「讓別人去打仗吧,你,幸福的奧地利,結婚去吧!戰神馬爾斯賜給別人的東西,愛神維納斯會賜給你。」
喺哈布斯堡擴充王室領地嘅過程中,“婚姻外交”起咗重要作用。1278年,魯一世為女兒同奧二世個仔、波希米亞嘅王位繼承人瓦茨拉夫舉行婚禮,同時又為兒子魯道夫同奧二世個女舉行婚禮。
1281年,魯一世老婆病逝,佢續娶咗勃艮第公爵厄德四世嘅女兒為妻。1291年,73歲嘅魯一世病死。
喺魯一世死嘅時候,哈布斯堡已經成為中歐政治舞台嘅要角,魯一世亦被視為下半身堡嘅中興之祖。
魯一世晚年極力周旋於各諸侯之間,試圖令長子阿爾伯萊希特繼承帝位。但由於德意志諸侯不滿意魯一世過份加強哈布斯堡家族嘅權力,畏懼日趨強大嘅哈布斯堡王室會採取限制佢哋政治獨立嘅措施,所以佢哋喺1287年維爾茨堡召開嘅帝國議會上,並未選舉阿爾布雷希特,而是推選拿騷嘅阿道夫為神羅皇帝。
阿道夫因為同英國結盟遭到厭棄,魯一世之子阿爾布雷希特被選為對立國王,並在1298年擊敗阿道夫,正式登基。1308年,阿爾布雷希特一世被自己個侄施瓦本嘅約翰殺害,自此後雖然阿爾布雷希特個仔佛烈德利赫曾被選舉為對立國王,並與巴伐利亞嘅路德維希四世共治。但其後嘅一百年間哈布斯堡家族嘅勢力開始退縮到以奧地利爲主嘅家族領地,神羅皇位則相繼落入盧森堡同維特爾斯巴赫家族手中。
到咗14世紀,新成立嘅瑞士聯邦不斷向德國南部擴張,導致哈布斯堡家族失去咗祖先龍興之地鷹堡。自此哈布斯堡家族嘅基地正式由瑞士北部轉移到維也納,被稱爲「奧地利家族」。
歷任奧地利公爵都不斷地擴大公國嘅統治範圍,並喺14世紀中葉開始自稱「大公」,以期與選帝侯嘅地位相抗衡,但該稱號未得到皇帝承認。
一直到1439年,先至有另一個哈布斯堡人重登皇位。