想集中係依度討論外傳,所POST多次阿BEN篇係度,緊接住就去文仔篇。
想睇返主線 《新婚的我搭上了鄰家少婦》 可以去依個POST > https://lihkg.com/thread/215255/page/1
-------------------------------
《新婚的我搭上了鄰家少婦》- 外傳
阿BEN篇(第1篇)
----------------------------
我叫做張志斌阿BEN,係深水埗出世深水埗大,同父母阿妹4個人住係唐樓3樓,日日行上屋企真係好辛苦。
深水埗係一個好舊既地方,品流複雜咩人都有。有做飲食業既人、有做小販、有做收賣既人,一句講晒住係依度既人或工作既人教育水平都比賽低收入亦好少。
(註: 依個係阿BEN細細個80-90年代既感覺,唔係講現在差。 作者感覺現在既深水埗正在改變中同以前已經大大不同。)
2樓有一個單位原本入面住左一個叫娟婆婆既人,對我同妹妹好好成日請我地食糖,所以我地都好鐘意去娟婆婆度,有時阿媽唔得閒會叫娟婆婆睇住我地,我地關係好好。 娟婆婆屋企養左一隻花貓,有時候我同妹妹會自己行落去玩‧
記得大約我8歲左右,阿媽拖住我同阿妹放學返屋企,去到娟婆婆個單位冇關大閘,門口開住紅色燈。
果時我都唔知咩野黎:「阿媽,我想探娟婆婆啊!」
阿媽:「啋~~~ 唔好亂講野,娟婆婆搬走左啦。以後唔好黎依度。」 之後就急急腳拉走左我同阿妹。
果時候細個見到好多叔叔會去果個單位,出入既叔叔個個都好似好開心咁。 唔通入面有糖食所以個個都咁開心??? 不過次次行過阿媽都好似好唔鐘意果個單位咁就拉走左我同阿妹。
細個時候既我都好有好奇心,有一次我同阿妹講:「妹妹,我見好多叔叔去完娟婆婆屋企都好開心,唔知道係唔係有糖食,我地一齊偷偷地去睇下好唔好??」
阿妹細我3年,5歲。 我做阿哥有一份自覺要好好照顧妹妹,所以今次佢一齊去娟婆婆屋企玩同拎糖,因為我個人認為D叔叔咁開心一定係有糖食,有好野我係唔會唔益我阿妹。
拖住阿妹開開心心咁落左2樓,見到個之前冇既燈箱。 阿妹見到就問我:「哥哥依個咩字? 大咩呀?」
阿妹只係識其中1隻字,對於已經讀小學既我黎講識既字當然比阿妹多,果個燈箱上面只有4隻字,4隻我都識讀晒。
我就好威威咁指住D字大聲朗讀出:「大~波~少~婦~~ 妹妹跟我讀一次!」
由細到大我都好有心教阿妹讀書,我同個妹一齊係度讀:「大~~波~~少~~婦~~~」
「係啦~岩啦,妹妹你自己讀一次。」
「大~~波~~少~~婦~~~」
「冇錯啦~~~妹妹好叻」 對於妹妹係我精心教導之下阿妹學得咁快,我感到欣慰!!!
「哥哥,咩叫大~波~少~婦~啊?」妹妹求知慾好強。 而對於天真既小學雞既我黎講我只能夠照字面去理解。
「即係入面有個大氣球玩囉。」 我唔理做咩事要特別註明少婦,一個年輕既婦女同一個大氣球有咩關係!?
我唔理咁多啦,一陣去問阿媽就知道:「我地入去搵糖食同玩氣球啦。」
阿妹以為就快有糖食又有氣球玩,好開心咁同我進入依個神秘領域!