俄羅斯的眾沙皇(長文)

早幾年有套美劇

多謝你捧場就眞

係呀

多謝支持

多謝支持

樓主寫得好生動
G 持繼續出文

為咗商量點樣處理拿破崙戰敗後嘅蘇州屎，列強於1814年9月18日喺維也納召開會議，會議由奧地利嘅天才外交家梅特涅主持，俄國、英國、奧地利同普魯士等四大列強同埋超過200個國家嘅代表都出席咗會議，被視為日後國際聯盟同聯合國嘅雛型。



會上以奢華嘅娛樂而聞名，呢個可能係人類歷史上最放縱享樂嘅國際會議。兩個皇帝、五個國王、二百幾個貴族加上幾乎全歐洲嘅娼妓淫娃蕩婦，加埋成十萬人喺維也納一面為利益討價還價，一面喺度通姦享樂。

佢哋嘅日常就係喺不斷舉行嘅舞會同宴會中渡過，難怪有人話"the congress did not move, but danced."


(sorry for many 狗狗)

風流嘅亞一世喺維也納會議上有如一個舞男，佢每日不停咁跳舞同溝囡，甚至有次因為跳舞太耐而休克暈到()。

亞一世喺會議上搭上咗俄國將領彼得·巴格拉季昂嘅遺孀嘉芙蓮，佢亦都係普譚金嘅甥孫。嘉芙蓮有著裸體天使嘅綽號，喺同亞一世認識之前已經係梅特涅嘅情婦，亞一世同梅特涅咁就做咗老襟(真淫亂)。



經過一輪舌劍唇槍同爭論拉鋸，亞一世除咗保有從瑞典取得嘅芬蘭之外，亦都獲得加冕為波蘭國王，算係會議上嘅大贏家。而法國就由波旁王朝嘅路易十八復辟為國王。

亞一世基於佢神秘主義嘅信仰，深信自己係天使嘅化身，使命就係擊敗敵基督拿破崙。佢倡議成立神聖同盟，主張君王們應該作為基督徒兄弟，喺國際關係上秉承愛與和平嘅原則。

雖然大多數會議上嘅政客都嘲笑呢個同盟，認為既九唔搭七又空洞無物。但係因為大家都多多少少比返幾分薄面亞一世，結果除咗英國之外，幾乎所有歐洲國家都簽咗字加入。



而梅特涅為咗刷佢鞋，更加代表歐洲各國（不包括英國）請亞一世上大帝尊號，亞歷山大以「亞歷山大大帝永遠只有一個」為由拒絕，因此最後訂明「神聖王」尊號，完整意思是「極其偉大的君主、上帝神權的最高捍衛者」。

正當眾人喺維也納風流快活嘅時候，1815年2月26日，一個驚人嘅消息傳來----厄爾巴島嘅囚徒脫獄了❕

重出江湖嘅拿破崙無耐就喺滑鐵盧被英國嘅威靈頓公爵擊敗，佢被放逐到大西洋中嘅聖赫勒拿島，六年後死喺嗰度。

亞一世喺維也納玩飽食醉之後歸國，佢開始將精力由外交轉向內政。如今嘅佢有著歐洲救世主嘅無上威望，令佢開始想廢除俄國嘅農奴制，希望透過改革將俄國變成一個完全嘅歐洲國家。

佢任命深受其信賴嘅重臣阿拉克其耶夫喺全國設立軍事殖民地，試圖以兵農合一嘅屯田制度嚟代替農奴制。



阿拉克其耶夫將人民安排在特定生產單位，禁止基層人口自由流動，將人民束縛在土地上，定期給予軍事訓練，使其出則為兵、入則為民。生產嘅一切農產品、手工製品一半歸國家，餘下一半歸地主、莊園主分配。

喺阿拉克其耶夫時期，俄國建立咗十分嚴密的階級制度，伯爵或以上的貴族人數是固定的，構成一個金字塔式的社會架構。貴族們的領地多數只是一個小莊園，只擁有幾十至幾名農奴，最多也只有幾千名，再也沒有能力犯上作亂。

由於阿拉克其耶夫嘅管理方式十分嚴苛，導致喺1819年，有2萬8千名士兵喺軍事殖民地反抗，而喺隔年更加發生咗近衛軍譁變。雖然兩次事件都迅速受到鎮壓，但革命嘅火種已經播下，為不久將來爆發嘅十二月黨人政變埋下引線。

雖然阿拉克其耶夫的施政過於激進，但係佢強迫人民接受三年義務教育，將俄國的識字率提升到接近40%，比亞一世即位初期嘅16%大幅提升。

亞一世歸國以來，仿佛自覺已經完成了上天交託俾佢嘅使命，開始萌生退位嘅念頭。治國嘅沉重壓力同父皇嘅死猶如附骨之疽一樣折磨佢，長年壓抑情緒導致佢出現咗自閉症、抑鬱症般嘅病徵。

佢越嚟越沉醉於自我嘅世界，篤信神秘主義嘅傾向越來越濃厚。佢將國事交托俾阿拉克其耶夫等人以後，開始咗佢嘅離群索居嘅歸隱生活。

Push

1825年9月，亞一世去咗位置偏僻嘅亞速海小鎮塔甘羅格療養。兩個月後突然傳來惡耗: 亞一世喺療養地因傷寒駕崩，享年47歲。

亞一世嘅突然死亡，引起人們嘅紛紛猜測。由於療養地缺乏防腐設備，亞一世嘅屍首好快就腐爛到難以辨認，加上御醫嘅報告有矛盾之處，所以開始有人傳說話佢根本冇死，而係看破紅塵歸隱山林。

亞一世死後十年，喺烏拉爾山區出現咗一個雍容高雅、儀表超俗、自稱費奧多·庫茲米奇嘅老人。佢能夠講流利嘅法語而且熟悉俄國宮廷，仲被認為形神酷似亞歷山大一世。由於佢拒絕講述自己嘅來歷，因此被警察局驅逐咗去西伯利亞。



佢到咗西伯利亞後居無定所，成為一個流浪隱士，到處教導人經文同歷史。由於佢學識淵博，待人寬厚，因此深得當地民眾愛戴。

1864年，費道爾·庫茲米奇以87歲高齡壽終正寢。傳說亞一世嘅侄孫亞歷山大三世曾經打開過佢嘅墓穴，發現裡面空空如也。

由於亞一世生前死後留下嘅謎團太多，歷史對佢嘅評價往往呈現兩極化。縱慾嘅花花公子、虔誠嘅基督徒同城府深厚嘅馬基雅維利主義者奇異地融合喺佢一人身上。直到現在，佢嘅行為仍然不能被理解，因此被稱為”北方的斯芬克斯”(獅身人面像)同“兩面神”。

亞一世同佢老婆伊利沙伯嘅關係似朋友多過夫妻，佢哋默許對方發展婚外情，兩人亦沒有長大成人嘅孩子。

值得一提嘅係亞一世同佢細妹葉卡捷琳娜嘅關係則異常親密，兄妹二人經常獨處一室，徹夜長談，有時動作更過分親暱。佢哋同住皇宮卻又日日通信，更留下咗唔少曖昧嘅書信如"我想錫妳對腳"(腳)，所以有分析認為佢哋可能有亂倫行為。

亞一世喺外面雖然情婦眾多，亦都有生下私生子女，但佢哋並無皇位繼承權，懸空嘅帝位將由二弟康斯坦丁同三弟尼古拉其中一人繼承。

有趣嘅係佢哋兩個都希望對方繼位，康斯坦丁早已向兄長明言放棄繼承權，喺亞一世臨終前兩年起草嘅密詔中，將尼古拉立為皇儲。



但由於係秘密遺詔，大臣們並不知情。聖彼得堡嘅大臣於是向康斯坦丁宣誓效忠，並擁戴康斯坦丁做皇帝。而身在波蘭嘅康斯坦丁堅持不願繼位，宣佈將皇位讓給尼古拉。尼古拉也不願意繼承皇位，反而向康斯坦丁宣誓效忠。

呢兩兄弟就咁樣展開咗一場"皇位推讓戰"，康斯坦丁因為怕自己一返嚟聖彼得堡就會身不由己被推上皇座，所以一直留喺華沙。而尼古拉亦死都唔肯上位，情況就此膠著。

大自然厭惡真空，權位嘅懸空難免惹來野心家嘅覬覦。到咗1825年11月30日，尼古拉終於改變主義並簽署登基宣言，因為佢知道咗一個震撼嘅消息----十二月黨人好快會發動政變。

留名

lm

LM
就黎到rasputin

十二月黨人源自喺拿破崙戰爭中打進巴黎嘅俄國軍官，佢哋睇到西歐嘅繁榮同先進，加上受到了法國革命思想嘅感染，再睇翻自己嘅祖國係如此落後不堪，產生咗"非革命不足以救俄國"嘅想法。

1816年，有一部份俄國軍人成立咗「救濟同盟」，後來喺1818年改組為「福祉同盟」。但基於政見不合，喺1821年又分裂為主張共和制嘅「南方同盟」同主張君主立憲制嘅「北方同盟」。

最終俄國嘅孫中山同梁啟超們達成協議，共同發動武裝起義，而亞一世嘅猝死就為佢哋帶來機會。佢哋推舉咗貴族特魯別茨科伊公爵為"獨裁者"，領導革命。

1825年12月26日，極寒，白雪紛飛。
三千名將士喺營房出發，列隊走向聖彼得堡市中心嘅元老院廣場。佢哋喺廣場彼得一世銅像旁佈成戰鬥方陣，荷槍實彈，準備戰鬥。

佢哋上恆架撐，表情嚴肅，一路高呼"反對宣誓❗" "沙皇康斯坦丁萬歲❕"憲法萬歲！"等口號，矛頭直指正在準備登基嘅尼古拉。但亦有一啲不明所以嘅下等士兵誤以為"憲法"係皇后嘅名字。



混亂中有一隊叛軍甚至殺入皇宮，佢哋喺途中遇到了尼古拉但就認佢唔到，仲俾佢老點咗去元老院廣場集合。



尼古拉臨危不亂，佢調兵遣將派出大量軍隊將元老院廣場重重包圍，而原定擔任起義軍總指揮嘅特魯別茨科伊因為熬底而臨陣脫逃，起義軍同周圍嘅民眾處於群龍無首嘅狀態，因而延誤了戰機。

尼古拉命令忠於佢嘅軍隊向廣場聚集嘅士兵同民眾發炮。起義最終被鎮壓，被打死嘅士兵同民眾有過千人。

依段係咪俄佬套電影 救國同盟個來源 拍得好正

聖彼得堡地上嘅白雪被染成一片鮮紅，而尼古拉就喺血腥中登基即位，是為尼古拉一世。



失敗的革命者下場是悲慘的，五名革命領袖被處以絞刑。逃亡嘅領袖特魯別茨科伊死罪得免，同其他百餘人被流放到西伯利亞。由於是次起義發生在12月，史稱十二月黨人起義。

尼古拉一世有著軍人般的性格，嚴以律己，意志堅定。佢信奉"人生就係服兵役"，將政府視為軍隊，群臣視為將領。佢設立咗近似清代軍機處嘅"御前辦公廳"，作為專制機械嘅引擎。

另外因為十二月黨人起事前車可鑑，佢亦都加強對咗自由思想同革命運動嘅鎮壓。喺御前辦公廳以下設立咗第三廳作為秘密警察，用以監察人民。

尼一世作為一個天生嘅專制君主，擁有精明強悍嘅性格同強烈嘅責任心。佢即位後往往處理政務做到三點，對大小事務都精細地管理，然後第朝黎明時分就起身返工，十分勤政。

而就喺尼一世進行加冕禮途中，探子突然傳來波斯入侵高加索嘅消息。

Lm

堆 false Dmitry 係咪skip得太快