日本帝國海軍師承英國皇家海軍,連旗艦三笠都係英國製,對俄佬嚟講係難咗少少
俄羅斯艦隊都試過打贏土耳其以外嘅國家嘅,大北方戰爭嗰陣打贏過芬蘭一兩場,最後仲搶埋波羅的海控制權
不過已經係百幾二百年前嘅事
波羅的海艦隊進入北海之後就開始步步為營,畏懼日本嘅盟友英國會攻擊佢(英日喺1902年結盟)。結果疑神疑鬼嘅俄軍喺北海嘅多格淺灘向一艘英國漁船開炮,打死咗兩個漁民。
事件最終雖然以俄國向受害者家屬賠償作結,但波羅的海艦隊嘅路依然難行。控制全球海洋霸權嘅大英拒絕喺港口向俄國提供補給,又或者俾啲劣質煤炭玩鳩佢哋。加上英國情報網早已經將艦隊資料比曬日本,而波羅的海艦隊嘅裝備甚至比太平洋仲要老舊,喺遠東等待佢哋嘅只會係死神唔係勝利女神。
當波羅的海艦隊喺海上游緊嘅時候,旅順嘅圍城戰亦都進入白熱化階段。1904年11月,日軍決定執行「203高地主攻」計劃。
該高地原本不受重視,但根據聯合艦隊參謀嘅建議,該高地係炮擊旅順俄國艦隊嘅最佳戰略觀測點,於是日俄兩國就喺此地展開咗犧牲慘烈嘅爭奪戰。
11月28日,日軍由第一師團擔任203高地主攻。日軍仲特登喺國內調來28厘米口徑榴彈炮掩護攻擊203高地,但就因為泥濘緣故無法完全發揮火力。第一師團在進攻中損失1500人,無法繼續前進。29日,預備隊第七師團投入進攻,30日下午5時西南陣地佔領。數小時後東北堡壘亦被佔領。但俄軍隨即發起反擊,到12月1日,除咗西南一角外,俄軍收復203高地所有陣地。
得知203高地得而復失,日軍馬上調派第八師團步兵第17聯隊南下增援。喺12月4日,日軍經過幾日重整旗鼓,再次進行攻擊。
清晨時份,日軍以僅有嘅西南陣地為據點,對203高地西南堡壘發動攻擊,上午10時左右完全占領該堡壘。下午1時45分,對東北堡壘發起進攻,戰至晚上10時,俄軍不支撤退,203高地完全被日軍佔領。
取得制高點嘅日軍繼續對旅順攻擊,佢哋用炸藥爆開城牆,再進行突擊。旅順嘅堡壘一個個咁被攻陷,俄軍雖然奮勇作戰,但奈何兵力已經喺203高地一役耗盡,正面主要堡壘嘅陷落更加令到俄軍士氣極度低落。
終於喺1905年1月5日,旅順要塞司令官斯特塞爾投降,結束旅順圍城戰,日軍共投入13萬人,傷亡約6萬人。