奧匈帝國的生前死後（長文）

神羅對新教同土耳其既戰爭(加埋後來既三十年戰爭),
係令佢喺當時航海事業上落後左,
葡西兩國既海運事業興起既其中一個厬因係因為佢地無扯入呢場大內戰.

神羅歷史+宗教改革+地理大發現+人文主義興起, 結合黎睇非常有趣.

以前睇過一套戲, 胡斯被燒死時, 本來個國王想保佢,
但教會用"逐出教會"為壓力, 逼國王就範. 呢樣唔知真定假.

除咗法國之外，查五世亦要應付佢嘅盟友鄂圖曼帝國。當時土耳其正喺蘇萊曼大帝統治下，勢力如日方中。



進擊之鄂人好快就因為匈牙利同神羅發生衝突。1526年，土耳其喺摩哈赤戰役大敗匈牙利，匈王拉約什二世戰敗身死。拉二世因為冇仔送終，佢姐夫斐迪南（查五世個細佬）宣佈自己繼承匈牙利嘅王位。但係匈牙利多數貴族卻否認斐迪南繼位，另外推舉戰功顯赫嘅本國大貴族扎波堯伊·亞諾什為王，匈牙利爆發內戰。

而另一方面鄂圖曼喺1529年再度西征。土耳其嘅十五萬大軍不但穩固地佔領咗匈牙利中部，仲進入咗奧地利國境，包圍其首都維也納，是為維也納之圍。



圍城戰最終失敗，但匈牙利自此被瓜分為三份，西部歸神羅斐迪南、中部被土耳其佔領、東部由扎波堯伊·亞諾什統治。扎波堯伊·亞諾什則投靠鄂圖曼咗成為佢嘅附庸。

長年嘅挫敗令查五世身心俱疲，加上佢有嚴重嘅痛風，於是佢喺1556年宣佈退位，佢將西班牙同低地國家比咗個仔腓力，將奧地利同德意志地區交俾細佬斐迪南。

查五世規定兩房不可以互相傳位，自此大而無當嘅哈布斯堡帝國一分為二。

作為皇帝，斐迪南一世嘅統治期間比較安定。佢任內小心地維持同鄂圖曼嘅關係，而喺內政方面，斐一世傾向於中央集權。佢希望加強哈布斯堡喺匈牙利同波希米亞嘅管治，但因為受到地方貴族反對而成效不彰。

1564年斐一世喺維也納去世，死後皇位由兒子馬克西米利安二世繼承。



馬二世童年接受咗良好嘅人文主義教育，佢師承於路德嘅弟子，所以對新教信仰懷有好感。佢嘅親新教傾向受到父皇斐一世嘅懷疑，甚至有可能令佢失去皇位繼承權。佢最終出於政治前途嘅考慮，決定公開宣布信仰天主教。



馬二世雖然冇公開信仰新教，但佢亦都希望作出徹底嘅宗教改革，佢有意准許神職人員結婚，但就得唔到教廷嘅同意。

馬二世任內採取對新教嘅包容政策，對外則繼續對抗異教徒鄂圖曼。1566年神鄂兩國喺匈牙利嘅錫蓋特堡爆發戰役，年老嘅蘇萊曼大帝御駕親征但喺當年9月於帳棚內駕崩。

鄂軍雖然失去咗主帥，但因為馬二世亦唔係優秀嘅軍事家，鄂圖曼依然擊敗咗神羅軍，戰敗嘅神羅唯有繼續向蘇丹朝貢。




1576年10月馬二世病死，佢臨終時拒絕接受天主教嘅最後一次聖禮，以此表明佢個人嘅真實信仰，是受到路德新教嘅深刻影響。馬二世死後由兒子魯道夫繼位。

魯道夫二世被後世認為係一個平庸嘅統治者，佢性格比較毒，鍾意留喺屋企唔鍾意出街，甚至唔願意參加日常嘅國家事務接待等。



雖然喺信奉天主教嘅西班牙宮廷長大，但魯二世同父親一樣對新教較為包容。但比起做皇帝魯二世更加鍾意做一個學者，佢沉迷於占星術同鍊金術，亦都喜歡收藏藝術品。魯二世將佢嘅大部分時間都放喺愛好上，唔太願理政務，甚至連婚都冇結（但有情婦同私生子女）。

1592年，鄂圖曼再次入侵匈牙利，魯二世不願向鄂圖曼妥協，佢希望向穆斯林發動新一輪嘅十字軍東征以聚人心並解決新舊教嘅分歧。神羅同鄂圖曼喺1593年開始咗一場十三年嘅漫長嘅戰爭。

龐大嘅軍費迫使魯二世向貴族們作出各種讓步，尤其係喺教派問題上。波希米亞新教徒睇準神羅帝國最微弱嘅時機，提出更多宗教自由嘅要求。魯二世迫於壓力喺1609年簽署咗陞下詔書，後嚟成為波希米亞新教徒反抗神羅嘅重要依據。

長年嘅戰爭同政爭令魯二世苦不堪言，佢心理開始出現問題。佢對身邊人極不信任，成日懷疑有人要毒害佢，亦都開始經常酗酒逃避現實，身邊嘅人開始同佢離心離德。

1604年，匈牙利發生叛亂，哈布斯堡嘅家族成員乘機發難向魯二世迫宮，迫佢將匈牙利事務嘅管理權交俾佢細佬馬蒂亞斯。



馬蒂亞斯喺1606年分別同匈牙利叛亂者和鄂圖曼帝國議和。魯二世對此非常生氣，認爲馬蒂亞斯所作出嘅巨大讓步只係爲咗維持自己嘅權力，準備重新對土耳其開戰。

但馬蒂亞斯爭取到匈牙利叛亂者嘅支援，迫使魯二世將匈牙利、奧地利和摩拉維亞嘅王位讓俾馬蒂亞斯。被奪權後嘅魯二世遭到軟禁，佢喺9個月後去世，死前只剩下神羅皇帝嘅空頭銜。

以前有個理論係大清根本應該老早解體，可以係1840，可以係1860，又可以係1900
20世紀初有幾個帝國都冧咗
冇冧嗰幾個直接入「WW2考場」

Austria will shock the world by the depth of its ingratitude

馬蒂亞斯做皇帝時已經55歲，佢當時已經身患痛風等惡疾。佢將國事交托俾大臣處理，並喺1617年任命堂弟斐廸南為波希米亞國王。



斐廸南二世係施蒂里亞大公卡爾之子，佢自小接受嚴格嘅耶穌會教育，係一個狂熱嘅天主教信徒，對宗教改革活動持極端敵對態度。由於馬蒂亞斯並無婚生子女，斐二世亦被視為神羅帝位嘅繼承人。

喺登上王位後，斐二世就撕毀咗魯二世所頒佈，容許波希米亞擁有信仰自由嘅敕令。佢並且派遣耶穌會教士進入波希米亞，意圖喺當地復興天主教。佢仲對波希米亞新教徒進行大規模迫害，並禁止新教徒嘅宗教活動，拆毀佢哋嘅教堂。

1618年5月23日，忍無可忍嘅新教徒喺波希米亞首都布拉格發動起義。佢哋衝進布拉格城堡，將3個神羅帝國官員丟出窗外，是為扔出窗外事件。




三人僥倖墜落堆肥中而未受傷，隨即逃至斐二世處報告造反。1619年新教徒成立臨時政府，推舉新徒普法爾茨選帝侯腓特烈五世為王，宣佈波希米亞獨立。

1620年兩國爆發白山之戰，波希米亞軍被神羅帝國擊敗，腓五世被迫逃亡。三十年戰爭嘅第一階段以神羅帝國勝利告終。

最緊要介紹匈牙利一戰後既領土貪念
點樣葬送自身

BTW 佢當時係極不受帝國上層歡迎
佢死左啲人好開心
冇諗過太子之死係全面戰爭既開端

lm

皇帝馬蒂亞斯喺1619年病死，繼任皇帝斐二世擊敗咗波希米亞反抗者之後，重新將波希米亞納入版圖。佢強迫波希米亞嘅百姓改信天主教，焚毀波希米亞嘅書籍，宣佈德語為波希米亞官方語言。

波希米亞嘅革命雖然被鎮壓，但法國不能容忍查五世時代嘅哈布斯堡帝國復活。當時法國嘅丞相黎希留長於謀略，為咗幫法國稱霸，佢決定暗中資助哈布斯堡嘅敵人新教聯盟（雖然佢自己係羅馬教廷嘅紅衣主教），包括支持尼德蘭（荷蘭）喺西班牙獨立。




丹麥、瑞典早已喉住北海同波羅的海嘅德意志領土同港灣；英國同荷蘭則不願神羅帝國勢力喺北歐擴張同埋想削弱西班牙，呢啲國家都支持新教聯盟。

1625年，黎希留提議英國、荷蘭同丹麥結成反哈布斯堡聯盟，丹麥負責出兵，而英國與荷蘭則喺幕後支持，由此戰爭的第二階段—丹麥階段正式展開。本嚟只係波希米亞人反抗神羅帝國嘅抗爭由此演變為廣泛嘅國際戰爭。

黎希留都講埋

三十年戰爭最正係丹麥彈出彈入，仲要去親邊都輸

丹麥係咪做左爛頭卒

1625年信奉新教嘅丹麥王克里斯蒂安四世喺英、法、荷三國的支持下與新教聯盟共同向神羅帝國進攻，很快就佔領咗德意志西北部，與此同時，由曼斯菲爾德率領嘅英軍則佔領波希米亞西部。

新教聯軍節節獲勝，但喺1628年，神羅帝國僱用咗波希米亞貴族華倫斯坦嘅僱傭軍，扭轉了敗局。



華倫斯坦出生喺波希米亞一個破落貴族家庭，年少時曾經喺歐洲做過流浪騎士，後嚟加入咗神羅嘅軍隊。本嚟佢係新教徒，但喺1606年改宗天主教。佢喺1609年同捷克一位富有嘅寡婦結婚，靠老婆嘅嫁妝成為大地主。

1618年佢背叛同胞參與鎮壓起義，到咗1625年丹麥入侵帝國時，華倫斯坦已經佔有波希米亞四分一嘅地產，仲可以任意組建軍隊。佢主動向皇帝斐二世請命，好快就招募咗一枝3萬人嘅大軍。

華倫斯坦先後擊敗英國同丹麥，並控制咗薩克森。丹麥被迫喺1629年5月同神羅簽定《呂貝克和約》，保證不再插手德意志事務。戰爭第二階段以神羅勢力伸延到波羅的海告終。

但三十年戰爭打到最後有個國家死得比五馬分屍仲要慘

其實一開始Tilly先係天主教聯盟名將，Wallenstein係後期先成名
係瑞典落場前已經Tilly已經先後贏過帕拉丁同丹麥既新教勢力
白山戰役直接將the Winter King踢落王位同拉帕拉丁出局

華倫斯坦係一個大德意志主義者，佢希望結束諸侯割據嘅局面，實現德意志大一統。佢喺立下大功後被封為梅克倫堡大公同北海與波羅的海大元帥，仲計劃喺波羅的海建立一支強大嘅艦隊。

瑞典國王古斯塔夫二世對神羅帝國喺波羅的海嘅擴充大為不安。喺法國嘅慫恿同金金援之下，古二世喺1630年7月出兵，並於波美拉尼亞登陸，開始咗神羅vs瑞典階段。

而鋒芒畢露功高震主嘅華倫斯坦亦都引起咗神羅皇帝嘅忌憚，1630年8月，斐二世解除咗華倫斯坦嘅職務。

瑞典軍由國王古二世帶隊，喺數場戰役中擊敗了神羅軍隊。1632年初，神羅統帥蒂利伯爵喺萊希河戰敗身亡。

有道是國難思良將，斐二世唯有再次起用華倫斯坦為統帥。1632年11月，古二世率領瑞典同新教諸侯聯軍，喺今日德國嘅呂岑同華倫斯坦開戰。



兩軍喺大霧之中爆發激烈嘅戰鬥，雙方喺視野極差嘅情況下進行炮戰。瑞典軍雖然初期佔優勢，但古二世喺由戰線右翼回援中央過程中與隊伍脱離，結果死在亂軍之中。

雖然主帥陣亡，但瑞軍依然繼續奮戰，迫退咗神羅軍隊。

新一年，新一推