俄羅斯的眾沙皇(長文)

其實拉斯普丁反對俄羅斯同德國開戰已經知佢係為俄國和平而努力，雖然佢好色同干預朝廷，但站起俄國皇室同平民角度，拉斯普丁其實係明察秋毫、為俄國人服務。
之後佢個預言真係 老師又中

俄國動員嘅四百萬士兵透過鐵路網絡陸續到達邊境，準備同敵人德奧作戰。

俄軍最初嘅計劃係從波蘭嘅大部分地區撤軍，集中力量於中路，以便攻擊德國同奧匈。但由於政治原因，為咗支援盟友法國，最後俄國決定用4個集團軍進攻奧地利，兩個集團軍進攻東普魯士。

俄軍同時發動針對奧地利同東普魯士嘅兩組攻勢，儘管呢兩路俄軍都未做好戰鬥準備，同時東普魯士嘅軍事行動需要更多兵力。

而俄軍嘅內部通訊依然好差，各條戰線相互之間幾乎無協調，並且時常延誤或無視最高統帥部嘅命令。

1914年8月下旬，俄軍進入東普魯士，並逼向德國嘅心臟地帶，德軍被逼從西線調兵回援。



德國援軍行動迅速，好快就抵達東線，並喺數場戰役中擊敗俄國，令到東線戰局發展受到德軍控制。9月11日，德軍進逼至俄國境內，俄軍損失共25萬餘人。德軍一個師等同俄軍一個集團軍，好快就成為東線嘅定律。

奧匈亦都乘機攻擊俄羅斯，但就不敵俄國，喺加里西亞同布柯維納嚐到敗績。俄軍企圖乘勝追擊攻入德國境內，不過就喺羅茲戰役慘敗。結果到咗12月中旬，東線戰事亦進入膠著狀態。

1915年，沙皇喺一片反對聲中到達莫吉廖夫(今白俄羅斯)接管咗最高統帥部，將國事交托比皇后打理，更加被認為係一個重大錯誤。

lm

沙皇遠離首都，而固執又愚昧嘅皇后除咗拉斯普京之外邊個都唔信。皇后好快就以拉斯普京嘅意見任免官員，而為咗維護佢，皇后好似崇禎咁不斷更換罷免官員，喺短時間內換咗4個首相5個內政大臣，首都行政機構接近癱瘓。

俄國貴族對來自德國嘅皇后越來越反感，對拉斯普京更加好似東林黨痛恨九千歲魏公公咁，認為沙皇夫妻猶如佢嘅傀儡。



但拉斯普京實際上只係一個隨風擺嘅刷鞋仔，佢好多時只係順住兩個腦細嘅心意提供建議，靠精心算計嚟得到皇室更多嘅恩寵。佢起初反對尼二世親自擔任總司令，到沙皇心意已決，又大力支持。拉斯普京早期曾經支持反猶右翼黑色百人團，到羽翼已豐後又改為選擇保護猶太人。

1915年7月，俄國政府為咗應付戰時軍需而成立咗軍事工業委員會，負責喺各部大臣、志願者組織同戰爭工業之間進行協調。終於，透過國家喺軍械生產合約上嘅一擲千金，政府開始生產出前線所需數量嘅砲彈。

但俄國轉入戰時經濟嘅過程就顯得特別緩慢同笨拙。當時俄國嘅農村正在豐收，但因為軍事工業委員會愚蠢嘅價格管制同埋鐵路系統一片混亂，糧食無辦法運到城市同軍隊，市民同士兵時常陷入麵包恐慌。

rasputin 咪大賓周lo

皇帝遠離首都通常係 PK 的開始

睇相就知皇后真係好靚

當大後方七國咁亂嘅時候，軍事工業委員會嘅彈藥補給終於運到去前線，俄軍又開始生猛返啲。

1916年2月，俄軍擊敗土耳其，佔領咗埃爾祖魯姆，之後又佔領咗特拉布宗。

到咗1916年3月，俄軍襯住德國嘅主要精力被牽制喺西線嘅凡爾登絞肉機，決定喺納拉奇湖(今白俄羅斯)向德軍進攻。

35萬名俄軍向5萬名德軍發動攻勢，但由於天氣不佳以及俄軍各部隊同以前一樣缺乏協同配合，俄軍又損兵折將10萬人。

經過呢次戰敗，尼二世決定任命阿列克謝.布魯西洛夫將軍為新嘅西南戰線總司令，希望能夠一雪前恥。



布魯西洛夫富有想像力又深思熟慮，佢經過周詳嘅計劃，決定喺烏克蘭向最弱嘅奧匈軍隊進行一次大規模攻勢。

俄軍喺6月4日正式發動攻勢，布魯西洛夫選擇咗用精準而簡潔嘅轟炸面唔係慣常嘅全日持久性炮轟，佢命令少量士兵攻擊奧軍戰壕嘅薄弱環節同炸開缺口，令俄國大軍可以長驅直進。

布魯西洛夫嶄新嘅突擊戰術大破奧軍，佢成功突破奧軍嘅防線，令奧軍損失近150萬人(包括400,000戰俘)，幾乎要退出戰爭。之後亦只能夠依靠盟友德國頂住個雞頭。

但作為勝方嘅俄國傷亡亦都有50萬人之多，呢場戰爭亦被列入世界歷史上最多死傷嘅戰役之一，史稱布魯西洛夫攻勢。

痴孖筋死百幾萬人 要用幾多地方去裝屍

多數就地解決
如果有高級軍官就會另外落葬

結果佢依個滲透戰術俾德國抄返轉頭喺西線到運用

後面寫得咁詳細嘅
越後越詳細

因為歷史既記錄係愈接近依家係會愈詳細
所以點解啲遠古史會咁多爭議

另類嘅鎚砧戰術 玩到二戰嘅閃電戰個戰術目的都係咁 包抄

諗起隔離cctoy個post 有爭議咪9up成自己有利嘅論點咪得

布魯西洛夫攻勢達到咗俄羅斯喺一次大戰成就上嘅最高峰，但可惜俄軍並未能有效利用戰果，俄國將領畏懼增援嘅德軍，加上傷亡慘重，軍中彌漫著一片厭戰情緒，至少有5萬個俄羅斯士兵成為逃兵。

尼二世為咗支援布魯西洛夫，特地派咗近衛軍出馬。可惜因為指揮官嘅錯誤，下令士兵通過難以穿越嘅沼澤地，結果近衛軍損失3萬人，幾乎全軍覆沒。

自從鄂圖曼加入同盟國陣營，令達達尼爾海峽關閉，斷絕咗俄國90%嘅外貿。俄國經濟逐步惡化，通貨膨脹嚴重，民不聊生。

當拉斯普京見到街上嘅民眾正喺度排長龍買食物，佢就建議皇后開倉派米。除此以外佢就連空軍嘅引擎同外交事務都有參與，可謂權勢滔天。

而除咗人民同士兵，貴族們對王室嘅不滿亦都與日俱增。沙皇同皇后嘅寵兒拉斯普京自然成為佢哋嘅眼中釘，權貴希望以佢嘅死亡挽救俄國，猶如古人以替罪羊的鮮血獻祭上蒼。