俄羅斯的眾沙皇(長文)

推

推

推

1826年，波斯皇太子率兵入侵高加索。尼一世迅速派兵擊退波斯軍，波斯被迫割讓現今亞美尼亞同阿塞拜疆嘅一大部分予俄國。

但係俄國同穆斯林嘅衝突並未止息，尼一世根據庫楚克開納吉條約，對鄂圖曼境內東正教徒實施保護權，支持同為東正教一脈嘅希臘獨立運動，引起咗佢同蘇丹嘅正面衝突，引發咗第八次俄土戰爭。



1828年，沙皇親率十萬大軍攻入今日嘅羅馬尼亞。之後俄軍就開始對現今保加利亞境內嘅三大土軍要塞舒門，瓦爾納與錫利斯特拉展開圍城戰。

然而土軍攻擊力雖然唔太掂，但防守力卻出奇地高。俄軍雖然奪得瓦爾納，但另外兩個城池則戰情陷入膠著。由於俄軍兵力不及駐守舒門嘅4萬土軍，加上俄軍裝備不足，以及瘟疫奪去咗好多士兵嘅性命。俄軍不得不暫時放棄對舒門和錫利斯特拉嘅圍攻，倉皇撤軍。

1829年2月，沙皇尼一世改任迪比奇為元帥，而佢本人則因為染病而回到聖彼得堡。5月7日，迪比奇率6萬人渡過多瑙河恢復對錫利斯特拉嘅圍攻。土耳其蘇丹派兵增援，但呢支軍隊喺5月30日嘅久萊弗恰之戰中被擊敗。三周後，錫利斯特拉終於被俄軍攻陷。

另一方面，俄軍喺高加索戰線亦都擊敗了土軍，奪取了安那托利亞東北部嘅埃爾祖魯姆。

接連嘅慘敗令到蘇丹馬哈茂德二世不得不求和。亞德里亞堡和約將黑海東岸大部份同多瑙河口割讓咗比俄國，而俄國亦都得以占據瓦拉幾亞與摩爾達維亞。呢兩個公國此後一直成為俄羅斯嘅附庸國，直到24年後的克里米亞戰爭。

打咗幾廿萬次嘅土俄戰爭

八次定九次，最尾果次發展成克里米亞戰爭

尾二

土耳其打下打下由烏克蘭縮到入君士坦丁堡

一戰可以當係第11次嘅

有興趣可以睇下，好詳盡同幾長下

https://m.youtube.com/watch?v=q1RRQMO3qaY

由第二次圍維也納失敗之後開始做近東病夫。國家體制守舊，改革者因為得罪權貴同禁衛軍而被殺，蘇單都冇面俾之下，人地歐洲宗教改革後科技發展同社會體制一下子追上土耳其，導致土耳其17世紀中葉開始迅速衰落。

Btw,巴打呢段時間竟然離開風post

而喺另一方面，淪為俄羅斯屬國嘅波蘭亦發生咗動亂。1831年，波蘭起義軍攻打華沙，希望擒獲尼一世胞兄康斯坦丁。康斯坦丁本來可以輕鬆鎮壓革命，但就因為愛惜手下將士，而錯失咗良機，攪到自己要喺華沙出逃。

尼一世喺俄國派遣大軍出征波蘭，好快就成功鎮壓革命。沙皇將參與起義嘅波蘭軍官流放到俄國中部地區，普通士兵則被送到高加索服役，受懲罰人數多達10萬。同時佢亦都廢除咗波蘭王國同憲法，派俄國人去波蘭擔任官員。

至此尼一世已經擊敗咗波斯人、土耳其人同波蘭人，奧地利人同普魯士人都要對佢必恭必敬，而佢喺國內更加被奉若神明。

但係沙皇嘅無上權威正面臨著挑戰。自法國大革命以來，自由主義同民族主義不斷蓬勃發展。而喺鎮壓波蘭革命期間，俄羅斯全國霍亂流行，頗有世界末日之感，為咗撫慰人心，沙皇需要提供一套新嘅意識型態，去對抗法國嘅共和革命思想。

當時俄國學術界分別出現咗西方派同斯拉夫派兩種思潮。西方派細分為自由主義者同社會主義者，自由主義者希望俄國成為有如英國一樣嘅君主立憲國家，社會主義者則希望發動階級革命解放農民，達成普遍嘅平等。

斯拉夫派主張一種對俄國獨特身份認同嘅民族主義崇拜，佢哋將由農民、村莊、儀式同東正教所組成嘅"俄國世界"神聖化，同時鄙視軟弱無力而腐化頹廢嘅西方世界，將俄國視為同西方一樣咁高咁大嘅平行體系。



沙皇同佢嘅教育部長烏瓦羅夫採納咗斯拉夫派嘅理論，提出咗一套俄羅斯民族性理論，利用當時歐洲嘅浪漫主義風潮，稱俄羅斯人為上帝選民，最能忍耐。

烏瓦羅夫利用民族主義同東正教特性推崇東正教俄國人為首要民族，猶太人、天主教波蘭人、穆斯林韃靼人、新教波羅的海人都漸漸遭到排擠，尤其以猶太人受嘅迫害最深。

猶太人被禁止進入大城市，又被徵收特殊稅項，而猶太人嘅傳統服裝亦被禁止，尼一世亦試圖同時以教育同騷擾嘅方式促使佢哋改宗東正教。

巴打寫得好好，支持！👍

果邊冇乜補充咪出嚟行下lor
BTW,如果冇英法救班土耳其佬佢哋應該完全仆直成為俄羅斯不可分割嘅一部份
你地所認識嘅君士坦丁堡會變咗沙皇格勒

好正 keep住追！

下次想睇英國首相或者日本首相

樓主會GG
大英首相制都差唔多400年歷史
仲要講埋大英由君主制轉向立憲制個幾百年之間議會同埋皇帝既鬥爭

日本就好啲既
1886年明治維新開始講都係150年左右者

英國好正淨係戴卓爾夫人同埋邱吉爾首相都好好睇

英法為左保障佢地喺地中海利益，一定唔會俾土耳其冧檔，如果唔係俄佬就可以長驅直入，再聯合埋同為東正教嘅希臘同斯拉夫兄弟塞狗，英法勢力至少被趕出東地中海，隨時導致英俄中亞博弈英國處下風，因為地中海條路斷左，更嚴重會影響英屬印度嘅統治

攰死樓主咩
不過好佩服佢啲Post唔會爛尾

lm

而尼一世嘅反猶政策就招致咗英國人嘅不滿，原本已經忌憚俄國嘅英國人對佢哋因而更加厭惡。英國人派遣咗羅富齊（Rothschild)嘅姻親摩西·蒙蒂菲奧里做使者出訪俄國，希望減輕沙皇嘅反猶傾向，但就沒有成果。

除咗英國人之外，俄國同法國亦都喺聖城耶路撒冷問題發生咗衝突。一直以嚟，耶路撒冷都由東正教徒負責管理。而喺1847年，法國國王送贈伯利恆聖誕教堂嘅銀星被人盜去，天主教徒因而怪罪東正教徒，兩派教徒發生衝突。好快演變成兩教保護者俄法嘅外交衝突。

而東歐嘅革命浪潮亦未平息，除咗平定自己屬國波蘭嘅革命，尼一世亦都喺1848年協助盟友奧地利平定匈牙利人嘅革命。佢派咗35萬大軍到布達佩斯，好快就擊敗咗起義軍。

但尼一世嘅援助並未換來奧地利嘅感恩戴德，奧地利既畏懼俄國嘅強大，同時亦同佢嘅敵人英法一樣對佢忌憚萬分。

表面上沙皇嘅權勢達到了頂峰，坐擁百萬雄師嘅俄國更加係兵多將廣。但實際上俄國已是外強中乾，官僚制度重床疊架，軍隊裝備亦已過時。加上尼一世缺乏對工業化嘅正確認識，輕視鐵路嘅作用，導致俄國工業化嚴重落後於西方。

但當時嘅尼一世仲沉醉喺"歐洲憲兵"(俄國喺1848年歐洲革命爆發後，四處鎮壓革命獲得嘅稱號)嘅榮耀當中，直到克里米亞的鐘聲將佢嘅美夢敲碎。