阿儀篇(第五篇)
---------------------------------
「暑期工月入可以過萬?係做咩架? 佢冇寫既??」買完BRA後,我同VIVIAN去食少少野。
「唔知道啊! 去見工佢時我地再問佢啦。」 VIVIAN心情好好。
「咁又係,一陣我地見完先算啦。 你今日心情好好喎,有咩事發生?」
VIVIAN面紅紅笑左下:「無野啊? 邊度有姐~~~不如我地食M記啦。」
「你有野,古古怪怪咁!!!! 快D話我知啊~~~」
「唔…. 好啦!話比你知都得,但你唔好同人講喎。」 VIVIAN似乎有重大既事要宣佈。
「好!唔會講出黎!」
「我同左鄭正華一齊啦….嘻….」VIVIAN由個心度笑出黎。
「下~~ 真係架? 我真係恭喜你呀!!! 點解既?」
「個日食完下午茶,你走人先,之後我同佢行左陣商場,佢送我返屋企啊! 之後佢拖住我隻手啊。」望住VIVIAN開心既樣,我係應該覺得高興。
「衰婆啊,之前又扮晒野話唔鐘意佢,依定一齊左又咁開心。你就好啦。」 鄭正華唔係想追我既咩???? 點解又突然同左VIVIAN一齊?
「係啊,一齊見完工,鄭正華都會出黎啊我地去睇戲。 你一唔一齊?」
「唔阻住你地啦。」 我唔知道VIVIAN係唔係故意叫我一齊出去,佢明知道鄭正華追過我。
而我知道VIVIAN同鄭正華拍拖,我個心又有少少唔開心,雖然過鄭正華係追我而我冇同佢一齊,但一知道鄭正華同左另一個人一齊,心入面覺得少左一D野咁。
同VIVIAN食完飯,差唔多時間去見工。 但由於我唔想比鄭正華見到我,所以我冇同VIVIAN一齊見工。我作左借口話自己好似黎M所以唔想見工。
之後自己一個人行返去屋企,一邊行一邊諗下自己暑假應該做咩工好,除左還錢比VIVIAN,自己都想搵多少少錢去買野打扮一下。
「阿儀同學~」 突然有人叫我。
係張SIR!!!! 張SI係我後面啊~~
「真係你,著便服認唔到你。」 好彩果日我同VIVIAN出街,有打扮過,著左背心加短裙,唔係太失禮。
「HI阿SIR… 咁岩既。」 突然撞到阿SIR我有少少不知所措。
「係啊,岩岩係附近做完運動打算行下街啊。 你呢去邊度?」 原來張SIR假日會做運動~~
「我岩岩同VIVIAN出完街,依家冇野仲都係四圍行下。」
「哦~ 咁好啦,你唔好出咁夜街啦,冇事做就早D返屋企。」 張SIR打算離開。
「啊…係呢阿SIR,你去邊度行啊? 如果同方向不如一齊行啦。」 唔知係那裡來既勇氣,我竟然咁大膽約阿SIR。
「我去行下書店睇下書,去前面間書店啊。 你呢?」
「咁岩啦,我都想睇下書啊,不如一齊去睇啦。」 原來阿SIR平日鐘意睇書,真係好好既興趣。 「你去買咩書睇啊?」
「買下D心理書同運動既書睇啊。 阿儀同學你鐘意睇咩書架?」
其實我係個唔鐘意睇書既人,我平日返學一睇到書就會頭暈,我只係記得去過書展睇過兩眼愛情小說。「我睇小說!」
「哈….係咪個個女仔都鐘意睇D愛情小說架?」 個個女仔? 唔通張SIR識好多女仔?
「我都唔知道啊,你識D人都係睇愛情小說?」 同張SIR肩並肩一齊行到書店樓梯口。
「哈哈…. 多數女仔都對愛情有幻想,而好多女士都會代入愛情小說既角色之中,會幻想自己係角色入而既女主角。 小朋友會幻想自己係狄狄尼既公主角色,到你食個年紀就睇愛情小說幼想自己係慘情故事中受傷害既女角。」
「哦….」 我聽到一頭霧水,其實我真係唔睇書架…. 最多都係睇下YES就算。 (YES係一本阿儀年代好HIT既青少年雜誌
https://zh.wikipedia.org/wiki/Yes!) 好似搭唔上咀我改變一下話題:「係啊阿SIR多謝你上次幫我搞隻腳啊。」
「唔洗客氣,我應該咁做既。」張SIR微笑對住我,我被佢一下笑容溶化左,真係好陽光既笑容。
「好啦,我要睇既書係果面,你D小說係另一面,咁你慢慢睇啦。 BYEBYE!」 張SIR自顧自行左去睇佢D心理書。
我就走去愛情小說櫃偷偷望住張SIR既背影。 拎起左一本唔知咩人寫既小說係遠方扮睇,一邊睇一邊偷望住佢。
大約睇左1個鐘頭,張SIR買左2本書正打算離開書店,我打握時機走到張SIR身邊。 「張SIR咁岩你又走啦~~」
「噢… 係啊,你都走啦。」 張SIR有點愕然。
「係啊,你依家去邊啊?」 我打算跟住佢了解一下張SIR。
「冇啊,買完書打算去食晚飯之後就返屋企。」
「我都係啊,不過我一個人食,張SIR你係咪一個人食啊??」