前言: 沙皇(英語:Tsar;俄語:царь;)一詞來自於古拉丁語caesar,或者古希臘語καῖσαρ的俄語轉寫цезарь,簡化後為царь,源自東羅馬皇帝的名號「凱撒」。
自從莫斯科大公伊凡三世迎娶咗拜占廷末代皇帝君士坦丁十一世嘅侄女佐薇·帕拉奧洛高斯,佢就宣稱自己有資格繼承東羅馬皇帝之位,將俄羅斯帝國稱為第三羅馬。
從此俄羅斯呢個散漫脆弱嘅早期社會就與一個晚期文明嘅複雜政權嫁接,日後嘅歷史方向亦都同呢個政治遺產脫不了關係。
首位被稱為沙皇嘅伊凡三世本來只係莫斯科大公,當蒙古入侵基輔羅斯的時候,莫斯科公國只係弗拉基米爾-蘇茲達爾大公國中的一個小鎮。但因為莫斯科的偏遠及複雜的森林地形。加上數條流向波羅的海、黑海及高加索地區的河流,讓這座小城得以漸漸發展起來。蒙古人嘅入侵對羅斯境內的諸多城市進行了洗劫和焚燬,使得這些城市一蹶不振,一段時間內都不能恢復元氣。
地處東北邊陲嘅莫斯科則由一個一開始只有一城的城邦國家,得到了莫大嘅發展,莫斯科公國第二位統治者尤里大公與蒙古金帳汗國的月即別汗結成同盟,並迎娶大汗的妹妹。蒙古人為咗方便統治,將收租嘅權利外判咗比莫斯科公國。
從此莫斯科大公就好似豬油仔幫雷洛收租咁,靠住狐假虎威擴充自身實力,逐步崛起。
莫斯科公國一方面靠落格增強財力,另一方面亦都借蒙古人嘅勢力同其他羅斯邦國爭地盤,佢借助篤灰同埋蒙古士兵嘅幫助,擊敗咗其他競爭對手,加上俄羅斯其他邦國因為戰亂而令到大量難民湧入,勢力日漸強大。