俄羅斯的眾沙皇(長文)

伊凡四世親政後繼續父祖嘅中央集權統治。為咗繼續打壓貴族，佢喺1565年建立了沙皇特轄區制，給貴族勢力很大的打擊。

特轄區管負責拷問與謀殺沙皇在國內的敵人。佢哋就好似日後蘇聯嘅KGB咁，以執法時的暴力手段臭名遠揚。佢哋著住類似修士的黑色寬袍，胸前佩一奇怪徽章，上有狗頭（象徵對沙皇不二的忠誠）與掃帚（象徵將沙皇的一切敵人掃地出門）。特轄區管的成員均由沙皇親自挑選，不論出身，只論是否效忠沙皇，通常是社會的中下階層為多。



伊凡四世對內好似漢景帝平定七國之亂咁打壓貴族，對外則好似漢武帝咁對外擴張。雷帝在1547至1552年的遠征中滅亡了喀山汗國，滅掉喀山汗國是俄羅斯歷史上重大的轉折點，標誌著從此以後俄羅斯的力量強於蒙古人。而且，攻滅喀山汗國，令俄羅斯可以越過烏拉爾山脈，派商人同冒險家東征西伯利亞。

外交方面當時俄羅斯處於強敵環伺，西有立陶宛波蘭聯邦，北有瑞典，南方則有穆斯林。唯一嘅盟友只有遠方嘅英國，而當時英國嘅君主就係有名嘅童貞女王伊利沙伯一世。

比雷帝年輕三歲嘅伊利沙伯女王為咗貿易利益而同沙俄結盟，但其實體制上英國與沙俄可以話係兩個極端，一個是剛通過《大憲章》限制君主權力的英國，一個是剛走進君主專制獨裁的俄羅斯。

根據記載喺伊凡四世晚年，佢曾向英國的「童貞女王」伊利沙白一世求愛，伊利沙伯一世卻對他不瞅不睬，可能是因為大家在政治上的迥異。



伊凡四世食檸檬之後惱羞成怒，更加用不符合外交禮節嘅說話辱罵英女王: "我要向你同你嘅宮殿吐口水。"，"你係嫁唔出嘅老處女。"

伊凡四世性格之激烈可見一斑，如果話佢對英女王都仲比幾分薄面，佢屌尻佢曾經嘅best fd 安德烈·米哈伊洛維奇·庫爾布斯基親王就完全不留餘地。



庫爾布斯基嘅遠祖可以追溯到留里克王朝，屬於當時嘅大貴族。安德烈·庫爾布斯基早年喺俄國與喀山汗國的惡戰中嶄露頭角，在最後嘅圍城戰期間，佢負責指揮俄軍右翼，並曾在戰鬥中負傷。佢亦都因此獲得沙皇的提拔，進而成為伊凡四世的親信。

在利沃尼亞戰爭期間，庫爾布斯基帶領俄軍進攻多爾帕特要塞，儘管戰役勝利，但
庫爾布斯基卻與沙皇互相猜忌而決裂，於1564年4月30日投向立陶宛一方。同年，
庫爾布斯基反率波蘭立陶宛聯軍入侵俄國，劫掠了大盧基一帶。

伊凡雷帝十分痛恨呢一個二五仔，喺佢流亡國外之後依然同佢互相通信十幾年，兩人在書信往返中不斷批判彼此。伊凡四世不但批評庫爾布斯基背祖忘宗，出賣信仰，更加人身攻擊地鬧佢係狗同窮鬼😂。

而庫爾布斯基則抨擊沙皇的絕對專制與殘忍暴行，以及對太子一派的同情。可能就係因為咁，令到多疑善忌嘅雷帝對太子起咗戒心，為日後嘅殺子悲劇埋下伏線。

扑死佢

lm

More

more please

就好似漢武帝咁，雷帝都因為猜忌而殺子。據野史記載是咁的：伊凡四世在亞歷山德羅夫的行宮中意外發現王儲子伊凡·伊萬諾維奇個老婆，亦即係佢新抱，穿著不符合禮儀規定。差不多就是規定必須要穿3件衣服，結果你就穿了一件。不禁勃然大怒，上前對新抱大打出手。這時候新抱已經懷孕，伊凡四世暴打新抱的時候王儲伊凡趕到，上前想要保護妻子，結果被伊凡四世用手中的權杖擊中頭部，頭破血流而亡。他的妻子隨之流產。



而伊凡四世另一個仔德米特里八歲時離奇身亡，死因為喉嚨刺傷。但亦都有人認為佢未死，以致日後出現咗唔少佢嘅偽冒者出來爭位。

剩下兩個有可能的繼承人：費奧爾多和襁褓中的幼子季米特里。最終伊凡四世宣佈立費奧爾多為王儲，但佢嘅智商卻存在先天缺陷，即係弱智嘅。

佢深知個仔嘅能力不足以繼承大統，所以又指定五位大臣組成攝政會議，共同輔佐日後的費奧爾多。這五位大臣都是當時權傾一時的豪門貴族，包括姆斯季斯拉夫斯基大公、世代名門的舒伊斯基、費奧爾多的舅舅扎哈林-尤里耶夫（羅曼諾夫家族）、費奧爾多嘅舅仔鮑里斯·戈東諾夫和別利斯基大公。

1584年，伊凡四世病逝，費奧爾多繼位沙皇，是為費奧爾多一世。

關於費奧爾多一世嘅智力，有人話佢眞係弱智嘅，亦都有人話佢其實大智若愚，為咗喺喜惡無常嘅父皇同埋險詐嘅宮殿生存先至扮傻。

伊凡四世死後，攝政會議裏的五位大臣馬上分為兩派，展開了激烈鬥爭。在這五位大臣裏，國舅戈東諾夫和別利斯基大公兩人主張支持費奧爾多，主張繼續加強中央集權，而舒伊斯基（後來的瓦西里四世）和姆斯季斯拉夫斯基大公則主張擴大貴族們的權力。費奧爾多的舅舅扎哈林處於中立位置，不斷調和兩派，寄希望於各方和解。

國舅戈東諾夫最後喺政治鬥爭中勝利，掌握大權。戈東諾夫為咗鞏固權力，更加將費一世嘅幼弟季米特里殺害。

費一世似乎對權力無咩興趣，佢將權力交咗比戈東諾夫，對朝政毫不關心。佢嘅嗜好就是到各地的教堂去「敲鐘」，因此也叫「敲鐘者」。

1598年費奧多爾一世去世，無子嗣。留里克王朝滅亡。全俄縉紳會議推舉戈東諾夫為俄羅斯沙皇。

戈東諾夫出身韃靼下級貴族，伊凡雷帝喺削藩時期，提拔了一大批出身平凡、但對其忠心耿耿的青年軍官，其中就包括戈東諾夫個老豆。

靠住老豆嘅關係，戈東諾夫逐步得到雷帝寵信，成為佢嘅侍衛，憑住個人才幹爬上了高位。

戈東諾夫繼承伊凡雷帝遺志，停止同波蘭嘅戰爭，在北方向瑞典發動戰爭，擴大了波羅的海出海口。向東繼續侵略西伯利亞汗國，南方與克里米亞汗國交戰，修建了一系列要塞城市。

雖然為帝國擴大咗疆土，但俄羅斯本土就陷入瘟疫與饑荒 ，戈東諾夫在位末期俄羅斯不斷發生農奴起義。

猶如王莽以外戚身份以新代漢，戈東諾夫嘅執政合法性亦受到質疑。1604年波蘭利用留里克王朝後嗣德米特里·伊萬諾維奇死亡疑案，支持偽德米特里一世入侵俄國。

1605年4月，鮑里斯·戈東諾夫突然逝世，其子費奧多爾即位，是為費奧多爾二世。同年6月，由波蘭支持的偽德米特里一世的使者到來要求費奧多爾二世退位。一些不想向費二世效忠的貴族叛變，隨即佔領克里姆林宮並逮捕費奧多爾二世。費奧多爾二世與母親於6月10日或20日被殺，偽德米特里一世即位。

估唔到個時間線跳得咁快

幫手推post 順便留名

偽德米特里一世被懷疑係一名逃亡嘅修道士，而且仲係天主教徒。1604年，佢喺波蘭人幫助下，率領一支因為大量哥薩克人加入而膨脹嘅軍隊，喺人民夾道歡迎下開往莫斯科登基皇位。



所謂嘅哥薩克人乃係由逃避地主奴役嘅俄羅斯同波蘭農奴組成，佢哋集結喺東歐大草原（烏克蘭及俄羅斯南部），結成咗一個自由騎士團體，選出自己嘅首領。而哥薩克呢個名字來自突厥語，意為「自由戰士」，佢哋亦都被視為現為現今烏克蘭人嘅祖先。

偽德米特里一世之後因為同咗一個信天主教嘅波蘭女子結婚，失去咗人民嘅擁戴。
加上波蘭軍隊喺莫斯科嘅胡作非為都引起了咗俄羅斯人民嘅不滿，於是下諾夫哥羅德嘅大貴族瓦西里·伊萬諾維奇·叔伊斯基喺1606年就帶領人民推翻咗偽德米特里一世。

偽德米特里一世被人槍擊同刀刺至少21次，當場慘死。死後更加被開膛破肚，赤身露體地公開展示。

俄羅斯起義軍嘅首領瓦西里·伊萬諾維奇·叔伊斯基就當選為沙皇，是為瓦西里四世。

lm + 推

俄羅斯真係好正
等我搵返張溏沁風暴既關系圖出黎先~

因為偽德米特里一世背後係有波蘭立陶宛聯邦支持，佢嘅被殺就引嚟聯邦嘅干涉，最終爆發波蘭-莫斯科戰爭。

就好似明末清初嘅朱三太子一樣，無幾耐又再次有冒充者嘅出現。第二個偽德米特里當過教師，可能係改信基督教嘅猶太人。佢自稱係未死嘅德米特里，更加同偽德米里一世嘅遺孀結婚，獲得她確認為眞身，是為偽德米特里二世。



偽德二世得到波蘭軍嘅支持，喺圖希諾建立起自己嘅小朝廷，而瓦西里四世眼見波蘭軍兵臨城下，於是以割地為代價搵咗瑞典幫拖。喺瑞軍嘅援助下，瓦西里四世得以喺多場戰役擊敗偽德米特里二世。

眼見個冒牌貨傀儡無咩用，波蘭國王齊格蒙特三世決定親自落場進攻俄國。俄波兩軍喺克魯希諾交戰，波蘭軍以少勝多大敗俄羅斯。



莫斯科嘅大貴族將戰敗嘅責任入曬瓦四世數，將佢推翻並且迎立波蘭國王齊格蒙特三世個仔瓦迪斯瓦夫做新嘅沙皇。



瓦西里四世被迫出家為僧，並被波蘭軍俘虜，兩年後死在禁所。

Lm

雖然被擁立為沙皇，但瓦迪斯瓦夫本人並未前往莫斯科登基，實權依然由擁戴佢嘅七大貴族掌握。

貴族們似乎真誠地擁護瓦迪斯瓦夫做新沙皇，佢哋委派咗羅曼諾夫家族嘅菲拉列特神父向波蘭國王遊說，希望瓦迪斯瓦夫改信東正教，做一個眞正俄羅斯人。但呢個要求遭到拒絕，菲拉列特神父更加被波蘭囚禁。

但係俄羅斯嘅愛國民眾對於由波蘭王子做沙皇並不滿意，佢哋組織咗軍隊反抗波蘭。喺1612年，俄國民兵成功奪回了莫斯科。

波蘭同俄羅斯組成聯邦嘅嘗試就咁就失敗咗，兩國而都自此結下深仇。

而另一方面，偽德米特里二世而因為生性殘暴，當時已經被隨從所殺，國不可一日無君，推舉新嘅沙皇成為當務之急。

俄羅斯愛國者決定召開縉紳會議選出新嘅沙皇，當中有人推舉出瑞典王子同埋義軍嘅領袖，但佢哋分別因為不是俄羅斯人以及血統唔夠高貴而被剔除。最後，一個16歲嘅少年人米哈伊爾·羅曼諾夫陰差陽錯被推上檯面。



米哈伊爾個老豆正正係因為勸說改宗失敗而被囚禁中嘅菲拉列特神父。佢原名費奧多爾·尼基季奇·羅曼諾夫，因為威脅到沙皇戈東諾夫嘅地位，被強行送進修道院出家。

羅曼諾夫家族的先祖是名來自東羅馬帝國的教士，佢原先在波羅的地區傳教，後來定居於莫斯科。米哈伊爾本人同伊凡四世有親戚關係，係佢第一任妻子阿納斯塔西婭皇后嘅侄孫。

米哈伊爾除咗因為血緣受到支持，更重要嘅係佢當時只係一個老豆唔喺身邊嘅花囝，加上佢身體潺弱又唔多識字，作為一個傀儡可以話係十分合適。就係咁，喺1613年，全俄羅斯縉紳會議宣布立米哈伊爾·羅曼諾夫為沙皇，是為米哈伊爾一世，開創咗羅曼諾夫王朝。

當知道要繼承沙皇寶座，米哈伊爾一世一開始是拒絕的。當時佢同佢老母正逃避戰亂藏身喺一間修道院，縉紳會議嘅使者帶來了當選沙皇嘅消息，米一世同佢阿媽眼見上幾個沙皇都冇咩好下場，自然當場拒絕，並提出各種苛刻的條件，再三托推。

莫斯科嚟嘅使者為咗挾佢上馬，於是答應米一世提出嘅所有要求，更加承諾救出佢被俘虜嘅老豆。最後米一世就喺半推半就下答應了繼位。



就係咁，米哈伊爾就喺風雨飄搖嘅環境下做咗沙皇。當時俄羅斯因為戰亂而國家殘破，對內有偽德米特里二世嘅孤兒寡婦繼續頑抗，對外則有波蘭同埋瑞典強敵環伺。

1614年，俄羅斯軍隊消滅咗偽德米特里二世嘅殘黨，偽德二世4歲嘅仔被吊死在克里姆林宮牆上，佢老婆則被監生餓死。

外交方面俄國同瑞典進行咗長期談判，兩國終於喺1617年簽訂合約，瑞典將諾夫哥羅德等5座城市歸還。但係作為交換，俄羅斯被迫將環繞芬蘭灣嘅5座城市割讓，俄國因而失去了在波羅的海的出海口。

而面對宿敵波蘭，俄國則不能以談判手段解決。1617年，波蘭國王西格蒙德三世派佢個仔瓦迪斯瓦夫帶兵進攻莫斯科，想用武力奪取俄羅斯沙皇寶座。1618年9月份，波蘭軍開始進攻莫斯科城，但被守城軍隊擊退。

波蘭軍隊因為嚴寒嘅天氣而受到重創，被迫放棄軍事行動，轉而和俄羅斯開始談判。最後兩國簽訂了為期十四年的合約，俄羅斯割讓大片領土俾波蘭，但波蘭同時承認米哈伊爾為俄羅斯沙皇。

1619年，波蘭釋放咗米一世個老豆菲拉列特神父。米哈伊爾一世下詔規定菲拉列特享有與沙皇同等的待遇，佢老豆成為咗太上皇，掌握實權。

大概權位對米哈伊爾一世嚟講只係儻來之物、意外之財，所以到咗1633年菲拉列特去世，佢又再次下放權力俾縉紳會議，並繼續採取無為而治，令俄羅斯嘅元氣得以恢復。

支持

停左？冇啦？