金宣虎討論區 (3)

鹽社係做得差嘅 等咗成兩日先出嚟回應
個輿論已經去晒宣虎做錯
咁的確佢真係做錯咗嘅

其實都係做配角
金宣虎咪出返嚟淨係做到配角囉
李璟榮叫未成年雞都出得嚟啦

除左條女單野 佢其中一個被指控係成日對住D STAFF 發脾氣 /背後鬧演員 PD PARTNER
我覺得呢樣野唔多唔少都好影響佢演藝圈條路
我諗舞台劇仲會接受佢掛 畢竟呢一年都吸納左唔少死忠

佢繼續暖男人設一定有粉受，冇問題啦

仲想拍劇 咪專做叫人落仔賤男角色
用無反差做賣點囉
仲想扮純情咪返去舞台劇
觀眾唔駛睇 fans出錢支持 兩贏啦

由第1集214追到而家
我始終好難相信佢對前輩同事差
起碼到而家都未有其他同佢合作過嘅台前幕後工作人員走出黎講呢樣野

我對佢無任何感覺。
單純只係覺得，墮胎呢樣嘢，本來就唔係絕對錯嘅事
(生咗出嚟先唔負責任或唔好好對待先係最不負責任。)
(出生好家庭嘅人未必會明白。)
有無避孕、有無好好保護自己，男人定女人都有自己嘅責任！
而且邊有得單方面逼？ 女方亦有最終嘅選擇權！

見到竟然仲有人話個女人爆料嘅時間已經好好？
等佢拍完劇先爆就等於好？
等佢上到更高位嘅時候，等佢跌得更深就叫好？
又會咁巧合，等佢拍完劇…人氣更高、又同公司完約嗰陣先爆料？
點解要等到今時今日先爆料？

佢之後承認係條女講嘅主角，呢樣嘢就好難再兜！
差別係究竟佢係咪有條女講到一面倒咁仆街姐…

總結，男方就真係唔係佢形象般咁好嘅男人，甚至真係仆街嚟，
但唔該搞清楚，條女揀呢個時候先爆料，就肯定有利益關係！
一樣係仆街！

有唔少男人成日話女人把口好惡毒……
其實女人個肚先係終極武器！(當然，要個女人唔介意大肚！)

依家呢種風氣變到，有無避孕、有無性行為、去唔去墮胎…
都剩係男人嘅責任！ 女人完全無責任！
唔怪之得，女人咁容易玩死男人！

所以，各位男人要自己小心！
有錢、有名氣嘅男人就更加要小心！


完。

呢點我認同 如果佢對其他人係差 會有人繼續出嚟爆
條女最新都講話有誇大 講真有幾多係真係假 依家只有當事人最清楚

有冇佢ex既相同ig?

我當初真係覺得 214既佢好有禮貌識尊重人
當然可以話係鏡頭前扮野 但有D 位係好難扮 ？（我個人睇法）
例如佢同RAVI 同文世潤野外訓教
兩條友訓教鼻鼾勁嘈 都無黑面OR 做D 唔尊重既表情/行為
我覺得去到呢D 位 如果真係人品差 應該點都會表露到少少出黎？
咁當然亦都可以話節目組CUT 左D 唔好既鏡頭

所以聽到前女友話佢成日滿口粗口 不停鬧人講壞話 好似躁狂佬咁
我真係真心對自己眼光感到失望 （假設指控係事實）

我都覺得有啲位扮唔到
有啲位真係真性情好自然
同埋感覺唔生硬

我相信佢都唔係雙面人得晒
可能只係有時攰發脾氣呻兩句姐
條女加鹽加醋就一定㗎啦
希望有人幫佢出下聲證明佢人品都唔係太差就好

追星追到傻撚咗

岩呀 同埋中肯地講
2日1夜 唔少位都好辛苦
痛既遊戲又有 （有個係要互扯對方頭髮D "的水" ）
體力勞動既遊戲又有 （攀山涉水之後仲要玩一大輪先比訓 仲要有機會無教好訓）
呻下真係勁正常

「看著他因為我偏激的文字瞬間毀掉的模樣，我的心情也不好受」

係咪即係認咗佢有加鹽加醋去煲大件事

agger 但係我都唔想佢下車
有冇機會齊人跳次move
希望佢好好反省有機會再出嚟啦
雖然都應該過街老鼠咁冇人敢再用佢

係咪典型既 "越親既人 就態度越衰"

不過認真講 韓劇男主角D 人設真係FF 下好
唔好話韓國 全球既男人我諗8-9成都唔會係"暖男"
延政勳可能真係韓國少數既例外

其他5個PARTNER 有無UPDATE SNS ？
我知RAVI 好似琴日有UPDATE D 唔關事既野
跟住又比人DIU 佢話佢呢D 時候仲有心情宣傳

同感有幾個位我都覺得玩大咗or洗唔洗咁辛苦
但佢都冇發脾氣又盛
其他人又開始吹佢睇唔起綜藝人
唔想做腦粉但好希望佢同214啲人感情係真

依家風頭火勢應該大家都會靜？
佢嗰兩個酒窩笑起上黎真係好charm 好正
我想像唔到214已經冇佢

btw salt由我琴日睇嘅164k升左上176k lol

對唔住你個金oppa