來日日瞓喺我隔離嘅男人,轉個頭係攬住另一個。

我對佢嚟講係咩?唔理好醜但求就手?

點解我為佢做咗咁多嘢,都唔係奢望佢好似我愛佢咁愛返我,佢都仲係唔滿足要搵多個?

唔愛我咪講囉,我走讓比佢囉,點解要背住我偷食?

我喊到聲嘶力竭,嘈醒咗佢。

「做咩事呀?做咩無啦啦喊呀?」佢落床,一臉擔心同疑惑咁望住我。

見到擺咗喺側邊,停留住喺頭先個畫面嘅電話,佢發現我已經知道哂。

佢埋嚟攬住我。

我好大力推開咗佢,係我第一次推開佢。

「對唔住呀,唔係你諗咁㗎」佢想再攬我,但我連爬帶滾縮咗去牆角避佢。

你好假,愛第二個人唔係愛我,點解要咁關心我。

我喊住咁望住佢,不停搖頭。

唔想相信佢真係偷食,更加唔想再信佢講嘅嘢。

我好想大大聲鬧佢,質問佢點解要咁做,但我一個字都講唔到。

佢再一次靠近我。

我想走,但門口喺佢身後,而我後面都冇路再褪。

「我唔會再犯㗎,對唔住呀」

我抬頭望佢,佢喊緊。

我有啲驚荒失措,呢次係我第一次見到Jake喊。

佢埋嚟攬住我,我亦都冇再推開佢,緊緊咁攬住佢一齊喊。

我都係選擇咗原諒佢。

我太驚失去佢,寧願原諒佢出軌都要繼續同佢一齊,亦可能係比佢「真誠」嘅道歉同眼淚感動,唔想再見到佢喊。

又或者係我心底裡始終相信佢唔會對我唔住。

但係而家諗返起佢講嗰句唔會再犯,姐係佢曾經做錯過。
2022-05-06 00:49:43
又遲咗出文我係垃圾
見到好多師兄留咗cm,等我得閒啲再覆返你地!
連登有愛多謝大家
2022-05-06 01:00:47
牙晴真係
2022-05-06 01:18:26
好心痛…
雖然我未經歷過因為有第3者既背叛…
但試過因為冷暴力而崩潰…自殘
好撚難受
2022-05-06 01:34:59
樓豬加油
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞