奧匈帝國的生前死後（長文）

儘管梅特涅親王權勢大得有如張居正，然而造化弄人，時局喺佢垂老之年忽然轉向相反方向，梅特涅縱是殫精竭慮，亦都難敵民族主義嘅浪潮。



1848年1月，兩西西里王國首先爆發反抗國王費迪南多二世專制統治嘅起義，之後米蘭同熱那亞都先後爆發革命，迫使奧軍撤出該地。之後威尼斯、倫巴底、威尼托、帕爾馬、摩德那各地都陸續出現民眾起義。

而喺1848年2月22日，巴黎民眾本嚟想舉辦宴會慶祝喬治·華盛頓嘅生日，但係政府卻出面禁止。呢次行動成為咗革命嘅導火線，當日中午人民紛紛上街遊行示威，要求推翻國王同首相。

民眾上街後開始喺街上構築工事，點燃雜物，之後佢哋又開始同巴黎國民衛隊交火。最後首相被迫辭職，法王路易·菲利浦一世被迫流亡英國。法蘭西第二共和國成立。

英國對於歐陸地區嘅革命抱支持態度，外相巴麥尊勳爵公開同情海外嘅革命黨。佢強烈鼓吹民族自決，並堅定地聲援歐陸上嘅立憲派同自由黨。雖然巴麥尊支持歐洲各地嘅起義鬥爭，但佢就激烈反對1848年發生喺愛爾蘭嘅青年黨暴動。



革命之火亦都燒到奧地利帝國，1848年3月13日，帝都維也納爆發咗反對梅特涅政府嘅示威遊行，高呼「自由、憲法」、「打倒梅特涅」等口號。

奧地利黃絲包括咗所有嘅社會階層，有崇尚自由主義嘅貴族、中產階級同專業人士，佢哋對保守落後嘅梅特涅強烈不滿。

而匈牙利亦都爆發咗反對奧地利專制統治嘅運動，1848年3月，群眾喺科蘇特·拉約什領導下，宣佈由奧地利獨立。

梅特涅對匈牙利嘅獨立運動採取堅決嘅鎮壓行動。而由於英國自由派媒體將鎮壓匈牙利革命嘅奧地利將軍妖魔化為殺人魔王，以致於奧地利軍官喺訪問英國時，喺酒吧被英國工人階級痛毆。英國不得不向奧地利道歉。

奧地利對此並不滿意，佢對英國發出以下控訴：



然而來自愛爾蘭嘅巴麥尊攞出約翰牛嘅牛脾氣，堅決認為鎮壓愛爾蘭人同野人冇分別，猶如美國人對印第安人嘅政策。

諗起當時愛爾蘭薯仔饑荒，冇咗100萬人口
得鄂圖曼帝國蘇丹有幫手捐錢

一戰係奧匈發動嘅,唔存在奧匈唔會有一戰

1848年3月，匈牙利群眾喺科蘇特·拉約什領導下，要求仿效英國嘅憲法同國會，建立一個由選舉產生嘅君主立憲制政府。

匈牙利民族主義亦希望建立一個包括斯洛伐克、克羅地亞、塞爾維亞、特蘭西瓦尼亞嘅大匈牙利。呢啲地區曾經喺古化屬於匈牙利國土，“自古以來”就係聖史蒂芬王冠領地一部分。



而維也納嘅革命之火亦都越燒越烈，大批群眾示威，更築起街壘同奧地利軍隊展開戰鬥。皇帝斐一世喺國民嘅壓力下被迫讓步，將梅特涅（75）免職，梅特涅舉家逃往英國倫敦。



而除咗奧地利同匈牙利，帝國內嘅波希米亞地區亦都出現咗群眾運動。波希米亞雖然係神羅帝國盧森堡王朝嘅龍興之地，同奧地利一樣屬於帝國嘅核心地區。但透過語言學浪漫主義民族發明，波希米亞人嘅民族意識大大增強。

1848年3月，波希米亞嘅本土派「青年捷克黨」喺布拉格舉行會議，佢哋要求實行責任內閣，同埋承認捷克語同德語之間嘅平等地位。布拉格市民喺6月12日舉行革命，革命者同奧地利軍隊發生戰鬥，更加逮捕咗當地地方議會議長。

但溫和嘅中產階級好快就釋放咗佢。呢個地方議長逃脫後就同奧地利軍一齊鎮壓革命，導致其失敗。

普魯士表示：
差唔多到我出場暴打下半身堡啦

歐洲民族主義 = 世界大戰引爆裝置

民族發明會引發連鎖效應，猶如石頭落入水中泛起漣漪。有支持革命嘅民族亦有反革命嘅民族發明，當中克羅地亞人就因為受到匈牙利人嘅打壓，選擇咗同奧地利皇帝企埋同一陣線，對抗匈牙利。

而喺1848年俄國嘅屬國波蘭亦都爆發起義，有好多協助波蘭人民嘅革命者就係匈牙利人。基於唇亡齒寒嘅道理，俄國沙皇尼古拉一世決定喺鎮壓波蘭之後協助奧地利平定匈牙利人嘅革命。佢派咗35萬大軍到布達佩斯，好快就擊敗咗起義軍。終於喺1849年8月至9月份，革命喺俄國同奧地利帝國聯軍鎮壓下迅速終結。

1848年嘅革命雖然以失敗告終，但就摧毀咗神聖同盟同維也納體系。而除咗梅特涅被迫下台，斐一世亦都宣佈退位，讓位予侄兒法蘭茲·約瑟夫。



新皇法蘭茲·約瑟夫一世被迫通過一啲比較自由嘅政策，安撫帝國嘅各民族。

奧地利作出讓步，同捷克嘅士紳同中產階層合作，允許捷克人組建波希米亞議會，捷克語亦取得同德語同等地位。匈牙利同得到政治酬庸嘅克羅地亞成為帝國直轄區，享有較高嘅政治自由。

除咗帝國內部走向自由化，1848革命亦都成為德意志統一嘅催化劑。1848年5月18日，國民議會喺法蘭克福召開，計劃以民主方式統一德國。

1848革命great power之中得法國係成功

會議上大家討論嘅其中一個重點就係統一嘅德國領土是否應該包括奧地利(「大德意志方案」)❓另一方案係排除奧地利，由普魯士得到主導權嘅「小德意志方案」。



由於奧地利帝國包含咗太多非德語族群，以致議會上好多德意志民族主義都反對將佢拼入，以免溝淡德意志文化。結果會議最後決定選擇小德意志方案，並且勸進普魯士國王腓特烈·威廉四世接受德意志皇帝嘅名號。但由於普王深信君權神授、鄙視由別人選出來嘅名位，普魯士同奧地利嘅代表相繼離開議會，議會只有解散。

德意志統一計劃只得到中產階級知識份子支持，當普魯士嘅容克地主進京勤王嘅時候，佢哋就支持唔住了。1848年底，包括日後嘅鐵血首相俾斯麥喺嘅貴族率領手下農民軍，進入柏林。並呼籲普王腓四世重新支持貴族。



普魯士最終成立新嘅三級議會，傾斜於貴族嘅權益，革命亦都宣告失敗。

結果呢場大會引爆左1868年普奧戰爭
而呢場大戰亦都進一步將下半身堡推向收皮

未夠鐘而家乖乖地去Olmutz俾奧地利大哥訓導下先啦，順手執柒埋Erfurt Union佢

而喺1848年俄國嘅屬國波蘭亦都爆發起義，有好多協助波蘭人民嘅革命者就係匈牙利人。基於唇亡齒寒嘅道理，俄國沙皇尼古拉一世決定喺鎮壓波蘭之後協助奧地利平定匈牙利人嘅革命。佢派咗35萬大軍到布達佩斯，好快就擊敗咗起義軍。終於喺1849年8月至9月份，革命喺俄國同奧地利帝國聯軍鎮壓下迅速終結。

Schwarzenberg: Austria would shock the world by the depth of its ingratitude.
1848年之後嘅奧地利一定要講下佢，梅特涅之後奧地利最後嘅中流砥柱

差唔多架啦
1848大革命都過埋
1870個場歐洲霸主之戰好快開打

1848年法蘭克福議會嘅德國統一計劃雖然沒有成功，但就為日後嘅1871年統一打下基礎，而俾斯麥亦都憑住勤王之功喺政界嶄露頭角。

而奧皇約瑟夫一世喺民族浪潮平息之後，開始著手處理內政。佢重新規劃咗維也納城市建設，並且大興土木，起咗著名嘅環形大道同埋好多宏偉嘅建築，例如維也納歌劇院。



另外佢亦都允許猶太人擁有土地、自由搬遷同參與選舉，令到猶太人可以融入為帝國一部分。

1854年約一世娶咗表妹伊莉莎白為妻，佢就係著名嘅「茜茜皇后」。因為婆媳糾紛，茜茜變得唔鍾意留喺皇宮。佢於是成日離開維也納去外面旅行，當中匈牙利就係佢成日去嘅地方。

佢身邊有一名馬扎爾宮女，茜茜喺佢身上學習匈牙利語言同文化，令皇后深受匈牙利人民喜愛，受歡迎得有如戴安娜王妃。

雖然1848年嘅一統德國計劃流產，但普王腓四世依然死心不息。佢喺兩年後就攪咗個埃爾福特聯盟，希望重啟統一大業。



會上制定憲法，並以普魯士為大佬。此事令作為德意志龍頭嘅奧地利大感不滿，喺黑森選帝侯同臣民發生爭執後，奧地利首相施瓦岑貝格藉機進一步孤立普魯士，派軍隊進駐黑森。

1850年11月8日，普軍幾乎同奧地利盟友巴伐利亞喺富爾達開拖。而沙俄亦都出面支持奧國，最終喺形勢比人強以下，普魯士唯有低頭。

11月29日，兩國簽署咗奧爾米茨條約。根據條約，普魯士放棄領導邦國、統一德意志嘅計劃，德意志邦聯重新成立，而埃爾福特聯盟亦都宣告解散。



普魯士灰頭土臉，奧地利得俄國相助吐氣揚眉。但係奧地利同俄國嘅關係亦都維持唔到好耐，喺幾年後爆發嘅克里米亞戰爭中，兩國將會反目成仇。

俄國同鄂圖曼在1853年因為聖城耶路撒冷問題而起衝突，沙皇尼一世希望迫使蘇丹阿卜杜拉屈服，令土耳其成為俄國嘅附庸。然而英法兩國對俄國嘅勢力擴張早已十分忌憚，決定對蘇丹作出支持。阿卜杜拉見有人撐腰，今鋪真係近東病夫都變澤連斯基，於是對俄國嘅要求置若罔聞。



俄土兩國於5月正式斷交，俄國喺7月派兵進駐摩爾達維亞與瓦拉幾亞兩公國。到咗10月16日，克里米亞戰爭正式爆發，俄軍好快就喺黑海將土耳其海軍殲滅。土軍嘅大敗促使英法兩國參戰，隔年3月英法兩國亦先後向俄羅斯宣戰。



而俄國嘅盟友奧地利則拒絕支持俄國，更威脅要對俄國開戰。尼一世勃然大怒，佢將約一世嘅畫像倒轉，喺背面寫上忘恩負義四字（中肯評價）。

到咗1854年7月，奧地利軍隊更加佔領咗摩爾達維亞與瓦拉幾亞兩公國，俄軍被迫撤出多瑙河流域。

奧匈喺克里米亞戰爭入面兩邊陣營都得罪哂，梅特烈一走，外交即時碌柒

克里米亞戰事最終於1856年結束，俄國戰敗並且同戰勝國喺3月簽署巴黎條約。奧地利交還兩公國宗主權予鄂圖曼。

克里米亞戰爭結果之一係奧地利、普魯士同俄國嘅神聖同盟就此解散，奧俄從此反目成仇。

而普魯士喺戰爭中保持中立，戰後同俄國關係變好，普魯士喺德意志世界嘅地位亦日漸提高。而英法喺戰後亦都同俄國修好，奧地利日趨孤立。



如果話克里米亞戰爭只係令奧地利帝國勞民傷財同埋失去盟友，咁1859年嘅第二次義大利獨立戰爭就令皇帝連最富裕嘅領邦倫巴底都無埋。

入50年代後，意大利民族解放運動再度高漲，撒丁王國希望借助法國收復被奧地利佔領嘅領土，以實現國家統一。法皇拿破崙三世則以“解放”意大利為藉口，企圖實現其領土野心。雙方一拍即合，於是結成盟友共同對抗奧地利。

由於法國只有喺奧國先發動攻擊嘅情形下先會給予援助，撒丁只得利用一連串邊境軍事調度對奧國作出挑釁。最終喺1859年4月，奧國向撒丁宣戰。

lm

星期二檔案

奧軍越過提契諾河，進入皮埃蒙特。法軍亦都由拿三世親自帶領，同撒軍會合。5至6月，撒法聯軍先後喺蒙特貝洛同馬真塔擊敗奧軍，奧皇約一世決定將主帥撤職，自己接過帥權御駕親征。

可惜約一世出師不利，一帶兵就遇上索爾費里諾嘅大敗。6月24日，拿三世率領嘅法軍同撒丁聯軍大敗奧軍，奧軍損失慘重。當已經引退嘅智障前皇帝斐一世得知戰敗消息，更加話“就連我出馬，都可以打出一樣嘅戰果”。從此約一世亦都唔再親自指揮作戰。



奧地利戰敗之後，意大利各邦國先後爆發起義，推翻君主政權。法皇拿三世眼見民族解放運動升溫，擔心會影響到法國嘅利益，於是決定單獨同奧國議和。奧地利同意將倫巴第交由法國轉讓比撒丁，但仍佔有威尼斯。

到咗11月10日，撒丁迫於法國嘅壓力同奧地利簽訂和約，承認法奧協定條款。

意大利人民對此極為憤慨，繼續抗爭。終於喺1861年3月，意大利王國宣佈成立。除咗威尼斯仍由奧地利統治、羅馬由法國支持嘅教皇國統治，意大利基本上已經統一。

如果你係奧地利嚟嘅話
就唔該乖乖地去返奧匈帝國嘅軍隊
唔好貪得意寫信俾皇帝話要去德國參軍
打完仗又留喺德國 唔返嚟奧地利

奧地利因為連年征戰早已經財政破產，約一世因為財政困難被迫舉債，但係銀行家包括羅富齊家族都逼迫佢立憲先肯放水。

於是皇帝喺1860年被迫放棄君主專制，改行君主立憲制，並頒布憲法保障平民同貴族嘅權利。

而到咗1864年，普魯士同丹麥為咗爭奪石勒蘇益格-荷爾斯泰，爆發咗普丹戰役。



有關呢兩個地方嘅歸屬權問題極其複雜，佢既係神聖羅馬帝國嘅封地，又由丹麥國王兼任荷爾斯泰因公爵，而荷爾斯泰因亦都係德意志邦聯成員。石勒蘇益格居民以丹麥裔為主，屬於丹麥嘅采邑，而荷爾斯泰因則以德裔居民為主，兩地都一直由丹麥君主統治。



梅特涅嘅對頭巴麥尊勳爵就曾經講過：“世界上只有三個人能夠攪得清荷爾斯泰因遺產糾紛，一個王夫不過已經死鳩咗（指維多利亞女皇老公亞厘畢親王），另外有個德國教授不過已經癲咗，第三個就係我，不過我已經唔記得咗。”

普丹戰爭嘅導火線係丹麥國王弗雷德里克七於1863年去世，由於死後無嗣，由格呂克斯堡家族嘅克里斯蒂安九世繼位。

佢繼位後宣佈將石荷兩地併入丹麥，此事令兩地嘅德裔人士大為憤怒。俾斯麥於是喺德意志邦聯提出動議，並以其才智說服奧地利加入戰爭。

邦聯軍好快就佔領咗荷爾斯泰因，並且迫近石勒蘇益格，丹麥軍隊向北撤退，戰爭一觸即發。

如果佢當年考入咗維也納美術學院會點❓
做咗畫家?
但都會有第2個希特拉