奧匈帝國的生前死後（長文）

一百年唔夠由歐洲救世主成為列強口中餐

波蘭人好橙

冇話慘唔慘
後世子孫唔撚掂就預左收皮
邊個叫依家呢件咁撚屈

咁又係

終於追到 live

Winged hussars

搞到而家國歌係Poland is not yet lost

講奧匈帝國就一定要提Polandball既奧匈帝國

自己整盲自己既盲人

支持樓主更新

記得睇過話腓特烈大帝仲恥笑奧地利女王一邊喊住一邊食咗波蘭不過相對上奧屬波蘭好似係比起俄屬或普屬波蘭更加自由，更加保存波蘭文化，算係好少少囉

好撚生動正

戰敗嘅卡拉·穆斯塔法落得了悲慘嘅下場，喺貝爾格萊德俾蘇丹賜死，而鄂圖曼帝國亦從此由盛轉衰，冇辦法再侵略歐洲了。

維也納之戰後，基督教世界決定乘勝追擊，喺教宗英諾森十一世主導下，由神羅、沙俄、波蘭、西班牙組成咗第五次神聖同盟，對鄂圖曼展開咗長達16年嘅大土耳其戰爭。

1686年，布達圍城戰開始。經過咗3個月嘅時間嘅圍攻，終於收復咗呢個匈牙利王國嘅古都。



神羅喺之後嘅十幾年繼續對鄂圖曼進行反攻，喺1687年攻下大部份嘅匈牙利。基督教聯軍乘勢攻入巴爾幹半島，更加喺1691年斯蘭卡門之戰中擊斃鄂圖曼丞相。

而軍事奇才歐根親王亦都喺一連串嘅戰役中大放異彩，為帝國多次擊敗土耳其人。

1699年，皇帝利一世同鄂圖曼帝國簽訂卡洛維茨條約，正式割讓匈牙利、特蘭西瓦尼亞同克羅地亞比神羅。戰爭以神羅獲勝告終，雙方暫時停火。

然而帝國雖然喺東方擊敗咗日落西山嘅敵人，但喺西邊仍然要面對如日方中嘅強大對手，佢就係「太陽王」路易十四。

朕即國家，太陽皇路易十四登場

嗰陣去Krakow
連local tour guide 都話奧地利對波蘭文化相對容忍
所以Krakow先keep到好啲

波蘭被瓜分都係自己問題，班自私自利嘅貴族勾結外國勢力，收俄奧普錢濫用自由否決權嚟保護自己利益。最後搞到國家四分五裂，俾外國勢力操控到俾佢地食埋都唔知咩事

1700年，因為歷代亂倫而周身病痛、食橙食埋皮嘅西班牙國王卡洛斯二世病逝，死後沒有子嗣繼位。早喺佢生前已經被群臣脅迫，立下遺囑傳位甥孫安茹公爵腓力。而腓力亦都係法王路易十四個孫，憂慮法國將來會吞併西班牙，神羅決定阻撓呢次繼承，並且支持利一世次子查理繼位（即後來的皇帝查理六世）。

神法兩國開始各自吹雞，神羅拉攏咗英國、荷蘭、布蘭登堡、漢諾威同埋數個德意志諸侯國及大部份意大利城邦組成反法大同盟。而法國則同西班牙、巴伐利亞、科隆及數個德意志諸侯、薩伏伊、葡萄牙組成同盟；西班牙王位繼承戰正式展開。

喺1701到04年，法軍同神羅喺意大利、西班牙同海上不斷發生戰事。當時法國被睇高一線，因為法國兵多將廣且盟友較多，與西班牙聯合的領土和人口都超過敵方。

1702年夏天，法軍曾經一路打到去萊茵河地區，但卻幾乎被丘吉爾個祖先約翰·丘吉爾所統率嘅英荷聯軍包抄，只得撤退。

該年9月，法國同巴伐利亞盟軍再攻萊茵河，喺赫希施塔特戰役勝利後成功突破防線，進逼奧地利。但係喺1702年10月23日，法國同西班牙聯合艦隊喺維哥灣海戰中被英荷聯合艦隊殲滅。葡萄牙同薩伏伊見勢色唔對，決定改投反法陣營。形勢開始向對法國不利嘅方向發展。

不如大家忠於王室唔好攪咁多嘢

終於追到Live

呢加波斯尼亞好似又來料

塞族又想分家吖嘛

點解唔玩三元?
奧地利 匈牙利 斯拉夫

呢個唔係唯一原因既
例如Great Northern War搞到波蘭元氣大傷都係其中一個原因

保證死得仲快
一拉斯拉夫=拉埋俄佬入局
到時肯撚定未到一戰就收撚曬皮

即係英聯邦咁