俄羅斯的眾沙皇(長文)

葉二世即位早期嘅情夫係扶助佢登基嘅格里高利·奧爾洛夫，女皇仲同佢生咗一個私生子。



但女皇好快佢就厭倦咗四肢發達頭腦簡單嘅奧爾洛夫，見異思遷愛上咗聰明嘅普譚金，而普譚金亦都以實力證明咗佢自己並唔係只係一個小白臉。佢不單止係葉二世嘅面首同時亦都係佢嘅政治盟友，所有軍國大政，幾乎全部出自二人之手。

普譚金喺第五次俄土戰爭立下軍功之後，獲委派為包括克里米亞在內嘅俄國南方諸省總督。

普譚金擔任總督後著手建設城市，佢建造咗辛菲羅波爾作為克里米亞首府。 喺從土耳其人手中奪取了咗敖德薩後，普譚金重新設計咗呢座城市，令佢煥然一新。

除咗攪基建之外，普譚金亦都為領土大量咁引入咗包括俄羅斯人，外國人，哥薩克和猶太人等新移民。令區內人口增長咗一倍。

而傳說普譚金為咗喺女皇面前領功，就喺葉二世南巡期間用粉刷一新嘅房屋令佢以為嗰個地區十分富裕。據說有數以千計的農民被組織起來做呢場大龍鳳，而呢一種形象工程就被後世人稱為"普譚金村莊"，呢種做法亦被日後好多獨裁國家嘅官僚所仿效。



葉二世嘅南巡令到希臘復國計劃（拜占庭復國計劃）嘅流言甚囂塵上，鄂圖曼聽到風聲之後大為不滿，俄土兩國互相抱怨對方沒有遵守庫楚克開納吉和約，最終導致1787年嘅第六次俄土戰爭爆發。

樓主都算快

樓主加油
就快講到19世紀

Push

喺普譚金嘅安排下，俄羅斯早前已經同奧地利祕密結盟，密謀瓜分鄂圖曼帝國。

1787年8月19日，俄國因為鄂圖曼要求放棄克里米亞以及黑海沿岸嘅駐防，藉此向佢宣戰。

土軍先向南烏克蘭嘅金布恩發起了兩波海上攻勢，但都被蘇沃洛夫將軍擊退，之後俄軍先後攻陷咗摩爾達維亞嘅雅西同霍京。1788年12月，俄軍喺普譚金同蘇沃洛夫在圍城六個月後攻克咗第聶伯河河口嘅沃奇亞。之後俄軍又喺福克沙尼戰役同勒姆尼克戰役獲勝。盟友奧地利亦都取得貝爾格勒。

1790年12月，鄂圖曼已經同奧地利停戰，俄軍仍繼續進攻並攻克咗堅固嘅伊斯梅爾城。俄軍一路勢如破竹，蘇沃洛夫甚至殺到君士坦丁堡城下示威。



為咗讚頌呢次偉大嘅勝利，普譚金命人創作咗《勝利的驚雷，響起來吧！》，呢首歌仲成為咗俄國在18世紀末至19世紀初嘅非正式國歌。

正所謂success brings enemies，俄國喺土耳其手中奪得大量領土就引起咗多國嘅忌憚。首先係英國同荷蘭及普魯士簽訂了針對俄國嘅盟約，普魯士亦都拉攏咗土耳其，波蘭同瑞典，共同反對俄國。一個反俄聯盟正喺度形成當中。

但鴻運當頭嘅俄國卻因為遠方巴黎一座監獄嘅陷落而得到解圍。



1789年7月14日，法國大革命爆發，巴士底監獄被攻陷。歐洲各個君主人人自危，無暇圍堵俄羅斯，一如後世納粹德國嘅崛起令到蘇聯得以解除國際封鎖。

就喺俄國取得最終勝利與鄂圖曼簽訂和約之際，普譚金卻因病去世。62歲嘅葉二世悲痛萬分，當場暈倒。年邁嘅沙皇亦都要開始為自己嘅後事殫精竭慮。

Lm

葉二世嘅法定繼承人當然係佢兒子保羅，但因為保羅嘅性格同長相都酷似彼得三世，女皇一直都唔多鍾意佢，反而將希望寄託喺皇長孫亞歷山大身上（後來的亞歷山大一世）。

不同於父親，長相俊朗又聰明嘅亞歷山大深得祖母嘅喜愛。葉二世親自撫養佢，為佢安排優良嘅教育，甚至諗住繞過保羅直接傳位比佢。

但係呢個計劃因為葉二世嘅猝死而最終未獲實行。1796年11月，67歲嘅葉二世喺如廁時突然中風，一代名君就此駕崩。

俄國歷史上有兩位皇帝被後世人尊為大帝，分別是彼得一世同埋葉卡捷琳娜二世。相比起性情暴烈激進嘅彼得大帝，葉大帝嘅統治多咗一份女性嘅溫柔同埋仁慈。佢以和善待人見稱，幾乎所有侍候過佢嘅宮女都對佢交口稱讚。佢一生中擁有眾多情人，但每次分手也大多能夠做到善始善終。

崇拜伏爾泰等啟蒙運動作家嘅葉大帝主觀上雖然想解放農奴發展生產力，但佢作為一個謹慎嘅政治家不願意為此得罪貴族地主，因此只能夠喺農奴問題上極端保守。但佢頒佈咗禁止殺害農奴嘅法令，亦都側面反映佢對農奴們的確心懷慈悲。

另一方面，葉二世嘅武功則更為顯赫，佢打開咗黑海出海口，三次瓜分波蘭， 將俄羅斯嘅領土從三百多萬平方公里擴充到一千多萬平方公里，俄羅斯當今絕大部分領土都是葉二世在位期間所攻佔。

lm

Push

點解伊凡四世可以同英國結盟嘅, 山卡拉咁遠

葉大帝生前吩咐將一份詔書藏喺首飾盒，呢份詔書好可能寫住佢死後王位嘅歸屬（可能是亞歷山大），但就被收到消息趕來嘅保羅燒燬，喺死無對證嘅情況下保羅得以登位。



保羅一直對父親嘅死念念不忘，佢將彼得三世嘅遺骨起出，同母親一齊重新風光大葬。

由於痛恨被女人主宰嘅童年，保羅即位後確立了長子繼承法制度，俄國女皇時代就此結束。除咗繼承法嘅修改，保羅在位期間亦都頒布咗多達2千條法令，企圖逆轉其母葉二世嘅政策。

保羅所頒布嘅法令繁多，包括修改農奴制度，農奴每週只需為地主工作三天，又廢除咗不能對貴族體罰的法令，甚至連貴族嘅穿著，髮型同跳舞時嘅動作都有明確規定。

另一方面，佢同亡父一樣係個精神普魯士人，佢崇尚普魯士嚴格嘅軍事制度，通令俄軍一律改著普魯士軍裝。保羅每日都會親自檢閱自己嘅近衛軍，嚴格檢查出操同衣著是否規範整齊，有違者甚至會俾佢毆打。

唔駛講，保羅嘅改革自然惹嚟貴族同軍人嘅大為不滿，佢哋對on9嘅沙皇既仇視又輕蔑。

除咗對普魯士嘅愛之外，保羅性格亦都同父親一樣反復無常，暴躁易怒，膽小多疑，而且做事沒有連貫性。雖然佢亦有著慷慨公正嘅一面，但呢啲優點並不足以彌補佢缺乏政治智慧同政策失誤嘅短板。

如果話性格決定命運，咁保羅同父親一樣落得眾叛親離嘅下場亦都確實不足為怪。

俄羅斯人要嘅唔係民主自由
佢哋要嘅係一個沒有共產黨嘅蘇聯

點解佢哋唔鍾意共產黨

我有一個俄羅斯朋友 😂三十幾 好鍾意蘇聯 好親支

俄羅斯人應該好似大中華膠咁❔

所以先選咗普京出嚟

遠交近攻

都係 佢成日問我 我地都係中國人 點解要鬧獨立

佢唔問下車臣人做咩要獨立

猶如彼得三世喺七年戰爭中一個屈尾十轉軚撐普魯士，保羅喺反法聯盟中亦都做出咗類似嘅外交大逆轉。

自法國大革命以來，俄國就聯同奧地利及英國組成反法聯盟，並同意喺意大利、瑞士同荷蘭兵分幾路攻擊法國人，然後入侵法國本土。

俄國派咗第6次俄土戰爭中嘅英雄蘇沃洛夫遠征瑞士和義大利，蘇沃洛夫喺北意大利多次擊敗法軍，將佢哋趕返去阿爾卑斯山。然而，反法聯軍喺荷蘭同瑞士則嚐到了敗績。

戰事失利加上戰爭期間同盟友不咬弦，令保羅萌生咗退出反法聯盟之意。

而喺1799年11月9日拿破崙發動咗霧月政變，取得了法國嘅軍政大權，成為法國第一執政。當拿破崙登台之後，保羅竟然對拿破崙表示非常佩服，企圖與英國斷交，同佢心目中嘅英雄拿破崙瓜分歐洲。



保羅喺準備不足嘅情況下計劃發兵攻擊英屬印度，呢個荒唐嘅決定令到與英國有往來嘅貴族同商人大為不滿，一場弒君陰謀正在醞釀。

而當中嘅主謀就係為俄國效力嘅日耳曼人帕倫，佢當時任職聖彼得堡總督。

帕倫希望拉攏皇子亞歷山大參與謀反，亞歷山大對此不置可否，但就希望佢能夠保存父親嘅性命。

保羅對於有人圖謀作反早已有所耳聞，於是狡猾嘅帕倫就順水推舟，供出皇后同兩名皇子亞歷山大同君士坦丁密謀造反，三人遭到軟禁。

1801年3月23日，獲得沙皇信任嘅帕倫再向保羅匯報，話佢身邊嘅近衛軍皆為雅各賓黨份子。說服佢解散身邊侍衛，只留下兩個沒有武裝嘅男僕。

當晚，帕倫召集咗一批近衛軍官(當中就包括比保羅毆打過嘅人)，佢哋飲到酩酊大醉壯膽，喺冇抵抗嘅情況下殺入保羅嘅睡房，逼迫沙皇簽署退位聲明。保羅試圖反抗，被刺客們監生摙死。餘怒未消嘅刺客們繼續踐踏保羅嘅屍首，到最後沙皇只留下一具殘缺不全嘅遺體。

ching 快手少少