奧匈帝國的生前死後（長文）

自從古二世死後，華倫斯坦開始想同新教盟軍講和，一來為保存實力，二來亦為咗養寇自重。佢遣使祕密同盟軍議和，但呢啲行為並未得到皇帝嘅允許，斐二世開始認為佢有通敵嫌疑。

1633年11月，瑞典軍隊迫近奧地利邊境，皇帝要求華倫斯坦增援，但佢就一直按兵不動，此時喺皇帝眼中華倫斯坦已成叛徒。

1634年2月25日，華倫斯坦被皇上收買嘅士兵所刺殺，得到了岳飛同袁崇煥一般嘅下場。

同年9月，神羅軍聯合西班牙盟友，喺諾德林根戰役打敗瑞典軍，逼使瑞典軍撤回波羅的海沿岸，薩克森同勃蘭登堡亦都喺1635年5月同神羅議和。

神羅再次獲勝使一直喺背後支持新教聯軍嘅法國大為震驚，如果神羅統一整個德意志地區，將會對法國造成好大嘅威脅。因此法國無法再坐視不管，喺丞相黎希留帶領下，1635年法國決定直接向神羅宣戰。

但係法國出師不利，新教諸侯紛紛抱住觀望態度，並不積極響應。1636年，西班牙同神羅聯軍南北兩路夾攻法國，一度進逼至巴黎，法國連首都都差啲淪陷。

但到咗1639年，新興勢力荷蘭喺唐斯之戰中殲滅咗西班牙海軍，逆轉咗整個局面。西班牙之敗令到佢失去咗運兵支援前線嘅能力，之前抱觀望態度嘅新教諸侯都紛紛歸附法國。



1645年3月，瑞典又喺波希米亞大敗神羅馬軍隊，同年8月法軍又喺納林根挫敗神羅。帝國嘅德意志領土大部份被佔領。

但係打咗成幾十年，兩邊都已經元氣大傷。終於喺1648年10月，兩邊簽訂威斯特伐利亞和約結束戰爭。

民族主義

南斯拉夫冇完全社會主義
雖然政黨係共產黨

但係好似有試圖資本主義同社會主義之間結合

由於日耳曼地區係30年戰爭嘅主要戰場，令到佢嘅人口少咗25-40%，戰爭更造成8百萬人死亡。戰爭亦令到神羅帝國對德意志地區嘅控制越來越薄弱，戰後諸侯國自立，令神羅帝國變得名存實亡。

神羅帝國戰敗亦都令到佢被迫承認新教喺帝國內嘅合法性，新教徒同天主教徒享有平等嘅法律地位，各諸侯國可以自行訂定官方宗教，天主教、路德宗同加爾文宗同為官方允許宗教。

30年戰爭作為哈布斯堡王朝振興家業嘅努力嘗試，但最終都係失敗收場。自此哈家就只能夠控制奧地利，波希米亞呢啲家族領地。

1637年斐二世死後由兒子斐三世繼承，佢喺1648年同法國等達成和議。






帝國被迫割讓領土比法國，法國從此成為歐陸霸主，荷蘭同瑞士亦獲得完全獨立。瑞典亦得以控制波羅的海地區，亦都接受咗帝國封地成為神羅諸侯，可以插手帝國內部事務。

西班牙哈家則從此走向衰落，更加喺幾十年後因為絕後而引發咗王位爭奪戰。

1657年，斐三世病死，喺佢死後由兒子利奧波德一世繼位。

重覆講，其實係睇語境，以下都係慘：
-中國冇咗外滿州等等
-巴拉圭同盧森堡冇咗過半數國土，而德國冇咗1/3
-玻利維亞（埃塞俄比亞）冇咗海岸線
又，同樣係好戰之下，保加利亞下場又好過巴拉圭好多，輸兩次世界大戰但係竟然多咗領土

如果建立大德意志就可以翻盤
不過大德意志方案可能遭到天下圍攻
英法俄對中歐出現超級大國一定極度反感

俄佬係唔會比歐洲出現到新強權
羅馬尼亞同保加利亞嘅合併倡議就係其中一個例子，佢直頭放風如果卡一世(羅馬尼亞國王)accept保加利亞嘅王位就會打哂兩個國家
雖然本身呢兩個國家嘅文化差異令到呢件事嘅可行性唔大，但都睇得出俄佬唔希望巴爾幹出現到一個新嘅大國，破壞勢力平衡。

live左
正皮g持

咁南斯拉夫應該係冇俄佬干預嘅產物

30年戰爭結束，神羅帝國元氣大傷，喺東方嘅仇敵鄂圖曼趁此機會展開對歐陸嘅攻勢。喺1663年，雙方嘅戰爭終於爆發，奧軍喺埃爾塞庫伊瓦爾戰敗，但就喺1664年8月嘅聖哥達戰役中獲勝。最終兩國達成協議，20年內保持和平。

但到咗1683年，20年之約已過。當時鄂圖曼由蘇丹穆罕默德四世掌舵，佢派出丞相卡拉·穆斯塔法帕夏，帶領一隊由克里米亞韃靼人同鄂圖曼人組成嘅17萬大軍，直指神羅首都維也納。



自從1529年蘇萊曼大帝圍攻維也納失敗以來，鄂圖曼就視攻占維也納為帝國嘅戰略目標。只要得到維也納，帝國就能夠控制多瑙河同東地中海到德國嘅貿易路線，立下攻陷君士坦丁堡以來嘅不世功業。

當時維也納守軍只有幾千人，洛林公爵喺城外駐紮嘅軍隊亦只有三萬幾人。鄂軍一路勢如破竹，沿途攻陷咗不少要塞，皇帝利一世嚇到鼻哥窿都冇肉。佢決定以保存王室血脈為由，帶同2個兒子離開維也納，將守城嘅責任留俾妹夫洛林公爵查理五世（佢亦都係日後神羅皇帝法蘭茲一世嘅祖父）。

最底幅圖係邊套戲

支持

留個小名支持

海德爾寫的，象徵泛德意志主義之歌。

好多達官貴人都隨住皇帝利一世逃出維也納，留低可以守護維城嘅就有只身土不二嘅勇士。佢哋有平民有貴族，守城軍仲喺附近招募咗好多獵人同守林人，組織咗一隊萬5人嘅軍隊。

但係有人辭官歸故里，亦有人漏夜趕科場。基督教世界亦有好多人懷住理想主義嘅情懷，希望協助皇都抵抗異教徒嘅侵襲，其中就有日後為神羅效力嘅名將歐根親王。



當時法國同鄂圖曼係非正式盟友嘅關係，法王路易十四禁止貴族子弟協助神羅軍。但歐根不理會禁令，從巴黎秘密潛逃出法國國境，加入維也納城外嘅帝國勤王大軍。

1683年7月，接手維也納防務嘅斯塔倫貝格伯爵下令拆除維也納城牆外嘅所有建築，令到敵人得唔到屏障。

鄂軍喺7月14日殺到維也納，佢哋圍城經驗豐富，兩日之內就喺城外建起大大小小嘅帳篷同營地。大量苦力挖掘了漫長嘅戰壕，徹底斷絕城內同城外嘅聯繫。佢哋帶嚟咗150門大炮，開始日夜炮轟維也納城牆。



幸好利一世加強咗維也納嘅防禦體系，佢修築咗複雜嘅稜堡令鄂軍嘅射擊效果大打折扣，守軍仲配備有300門大炮，比鄂軍要多。而鄂圖曼嘅炮兵理念基本仲停留喺30年戰爭之前，技術水平相對於神羅已經出現落差。

鄂圖曼軍眼見炮擊對城池破壞力不足，開始使用新嘅戰術。佢哋派工兵掘地道埋地雷，希望能夠喺地下炸開缺口。

但守城軍亦都察覺到鄂軍嘅意圖，佢哋亦都派人挖掘地道起鄂圖曼嘅地雷。有幾次兩軍士兵喺因為打通地道而相遇，但因為怕喺狹窄嘅地道打鬥會冧檔一鑊熟，所以都係默默離開。

經過咗一個幾月嘅膠著，鄂軍終於喺維也納城牆炸出咗一個缺口。但守軍隨即猛烈反擊，由於忌憚守軍嘅強大火力，卡拉·穆斯塔法一直拒絕全軍進行強攻，只有暫時退兵。



到咗9月4日，守軍已經因為傷亡同缺糧而精疲力竭。維也納人好似西安啲人咁開始燒貓肉嚟食，仲好似兩腳羊咁幫佢改咗個名做屋頂上嘅兔肉。維也納城嘅陷落似乎指日可待。

而走咗佬嘅皇帝亦都有幫手打國際線，佢聯絡咗基督教世界各個國家幫手。德意志諸侯雖然同神羅有教派之爭，但係因為唇寒齒冷嘅緣故，薩克森同埋瓦爾德克嘅佐治·腓特烈親王都帶兵前來協助神羅。

而同神羅有盟約嘅波蘭喺觀望咗一輪之後，亦都由國王揚三世·索別斯基帶領3萬名波蘭同匈牙利聯軍前來助陣。

好似話日本殿堂馬魯鐸象徵(舊譯樂多富)就係取名自呢個國王

what if 一諗
如果當初奧匈成功改組成奧地利合眾國會點?

中國冇咗外滿州?

cctvb套世界零距離2有集去海參崴，個方東昇做街頭訪問，問啲途人認為海參崴應該屬於俄羅斯定中國，有個俄羅斯人就話海參崴歸屬係俄羅斯人同滿州人既問題，唔關中國人事

守軍每晚都會喺城中最高嘅聖士提反教堂塔樓放穿雲箭，希望得到援軍嘅回應，但一直都杳無音信。但到咗9月8日聖母誕嗰日，奇蹟終於出現❕喺城西嘅卡倫山，有五枝火箭劃破長空，回應守軍嘅呼喚。



勤王軍同洛林嘅查理會合，並且公推最疊馬嘅波蘭王揚三世做主帥。揚三世先下令喺卡倫山上設置火炮，再調度洛林同薩克森軍組成左翼，波蘭軍組成右翼，其餘軍隊組成中路。

9月12日早上，維也納解圍戰開始，左翼嘅神羅聯軍率先同鄂軍開戰，喺中午時份神羅軍成功奪得多個敵軍據點。鄂軍雖然遭受嚴重打擊，但依然力戰。

鄂軍恃住有兵力上嘅優勢，認為能夠以迅猛嘅攻勢擊敗對手，因此並無建立野戰工事同防騎兵路障。而且鄂軍仲繼續分兵攻擊維也納城，事後被認為係戰略上嘅錯誤。

另一方面，喺左翼同中路戰況陷入膠著狀態時，波蘭軍亦都喺右翼開始進攻。卡倫山上嘅炮兵開始轟炸鄂軍，由於有居高臨下嘅優勢，令鄂軍難以匹敵。波蘭軍更加派出佢哋嘅王牌----翼騎兵加入戰鬥，下午六時，波蘭翼騎兵聯同日耳曼騎兵，向鄂軍作出咗史上其中一次最大型嘅騎兵衝鋒。



喺揚三世帶領下，1萬8千名翼騎兵由山上衝向鄂軍。飲咗red bull嘅翼騎兵氣勢如虹，視死如歸。面對如此勇猛嘅敵人，鄂軍中嘅韃靼僱傭兵開始熬底，佢哋本嚟都係諗住搵下著數，自然冇咩戰意。喺韃靼人率先潰退下，加上缺乏防禦工事，鄂軍兵敗如山倒。

諗起魔戒

高汁

波蘭立陶宛17世界救咗奥地利
18世紀就俾奥普俄三國瓜分