奧匈帝國的生前死後（長文）

意粉配唔上列強呢個詞

哈布斯堡嘅祖先來自亞爾薩斯（今日屬於法國），後來擴張至瑞士北部嘅阿爾高州。1020年代，哈布斯堡家族嘅始祖拉德波特喺嗰度起一座城堡。相傳佢築城時見到一隻蒼鷹（德語：Habicht）停喺城牆上，因此將城堡命名為「哈布斯堡」（Habsburg），而鷹頭徽亦成為咗家族嘅象徵。



但亦有講法話中世紀德文入面“hab/hap”指渡口淺灘，而城堡就喺兩河交滙處，名稱由來與鷹無關。



到咗佢個孫奧托嗰代，開始喺文書中署名“哈布斯堡伯爵”，從此佢哋就以此為姓。

哈布斯堡嘅橋頭堡建立之後，佢哋一邊呼吸住瑞士山區嘅清新空氣，一邊將勢力擴展到奧地利同德國南部。不過同神聖羅馬帝國其他大貴族相比，哈布斯堡家族只係個新冒起嘅暴發戶，並不起眼。

然而機會來臨，人人可以做飛雲。1273年，哈布斯堡當代伯爵魯道夫陰差陽錯當選為羅馬人民的國王，哈布斯堡家族亦都借此機會上咗另一個層次。

究竟哈氏家族將來會唔會有東山再起o既一日?

留名

留名

960年，羅馬教廷因為受到意大利嘅入侵，向東法蘭克國王鄂圖一世求援。喺擊退意大利之後嘅962年，鄂圖一世得到教皇約翰十二世加冕，成為“羅馬人嘅皇帝”，歷史亦將呢日定為神聖羅馬帝國建立嘅日子。

從此神羅皇帝成為咗教廷嘅保護人同埋基督教世界嘅最高統治者，神羅帝國亦作為基督教世界嘅最高民政當局應運而生。帝國同教廷相互依託，雖然時有鬥爭，但彼此之間已不能分離，猶如相愛相仇嘅夫妻。




神羅嘅皇位繼承法原則上按照日耳曼部落傳統，由選舉產生。但係強勢嘅君王往往喺生前就徵得各大諸侯同意，由太子繼位，所以形同世襲。

選帝侯制度隨住時間日趨成熟，到咗1265年，教宗烏爾巴諾四世建議帝位應由七位（聖經中的神聖數字）“選侯”選舉產生，佢哋分別係3位大主教同4個強大嘅諸侯。



3個大主教嘅頭銜係國相，佢哋名義上代表皇帝統治法蘭西、德意志同意大利。而4個世俗諸侯嘅頭銜就比較低，只係皇帝嘅宮廷大臣，例如波希米亞國王嘅職位就只係皇帝嘅品酒官。

而到咗1245年，腓特烈二世因為與教廷交惡而被廢黜帝位，大空位時代開始，哈布斯堡的魯道夫一世就喺呢個背景下當上皇帝。

究竟哈氏家族將來會唔會有東山再起o既一日?

管理企業應該OK嘅

哈布斯堡無你認為咁脫離政治
80s泛歐野餐哈布斯堡家長有份發起，奧地利捷克仲有政黨用恢復君主制做政綱

lm

支持樓主再寫新文

支持

最識結婚的皇族

有本書叫《哈布斯堡的滅亡》
好好睇

用下半身擴張領土嘅家族

歐洲貴族只係落左檯底玩 檯面果d政治家都係佢哋d人

首國歌好好聽
https://youtu.be/QDUI6OvONEM

講下奧匈嘅民族

其實有時候諗，唔搞奧匈二元制到底會唔會令哈布斯堡帝國長命啲，定係將南斯拉夫內戰提前一百年

畢竟去到奧匈晚年，二元制由妥協變成咗匈牙利騎劫二元帝國，令國家體系機能失調（甚至癱瘓）、軍事衰退嘅重要原因之一。假如哈布斯堡皇室強勢高壓統治壓制住國內異心，哈布斯堡帝國未必好似一戰時候咁廢，連小小塞爾維亞都打輸，要德國幫拖同保加利亞夾攻先贏。

但同一時間，象徵向心力嘅領袖如果死咗，過往靠高壓維持嘅多族聯邦好容易隨時瓦解。Franz Joseph駕崩就奧匈分崩離析，鐵托去世就南斯拉夫解體。 如果哈布斯堡帝國內戰，或者可能引爆巴爾幹火藥桶，一戰早幾十年開拖。

劉明

當你係10%日耳曼人10%匈牙利人10%克羅地亞人10%波蘭人10%捷克人10%烏克蘭人10%斯洛文尼亞人10%波斯尼亞人10%塞爾維亞人10%意大利人10%羅馬尼亞人
你就係110%奥匈帝國人

就係咁亂

ottoman仲勁

咪即係德國國歌

留名

其實一句講曬

因為亂倫

我好憎ottoman
佢地殺咗我地希臘好多人