俄羅斯的眾沙皇(長文)

俄羅斯東進歷史

同香港一樣—》.....諾夫哥羅德因為多年來只係崇尚和平嘅商業城市，因此不敵莫軍大敗，雙方簽訂合平條約，諾夫哥羅德暫時仍然可以保持獨立。......

lm

點解俄妹係鬼佬樣

留名

Lm

一如秦始皇呢個大一統帝皇，伊凡三世亦都推行咗統一度量衡，貨幣及法典等政策，為日後俄羅斯帝國的中央集權打下基礎。

伊凡三世早年御下甚嚴，後期因為年老體衰逐漸寬容，貴族勢力不受控制，扶植諸王子進行宮廷鬥爭。

最後在1502年，年老多病嘅伊凡三世決定任命太子瓦西里為監國(共治者)，是為瓦西里三世，結束繼承人之爭。

1505年，伊凡三世病逝，由於佢統一俄羅斯嘅豐功偉績，被後世稱為伊凡大帝。



瓦西里三世為伊凡三世與拜占庭公主佐薇·帕拉奧洛高斯所生之子，由於佢嘅異母兄長伊凡早死，於是繼承人只淨下佢同佢個侄(伊凡個仔)德米特里。

由於貴族們大多不喜歡瓦西里個老母，認為呢個異國公主將拜占庭王室嘅宮廷鬥爭帶入咗莫斯科。因此大多支持德米特里，瓦西里決定鋌而走險發動政變，但因為陰謀敗露，佢喺1497年被佢老豆囚禁咗，支持者都被處死同流放。

但係德米特里都惡唔得幾耐，1502年伊凡三世監禁了德米特里，原因可能是佢嘅幕僚捲入了謀害瓦西里嘅陰謀。於是可能的繼承者只剩下瓦西里了。

瓦西里三世登基後違背咗對亡父善待侄兒嘅承諾，將德米特里監禁，佢數年後死在獄中。

撕開俄羅斯人
就會見到蒙古人

留名睇伊凡四世

恐怖的伊凡

就咁睇我覺得似係波立問題，明明諾夫哥羅德已經搵左佢地嘅人做話事人，但係莫軍黎到果時都唔出兵幫手

弱國無外交，人哋後面傾就放你上檯。

弱國無外交，人哋後面傾好就放你上檯。

jeng好鍾意俄羅斯，最鍾意彼得大帝一個人掹住俄羅斯踏上西化之路

留名

LM

瓦西里三世登基後繼續老豆嘅統一大業，先後吞併咗普斯科夫，沃洛科拉姆斯克，梁贊等公國。

瓦三世為咗加大皇權，加上佢同大貴族嘅關係唔多好，因此佢採取咗削弱貴族嘅做法。同佢作對嘅貴族好多都被流放，拘捕，甚至處死。貴族嘅勢力受到極大抑制，一切問題均以專制方式解決。而另一方面瓦三世亦都刻意從中小貴族中提拔有能力的人來擔當重要職務，由於佢哋係受沙皇提拔，所以較大貴族為忠心。

另外，為咗實現佢嘅中央集權計劃，瓦西里三世亦都利用宗教嘅力量。佢初時支持否定教會利權，提倡苦行嘅禁慾派，但後來就轉而扶持主張保護教會財產嘅所有派。因為所有派認為沙皇嘅權力來自上帝，有助瓦三世借天命打擊同佢作對嘅大貴族。

1533年，瓦西里三世病逝，由佢年僅三歲嘅兒子伊凡繼位。呢個三尺童兒就係日後赫赫有名嘅伊凡雷帝。

係咪打算寫到現任

伊凡四世被後世人稱為伊凡雷帝、令人敬畏的伊凡同埋恐怖伊凡。佢亦都係第一個正式以沙皇稱號登基嘅俄羅斯君王。



由於雷帝登基時只有3歲，因此根據佢死鬼伯爺遺詔，由伊凡四世母親葉蓮娜同七位大貴族組成攝政會議，在伊凡四世成年之前代理朝政。

但葉蓮娜很快就與許多大貴族水火不容，她廢除了攝政會議，獨攬大權。1538年，葉蓮娜暴斃，傳聞為政敵所毒殺。太后死後由佢嘅兄弟格林斯基擊敗政敵，繼續控制朝政。

1547年，伊凡四世正式加冕為沙皇。同年，舅父格林斯基在一次大火災引起的民變中被打死，17歲嘅伊凡四世開始親政。

大概係因為自幼缺乏父母嘅愛，雷帝養成咗意志堅強同冷酷無情嘅性格，佢為人既偏激又殘暴，甚至可以話係脾氣古怪。