俄羅斯的眾沙皇(長文)

想問吓有冇記錄過安娜智力係咪正常
伊凡五世無智力但生到個正常嘅女？

留名

伊利沙伯恢復咗樞密院，將政事托付俾大臣之後，就開始專心自己真正感興趣嘅嘢: fashion同埋開舞會。

伊利沙伯同單春個老婆一樣係潮流達人來，佢少年時代受過法國式教育，對法國嘅服裝同化妝品情有獨鍾。伊利沙伯鍾意不停咁買新衫，而且每件長裙禮服從來唔會著第二次。佢死後留下了萬5件長裙，幾千對鞋同埋兩大箱綢制長筒襪。



伊利沙伯畢竟係一個專制君主，性格亦都有著橫暴嘅一面。佢就曾經試過有一次因為染髮劑出咗問題，攪到要剃光頭。於是佢就迫成個皇宮嘅宮女陪佢剃頭，不過就一人送返頂假髮。

伊利沙伯另外一個嗜好就係跳舞，每個星期起碼要開兩次ball。佢仲要求所有男賓著女裝，所有女賓著男裝，原因只係因為佢覺得自己著男裝好睇。



另一方面，伊利沙伯雖然終生冇正式結過婚，但亦都養過幾個面首。其中就包括烏克蘭歌手阿列克謝·拉祖莫夫斯基，佢因為容貌俊朗同歌聲動人而得到女皇嘅寵幸，之後更加被提拔為元帥。

而佢另外一條囝伊凡.舒瓦洛夫就更加有才華，佢為俄國創辦咗莫斯科大學以及藝術學院，並且建造咗一座大型圖書館。

就喺伊利沙伯女皇縱情聲色嘅時候，歐洲局勢亦都因為另一位女皇而風雲變色。當時已經係歐洲強國之一嘅俄羅斯亦難以避免捲入其中。

安娜智力正常

弱智唔一定遺傳掛

是三世

責任編輯

係呀

留名

亞歷山大一世應該係最偉大

1740年，神聖羅馬帝國皇帝卡爾六世逝世，並無遺下男性後嗣，遺命其長女瑪麗亞·特蕾西亞繼位。



但係因為對女性繼承權嘅異議而觸發咗奧地利王位繼承戰爭，結果普魯士喺神羅手上奪得了西利西亞。從此兩國結下深仇，種下日後七年戰爭嘅惡因。

1755年，英國遣使到聖彼得堡意圖拉攏俄國共抗法國和普魯士，但係伊利沙伯遲遲未能下決定同英國結盟，最終導致普魯士搶先和英國簽訂盟約。英普盟約打亂了以普魯士為假想敵嘅英俄盟約，亦都將法國推向奧地利嘅懷抱。

由於伊利沙伯，瑪麗亞·特蕾西亞同埋法國國王路易十五嘅情婦龐巴度夫人(佢能夠左右法王嘅外交政策)都係女人，同連登仔一樣咁仇女嘅腓特烈二世於是同佢哋改咗個花名叫"三條裙同盟"。

但正所謂三個女人一個姦，腓特烈二世好快就會嚐到了輪大米的滋味。



1756年，普魯士入侵薩克森，七年戰爭爆發。普魯士一方有英國同葡萄牙坐陣，神羅方面則有法俄瑞典西班牙等國相助。兩大陣營除咗要計清新仇舊恨，亦都有爭奪海外殖民地之意。

呢次戰爭可以話係日後一次世界大戰嘅預演，而俄羅斯就因為伊利沙伯女皇於戰爭期間去世，導致戰果出現了一個戲劇性變化。

普魯士面對多國嘅圍剿，依然苦苦支撐。但隨住時間嘅過去，普魯士軍隊被大大的削弱，並且被俄國奪去位於波羅的海嘅重要港口科沃布熱格。

1761年8月俄羅斯軍隊甚至攻陷咗普魯士首都柏林。腓特烈二世當時認為自己即將失敗，甚至已經準備好毒藥打算自殺。

但係總算腓二世命不該絕，1762年1月5日，伊利沙伯因病去世。呢個天之驕女雖然窮奢極侈、衣物開銷極度浪費，以及放任親信、用人不公。但佢亦都放手任用賢臣以及取得了不少軍事成就，為日後葉卡捷琳娜二世嘅黃金時代打下基礎。

彼得繼位是為彼得三世，佢不單止精神上係個德意志人，仲日日著住套普魯士軍服，對腓特烈嘅武功佩服到七個一皮，係腓特烈二世嘅die hard fans來。



彼得三世繼位後，便馬上停止了對俄國有利嘅七年戰爭，仲一個反手同普魯士結盟。俄羅斯和普魯士簽訂的合約規定，俄羅斯歸還整個東普魯士以及七年戰爭期間佔領嘅所有土地，俄羅斯退出戰爭並轉而與普魯士結盟。史稱勃蘭登堡王室奇蹟。

呢一個咁喪權辱國嘅條約一出，整個俄羅斯輿論一片嘩然。朝野中嘅俄羅斯愛國者都對此大為不滿，早喺伊利沙伯統治末期就有好多大臣同將領覺得彼得唔會為俄國利益著想，意圖發動宮廷政變廢黜彼得嘅皇儲身份。彼得三世上任後嘅對普政策正正坐實了佢哋嘅疑慮，一場政變風暴正在醞釀當中，而呢個陰謀嘅風眼就係同彼得貌合神離嘅妻子葉卡捷琳娜。

彼德三世真係on9到震，就算唔想滅左普魯士，都起碼簽返條對自己有利嘅和約，果陣腓特烈就嚟迫到自殺，想要錢要地佢實俾你啦

彼得同葉卡捷琳娜自從婚後就一直各有各玩，直到婚後9年先至誕下一子保羅(後來嘅保羅一世)。

根據葉卡捷琳娜日後嘅回憶錄，保羅乃係佢同情人謝爾蓋.薩爾特科夫所出，但保羅長大後無論長相同性格都酷似彼得三世。所以亦有分析認為葉卡捷琳娜係出於對彼得嘅憎恨而故意歪曲事實。

彼得三世即位後首批推行嘅政策出乎意料地頗受好評，佢廢除咗彼得大帝嘅貴族服役制度同埋減輕鹽稅。

但佢嘅外交政策則完全被普魯士大使所主導，令曾經同普魯士喺沙場上血戰嘅軍人大為不滿，而佢意圖解散近衛軍嘅傳言更加惹嚟佢哋嘅忌恨。

葉卡捷琳娜嘅主要支持者包括佢嘅情夫，近衛軍將領格里高利·奧爾洛夫同埋奧爾洛夫嘅幾個親兄弟，佢哋都喺軍中都頗有聲望。

作為一個謹慎嘅政治家，葉卡捷琳娜正在慢慢尋找一個合適嘅時機下手。而另一方面，彼得三世根本就無將葉卡捷琳娜放在眼內，對即將來到的政變風暴毫無察覺。儘管彼得三世手下的人多次向佢密報政變陰謀，但佢依舊闊佬懶理。

但係喺形勢逼迫下，葉卡捷琳娜終須要作出決斷。

1762年7月，葉卡捷琳娜得知彼得逮捕咗佢嘅一個同謀，喺擔心計劃暴露下佢決定馬上起事。襯住彼得三世前往奧拉寧鮑姆出席一個慶祝活動嘅時候，葉卡捷琳娜馬上離開宮殿，前往近衛軍團處發表演講，號召士兵保護自己。當時佢發現自己嘅軍刀欠缺了穗子，而一名醒目嘅下級軍官趕忙遞上，佢就係日後成為女皇葉卡捷琳娜情夫嘅名臣普譚金。





葉卡捷琳娜好似司馬懿咁發動咗俄國版嘅高平陵事變，佢帶住近衛軍向奧拉寧鮑姆進發，捉拿彼得三世。

彼得三世得知政變發生，頓時驚慌失措。手下建議佢逃往喀琅施塔德，率領忠於佢嘅軍隊同埋向普魯士借兵，向聖彼得堡反攻。

但係同曹爽一樣蠢如豚犢嘅彼得三世拒絕咗呢個建議，佢初時想指揮佢隊柴娃娃荷爾施泰因軍團，喺一座平時用嚟訓練嘅木製城堡死守。後嚟聽見葉卡捷琳娜帶領精鋭前來，又改變主意，帶住情婦同手下慌忙逃去喀琅施塔德。

但當佢到達喀琅施塔德，先發現當地駐軍已經向葉卡捷琳娜宣誓效忠。彼得三世眼見大勢而去，連逃亡普魯士都放棄，向葉卡捷琳娜投降，簽署退位詔書。

一個星期後，彼得三世喺聖彼得堡市郊嘅羅普舒被殺，死因至今不明。（可能係被毒死、勒死），葉卡捷琳娜對外宣稱係痔瘡爆發而死。

皇后葉卡捷琳娜繼位，是為葉卡捷琳娜二世。

爆痔瘡死 係咪搵咗幾個猛男輪爆佢屎眼

葉卡捷琳娜二世心知自己得位不正，唯一執政嘅依據只係作為兒子保羅嘅代理人身份。所以佢夙夜匪懈，勤奮辦公，小心謹慎地推行每一個政策。

熟讀啟蒙時代作品嘅葉二世打住開明專制君主嘅招牌喺歐洲人面前包裝俄國嘅形象，佢喺1767年召開咗立法委員會，標榜法律面前人人平等。

但實際上佢喺農奴問題上極端保守，不願開罪俄國貴族。當時俄國農奴嘅生活整不人道，而當兵就帶俾佢哋一個脫離赤貧農村嘅機會，為葉二世嘅軍隊帶嚟源源不絕而且廉價嘅兵源。

1768年，第五次俄土戰爭爆發。日益衰弱嘅鄂圖曼面對手握西歐先進軍事科技嘅俄羅斯冇力招架。最終喺1774年俄土簽訂咗庫楚克開納吉和約，俄國得到割地賠償鉅額戰爭賠款，同時還獲得了黑海沿岸兩個重要軍港。



土耳其被迫放棄克里米亞汗國的宗主權(但仍為當地穆斯林的哈里發)，並同時允許俄羅斯保護土耳其國內的東正教信徒。

而北方戰線方面，葉二世就聯同普魯士和奧地利一起瓜分波蘭，從而得到了波蘭46%以上嘅土地。

放完假樓主夠鐘出新文喇