奧匈帝國的生前死後（長文）

略略提下

本身鐘意19同20世紀歐洲史
特別係英國同德國
樓主寫得好好
高中／大學有冇讀過歷史？

冇

竟然

1968年歷史喺捷克再次重演，捷共第一書記亞歷山大·杜布切克亦都開始攪改革開放，拋棄史太林治國模式，並且顯示出越來越強烈嘅獨立傾向。




蘇聯人再次武力干涉，喺8月20日深夜以軍隊入侵布拉格，杜布切克被迫下台。

事件被後世稱為“布拉格之春”，因為喺冷戰期間，西方社會對蘇聯關埋門打狗都冇咩大反應，只係口頭譴責下就算。

時間又過咗20年，1989年6月4日，北京天安門廣場，中國共產黨以軍隊血腥鎮壓民眾。

64事件嘅餘波導致東歐嘅共產國家亦發生連鎖效應，同年11月，捷克斯洛伐克亦爆發革命，最終推翻咗共產黨嘅統治。

由於革命過程順利和平，冇咩使用暴力，猶如天鵝絨一般平滑柔順，故被後世稱為“天鵝絨革命”。

喺布拉格之春失勢嘅杜布切克成功當選為民主捷克首任聯邦議會議長，而民主化亦令到斯洛伐克人爭取獨立嘅呼聲大增，捷克亦都冇咩心機再去照顧經濟比較落後嘅斯洛伐克。

最後喺93年，捷克同斯洛伐克和平分手。佢哋將國家財產分3份，捷克攞2份，斯國攞一份，史稱「天鵝絨分離」。

匈牙利亦都喺89年10月放棄共產制度，並改國名為匈牙利共和國。1994年，由原匈牙利社會主義工人黨改組嘅匈牙利社會黨獲得絕對多數地位，重新執政。

到咗98年，右翼嘅青民聯嘅擊敗左翼社會黨取得勝利，由柯班·域陀出任總理。



青民聯係霍攝政等舊保王黨嘅嫡系子孫，佢哋嘅上台標誌住廣大匈牙利人民嘅心願----收復歷次戰敗所失去嘅神聖領土。

佢哋比起德國人更加憤憤不平，因為德國雖然都喺凡爾賽條約中受盡凌辱，但畢竟喺二次大戰時殘酷報復過，叫做順返條氣，匈牙利人就感覺自己次次都比人恰。



隨住歐盟嘅成立，奧匈帝國解體產生嘅民族國家亦都相繼加入歐盟，歐洲又好似查理曼同神聖羅馬帝時代一樣實現一體化。

匈牙利亦喺04年加入歐盟，02年柯班連任失敗落台，到10年先捲土重來。

匈牙利雖然加入歐盟體系，但一直都保持特立獨行嘅姿態，喺好多事情都同大台唱反調。例如對LGBT就抱持保守態度，同連登囝一樣反左膠。

匈牙利喺外交上亦都傾向同西方世界嘅對手中俄交好，多次喺歐盟會議中幫佢哋口，以致有分析員對佢作出以下評論：

真心
其實匈sir你有冇諗過睇下精神科醫生
見你咁多年嚟啲post永遠鐘意同主流唱反調
人撐你就屌 人屌你就撐
以前啲人屌支那你就話世界第一
依家屌普京你又話好正好好睇
呢啲其實係反社會人格嘅特徵嚟
覺得自己永遠同人持相反意見就係有型 見解獨到 有sense
其實人哋只會心諗你做乜鳩

個分析員係咪樓主你

自奧匈末代皇帝卡爾一世1922年病死，其長子奧托繼任成為哈布斯堡族長。1961年佢宣佈放棄一切尋求復辟嘅行動，並喺66年返到家鄉奧地利，及後更成為歐洲議會議員。



奧托喺11年病逝，其長孫費迪南就成為咗一個賽車手，贏得唔少榮耀。



哈布斯堡雙頭鷹有如王謝堂前燕，依舊喺歐洲大陸嘅天空飛翔。

(全文完)

諗住一戰後你會講得再detail啲
不過睇返po名你又冇錯

Anyway 樓主

完

下篇會寫邊度？

原來仲有update, 即刻再留名先

嫁俾ivy so就可以日日食佢
https://lih.kg/bmGNOqV
#18 回覆 - 分享自 LIHKG 討論區

諗緊

二戰奧匈成班都冇咩戲份