有無人放唔低香港份糧？

（借ac)
冇專業資格，畢業好好彩入到大公司儲經驗，之後15年轉咗4次工跳到宜家65k，連埋老婆40k，我地收入算好好，不過我地無買樓，儲落百幾萬買樓就一鋪清。
睇見好多人走，一係就後生仔本身香港唔係高收入無乜心理壓力，一係就有專業資格去到外國都會易啲做翻本行，再唔係就超有錢過去半退休打風流工。
我地呢類人最尷尬，高不成低不就，30中先走要同班後生爭，競爭力本身都差啲，人工仲要減一大截。
我地傾過3個方案：
1.是旦一個同仔仔去外國先，另外嗰個做太空人10年先團聚。好處係at least仔仔逃離魔掌，財政又安全啲。缺點係錯過個仔嘅成長，將來同阿仔關係可能疏遠
2.唔理咁多一齊過，洗大餅超市執貨應該可以生活。好處就成家人齊整，但係變咗低下階層，驚影響仔仔將來
3.留港做港豬，阿仔第時做紅衛兵

我有諗過再讀書做個邊嘅專業人士，但唔知有咩course係for專業資格？

有無人一齊圍下爐～

比錢送佢出國啦

讀住私校，中學掟佢去boarding school，50歲先過去半退

仔仔幾大

好多人都㨂左2

真

option 2

其實唔係好專 去到外國基本上都係由低早起
所以及早行動 重新發展比較好 如果你係長期定居生活既話

況且人生唔係得錢

由低做起

4歲，一定要人睇住

50歲個時仲有無得走啊⋯⋯

如果覺得到時冇得走咁其實答案好明顯

放唔低都要放低
為錢跪 唔值

做太空人10年
到時唔好講你同阿仔關係差左, 我諗你連老婆都可能冇埋
1年都勉強可以, 我覺得2年都已經唔接受

你幾歲&揸住幾多走？我係對自己無乜信心可以去到外國有穩定生活…

咁即刻走
仲諗乜
要諗唔好走

送個仔番大灣區讀書 又紅又專先保護到自己

師兄家庭收入10皮點解saving 得一球，咁唯有建議留低搵多幾年錢
英國25年先review，分分鐘review 完繼續開落去，你而家衝動走第日會後悔，只會益左班後生，佢地一定叫你走，跟住話自己無錢走，轉頭去買樓
或者好似你講咁太空人，加拿大可以老婆帶個仔走先，但留意英國係要全家到步住滿五年先可以入籍，而且唔建議你分開10年咁耐喇，5年都頂盡
最後話留低送仔女出國既，係咪要幫個仔女計畫埋讀乜科可以入籍，點知十幾年之後移民政策點？而家個勢似啲國家越來越唔想收移民，就算十幾年前我都好多留學同學最後入唔到籍要死返香港

其實你早年無買樓差好遠
上面多你一倍個師兄分分鐘去到買兩三個單位收租有被動收入
你做唔做到先

師兄又搞乜十幾萬一個月30幾歲得幾百萬

你專業人士 唔係佢考慮範圍

兩個小朋友幾大？如果老婆要湊小朋友，得一個返工應該入不敷支，計清楚數先

其實樓主要諗多樣嘢
以我地呢個年紀無理由去到外國仲要交租，租金高一闊三大，你日日燒錢搞唔掂
你解決住既問題已經解決一半問題，唔使交租就只需要收入頂到生活開支就得
你呢筆錢你買樓搞唔搞得掂？
而家英國加拿大樓價都升得勁，如果location 差對子女成長都唔好