俄羅斯的眾沙皇(長文)

RA RA RASPUTIN~
Russia's greatest love machine~

根據歷史，佢同嫪毐邊條勁D?

但拉斯普京始終出身草根冇咩文化，當佢遇到懷疑者嘅時候，佢就會反曬白眼兼夾口中唸唸有詞，顯示佢爛笪嘅一面。

首相斯托雷平就係其中一個懷疑者，佢對貪污腐化墮落嘅拉斯普京毫無好感，勸諫沙皇應該親賢臣遠小人，但耳仔軟嘅尼二世因為怕老婆冇聽佢講。斯托雷平曾經想將拉斯普京逐出聖彼得堡，亦因為沙皇嘅包庇沒有成功。

而喺另一方面，斯托雷平繼續佢嘅改革路線。1905年革命證明咗俄國很難和平調整而不導致帝國同社會嘅解體。斯托雷平明白自己嘅限度，喺盡可能避免國內傷筯動骨嘅前提下，將經濟發展嘅路線綁喺一戰前嘅全球一體化路徑之上。

1907年，第二屆杜馬重開，由於社會民主工黨今次派人參選，結果國會由反對派得到主導地位。由於斯托雷平認為杜馬會令到政府癱瘓，結果第二屆國會又被解散。

沙皇政府最後決釋法完善選舉制度，實現愛國者治俄，反對派全部被DQ。結果第三屆杜馬清一色由保皇黨人做曬，產生咗一個由商人同貴族組成嘅國會。

在擔任首相期間，斯托雷平倡議咗土地改革，期望通過改善農民的法律地位和經濟狀況，促進俄羅斯的經濟同政治穩定，喺斯托雷平首相任內嘅改革下俄羅斯糧食產量增加，新增嘅富農階級成為中產階級，同時受教育人口增加。

1911年9月14日，斯托雷平、尼二世同兩個公主喺基輔嘅基輔歌劇院欣賞歌劇嘅時候，遭遇社會革命黨槍手德米特里·博格羅夫槍擊，四日後斯托雷平逝世，槍手亦於24日被處以絞刑。



俄羅斯帝國喺斯托雷平嘅經濟改革下成為當時歐洲經濟發展得最快嘅國家，但係外貿依存度亦都與日俱增。斯托雷平希望二十年嘅和平可以令到經濟慢慢理順，但可惜巴爾幹嘅戰火最後都係將俄羅斯捲入漩渦，佢嘅遺願終歸沒有實現。

自從鄂圖曼帝國失勢，巴爾幹半島變得山頭林立，各國都想襯亂擴張地盤。1908年，奧匈帝國就趁機吞併咗長期管理嘅波斯尼亞，想統治所有南斯拉夫人嘅塞爾維亞對此非常不滿。



俄奧兩國本來希望透過會議協商波斯尼亞歸屬問題，俄國希望奧匈協助俄羅斯修改柏林條約，交換條件係承認奧匈佔有波斯尼亞。但奧匈又再次2 5俄羅斯，單方面採取吞併行動，將與俄羅斯嘅協議廢棄。

當時俄國喺日俄戰爭中元氣大傷，因為冇作出軍事行支援塞爾維亞，不過此事已種下兩次巴爾幹半島戰爭嘅禍根。

到咗1912年，第一次巴爾幹戰爭爆發，巴爾幹各國圍毆西亞病夫土耳其搶地盤。結果鄂圖曼戰敗，其在巴爾幹半島上嘅土地除君士坦丁堡附近嘅一小塊之外，全部割讓給同盟四國，同時阿爾巴尼亞獨立。其中保加利亞成為大贏家，領土幾乎翻咗一倍。

但巴爾幹各國好快就因分贓不均而再起干戈。1913年第二次巴爾幹戰爭爆發，保加利亞同昔日嘅盟友刀頭相向，一個打曬希臘、塞爾維亞、黑山、羅馬尼亞同土耳其。結果保加利亞戰敗，簽下《布加勒斯特條約》，喺第一次巴爾幹戰爭贏嘅地盤比人瓜分曬。

戰前的巴爾幹半島 (1912年)

戰後的巴爾幹半島 (1913年8月後)


巴爾幹戰爭作為第一次世界大戰嘅預演，影響咗歐洲嘅政治局勢，加速了大戰的來臨。塞爾維亞經過呢次戰爭變得更加強大，引起咗奧匈嘅不安，兩國嘅敵視成為一次大戰嘅導火線。

保加利亞由於被巴爾幹鄰國擊敗，因而轉向復仇主義，第一次世界大戰時加入同盟國（因塞爾維亞、希臘、羅馬尼亞皆為協約國成員）。

黎啦
打啦


革命黎啦

不過蘇聯係有3個版本既國歌
可以估下係咩

工人馬賽曲→國際歌→最熟悉嘅牢不可破的同盟

單係「牢不可破的同盟」就有3個版本啦

1944-1956一個
1956-1977一個
1977-1991一個

都估到有咩分別啦呀嗎

話時話巴打有冇可能寫埋革命後一直到1991年收皮個一刻

我發覺好少人識蘇聯史
最熟就係首國歌

Soyuz nerushimy respublik svobodnykh

同一個旋律仲有個4.0歌詞版本係依家嘅俄羅斯國歌

沙皇普大帝

趁Happy Friday 幫手推post

由左至右：普佳庭少將、拉斯普丁、羅曼上校

而列強之間嘅外交博弈亦令到局勢升溫，俄英兩國喺1907年簽訂《英俄條約》，冰釋前嫌。而英法兩國亦早喺1904年簽署《摯誠協定》，三國了結咗百年來嘅糾紛，合組成協約國共同對抗進擊的德意志人。　　

而另一方面德國、奧匈、鄂圖曼同保加利亞王國亦都組成咗同盟國。歐洲大小國家各自歸邊，形勢一觸即發。

1914年6月28日，奧匈皇太子弗朗茨·斐迪南大公同佢老婆喺波斯尼亞首府薩拉熱窩被人槍殺，刺客係塞爾維亞民族主義者，而奧匈好快就發現佢同塞爾維亞官方嘅聯繫。



1914年7月，奧匈帝國向塞爾維亞王國發出嚴苛嘅最後通牒。喺被部分駁回後，奧匈向塞爾維亞宣戰，一星期內奧匈嘅盟友德國，塞爾維亞嘅盟友俄國，以及俄國嘅盟友法國同英國紛紛參戰，一次大戰爆發。

尼二世喺戰前嘅猶豫充分反映佢優柔寡斷嘅性格，佢一直拿唔定主義向德國宣戰，甚至連是否全國總動員都猶疑不決。

沙皇原本應該遵照斯托雷平嘅20年和平路線，繼續韜光養晦，但就因為泛斯拉夫主義影響，必須死攬塞爾維亞。因為如果拋棄塞爾維亞不管，朝廷就會喪失威信，招致民憤。

換言之俄國意識型態上已經被泛斯拉夫主義綁架，現實利益就被三國協約所捆綁，俄國將會打一場將自身拖入陵墓嘅戰爭。

要嚟嘅，始終都要嚟

"可怕嘅風暴籠罩俄國，災難、悲痛、黑暗、無光，您係人民嘅父親沙皇，請不要讓瘋子得勝，摧毀佢哋自己嘅人民。就算征服咗德國，咁俄國又會點呢?從來無一個國家好似俄國一樣遭罪，被佢自己嘅鮮血淹死，毀滅會非常嚴重，悲苦會無窮無盡。"

拉斯普京喺皇后鼓勵下向尼二世發出呢個電報，佢喺年輕時流浪見證過德意志人居住區嘅富裕遠勝斯拉夫人，知道俄國同德國開戰必然要冒極大風險。拉斯普京出身於社會基層，係一個眞正貼地了解俄羅斯人民嘅人。

尼二世雖然沒有採納拉斯普京嘅建議，但就直到流亡期間都一直將佢嘅電報帶喺身邊。

尼二世始終認為戰爭係一種能夠振奮民族嘅儀式，如果俄國退縮，就會徹底喪失超級大國嘅地位。喺佢心目中為塞爾維亞而戰係為咗拯救俄國同羅曼諾夫王朝。

1914年8月2日，尼二世出現喺首都彼得格勒(聖彼得堡個名因為太德國化，所以喺戰後改稱彼得格勒)嘅冬宮觀禮台上，宣誓一定要擊敗敵人。數萬名群眾向沙皇歡呼鼓掌，人群更高唱住《上帝保佑沙皇》等讚美歌。



戰爭爆發，尼二世冇好似亞一世咁專心負責後勤同外交，反而喺一片反對聲中接管咗軍隊。當戰情不利，佢就要為連串嘅敗仗負上責任。

樓主
又黎學野

笑死 突然睇到吳孟達亂入