奧匈帝國的生前死後(長文)

623 回覆
258 Like 6 Dislike
2022-01-13 23:27:02
其實捷克同斯洛伐克都係斯拉夫
2022-01-13 23:31:21
南同西斯拉夫人嘅關係分分鐘件疏過佢哋各自同奧/匈
唔會有一個政府or 議會or whatever 可以叫做代表到所有哈布斯堡治下嘅斯拉夫人
2022-01-13 23:32:59
佢地就算啦
俄佬重點係巴爾幹半島
其他地方就好自為之
2022-01-14 13:39:32
匈牙利會做阻膠。奧匈晚期匈牙利已經不斷用否決權令奧匈政府癱瘓,斐迪南大公甚至想發動內戰剝奪匈牙利自治權。

同埋二元制已經搞到一鑊粥,變成三元可能仲衰,釀成政治上更加無解嘅三體問題。斯拉夫人又唔係一體,克羅地亞人嘅問題對捷克或者波蘭人而言可能無關痛癢,而波斯尼亞穆斯林又未必同塞族東正教徒有得傾,一下將所有斯拉夫人歸類一群體太草率。而且地理上劃分好奇怪,譬如波希米亞要計入去奧地利治下定係新成立嘅斯拉夫政府?

或者學美國咁樣拆散成不同小邦,地方自治之上設有統一嘅聯邦中央政府、國會、法庭,可能比較顧及到不同族群嘅需要。但維繫美國嘅係一套以英語及Anglo-Saxon文化為主體核心嘅共同生活方式,即使西雅圖人搬到新奧爾良仍然會覺得仲喺美國生活。但係哈布斯堡帝國既無統一語言,又缺乏相同宗教信仰,亦無共同文化背景,除咗大家都俾哈布斯堡家族統治之外(共侍一君,或者共同敵人?)就冇咩共通點,如此落去呢個政權都唔慌長命得幾耐。
2022-01-14 13:48:12
唔熟政治史,想問下點解蘇格蘭,英格蘭無呢啲事發生?
2022-01-14 14:22:28
因為17定18世紀既英蘇係同一個王室但就只係同一個王室到依家
蘇格蘭到今時今日仲係有自己既議會
同埋佢地只會係奧運先用「大不列顛與北愛爾蘭聯合王國」呢個名去出賽
其他時候都係拆返4個地區咁去打唔同既比賽
再加上大不列顛地區都係講英文
係同一個相近文化同埋相同語言既情況下
大英好難會出現奧匈呢個只有一個王室但其他野都係完全唔同既情況

咁當然啦 近兩年蘇格蘭搞獨立就
2022-01-14 15:13:29
只要搞得成CANZUK蘇格蘭就唔會獨立
2022-01-14 15:26:31
但講英文的愛爾蘭還是獨立了
2022-01-14 15:52:31
咁呢又要講返新舊教既恩怨情仇
同埋愛爾蘭獨立既代價係打足800年先拎到返黎
同埋今時今日仲係未拎返北愛
所以係好多愛爾蘭人既眼中佢地係未完全統一兼獨立
2022-01-14 16:46:34
蘇格蘭議會1997年先成立,唔係好耐歷史

英格蘭同蘇格蘭相比起奧匈班民族文化近d, 而自1567年起英格蘭同蘇格蘭君主都係同一個,比起奧地利同匈牙利佢哋歷史悠久好多
2022-01-14 17:08:42
歐盟=奧匈2.0
2022-01-14 21:44:56
到咗1704年,英國海軍更攻佔咗西班牙南面嘅直布羅陀,直接威脅西班牙本土。到咗8月份,神英聯軍又喺布倫海姆戰役擊敗咗法國同巴伐利亞聯軍,巴伐利亞戰敗後決定退出戰爭。

而法軍喺其他戰線亦都陷入劣勢,法軍喺1706年9月在意大利被歐根親王打敗,另外弗蘭德地區亦都被反法同盟搶咗。

戰事進行至1706年,法軍幾乎陷入絕境,反法同盟喺西班牙發動進攻,成功迫使腓力退出馬德里,神羅嘅查理成功喺1706年7月2日登上西班牙王位。

正當反法同盟諗住實食冇痴牙之際,法軍卻於1707年4月反敗為勝,進佔西班牙王國大部份地區。



之後雙方陣營繼續打嚟打去,互有勝負。戰事從此進入膠著狀態,由1710年開始雙方都只打消耗戰而避免再度決戰。

眼見俄國喺大北方戰爭擊敗瑞典,英國開始視佢為比法國更大嘅威脅。因此英國開始獨自同法國進行和談,停止對法戰事。

而由於英國轉軚嘅關係,其他反法同盟亦都開始同法國停戰。再加上1711年,神羅皇帝約瑟夫一世去世(其父利一世早於1705年病逝),其弟查理即位,是為查理六世。由於祖宗家法神羅皇帝不得兼任西班牙國王,令查六世對西班牙王位要求嘅合理性降低,和平出現曙光。

2022-01-15 12:29:22
1713年到14年,各國先後簽訂和約,協議瓜分西班牙嘅領土。英國成為最大贏家,喺西班牙手上得到直布羅陀同米諾卡島,令皇家海軍可以伸入加勒比海同西地中海。另外英國亦都喺獲取咗西班牙帝國三十年嘅黑奴貿易特權,從此走上海洋帝國之路。

神羅亦都取得西班牙嘅飛地,包括那不勒斯王國、米蘭公國和薩丁尼亞。而神羅諸侯布蘭登堡公腓特烈三世則因為喺戰爭中支持皇帝,得以由公國升格為王國,日後統一德意志嘅普魯士王國就此誕生。

西班牙王位最後被法國波旁王朝嘅腓力五世繼承,但和約亦規定法國同西班牙不能合併,而法國亦都因為戰爭損失慘重。



十幾年嘅西班牙繼承戰就此結束,西班牙嘅哈朝統治亦都完結。但奧地利嘅同宗亦都同樣要面對香燈繼後嘅問題,利一世嘅兩個仔約瑟夫同查理都只有女兒,利一世冇得同soon囝飲茶事小,帝國有繼承危機事大。

1703年,利一世同兩個仔訂立《相互繼承協約》,明令喺哈布斯堡家族沒有男性後裔嘅情況下,可以由合法女嗣獲得繼承資格,統治哈家嘅核心領邦。

到咗1713年,查六世更改動亡父嘅協定,令自己兩個女比兄長嘅獨生女有更優先嘅繼承權。

2022-01-15 12:32:15
咁普魯士都係
2022-01-15 12:33:31
神羅延續
2022-01-15 12:34:09
對不凍港有執念
2022-01-15 12:51:25
應該唔係?
佢哋都係受封波蘭
2022-01-15 13:12:25
原居民係斯拉夫人
2022-01-15 13:52:05
歐根親王算唔算奧地利少有既名將
2022-01-15 14:39:02
普魯士係條頓騎士團喎
2022-01-15 14:51:38
統治階層係啫
2022-01-15 15:01:16
但本身都係法國出身,咁三十年戰爭都有蒂利同華倫斯坦
2022-01-15 19:20:25
巴爾幹半島有咩不凍港?阜姆/里耶卡?
2022-01-15 19:29:14
本身俄佬喺波羅的海同北冰洋嘅港口冬天會結冰,而黑海嘅比土耳其揸住個春袋,自然想諗辦法突破封鎖

地中海d港口本身都唔會結冰
2022-01-16 14:20:57
查六世任內重用歐根親王,喺軍事上取得唔錯嘅成績。神羅喺鄂圖曼手上奪得塞爾維亞同瓦拉幾亞部分領土,亦都強迫薩伏依以富庶嘅西西里島交換撒丁尼亞島。

但到咗查六世晚年,國勢逐漸衰弱。神羅喺波蘭王位繼承戰爭中失敗,之後又喺洛林等地戰敗,被迫將喺西班牙王位繼承戰爭中獲得嘅西西里同那不勒斯交還比西班牙。另外亦都承認法國取得洛林公國,換取查理女婿弗朗茨·史蒂芬(日後嘅皇帝法蘭茲一世)喺托斯卡納大公國嘅統治權。

而神羅喺割地之餘亦都請求法西兩國同意奧地利“王位”傳給查六世個女瑪利亞·泰瑞莎,法西兩國答應喺《國事詔書》中簽名。




為咗歐洲列強支持佢個女嘅繼承權,查六世犧牲咗奧地利唔少利益。例如為咗爭取英荷支持,查六世將開設喺尼德蘭嘅貿易特許公司關閉(佢專門喺東印度地區貿易獲利,同英國荷蘭商人係競爭者)。

各列強獲得好處後表面上都表示承認《國事詔書》,只有薩克森和巴伐利亞選侯帝拒絕承認,原因係佢哋娶咗上任皇帝約瑟夫一世嘅女。

戰神歐根親王於1736年去世,神羅喺隔年嘅戰爭中敗於鄂圖曼,被迫放棄之前奪得嘅領土。長年嘅征戰令到奧地利國庫虛空,帝國勢力漸弱,而普魯士等國亦都開始對哈布斯堡嘅領地起咗覬覦之心。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞