奧匈帝國的生前死後（長文）

另一個角度睇，波蘭喺波蘇戰爭勝利令到蘇俄冇得咁快赤化中歐

lm

lm

1933年，納粹黨成為德國國會第一大黨，希特拉並被總統興登堡任命為總理。



到咗1934年，興登堡病死，希特拉連總統嘅位置都繼承埋，將兩個職位合併為元首。

元首上台嘅時候，全國有一半人失業或半失業，但喺納粹上台之後喺短短幾年間，失業率跌到幾乎零。

希特拉用嘅方法就係運用國家力量，喺1934到39年大量開設國營重工業工廠同鼓勵參軍，迅速解決咗失業問題。同時嚴格控制國民薪金，以準確控制支出。

納粹黨呢套偏左翼嘅經濟政策是為民族社會主義，既不同於歐美亦不同於蘇聯。納粹黨並唔會好似共產黨咁沒收你財產，只係會喺啲企業派個黨委，唔參與日常營運。

但到咗“大是大非”嘅時候，納粹所派嘅黨委就會發揮作用，佢哋會喺重大政策作出導向，引導企業遵守國策，猶如今日中國嘅民企。

納粹嘅經濟政策令德國gdp幾年內翻咗一翻，，並且重整咗重工業基礎同埋建立咗一枝軍隊。

喺納粹德國生活下嘅一般人如果唔參與政治，的確可以好似今日中國人咁“歲月靜好”----除非你係個猶太人。

喺納粹德國生活下嘅一般人如果唔參與政治，的確可以好似今日中國人咁“歲月靜好”----除非你係個猶太人。

今日西藏新疆人

事實上排猶同排華一樣源遠流長，歐洲好多國家如俄國、西班牙、波蘭都試過排猶，並唔係納粹黨嘅發明。

1935年納粹德國通過紐倫堡法案，猶太人被剝奪一切法律保障同公民權利，並遭到大規模驅逐離境。



由於猶太人已經被剝奪公民權，民眾就喺納粹黨群眾機構鼓動下自發向猶太人進行迫害。大量猶太教堂同商店遭到破壞，超過3萬名猶太男性遭到逮捕並關入集中營，之後又開始剝奪猶太人財產同要求猶太人佩戴標記以作區別。



除咗反猶之外，納粹亦為咗復興神聖羅馬帝國版圖，開始對外擴張，目標之一就係同文同種嘅奧地利。

奧地利係一個自己唔願意存在嘅國家，第一共和國自成立以來，一直不得人心。1930年開始，奧地利納粹黨喺希特拉支持下勢力漸大，1934年更將反對統一嘅總理陶爾斐斯刺殺。

此事直接導致奧地利取締納粹黨，並有眾多納粹黨分子逃亡到德國。繼任總理許士尼格繼續鎮壓納粹黨人，將所有納粹黨捉入拘留營。

38年2月希特拉同許士尼格喺貝希特斯加登會面，希特拉威脅要進攻奧地利。許士尼格因此被迫讓步，任命奧地利納粹黨人擔任政府職務，包括由英夸特擔任公安部長。

1938年3月，許士尼格面對越演越烈嘅統一浪潮，決定舉行公投。

希特拉得知公投消息，決定出兵加以阻止。德軍喺3月12日越過德奧邊界，受到奧地利人夾道歡迎。

3月15日，希特拉抵達維也納，受到20萬群眾熱烈歡迎，佢亦因此決定直接吞併奧地利而唔係建立衛星國。



由於合併公投被希特拉阻撓，會否獲得通過成為咗歷史懸案，跟住納粹開始將佢嘅觸手伸向另一個德意志人地區----蘇台德。

樓主你加油
如果再係咁講落去會唔會講到蘇聯解體

樓主一個post整合咗大部份近代德意志+奧匈地區歷史嘅重點
中歐史好好嘅入門嚟

有機會去當地旅行嘅話睇定呢個po打底都得

1933年開始蘇台德地區嘅德意志人開始以民族自決為由，進行回歸德國運動，德奧合併後蘇台德區問題更成為歐洲外交政治嘅焦點。

而當捷克接到德軍正開往兩國邊界嘅情報，亦都開始進行動員。眼見兩國劍拔弩張，英國首相張伯倫於是喺慕尼黑召開高峰會。英法意德四國首腦喺捷克缺席嘅情況下，同意蘇台德拼入德國。



慕尼黑協議被後世視為綏靖主義嘅頂峰，但係就令到戰爭未喺38年爆發。

對凡爾賽體系同感不滿嘅國家仲有匈牙利，對匈牙利嘅民族主義者而言，收復特里亞農條約失去嘅領土十分重要。

人種防衛黨等法西斯勢力因而開始喺政壇崛起，佢哋同時亦都反猶太，所以同納粹以及意大利法西斯都臭味相投。匈牙利外交亦都因此日益倒向德意。

喺蘇台德事件之後，匈牙利亦乘機向捷克要求取回斯洛伐克同喀爾巴阡·盧森尼亞。慕尼黑會議上亦對匈牙利嘅領土訴求進行過討論，結論都係以民族自決嘅大原則去處理。

呢啲地區主要人口係斯洛伐克同烏克蘭人，公投的話未必肯回歸匈牙利。匈牙利於是決定以武力制造既成事實，喺10月開始動員軍隊對捷克政治施壓。德意亦從中介入，雙方11月喺維也納達成協議，將喀爾巴阡·盧森尼亞同斯洛伐克南部割讓俾匈牙利。

但係因為呢兩個地區嘅民族主義已經覺醒，居民唔願意就此拼入匈牙利。喺納粹嘅扶植下，斯洛伐克首先得到獨立建國嘅機會。1939年3月14日，獲得德國支持嘅約瑟夫·季索宣佈斯洛伐克共和國獨立。

而喀爾巴阡烏克蘭共和國亦都宣告成立，但就遭到匈牙利嘅入侵。而因為斯洛伐克已經歸邊跟咗德國，最終喺德國調停下，只有斯洛伐克南部以匈牙利人為主嘅地區重歸匈牙利。



有道是皮之不存，毛將焉附。當捷克失去咗斯洛伐克同蘇台德，已經注定難逃亡國命運。難以抵抗匈軍入侵嘅捷克被迫向德國低頭，改組為德國嘅保護國“波希米亞和摩拉維亞”。



就係咁攪咗一大輪之後，奧匈帝國裂解出嚟嘅新國家又再好似一戰咁，重歸德國人麾下。再加埋兩個新盟友日本同意大利，德國又再次有本錢可以挑戰英美為首嘅國際秩序了。

法國而家想話用外交途徑解決俄烏戰爭好有當年Munich Agreement感覺

終於到我上線喇

但你今世投胎左做英藉香港人

呢個唔係投胎，係復活

英法此時開始對德國無窮無盡嘅野心感到震驚，開始同波蘭、羅馬尼亞、希臘等國陸續結為同盟。

但是希特拉一於少理，佢又再次要求波蘭歸還但澤自由市予德國。



但澤居民當時主要係德意志人，一次大戰後劃分咗俾波蘭，原意係為佢獲得出海口。

38年10月，希特拉向波蘭提出波蘭走廊問題，並向波蘭發出戰爭威脅。

39年8月23日，蘇德簽訂互不侵犯條約，更劃分勢力範圍。9月1日，德軍以閃電戰突襲波蘭，標誌二次大戰爆發。

德軍迅速侵佔波蘭大部分領土，蘇聯亦都同時出兵，瓜分咗波蘭，波蘭又再次亡國。

二戰期間俾納粹控制嘅各個國家，際遇亦各有不同，其中深諳世俗智慧嘅波希米亞人就喺納粹統治下如魚得水。以斯柯達工廠為首嘅捷克重工業幫德軍提供大量軍火，希特拉亦都對波希米亞人唔錯，周時加佢哋人工，生活水平拍得住美國人，而盟軍亦都好少轟炸捷克。




不同於東歐韋小寶捷克人，一身傲骨嘅匈牙利人始終保持住反抗精神。霍蒂爾攝政治下嘅匈牙利同德國一直都只係表面上合作，暗地裡相互算計。

霍攝政迫於德國人壓力，被迫開放選舉俾親納粹嘅箭十字黨參選，但又因為佢哋嘅主張同匈牙利主張嘅封建原則格格不入，對佢哋加以打壓。

隨住軸心國戰事失利，匈牙利亦開始對德國起咗異心。42年2月，霍攝政宣佈禁止箭十字黨活動，並考慮退出軸心國，單獨同盟軍議和。

察覺到匈國動靜嘅德國喺44年3月發動突襲，將匈牙利全國控制住。德國並扶植箭十字黨人為傀儡政權，霍攝政流亡海外。

一戰前到二戰德國面積都係大過法國
最後連發跡地東普魯士都畀埋俄佬

1870年普法戰爭之後 德意志帝國誕生已經被視為歐陸第一強權 人口同工業化程度都高過法國 當時大清同日本想現代化都有同德國取經
一戰後法國為咗想永久削弱德國依個強鄰而堅持嚴苛處罰嘅凡爾賽條約 東普魯士變咗飛地 二戰後比俄佬吞咗 成個地方都俄羅斯化埋

“眼見他起高樓，眼見他宴賓客，眼見他樓塌了。”

1945年4月30日，第三帝國元首希特拉終究承受唔到神聖羅馬王冠嘅重量，喺柏林吞槍自殺。



納粹戰敗令德國變成盟軍嘅佔領區，同盟國將德國領土分割，西部由西方盟國統治、東部由蘇聯管轄，而盟軍亦都同時進駐喺奧地利同捷克。

二戰結束後，資本同共產陣營關係迅速惡化，世界進入冷戰時代，而中東歐就成為咗兩大陣營嘅角力場。

由於冷戰雙方都同意大家需要一個緩衝，奧地利幸運地被劃分為永久中立國，獲得瑞士般嘅待遇，不需承擔德國嘅戰敗國責任。

奧地利嘅鄰國就冇咁好彩，佢哋大部分逃不過赤化嘅命運，波蘭、匈牙利、捷克都淪為蘇聯嘅附庸。而德國亦分為資本陣營嘅西德同共產陣營嘅東德。



基於地緣比善惡更重要嘅關係，熱烈地彈琴支持納粹嘅奧地利同巴伐利亞都避過赤化嘅命運，而喺戰爭中一直同希特拉分庭抗禮嘅東部容克地主反而落入共產手中。

喺後世人眼中東歐赤化同美國對蘇聯讓步過多有莫大關係，事實上戰後嘅蘇聯已經五勞七傷，無力反抗。如果美國施加壓力，可能起碼保得住波蘭等地。

但歷史沒有如果，東歐喺戰後相繼成立共產主義國家。捷克同斯洛伐克又再次合併，波希米亞人面對新宗主蘇聯依然十分識做人：佢哋又再次自我發明為斯拉夫人，表示同俄國人自古以嚟就係一家人。

捷克人喺冷戰時代依然靠住精良嘅軍工業，為蘇聯提供運往以色列同越南嘅各種武器，喺共產國家中生活過得相當唔錯。

匈牙利喺戰後又回復到38年嘅版圖，而當時嘅匈牙利已經淪為蘇聯嘅附庸國。蘇聯取締咗舊匈牙利王國嘅所有政黨，只淨低最左翼嘅小農黨。

根據蘇聯同西方嘅協議，蘇聯將會喺匈牙利建立聯合政府，並且用選舉去決定國家嘅走向。

由於共產黨人依舊不得人心，所以小農黨就獲得57%選票，成為最大黨派，共產黨只係得到17%。

但小農黨嘅大勝只係因為本土派候選人已經DQ曬，基於替補效應先會大贏。

但槍始終喺共產黨手中，蘇聯知道投票大敗之後決定透過完善選舉制度同設立國安局，喺1947年將小農黨黨首拘捕，其部分成員則流亡國外。

1949年8月，匈牙利人民共和國成立，正式成為共產國家。

史太林死後共產世界改由赫魯曉夫掌舵，由於佢喺黨內競爭對手眾多，根基並不穩固。佢於是開始釋放政治犯同埋為史太林清算嘅人平反，對於東歐嘅屬國亦都提供更多優惠政策。

然而共產政權嘅根基就係靠鎮壓，鎮壓一鬆攪自由化就會即刻出問題。當時匈牙利嘅總理納吉·伊姆雷係一個近似趙紫陽嘅共產黨內改革派，佢仿效赫魯赫夫嘅做法開始改革開放，將監獄嘅政治犯釋放。



嗰啲政治犯好多係以前嘅保王黨成員，本身就係社會上嘅凝結核，受到人民擁戴，放佢哋出嚟對共產政權嚟講無異於放虎歸山。

1956年10月23日，匈牙利爆發革命，由一開始嘅學生抗議事件，逐步演化為暴力衝突。喺舊保王黨人帶領下，革命之火迅速燎原，布達佩斯陷入混亂同暴力之中。保王黨人將過去拘捕佢哋嘅祕密警察，一個個好似出爐燒鵝咁掛上布達佩斯嘅路燈。



為咗穩定局勢，總理納吉成立新政府，解散原勞動人民黨同秘密警察，並且宣布退出蘇聯牽頭嘅華約組織，同埋準備舉辦自由選舉，脫離共產陣營。

而赫魯曉夫到咗呢個時候，依然對是否鎮壓猶豫不決，甚至向遠在東亞嘅中共領導人徵詢意見。

時任中國副總理鄧小平就對路燈上嘅同志身同感受，堅決認為必須武力鎮壓----而佢喺30多年後會得到實踐嘅機會。

而中共嘅領導人毛澤東亦都因此睇到赫魯曉夫軟弱嘅一面，為不久後嘅蘇中交惡埋下草蛇灰線。



蘇聯最後都係出兵鎮壓清場，到11月10日局勢大致上平定落嚟，衝突中數千人死亡，20萬匈牙利人逃出國外成為難民。

支持革命嘅總理納吉被蘇聯人祕密處死，而保王黨人有啲死喺街壘，有啲就流亡海外----直到30多年後鐵幕倒塌。