奧匈帝國的生前死後（長文）

反法聯軍從海陸兩邊進攻法國，普魯士同奧地利喺比利時同萊茵河進攻，英國則支持法國各省嘅起義，並於1793年10月圍攻土倫。

法國因為對外戰爭失敗，於是喺各國徵召所有18至25歲男子入伍。法國隨即成功鎮壓國內動亂，並且喺1794年佔領咗整個比利時同萊茵蘭地區。喺南線，法軍則成功攻入西班牙嘅加泰羅尼亞和納瓦拉等地區 。

1795年，普魯士同法國簽訂和約退出聯軍，同年西班牙亦都同法國講和並成為咗法國嘅盟友。

1796年，法軍在萊茵河戰線接連受挫，被迫退過萊茵河。但北意大利戰線卻喺戰場之鬼拿破崙·波拿巴帶領下，獲得咗巨大嘅勝利。蒙特諾特之戰後，拿破崙迫使撒丁王國簽訂條約，退出戰爭。之後佢佔領咗米蘭並開始圍攻意大利另一城市曼圖亞，並多次擊敗前來解圍嘅奧軍。



1797年，拿破崙指揮法軍喺裏沃利戰役中大敗奧軍，曼圖亞陷落。法軍入侵奧地利更兵臨維也納城下，不敵嘅奧皇法二世只好遣使向拿破崙求和。

奧地利喺1797年10月18日同法國簽署《坎坡福爾米奧條約》，將比利時割比法國，第一次反法同盟戰爭即此結束。

另一方面可能係英國始終封建傳統比法國強

國本比較穩定

護國公近似伊尹❔

條蛋散撚係伊尹
強推清教徒式既生活
最後俾新皇帝掘返條咸魚乾出黎鞭屍

然而到咗1789年，歐洲列強襯住拿破崙被困喺埃及，又再次發起反法戰爭。奧地利、那不勒斯、俄國、英國同土耳其組成咗第二次反法聯盟，再次反對法國革命政權。



1799年，反法聯軍發動咗幾次入侵，包括喺意大利同瑞士嘅戰役，以及英俄對荷蘭嘅入侵。俄軍將領蘇沃洛夫喺北意大利多次擊敗法軍，把佢哋趕回阿爾卑斯山。然而，反法聯軍喺荷蘭同瑞士嘅攻勢卻遭到壓制。由於戰情不利，俄國因而退出第二次反法同盟 。



拿破崙遠征埃及期間，法軍圍困阿克失敗，被迫撤回埃及。此時觸覺敏銳嘅拿破崙感覺到法國國內有政治同軍事危機，決定返回法國。佢喺1799年11月9日發動霧月政變，取得法國軍政大權，成為猶如凱撒般嘅獨裁者。法國從此進入拿破崙時代。



之後佢再次親自揮軍，擊敗反法各國。隨住1801年奧地利同法國簽訂《呂內維爾條約》，1802年英法簽訂《亞眠和約》，第二次反法同盟宣告失敗。

哈布斯堡家族到以家都仲有後人, 做埋賽車手

https://zh.wikipedia.org/wiki/%E8%B2%BB%E8%BF%AA%E5%8D%97%C2%B7%E9%A6%AE%C2%B7%E5%93%88%E5%B8%83%E6%96%AF%E5%A0%A1

英國內戰=統治階級內戰
法國大革命=人權意識覺醒、人民推翻政府去爭取屬於自己既權利，係啟蒙運動既產物，列強怕革命思想宣揚到自己國家，所以派兵「幫」法國國王鎮壓革命 加上法國更加近歐陸中心，更方便入侵同瓜分
法國革命政權本身亦都需要有戰爭同敵人黎團結+鞏固統治

然而英法雖然停咗戰，但雙方依然存在好多矛盾同分歧。拿破崙對英國軍隊無撤離馬耳他島大感不滿，而當拿破崙派遣遠征軍重新控制海地時，緊張局勢進一步惡化。最終導致英國喺1803年5月18日撕毀亞眠和約，對法國宣戰。

喺第二次反法戰爭中損失慘重嘅奧地利起初持觀望態度，但就喺拿破崙加冕自己為意大利國王之後勃然大怒，喺1805年7月都加入埋反法同盟，第三次反法同盟形成。

奧軍喺俄國支持下入侵法國盟國巴伐利亞，拿破崙率軍應戰，喺烏爾姆又擊敗奧軍。到咗1805年12月2日，奧俄聯軍喺現今捷克爆發咗奧斯特里茲戰役，呢場戰役因為奧地利、俄國同法國皇帝都御駕親征，所以又被稱為三皇會戰。

拿破崙睇準有優勢兵力嘅聯軍(聯軍比法軍多萬幾人)必會主動進攻，為咗引對手上當，佢行咗一步險棋，就係主動放棄位於戰場中央嘅戰略要地普拉欽高地，將自己嘅右翼徹底暴露喺聯軍面前。

聯軍諸將被拿破崙嘅誘敵之計所迷惑，結果中伏大敗，奧俄兩國皇帝狼狽而逃。之後拿破崙攻入哈布斯堡領地摩拉維亞，更將奧軍趕出意大利，並喺普魯士境內擊敗俄軍。

奧軍因為不敵法軍，首都維也納更被法軍三次攻陷，奧地利軍被全殲。奧皇法二世被迫向法國求和，雙方簽訂普雷斯堡和約，奧地利被迫割地又賠償。拿破崙又乘機通過簽署萊茵邦聯條約，將南德、中德、西德等16個諸侯國組成“萊茵聯邦”，成為法國嘅附庸。



拿破崙更加脅迫法二世解散神聖羅馬帝國。喺形勢比人強之下，法二世喺1806年8月6日被迫取消自己“神聖羅馬帝國皇帝”封號，僅保留奧地利帝號。八百多年嘅神羅帝國自此徹底宣告終結。

法二世又被迫以和親方式，將個囡瑪麗·路易莎嫁俾拿破崙。從此哈布斯堡王朝勢力大幅度衰落，再無法恢復對全歐洲嘅影響力。




萊茵邦聯嘅成立使到德意志地區另一強國普魯士感到備受威脅，於是佢喺1806年10月成立第4次反法聯盟，拉攏俄英等各國再次夾擊法國。

然而普軍都係不敵風頭正盛嘅拿破崙，法軍喺耶拿-奧爾施泰特會戰中擊敗普魯士，更加攻入咗普魯士首都柏林，之後更成功擊敗俄軍攻佔華沙。法國從此一躍成為歐洲霸主，掌握包括華沙大公國在內等附庸。

如果普魯士1806年跟法國搵食，唔係傻更更冇援軍剩就主動開戰跟住俾人秒殺，唔知會有咩漣漪

總係覺得拿破崙太過睇小外交嘅作用，好似西班牙同普魯士都係可以買通嘅對手，但拿破崙總係要做啲On9嘢搞到佢地同自己作對（換佢阿哥統治西班牙，想同英國議和就想收返俾咗普魯士嘅漢諾威）

相比漢諾威普魯士更願意接收薩克森
無維也納會議劃分既萊茵蘭漢諾威對普魯士既重要性就無咁高，薩克森更加連接普魯士既基本盤。而且食左薩克森既普魯士同奧地利邊境接壤更多，兩者更容易因為領地同德意志內部問題起衝突

奧地利，教皇國，拿戰兩大終極輸家

自奧地利喺1805年打輸以嚟，一直韜光養晦，並用咗3年時間去練兵，希望搶返俾法國奪去嘅領土。

奧地利先同俄國達成共識，爭取佢喺日後嘅戰事作壁上觀。之後又意圖爭取普魯士支持，但就沒有成功。最終第五次反法同盟只得奧地利、英國、葡萄牙、西班牙等國參與。

1808年10月，法軍喺德意志地區抽調10萬大軍以支援西班牙戰線。奧地利襯住法軍大部分兵力深陷伊比利亞戰場，決定乘機兵分三路進擊法國：第一路由法二世胞弟卡爾大公負責指揮，主力入侵巴伐利亞，其餘兩路分別攻打意大利同埋波蘭。



此時駐紮喺巴伐利亞東部，由達武元帥率領嘅法軍同巴伐利亞軍隊仲處於分散狀態，同時喺戰爭爆發後，蒂羅爾地區（今屬於奧地利同意大利）立即響應奧軍，爆發咗大規模人民起義。起義隊伍好快佔領咗首府因斯布魯克，解放咗北蒂羅爾同南蒂羅爾，並多次擊退巴伐利亞軍隊同法軍嘅進攻。

但可惜卡爾大公並未能掌握此一優勢，並且行動遲緩，錯失良機。

而喺另一方面，拿破崙唔等西班牙戰爭結束，馬上率兵回國自領東線指揮，並領導其軍隊發動對奧反攻。

拿破崙到達多瑙沃爾特後，迅速與達武會合，扭轉不利局面。1809年4月20日，兩軍喺阿本斯貝格第一次交鋒，奧軍大敗。此後喺蘭茨胡特等地，法軍又屢敗奧軍，成功將奧軍逐出巴伐利亞，拿破崙隨之攻入奧地利境內。但佢過早試圖冒險渡過多瑙河，結果喺5月21至22日嘅阿斯佩恩-艾斯林戰役中，拿破崙遭遇到佢生平第一次大敗。

喺阿斯佩恩-艾斯林戰役中，法軍損失咗2萬幾名士兵，包括元帥尚·拉納。但奧軍喺波蘭同意大利都相繼戰敗，最終亦只好再同法國求和。奧地利被迫簽訂《肖恩布魯恩和約》，割讓大片領土如卡林西亞、卡尼奧拉、亞得里亞海岸，並且被法國脅迫加入大陸封鎖體系，一齊杯英國。

第五次反法盟軍又失敗，拿破崙幾乎控制咗除英國、俄國以外嘅整個歐洲大陸。但係喺戰場期間德意志地區出現咗唔少反對法國嘅叛亂，而阿斯佩恩-艾斯林戰役亦都影響咗拿破崙不敗戰神嘅形象。法軍亦變得同而家普京嘅俄軍一樣越來越多地由非法國嘅部隊組成，軍隊同戰爭嘅規模都不斷擴大，連拿破崙都開始控制唔到，為佢日後嘅毀滅埋下禍根。

而佢同俄國沙皇亞歷山大一世嘅關係亦都走到了盡頭。怨恨亞一世喺第五次反法戰役時嘅首鼠兩端，加上俄國一直對封鎖英國嘅承諾陽奉陰違，英國嘅商品依然經源源不絕經由俄國進入歐洲大陸，令拿破崙嘅大陸體系變得如同虛設。

拿破崙對亞一世嘅背信棄義同攪小動作深感不滿，終於喺1812年6月，忍無可忍嘅拿破崙集結咗61萬大軍，跨越法國控制嘅華沙公國，向俄國不宣而戰。法俄戰爭爆發。

拿破崙希望以閃電戰挫下俄國，無奈犯下從前瑞典國王卡爾十二世同後世納粹德國所犯下嘅錯誤。俄國再次以堅壁清野戰略對付法軍，將法軍途經之處燒毀，打亂咗拿破崙速戰速決嘅原計劃，拿破崙只好深入俄國境內，期望以佔領俄國第一大城市莫斯科嚟迫使沙皇屈服。




法軍進入俄國腹地後，寒冬天氣導致嘅瘟疫同埋飢餓令到法軍損兵折將，就連拿破崙本人亦都抱恙。法軍喺6月份進入俄境時有將近廿九萬人，但到咗9月份只係得返16萬人左右。最後拿破崙被迫退軍。

法軍因戰死、餓死或凍死而損失咗37萬人，20萬人被俘虜。在十一月，只有2萬7千人渡過別列津納河。法軍撤回巴黎，預防俄國再次入侵波蘭。




俄法戰爭敲響咗拿破崙事業嘅喪鐘，1813年3月3日，英國聯同瑞典向法國宣戰，不久就解放咗瑞典屬波美拉尼亞。

3月17日，普魯士向法國宣戰。第一次武裝衝突發生喺4月5日嘅莫肯戰役中，俄普聯軍擊敗法軍。6月，英國正式加入第六次反法同盟。

而直到呢個時候，奧地利仍然效忠法國，外交部長梅特涅依然試圖排解法國同其敵人嘅矛盾，但代價係要求拿破崙解散萊茵聯邦，法國回到大革命前的邊界。拿破崙拒絕，於是奧地利喺1813年8月加入反法同盟，並向法國宣戰。

當拿破崙撤出俄國之後，沙皇亞一世決定乘勝狙擊，以圖將呢個宿敵致於死地。1813年1月，俄軍用咗十幾日時間就征服咗波蘭。

但拿破崙好快就喺1813年春季重整旗鼓，之後佢喺5月2日嘅呂岑會戰同5月20日嘅包岑戰役中挫敗俄普聯軍，但係法軍亦都損失慘重。




拿破崙嘅獲勝挫下咗俄普兩國嘅銳氣，俄國官兵開始想返屋企，而普魯士國王腓特烈·威廉三世亦因為呂岑同包岑嘅戰敗而考慮同法國議和。

而法軍嘅元氣大傷亦令到拿破崙無心再戰，終於喺6月4日，雙方達成共識停戰到8月13日。

停戰期間，拿破崙同奧地利外交部長梅特涅進行咗一次災難性嘅會晤。喺會面中拿破崙對奧地利背棄盟約大加指責，後果不歡而散。

同法國嘅反面已成事實，奧地利亦都開始喺波希米亞同意大利部署軍隊。

反法聯軍襯住停戰，組建咗三枝合共有42萬嘅大軍，奧地利同俄羅斯龐大嘅人力儲備正源源不絕地被帶到前線。

10月16日，喺德國嘅萊比錫，雙方爆發咗第6次反法戰爭中最大型嘅會戰。拿破崙因為孤軍深入，被聯軍所包圍。法軍以寡敵眾，雖然喺人數上處於劣勢(聯軍38萬人vs法軍23萬人)，但拿破崙仍然成功利用聯軍嘅失誤而擊破防線逃逸而去。不過法軍就幾乎遭到全殲。




萊比錫戰役係德意志解放戰爭中嘅決定性戰役，因參戰國家和民族眾多，萊比錫戰役亦被稱為「諸民族之戰」。

反法聯軍繼續進軍法國，拿破崙試圖以7萬法軍抵抗聯軍50萬大軍，無異螳臂擋車。佢雖然喺幾場戰役上取得勝利，但已經無助於扭轉大局。



1814年3月30日巴黎城破，拿破崙眼見大勢而去，將皇位傳給兒子拿破崙二世後無條件投降。拿破崙本人喺退位之後被流放到地中海上的一個小島厄爾巴島，但依然保留皇帝頭銜，是為厄爾巴皇帝。



為咗清理善後拿破崙革命以嚟嘅蘇州屎 ，由1814年10月1日到1815年6月9日，歐洲列強喺奧地利首都維也納召開咗維也納會議。會議由天才外交家梅特涅主持，俄國、英國、奧地利同普魯士等四大列強同埋超過200個諸侯或其代表都出席咗會議，被視為日後國際聯盟同聯合國嘅雛型。

同反法聯盟簽Armistice of Plaswitz真係致命傷。瑞典同奧地利都未真正落場，征俄後法國呢個時間單挑普俄仍然有勝算，但到1813年8月四強聯手時佢根本冇可能贏

留明

會上以奢華嘅娛樂而聞名，全歐洲嘅皇帝、國王同貴族都聚首一堂。由於一大班麻甩佬開會好dry，於是佢哋都叫咗好多囡嚟玩。幾乎成個歐洲嘅明娼暗妓、公廁蕩婦都嚟曬維也納。佢哋一邊為瓜分拿破崙嘅地盤而討價還價，一邊喺度跳舞玩女。

梅特涅同沙皇亞一世同樣以風流見稱，佢哋甚至喺會議上分享咗共同嘅情婦。





經過一輪舌劍唇槍同討價還價，俄國得到咗原屬瑞典嘅芬蘭同大部份波蘭。奧地利加里西亞、意大利倫巴底及威尼斯、克羅地亞嘅達爾馬提亞，但需要割讓比利時予荷蘭，成為聯合荷蘭王國。

萊茵邦聯雖然滅亡，但德意志地區並無恢復神聖羅馬帝國，而係組成咗德意志邦聯，由奧地利任主席。

而法國就由波旁王朝嘅路易十八復辟為國王，英國就得到咗唔少海外殖民地，為日後海洋帝國打下基礎。普魯士亦得到一啲德意志地區同波蘭嘅土地。

可惜呢場淫p開完冇耐路易十八又俾法國佬

跟手就到孤星淚既時候
再跟手就1870年了

話說下半身堡都時侯近了

喺維也納開會期間，發生咗一件大事，1815年2月26日，拿破崙喺徙所厄爾巴島逃脫，新法王路易十八派軍隊試圖攻擊佢，但法軍不單止無攻擊佢，反而仲同拿破崙膜拜。路十八因此流亡海外，拿破崙成功復辟。



歐洲其他各國迅速組成第七次反法同盟。同年6月18日，拿破崙喺比利時嘅滑鐵盧俾英國嘅威靈頓公爵同普魯士聯軍擊敗，拿破崙被放逐到大西洋中嘅聖赫勒拿島，六年後死喺嗰度。





伴隨住拿破崙嘅復辟失敗，維也納會議亦都順利結束。會上由沙皇亞一世倡議，歐洲諸國共組‘神聖同盟’。沙皇主張君王們應該作為基督徒兄弟，喺國際關係上秉承愛與和平嘅原則。信奉東正教嘅俄皇、天主教嘅奧皇、新教嘅普魯士國王雖然信奉不同宗派，但依然拋開面戶之見組建同盟。

而英王佐治四世表示佢本人雖然同意結盟，但就僅以漢諾威國王嘅身份參加，以保留大英喺外交上嘅靈活性。除教皇國同信奉伊斯蘭教嘅鄂圖曼因為宗教理由未有參加外，幾乎所有歐洲國家都簽咗字加入。

維也納會議嘅後世評價毀譽參半，有學者認為佢秉承正統主義原則，主張建立歐洲協調嘅合作常規架構、令到歐洲到WW1前都無大型戰事。

但都有人認為會議壓制咗民族主義同自由主義嘅自然發展，忽略咗資產階級同工人階級對政治同社會保障嘅訴求，間接導致日後歐洲嘅革命浪潮。而所謂嘅歐洲協調合作常規架構目的只係喺歐洲大陸建立一個頑固嘅保守反動系統。



維也納會議結束後嘅1815到1848年之間，被稱為「梅特涅時代」。佢由1821年起擔任奧地利首相，期間兼任奧地利外相。喺歐洲嘅外交界更加有著崇高嘅地位，猶如聯合國祕書長。



1830年法國發生七月革命，波旁王朝被推翻，路易·菲利浦登上王位，同時比利時亦爆發從荷蘭獨立嘅起義。梅特涅提議英奧普俄四國同盟採取行動，但就個個ATNA。結果只能坐視法國七月王朝成立同比利時建國。即使奧地利再次鎮壓意大利革命。但梅特涅同英國外相巴麥尊幾乎喺每一件事情上都意見相左，英奧關係跌到谷底。

1835年法蘭茲一世駕崩，由王儲斐迪南繼承王位。斐迪南一世同華太師個仔一樣係弱智嘅，佢頭部過大，四肢過短，在位時並無實權，完全受首相梅特涅擺佈。

又睇到 online左