想同大家講一講日本既職場文化

咁就咁睇，似係都仲好大壓力啫

不過最近好多公司而家變左full work from home, 最近我反而覺得同香港比係日本做野爽皮d (社畜化done

日本職場多唔多聽有害人精？

精神眼紅症人仕？

冇咩聽類似story, 個人覺得身邊既人上位欲冇香港咁強，好多人滿於現狀，博上位而害身邊既人好少

特登背後笑同事多唔多？
有冇迫人埋堆
啲人成日講到超多職場BULLIES

想OT不如番多份兼職拎多份糧好過

我果行冇聽過
反而記得香港果陣有人背後笑下同事廢，我諗八卦野每一個職場多少會有

學校Bully就而家都多，職場有Bully可以比人告，日本大公司好驚依d

職場有Bully可以比人告

睇下咩性質，可以告ハラスメント（Harassment），舊時代日本多，不過而家除左黑心企業好少聽

如果要日資做，最大壓力應該係學日文

不過我學左日文一年去日資做，半桶水日文咁做左啦兩三年左右基本上工作上溝通冇太大問題，最多只係飲み会果陣傾計講偏d既話題會聽唔明插唔到嘴。

公司炒人嚴唔嚴重？
會唔會每半年review一次進度
底層10% byebye？

法例上日本公司唔可以炒人，因為能力太低/人工太高之類炒人唔係正當理由。
除非公司就倒閉唔炒人就一樣執粒果種

所以上一代人憧憬畢業後入大公司，因為一定唔會執咁，按規按距咁就一世平安，一入到就guarantee中產生活

咁如果個後生仔hea做搏炒會點?

一樣唔炒得
依個現象會叫做窓側族，唔會安排重要野比佢做，人工同title一世冇得升

所以日本公司請人好小心，暫時公司冇見過依種人長期係公司（可能係一d我已經見唔到既地方

因為IT姐
同一間公司轉個部門已經完全唔同啦

其它行唔知識得人少唔清楚

果陣我既諗法係，外國人做IT另一個好處係日文差d對你既工作評價冇太大影響

行業係自己揀既姐，好哋哋做開IT公司唔會逼你轉做第行

都係睇公司文化同咩業界無得一概而論
正常做正社實要食固定殘業時間
例如20個鐘固定殘業時間咁
就係你份糧包埋你OT 20個鐘
OT過左20個鐘先有補水
Ps:20個鐘算係有良心 見到40個鐘 60個鐘

啱呀，最唔鐘意一概而論
果陣嚟日本身邊所有人都話日本職場文化差叫我唔好去
嚟到做左一排跟本完全唔係依回事，身邊大把人公司正正常常
所以想分享番依d例子，我都有利申我淨係熟IT正社員方面

OT我好少食哂固定殘業時間，補水又唔係特別吸引，手腳快d早d收好過

我諗你公司應該都係冇sick leave？
冇sl 打風落雨地震照返工呢啲
典形香港人點會頂得順

如果有不可抗力番唔到工既話 公司會宣布果日休業