奧匈帝國的生前死後（長文）

美國總統威爾遜總統做過普林斯頓大學嘅校長
始終佢係理想主義
其實長老會係咪新教分支之一，啲教派有冇人可以講下

要由1517年馬丁路德既《95條綱》開始講
中間仲要再講多次30年戰爭
大英亨利八世定聖公會為國教
等等等等500年既歷史

呢啲唔係有真。興趣既話根本上唔會想知

And我可以答你係分支之一

11月12日，國民議會正式宣布德意志-奧地利共和國成立，並任命社會民主黨人卡爾·雷納為臨時總理。

而卡一世喺1919年3月流亡瑞士。由於議會不滿佢冇正式退位就行咗去，所以通過咗哈布斯堡法，廢除哈布斯堡王朝並沒收佢哋嘅財產。卡一世被永久驅逐出奧地利，而其他哈布斯堡男丁只有喺宣稱放棄王位後才能回國。

然而奧地利人並無經歷過民族發明，佢哋係泛日耳曼主義者。而奧地利本身係一塊公爵領地，然後變咗做帝國，但佢從來唔係一個民族國家。

奧地利因為戰敗而失去太多土地，以至佢喺經濟同政治上都難以自立。因此奧地利國民議會希望可以同德國同胞聯合組成一個德意志共和國，尤其係喺匈牙利拒絕出售穀物同捷克斯洛伐克拒絕出售煤炭之後，同德國嘅合併變得更為重要。

然而協約國並不樂見奧德聯合，佢哋唔願意俾戰敗嘅德國通過吸收奧地利嚟擴大邊界。1919年9月10日，德意志-奧地利共和國改為奧地利共和國。

奧地利第一共和國係一個只得650萬人口嘅內陸小國，但曾經嘅帝都維也納就有200萬人口。奧地利就好似食咗三鹿奶粉嘅細路咁，頭大身細。

算新教
蘇格蘭嗰邊

有咩好寫

可能可以搣耐啲

最柒莫過於呢次同鄂圖曼嘅戰爭

https://zh.m.wikipedia.org/wiki/%E5%8D%A1%E8%98%AD%E5%A1%9E%E8%B2%9D%E4%BB%80%E6%88%B0%E5%BD%B9

人哋人都未嚟 就已經死咗幾萬人 仲要只係因為集體發酒癲

法國大革命
明治維新+日本帝國

而同日耳曼人一樣喺帝國解體中受挫嘅仲有馬扎爾人。本嚟佢哋天眞地以為可以保有聖史蒂芬王冠領地歷史國界，但協約國認為匈人同奧人一樣要為戰敗承擔後果。

1919年1月18日，協約國喺凡爾賽宮舉行巴黎和會，商討戰爭善後安排，戰敗國並未被安排出席。



匈牙利同奧地利一樣成為一戰嘅大輸家，匈國總共失去72%的領土，人口由二千萬變到得得返唔夠8百萬。外西凡尼亞被割讓予羅馬尼亞；克羅地亞和斯洛汶尼亞人將會同埋塞爾維亞人合組南斯拉夫，匈牙利唯一港口里耶卡亦都歸入南斯拉夫，從此變成內陸國。



而最令匈牙利人感到憤怒嘅係斯洛伐克竟然俾捷克食咗，兩國合組成新國家捷克-斯洛伐克。

喺匈牙利人眼中，連封建領地都冇嘅斯洛伐克“自古以來”就係匈牙利王國嘅一部份，斯洛伐克同匈牙利人根本同文同種，匈牙利總理蒂薩就曾經講過世界上根本冇斯洛伐克民族。



有匈牙利雨果之稱嘅作家約卡伊·莫爾就曾經寫過一部小說“一個孤女的故事”，講述一個孤兒被親戚中嘅兩兄弟共同監護，兄長係匈牙利愛國者，細佬係斯洛伐克民族主義者，兩兄弟都認為自己嘅語言最高尚。結果細路女上半年跟住阿哥，讀匈語學校，下半年跟細佬讀斯語學校，讀撚到閪咁，成為左鄰右里嘅笑柄。



匈牙利人以民族自決原則，反對捷克吞併斯洛伐克，而且從法統上嚟講理由更加充份----捷克喺二元帝國時係屬於奧地利嗰邊，斯洛伐克獨立建國都算，絕對冇可能拼入捷克。

但係捷克人憑住有美帝撐腰，派兵殺入斯洛伐克，將當時嘅斯獨份子扶持起嚟。

喺當時嘅斯洛伐克，政治同經濟資源都係喺藍絲匈牙利人手上，斯獨只係一班後生囝，而1918年斯洛伐克境內嘅匈語居民其實係多過斯語居民嘅。

匈牙利人抱住寧為玉碎嘅精神同協約國玩對抗，成為唯一一個唔肯簽署巴黎和約嘅歐洲國家，於是就受到協約國嘅圍攻。

匈牙利抗拒協約國就只有搵蘇聯幫手，但係共黨靠得住，豬乸會上樹。1919年3月21日，匈牙利政拒絕接受協約國所發出嘅最後通牒，導致共產黨領導嘅政府上台推翻第一共和國，並宣布匈牙利蘇維埃共和國建立。

匈共一上台就即刻鬥地主同沒收財產，匈牙利當時外有捷克、南斯拉夫、羅馬尼亞圍攻，內有保王黨人大戰共產黨，陷入無政府狀態。

引狼入室嘅匈牙利人只能夠死死氣請求協約國幫拖，當時嘅蘇聯因為內戰緊，無力支持匈牙利嘅手下。1919年8月，羅馬尼亞攻入布達佩斯，第一匈共滅亡。

同年11月羅軍撤離，蒙古水師提督前奧匈海軍上將霍爾蒂·米克洛什率保王軍進駐布達佩斯。




雖然匈牙利已經脫離咗哈布斯堡王朝嘅統治，但係人民依然懷念君主制嘅好日子，1920年2月，根據國民投票，匈牙利正式決定恢復君主政體。3月1日，匈牙利王國宣告成立。但由於未能確定國王人選，由霍爾蒂任攝政。

當末代皇帝卡一世（匈牙利稱卡四世）得知帝制復辟嘅消息，於是就嚟到匈牙利，希望擔任國王。佢仲請求霍攝政入侵奧地利，希望重建奧匈帝國。

然而得到消息嘅協約國並唔希望哈布斯堡得到復辟嘅機會，壓力下霍攝政拒絕咗卡一世嘅要求。卡一世被英國人安排去咗葡萄牙嘅馬德拉島，不久後就因肺炎死喺嗰度。

自此匈牙利就成為咗一個近似西班牙佛朗哥政權嘅威權主義國家，霍攝政不挾天子也令諸侯。1920年6月4日，匈牙利簽訂特里亞農條約，正式決定國界，喪失大片土地。

一戰後歐洲原來都有唔少戰爭同革命

以前一路都覺得兩場大戰中間歐洲係好和平

西歐係
東歐基本上喺蘇聯成立咗之後都settle down咗

堂堂東歐大國匈牙利自此淪為小國，而匈牙利愛國者就患上咗特里亞農綜合症，幻肢痛楚猶如附骨之疽折磨住佢哋，主張收復失地嘅極右派勢力因此日益壯大。

而因為匈共嘅核心成員好多係猶太人，根深蒂固嘅反猶風潮亦喺匈牙利再起，埋下日後匈牙利同納粹德國合作嘅伏線。

同匈牙利人相比，捷克人就識時務得多。波希米亞人一早就泊咗協約國嘅碼頭，由於法軍喺一戰中傷亡慘重，保衛中東歐嘅責任就交咗比捷克，捷克猶如戰勝國嘅代理人。

1918年10月，捷克斯洛伐克共和國成立，由托馬斯·馬薩里克擔任首任總統。馬總係斯洛伐克人，係一位博士同議員，佢喺一戰爆發後就流亡海外打國際線，喺歐洲各國組織捷克僑民嘅反奧運動。



佢亦都喺二月革命之後去咗基輔，對啱啱釋放嘅捷斯兩族戰俘發表演說，鼓勵佢哋建立捷克斯洛伐克軍團。

有5到6萬人響應佢嘅號召參加捷斯軍團，但亦都有一兩萬人加入咗紅軍，想喺捷克建立蘇維埃政權，當中就包括《好兵帥克》作者哈謝克。

蘇聯同德國講和之後，捷斯軍團決定借道西伯利亞鐵路去海參崴坐船回歸祖國。但喺途中經過車里雅賓斯克時，同向西回國嘅匈牙利戰俘發生衝突。捷斯人當場打死個匈牙利人，蘇聯拉咗開槍個士兵，軍團兵為救戰友，占領咗車里雅賓斯克城。

當捷斯人為奧匈效力時顯得毫無戰意，兩嘢就投降。但當佢哋為自己民族效命時，卻異常勇猛，無論紅軍白軍都唔係佢哋對手。軍團同俄國白軍結盟，佔領咗西伯利亞所有大城市，更宣布海參崴脫離俄國，成為協約國嘅保護地。隨後，捷克軍團部隊從海參崴沿鐵路西返，一路橫掃千軍。



1920年1月15日，第一批捷斯軍團喺海參崴上船，經過上海，繞過半個地球喺法國上岸，加入英法聯軍喺中歐嘅軍事行動。

軍團返到祖家後，好多就成為咗軍隊嘅骨幹，戰後就靠佢哋喺前奧匈境內收拾殘局。而捷克亦都成為巴黎和會嘅大贏家，新興嘅捷克人口超過千三萬，仲多過奧地利同匈牙利。而奧匈帝國7到8成嘅工業都歸咗捷克，令佢一躍成為世界工業強國之一。



由於繼承咗好多領土，捷克斯洛伐克亦變成咗一個多民族國家，國內一共有9個民族，奧匈兩國反而因為失去咗所有少數民族而變成咗單一民族國家。

捷克嘅帝國化令佢走上咗奧匈帝國嘅舊路，經濟同文化都較為發達嘅捷克開始向斯洛伐克一方實行殖民主義。

根據馬薩克向威總承諾，捷克斯洛伐克應該係一個近似瑞士聯邦嘅政體。但實際上呢個同山區肺一樣係騙局，當時嘅美國人其實對東歐局勢並唔了解，而馬總嘅國際線又打得好，令威總相信捷克人一直係被哈布斯堡帝國欺壓嘅一方。

世人好少留意到，捷克人係攪種族清洗嘅專家，捷克人建國後就將布拉格嘅德語居民趕走。而其實布拉格嘅德語居民同捷克語居民喺血緣上根本冇分別，就好似喺廣東嘅中國人既識講粵語，又識講普通話。

喺中世紀嘅波希米亞王國，大資產階級同商業自治團體比如說布拉格商會一般講德語，而農民同鄉下人就講波希米亞土話。

日漫《烏龍派出所》載有一個故事：正氣能法條正義喺宿舍苦讀準備升級考試。讀至中途，搗蛋鬼兩津搬進，成日掛住打機令佢無法讀書。

兩津玩嘅遊戲叫《魔神隱匿》，佢作為「兩津魔神」凶殘地大肆屠殺眾小妖獸，善良嘅法條睇到十分難受，於是襯兩津返工時化身「法條魔神」，仗義相助小妖獸，助牠們建立家園，消滅天敵。

當高牆倒下後，雞蛋殼亦都化作混凝土。到咗最後，小妖獸長大後連個樣都變得猙獰，佢哋連法條魔神都消滅埋。



雖然捷克人並無能力消滅佢嘅恩主，但仍然以民族自決為名，同舊奧匈帝國一樣，想同化少數民族。

但歐美選擇接受捷克嘅說詞，相信布拉格嘅日耳曼人自願回國。但佢哋喺蘇台德地區依然佔大多數，呢個地區嘅歸屬就引發咗2次大戰嘅爆發。

原來捷克做過啲咁仆街嘅野
比奥匈仲衰

真教科書好似冇提過

除咗捷克之外，羅馬尼亞亦都喺和會上擸咗奧匈帝國大片土地，面對伴隨而來嘅少數族群，佢哋一樣採取帝國式同化手段----以愛國教育洗腦，強行同化，派遣羅馬尼亞官員管治。

大概係因為鯨魚只要喺海生活（鯨魚唔係魚嚟㗎！），就要生長到成條魚咁。新生國家雖然以民族國家自居，但為咗現實利益，亦只好攞起昔日帝國主義者鞭撻自己父祖嘅刑具。

由於外西凡尼亞嘅匈牙利人一向經濟文化都喺羅馬尼亞人以上，羅馬尼亞人以倒轉歧視鏈式嘅方式反向殖民，就令佢哋同蘇台德嘅日耳曼人一樣大為不滿----穿刺公吸血鬼伯爵嘅後裔，冇資格統治尊貴嘅馬扎爾武士。



巴黎和會上有人歡喜自然有人愁，作為同盟國魁首嘅德國自然係最愁嗰個。

協約國中以法國對德國怨恨最深，決意要打得佢冇得翻身。德國喺和會中被迫割地又賠償，最具爭議性嘅係德國要承認發動戰爭嘅全部責任，德國亦被裁定要割讓上西里西亞、東波美拉尼亞比波蘭，波蘭亡國123年後得以復國。

而波羅的海沿岸，由漢薩同盟建立嘅但澤就成為國聯托管地，建立起但澤自由市特別行政區。

波蘭都係d兩面三刀既仆街
不過而家港台好多人只係識蘇德瓜分波蘭 三次複國信哂佢地賣慘

波蘭復國果廿年四圍撩交打將除咗羅馬尼亞外嘅所有鄰國都得罪哂
可憐之人必有可恨之處?

我哋波蘭人連小強界top sales都唔撚怕

https://udn.com/news/story/6809/5675508

德國迫簽慕尼黑協定
英法綏靖可恥

談判個陣波蘭利用條約唔比蘇聯借道波羅兩國對捷克援助，趁火打劫捷欣同匈牙利重新劃界，之後德國向東進軍波蘭
波蘭好慘大國棋盤

留名學嘢

Żeligowski係畢蘇斯基指令下強行軍事佔領維爾紐斯一帶再成立"獨立"嘅Central Lithuania Republic，幾年之後透過非常有爭議嘅公投大比數同意拼入波蘭，同最近幾年某歐亞大國係烏克蘭做嘅行為其實都差唔多

德國一共損失咗6萬5千平方公里土地同7百萬人口。1918年，威瑪共和國就喺喪權辱國嘅基礎下成立，由社會民主黨取代霍亨索倫王室成為國家嘅主人。

威瑪共和國立國後經濟一直都好差：工業出口量比起戰前大幅下降，又被迫承擔鉅額戰爭賠償，過百萬人失業，民不聊生。

喺依賴工會勢力起家嘅社民黨統治下，工會工人依然得到工作機會。但非工會工人往往就冇咁好彩，佢哋往往係出身破產資產階級同小資產階級嘅子弟，備受屈辱嘅佢哋日後就成為咗納粹黨嘅忠實支持者。

戰後嘅威瑪共和國只能靠美國嘅貸款吊命，直到1929年華爾街股災。




股市閪冧之後就係大蕭條時代，美國市場嘅崩潰連帶德國產業鏈全線崩潰。體面嘅世家子弟搵唔到工作，女性只能企街賣淫。

德劇《巴比倫柏林》描繪咗2，30年代柏林嘅現象：女主角日頭喺警察局打雜，夜晚就靠做雞幫補家計。




失業大軍對社民黨成員嘅勞工特權更為忌恨，佢哋需要可以為佢哋彰顯正義嘅黨派，納粹黨因此應運而生。