奧匈帝國的生前死後（長文）

話一個猶太人係納粹
燒壞腦定太自大
同埋人地烏克蘭有納粹關你撚事
當人地自己唔會去搞咩

我都係不過佢哋全部都係男嘅唔可以走

記得睇過哈布斯堡的滅亡呢本書，好痴線嘅係當時奧匈宣戰唔陣塞爾維亞主帥正喺奧匈境內渡假療養緊，但最後奧匈因為騎士精神同驚勝之不武決定放佢走

雖然赫岑多夫曾經寫過唔少戰略書，亦被認為係研究波耳戰爭嘅專家。但事實上佢只係個軍事理論家，冇咩實際嘅從軍經驗，對軍事嘅認識同趙括一樣流於紙上談兵。

而由於財政上嘅貧乏，奧軍普遍都訓練不足。當帝國發佈動員令徵召壯丁參軍嘅時，官僚們就同所有公務員做嘢一樣，都係交差敷衍了事。奧匈帝國就好似二戰時期嘅國民黨政府咁到處抓壯丁濫竽充數，以偷呃拐騙手段，夾硬將好多老弱病殘在內嘅人捉去當兵，如同人力桶底嘅渣滓。

當中波希米亞人雅羅斯拉夫·哈謝克就以自身經歷寫成小說“好兵帥克”，描述奧匈軍中各種光怪陸離嘅情況：臨陣拼湊起嚟嘅“友”軍之間互相傾軋，軍官們以貽誤對方公事嚟公報私仇，軍官掛住喺火車站同雞講價，連架車走咗都唔知。




咁樣嘅軍隊難免既無效率、又無紀律、更無士氣。

聽講奧匈帝國嘅軍人好多都語言不通

梗係啦，幾廿個民族喺入面

亂過亂世佳人
可以生存到一戰爆發已經好勁，全靠老皇帝

冇記錯佢哋因為咁，啲兵成日聽唔明上頭落嘅指示搞到係咁輸

赫岑多夫亦都對應該將主力放喺巴爾幹定加里西亞舉棋不定。佢初時縮骨地想將東線防禦俄軍嘅責任交比盟友德國，自己打比較弱嘅塞國。但係因為德國嘅施壓，佢又匆匆忙忙將軍隊調去東線，攪到倒瀉籮蟹。

由於赫岑多夫需要親自前往東線坐鎮，因此佢不得不將控制權交俾死對頭波蒂奧雷克，兩人為咗爭上位一直有所不合。



波蒂奧雷克同赫岑多夫一樣冇咩帶兵經驗，一直以來主要負責軍隊嘅文書工作。佢為咗可以可以擦約一世鞋，希望喺皇上8月18日生日前擊敗塞國，送比佢做生日禮物。

但係咁樣就如同俄軍妄圖喺5月9日前擊敗烏克蘭一樣不切實際，當時正正係炎熱嘅夏天，士兵本嚟就行軍困難，仲要面對熟識地形嘅塞國遊擊隊偷襲。當奧軍試圖喺河邊建築橋頭堡做防禦工程嘅時候，先發現無帶到架橋設備。

而波蒂奧雷克亦都犯下咗兩個嚴重戰略錯誤，佢將主力放喺地形複雜嘅西面，而非平坦嘅北部平原。另外，佢嘅分兵策略亦都令到塞軍局部得到人數上嘅優勢。

1914年8月15日，奧塞兩軍終於喺策爾山開戰，波蒂奧雷克好快要為自己嘅錯誤埋單。

宋襄公

雖然奧匈打仗好柒
但無記錯既話18 19世紀既維也納係歐洲文化中心之一？

大家最近有冇睇咩歷史書，一本叫做歷史的轉換期1683年幾好睇
嗰系列有其他年份

8月15日夜晚，塞軍喺策爾山上發現奧軍嘅哨站，於是開火擊退奧軍，策爾戰役爆發，塞爾維亞人喺不久之前嘅巴爾幹戰爭中得到實戰嘅機會，雖然裝備不如奧軍精良，但保家衞國嘅決心令佢哋士氣度增加30%。相反包括德意志、匈牙利、克羅地亞、捷克各色人等組成嘅奧匈雜牌軍就冇咩鬥志-----每次有士兵受傷總有十幾人護送走，個個喺度吞pop鳩hea。

另外語言不通亦都係一個大問題，喺1903年嘅軍事改革中，皇帝約一世向匈牙利人作出讓步，容許匈牙利軍人唔駛講德文。其他民族見到亦都有樣學樣，以自己母語去回應上級。

策爾戰役打咗10日，塞軍死咗3到5千人，而奧軍就死咗6千到1萬人，另外尚有4,500人被俘。塞軍得勝，將奧匈軍逐回邊界。



而喺另一方面，坐鎮東方戰線嘅赫岑多夫就同盟友德國互不信任，經常為咗軍隊嘅指揮調度而爭執。

因為德國需要將主力留喺西線抵禦法國，因此要求奧匈發動攻擊以牽制俄國，而同時俄國嘅盟友法國亦都希望俄軍喺東線可以牽制德奧。終於喺8月底嘅時候，奧俄兩軍喺今日波蘭嘅克拉希尼克同科馬羅夫開戰，奧軍憑住兵力優勢獲得小勝。

然而奧軍嘅勝利並不長久，俄軍雖然損兵折將，但係憑住高生育率人口得以迅速補充兵源，並且喺加利西亞開始展開反攻。



俄軍主帥魯斯基始終認為倫貝格嘅防禦十分堅強，因此始終採取謹慎行軍嘅策略。但實際上，奧軍嘅軍事防禦異常薄弱，好多工事都未做完。

8月25日，防禦加利西亞嘅奧軍司令布魯德曼奉赫岑多夫之命，喺佐洛塔利帕河發動反擊，布魯德曼出身於軍人世家，幼負神童之名，甚受皇帝寵信，更被稱為“未來嘅希望”。佢以拿破崙自居，但就同赫岑多夫一樣冇咩實戰經驗，只會紙上談兵。



輕率嘅布魯德曼無視俄軍嘅優勢兵力同火力，結果大敗收場。兩日後唔服輸嘅佢再次發動反擊，但奧軍嘅打法依舊十分柒碌-----一隊奧軍向俄軍開火後發現對方絲毫無損，原來後勤部隊將平時演習用嘅空包彈比佢哋用。



奧軍到咗8月30日，先發現自己遇上俄軍嘅主力，唯有撤退。但由於俄軍嘅打法都不甚高明，魯斯基嘅過份謹慎令奧軍得到時間組織後撤，奧軍全線向倫貝格撤退。

俄軍迅速重啟進攻，布魯德曼建議赫岑多夫放棄已經守唔住嘅倫貝格。不甘失敗嘅赫岑多夫喺9月8日再次發動對倫貝格反攻，但卻令到奧軍防線完全崩潰。

到到九月初，奧軍已經處於完全潰敗的狀態。主力已經撤退到桑河以後。

但係憑住高生育率人口得以迅速補充兵源

所以歷史真係好正
俄羅斯始終如一
宜家佢人口流失
但始終係歐洲第一
今次都係用人口作為優勢
（當然可以當係歐洲邊緣人）

其實有唔同嘅，一嚟人哋幾族真係同種同源，二嚟人哋行聯邦制，三嚟鐵托係克羅地亞人而唔係塞爾維亞人，佢一生都喺度壓止住塞爾維亞同克羅地亞民族主義

佢想搵嘅接班人都早死過佢
如果你話 大塞爾維亞主義=中華民族 會合適啲，唔應該用米洛舍維奇嗰幾年就話南斯拉夫係咁

布魯德曼被認為需要為戰事失利負責而遭免職，即使佢只係聽從赫岑多夫嘅指揮，佢嘅帥印改由由博羅耶維奇接掌。




赫岑多夫此時終於肯大興土木加固普熱梅希爾嘅防禦工程，由於俄軍進軍仍舊緩慢，強攻嘅俄軍喺損失數萬人之外一無所獲，加利西亞戰線就喺水兵鬥海軍之下完結咗。

而喺巴爾幹方面，波蒂奧雷克自從戰敗以來就被稱為無能飯桶，急於重振聲威嘅佢於9月7日從西方重啟攻勢，渡過德里納河，兵分兩路進攻。

南路軍好快被擊潰，但北路就喺塞爾維亞嘅領土上站穩了腳步，成功喺新一波攻勢中建立橋頭堡。兩軍喺爭奪草莓山脈嘅血腥戰鬥中各自損失過萬人，戰鬥陷入僵局。

兩軍於是展開咗壕溝戰，塞軍嘅裝備十分簡陋，彈藥同其他戰爭物資亦都相當貧乏，好多農民兵連鞋都冇得著。



戰爭呈膠著狀態，奧軍雖然裝備稍為好啲，但士氣更為低落，有啲士兵為咗離開戰場，不惜向自己左手開槍。

歷史的轉換期，1571 白銀大流通與國家整合

同系列？係list，未睇

最近睇左1291阿卡圍城戰，曬時間

睇緊征服者: 葡萄牙帝國的掘起

巴爾幹嘅戰事持續陷於膠著狀態，奧軍於是喺10月初停止攻擊。而赫岑多夫同波蒂奧雷克喺國難當前依然不忘內鬥，喺赫帥強烈要求下，資源同軍事方向都往東線發展，而波帥亦都失去咗同宮中直接聯絡嘅back channel。

此時德軍已經喺西線成功阻擋英法嘅攻勢，開始可以抽身支援豬隊友奧地利。當德軍見到奧軍嘅作戰表現，不禁表示十分震驚。單係喺加利西亞，奧軍已經死咗十萬人以上，12萬人被俘虜。

德軍嘅主帥興登堡同埋佢嘅參謀長魯登道夫都認為如果俄國打巢咗奧匈，會對德國極為不利，因此佢哋決定主動出擊。


（興登堡、威廉二世同鲁登道夫攝於1914年。）

奧德聯軍喺9月底開始渡過維斯瓦河，希望打下俄國第三大都市華沙，以此作為進擊俄國嘅橋頭堡。

然而因為俄國一直唔喺華沙以西修橋補路，以阻慢德國人進攻。因此德軍嘅攻勢頗為遲緩，佢哋喺滿布泥濘嘅道路舉步維艱，喺惡劣嘅環境下，奧德聯軍於10月6日又撤回維斯瓦河。

而家嘅俄國就好似奧匈一樣

要以穆斯林異族僱傭兵去填補兵源

魯登道夫篇總體戰係咪真係影響納粹影響得好深

奧軍一如既往地士氣低落，士兵寧願自殺都唔肯同敵人作戰，而投降嘅士兵亦都好多。自殺同投降嘅士兵好多都係匈牙利馬扎爾人，亦都係咁佢哋同德意志和捷克等民族矛盾更深。

到咗11月份，聯軍已經喺華沙損失四萬人，佢哋開始撤退。而當俄軍得到聯軍退卻嘅消息，決定乘勝追擊。

此時俄軍一片形勢大好，聯軍則內部不和又士氣低落，俄軍可以寄望速勝，甚至打到德國境內。然而德軍早喺無線電中截獲俄軍嘅進攻計劃，德軍決定先發制人，突襲俄軍。



兩軍喺波蘭羅茲爆發戰鬥，兩軍好似捉圍棋咁不斷對敵軍展開包圍網，最後俄軍憑住兵力優勢將德軍重重圍困。然而俄軍主帥因為錯誤地將大部兵力調往錯誤方向，令德軍得以死裡逃生，得以避過全軍覆沒。



此戰雙方都傷亡慘重，德軍損失 35,000 人，而俄軍則損失 7萬人。由於兩邊都需要啲時間喘息下，結果東線戰事由12月中開始進入膠著狀態。

影響列寧黨都好深