俄羅斯的眾沙皇(長文)

636 回覆
275 Like 4 Dislike
2021-08-29 13:50:29
lm
2021-08-29 14:53:47
2021-08-29 16:03:34
加油樓主 自己好鍾意睇俄國文學 都想對俄國歷史認識更多
2021-08-29 20:16:32
支持樓主
睇完post 去咗睇沙俄文物展
2021-08-30 10:49:40
1639年,米哈伊爾一世病危,臨終前遺命由佢長子阿列克謝繼承皇位。阿列克謝嘅繼承權已經不再需要縉紳會議確認,預示著皇權再次強化。



米哈伊爾一世生前頗為注重太子嘅教育,佢任命咗當時最出名嘅學者莫羅佐夫擔任老師。喺莫羅佐夫指導下,阿列克謝學習咗西方技術,希臘文,拉丁文同埋波蘭文。阿列克謝因而對西方文化產生咗濃厚嘅興趣,為佢日後引入西方先進軍事科技,僱傭外藉軍官埋下伏筆。

少年阿列克謝登基後將朝政委託給顧命大臣,亦即係佢嘅老師莫羅佐夫處理。憑藉沙皇嘅信任,莫羅佐夫因此得以總攬朝政,大撈油水,好快成為咗全國第二富有嘅貴族。佢為咗增加國庫同自己嘅收入,頒布咗新嘅鹽税法令,大幅增加鹽稅。

呢個法案令到莫斯科鹽商對莫羅佐夫大為不滿,莫斯科城中發生鹽商暴動,暴動人群洗劫莫羅佐夫嘅住宅,莫羅佐夫唯有逃到克里姆林宮避難。

最後喺阿列克謝調停下,鹽税回覆到原來水平。而莫羅佐夫則被流放到一所修道院,不過等到風頭火勢過後,沙皇又低調地把莫羅佐夫接回莫斯科,重新加以任命,但莫羅佐夫從此不再獨攬大權,沙皇阿列克謝開始親政。
2021-08-30 18:44:04
阿列克謝親政後開始加強中央集權,其中一個舉措就係任用尼康神父為大主教(大牧首),打壓俄國本土嘅舊禮儀派東正教徒。



尼康就任東正教大牧首後,開始着手推行教會改革。改革嘅主要方向就係將莫斯科教廷東正教的各種典章制度按照拜占庭方式加以改革,統一各地教會宗教活動。

奉行舊禮儀嘅東正教徒對尼康推行嘅改革措施大為不滿,舊禮儀派決定從莫斯科東正教會中分裂出去。大牧首尼康對舊禮儀派開始大規模的迫害,審判並處死了舊禮儀派的領袖,但係舊禮儀派的信徒們並無屈服,佢哋為咗躲避迫害,從莫斯科逃亡到各地。

尼康亦都主張沙皇應該成為全體東正教徒嘅領袖,俄羅斯作為拜占庭嘅繼承者,應該收復比異教徒佔領嘅君士坦丁堡。

喺另一方面,邊境嘅烏克蘭地區亦都發生衝突。烏克蘭哥薩克嘅一個軍官博格丹·赫梅利尼茨基因為兒子遭到天主教貴族殺害而反叛波蘭,佢向克里米亞汗國借兵多次擊敗波蘭軍,但哥薩克人在攻佔數座城市後遭到波蘭軍隊的打擊,形勢緊迫之際赫梅爾尼茨基決定向俄羅斯沙皇求助,要求沙皇將東烏克蘭併入俄羅斯領土。

1654年5月,沙皇阿列克謝決定率軍親征波蘭,並任命尼康為監國,喺呢段時間尼康成為咗實際上嘅政府首腦。
2021-08-30 19:06:02
哇,你兩行字就錯咁多樣野,假膠黎ga?
如果你認真,建議忘記一切,由頭睇過果幾百年既歷史
2021-08-30 22:33:22
阿列克謝帶領俄軍攻陷咗斯摩稜斯克,之後又陸續贏得幾場戰役,得到咗今日嘅烏克蘭,白俄羅斯同埋立陶宛嘅大片領土。

另一方面,尼康喺監國期間嘗到了權力嘅滋味,不但過住奢華嘅生活,更加變得飛揚跋扈,連沙皇都唔多俾面。尼康甚至提出神權應該高於世俗權力,公然表明教會嘅權力要高於君權。

尼康嘅言行得罪咗阿列克謝同佢身邊嘅好多親信,加上沙皇已經利用佢加強咗中央集權,所以尼康大主教好快就變成condon。

自1660年開始,莫斯科教會開始了對尼康的審判。審判前後持續了6年,最終剝奪了尼康的大牧首職位並將其流放到一座偏遠嘅修道院。1681年,尼康病逝。

雖然尼康走咗,但阿列克謝繼續借住宗教嘅名義去打壓貴族。沙皇強迫貴族進行黎明崇拜,唔服從嘅人會被丟落冰河,好多人就係咁凍死或者浸死
2021-09-01 13:48:31
阿列克謝前後娶過兩個老婆。第一任皇后來自米洛斯拉夫斯基家族,生咗十三個子女,但呢啲仔女過半活不到成年。長大成人嘅包括有公主索菲亞、長子費奧多爾、次子伊凡。

第二個妻子來自納雷什金家族,生有彼得等三個孩子。

1676年,阿列克謝病逝於莫斯科。由佢長子費奧多爾繼位,是為費奧多爾三世。



阿列克謝死後米洛斯拉夫斯基家族開始迫害納雷什金家族,家族多名成員遭到流放。

費奧多爾雖然係一個睿智嘅君王,但佢自幼體弱多病,就連行走也需要侍從攙扶,有時病重卧牀,經常半年不離病榻。

費三世同佢父皇一樣接受西歐教育,任內繼續引進西方制度同埋行中央集權。佢按照歐洲標準開始裝備和訓練軍隊,並首次將文官和武官區分開來,同埋開始推行軍銜制。此外貴族按其家族出身擔任高級官職的門第制度亦於1682年廢除,代表沙皇日後可以任用依賴於佢嘅寒門子弟任官。

對外方面,1676年爆發咗第一次俄土戰爭。戰爭打咗5年,俄國同東烏克蘭擊敗咗土耳其及其附庸克里米亞汗國同西烏克蘭哥薩克,土耳其承認東烏克蘭合併於俄羅斯。

1682年,在任只有短短6年嘅病壞費三世魂歸天國,皇位爭奪戰又再次展開。
2021-09-01 23:20:00
費奧多爾三世由於沒有後裔,於是王公貴族再次召開縉紳會議,決定繼任人選。當時兩個沙皇侯選人係15歲嘅伊凡同埋10歲嘅彼得。

由於伊凡同佢親生大佬費奧多爾一樣體弱多病,因此貴族們就選咗身體健康嘅彼得繼位。

而喺同一時間,射擊軍因為軍餉問題而譁變,費三世胞妹索菲亞公主(《鹿鼎記》入面韋小寶個SP)就利用呢個機會,一面散播費三世係被人毒死嘅fake news,一面要求射擊軍支持佢親細佬伊凡繼位。


(法官大人❗no thx❕)

射擊軍係一支由伊凡雷帝所創立嘅世襲軍團,佢哋裝備當時最先進嘅火槍,負責保衛沙皇同克里姆林宮。但佢哋嘅武器慢慢變得落伍,自身亦都變成咗有能力廢立君王嘅禁軍。



母系為米氏家族嘅索菲亞公主將仇恨拉向後底乸納氏家族,煽動射擊軍喺首都莫斯科到處殺戮,連彼得嘅兩個舅父都被佢哋殘酷地殺害。

經過一輪混亂,最終喺索菲亞公主背後操縱之下,由伊凡同彼得一齊做共治沙皇,而索菲亞則成為攝政女王。
2021-09-04 21:00:27
2021-09-05 13:08:01
不過好快索菲亞公主就同支持佢上台嘅射擊軍反面,射擊軍大多係舊禮儀派,佢哋希望廢除阿列克謝推行嘅宗教改革但遭到拒絕,大權在握嘅索菲亞公主將射擊軍嘅首領處死,並鎮壓舊禮儀派信徒。

自此索菲亞公主就喺佢情夫瓦西里·戈里津協助下執掌朝政。 大沙皇伊凡五世不單止體弱多病仲係半盲,而且口齒不清,智力低下,只能夠作為一個傀儡般的存在。



相反細沙皇彼得一世生性活潑,頭腦聰明,身材高大壯健,仲高過郭嘉駿10cm



忌憚彼得嘅索菲亞公主將佢同母后放遂到莫斯科效外嘅皇村,將伊凡留喺身邊。

少年彼得酷愛軍事遊戲,佢喺皇村度建立咗“少年軍”,編為普列奧布拉任斯基兵團和謝苗諾夫斯基兵團(後來呢支隊伍成為俄國的禁衞部隊)。



而呢批少年軍嘅班底好多日後就成為咗彼得嘅左膀右臂,當中就包括出身寒微嘅饀餅小販之子緬什科夫。



除咗以遊戲名義練兵之外,彼得一世亦都同附近嘅外國僑民來往頻繁。當時喺俄國嘅僱傭兵同外國軍事專家都被安置在市郊嘅日耳曼人區,彼得一世喺嗰度學習到航海知識和造船技術,終生都對西歐文化充滿興趣。而佢同時亦都引入咗擁有先進技術嘅外國人加入佢嘅近衛軍。

正當彼得一世喺佢嘅小天地秣馬厲兵,國際局勢亦都風雲色變,好快就為彼得帶來機會。
2021-09-05 16:39:52
2021-09-05 16:53:31
1683年,鄂圖曼攻擊神聖羅馬帝國,圍攻首都維也納,最後喺波蘭國王救援下解圍。而波蘭眼見穆斯林異教徒勢大,決定同宿敵俄羅斯講和,請求佢出兵攻擊鄂圖曼盟友克里米亞汗國。

攝政女王索菲亞公主於是派咗佢嘅契家佬戈里津帶軍攻擊克里米亞,但係戈里津講到打仗佢識條鐵咩,加上喺惡劣嘅環境下,大量士兵死於瘟疫,戈里津一籌莫展。

戈里津為咗唔喺條囡面前失威,於是將擊退小隊克里米亞韃靼士兵吹噓為大捷,翻去交差。

但始終紙係包唔住火,戈里津嘅謊報軍功好快就傳到冚世界都知。已經16歲嘅彼得一世決定發圍,佢拒絕出席戈里津嘅凱旋式,姐弟之間嘅嫌隙越來越深。

1689年8月7日,索菲亞以彼得企圖帶領少年軍殺死佢同伊凡五世為由,命令射擊軍拘捕彼得。但彼得早已知悉陰謀,半夜逃往謝爾蓋聖三一修道院,並在此處召集支持者。

索菲亞因為之前舊禮儀事件對射擊軍過橋抽板,失去咗佢哋嘅信任,所以射擊軍決定作壁上觀。相反彼得有佢親自訓練嘅少年近衛軍同埋僱傭兵相助,加上佢始終係正式加冕嘅沙皇,於是彼得就係咁逮捕咗家姐索菲亞。

彼得以索菲亞圖謀自立為女沙皇為理由,
將佢推翻並軟禁於一所修道院中,而戈里津則被流放到北極。

表面上,彼得依然同重度智障阿哥伊凡五世共治天下(直到伊凡喺數年後病死),但實際上已經大權在握。佢亦都終於可以大展拳腳了。
2021-09-05 19:11:01
俄國歷史從來都無民主。
結果,就算而家表面上有多黨制民主,人民都expect最高統治者一定要似返個沙皇,行強人政治。
2021-09-05 21:03:23
彼得一世親政後,開始大規模提拔親信取代貴族。佢哋包括咗蘇克蘭同瑞士嘅僱傭兵、小貴族甚至平民百姓(例如以前提及嘅緬什科夫)。

彼得一世仲同佢班親信攪咗個叫「全醉會議」嘅組織,表面上係一個飲酒作樂嘅俱樂部,實際上,佢係一個政府內閣嚟。



因為彼得一世內心極度蔑視東正教儀式,所以佢透過狂歡舉動去進行嘲諷。佢任命自己嘅老教師佐托夫為「牧首巴克斯」(羅馬神話中嘅酒神),佢穿住滑稽嘅衣服,主持著十二名酩酊大醉的「紅衣主教」組成嘅「教廷會議」,彼得一世仲親自擔任「助祭」。

另外,「全醉會議」嘅所有官員都擁有下流嘅頭銜(大部分同俄語中「J」一詞有關),仲有唔同等級嘅廷臣用軟墊捧著形似陽具嘅香腸

身體強壯嘅彼得對酒精新陳代謝能力極強,即使夜晚喪隊酒第日仲可以晨早起身工作。喺放縱作樂嘅背後,彼得依然係一個充滿遠見卓識、兢兢業業嘅專制君主。

彼得佢用褻瀆神明嘅方法嚟證明自己超乎尋常嘅權威,因此喺好多傳統嘅東正教徒心目中,彼得一世就係敵基督。
2021-09-06 00:12:05
2021-09-06 06:02:08
一路追緊

支持樓主
2021-09-06 15:02:34
G持
2021-09-06 20:33:18
2021-09-07 23:21:27
另一方面,彼得痴迷於西方科學技術,佢為咗彌補自己教育上嘅缺陷,於是決定拋低宮廷去西歐留學。

彼得化名本人化名彼得·米哈伊洛夫下士隨團出訪,先後喺荷蘭同英國學習造船和航海技術,並聘請大批科技人員到俄國工作。

佢喺荷蘭除咗學習造船技術,仲對人體解剖學好有興趣。有次佢參觀一個法醫嘅解剖過程,佢一個侍臣表示噁心,彼得就迫佢食啖屍體的肉

正當彼得一世留學期間,射擊軍意圖造反,迎索菲亞復權,但彼得好快就趕回平亂。索菲亞因涉嫌其中,被令正式為修女,彼得更加將200具射擊軍嘅屍體掛喺索菲亞公主窗外。而索菲亞從此就被圈禁,直到六年後去世。

正所謂先安內而後攘外,彼得一世平定叛亂之後開始實行西方式軍事改革,建立由步兵、騎兵、炮兵和工兵組成的正規陸軍,並擴建海軍艦隊。

當國內亂事平定,彼得終於可以將佢嘅鎗口對外,建功立業。
2021-09-08 02:02:08
個人認為有辣有唔辣啦,至少我覺得"沙皇"普京目前治國係好過"總統"拜登,特別見識過Twitter治國同左膠文革之後覺得民主未必比有強人既獨裁好,但係獨裁最大問題係萬一握權既係件廢柴(如某大國既小學生主席)咁成個國家就真係收皮。
2021-09-08 11:36:36
2021-09-10 18:48:19
早喺1695年,彼得已經率軍遠征土耳其的亞速,但因為沒有艦隊配合而遭失敗。

汲取教訓嘅彼得於是喺沃羅涅日建立咗造船廠,很快建立起一支小型江河艦隊。終於喺1696年捲土重來,喺艦隊配合下奪取亞速。

抽贏土耳其嘅彼得下一個目標就係瑞典,佢一直對波羅的海出海口虎視眈眈,1700年,俄國同波蘭、丹麥結盟,一同攻擊瑞典。

當時瑞典國王為卡爾十二世,佢後生過彼得十年,為人亦都驍勇善戰,佢終生未婚,有可能係基嘅。



1700年,俄瑞兩國爆發納爾瓦戰役,由於俄軍指揮失當,比瑞典軍突襲成功,瑞軍僅以8千人馬大挫3萬俄軍,彼得一世倉皇逃走,卡爾十二世先勝一仗。



彼得一世戰事失利後,進一步進行軍事改革,發展軍事工業,以利再戰。

為咗籌備同瑞典嘅戰爭,彼得1703年喺一個叫做兔子島嘅小島上興建咗彼得保羅要塞,呢度就係日後嘅聖彼得堡,在1712年至1918年期間成為俄羅斯帝國嘅首都。



1704年俄國同波蘭傾掂數,以利夫蘭、埃斯特蘭兩地割讓波蘭為條件,誘使波蘭出兵參戰夾擊瑞典。卡爾十二世收到風之後決定先發制人,主動出擊。佢一方面首先制服咗波蘭以免腹背受敵,另一方面拉攏咗烏克蘭哥薩克嘅大佬伊萬·馬澤帕。

終於喺1708年1月,卡爾十二世親征俄國。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞