俄羅斯的眾沙皇(長文)

太長遠，而且鳩估多

下個講瑞典/波蘭得唔得

有個波蘭朋友話
波蘭歷史好簡單
波蘭一直好勁
而每個皇帝都留一個好勁嘅鬍鬚
直到有個皇帝冇留/留唔到
之後就開始比人收皮

不死人

艾琳娜公主真係幾靚

但都係一個禍國殃民嘅皇后

德國抄到然後發揚光大依下我本身唔覺得意外

反而俄羅斯做到依下，我真係覺得好意外

我反而第一時間諗起蘇聯嘅縱深作戰理論

佢無做過皇后喎

蘇聯做到我都理解呀

沙俄時期真係難d

有關英國係咪有份參與拉斯普京嘅謀殺案，歷史上未有定論。但係拉斯普京嘅反戰傾向，確實令需要俄國留守東線嘅英國有殺佢嘅理由。

皇族同民間都為"妖僧"嘅死額手稱慶，沙皇夫妻則因為諗起拉斯普京生前講過嘅說話而畏懼萬分----"如果我死咗，6個月內你哋會失去寶座同兒子。"

貴族們都反對嚴懲凶手，尤蘇波夫同德米特里大公只被軟禁，之後被發配到外地。

拉斯普京嘅死並未能拯救沙皇嘅帝國，民怨嘅溫度同天氣呈反比上升。1917年2月寒冬，食物短缺、民不聊生，加上經濟崩潰，人民嘅不滿已經到達沸點。

1917年3月8日(儒略曆2月23日)，彼得格勒排隊領取食物嘅民眾突然發起示威，而紡織廠女工亦都以慶祝三八婦女節為名加入佢哋，佢哋嘅口號係"我要麵包!"。



示威好快演變成罷工，兩日後幾乎所有彼得格勒嘅工廠、商業活動皆已停工。學生、白領階級同教師都加入街頭運動，成個首都接近停擺。

人黎
起歌

呢場無大台嘅群眾運動被後世稱為"二月革命"，而除咗示威同罷工之外，革命亦開始武力化。幾日後群眾衝擊咗軍火庫，得到了武器，開始攻擊警察。



而俄國軍隊亦都因為積壓咗好多對政府嘅不滿，各個部隊陸續發動兵變，同民眾聯成一線。

當首都一片混亂進入無政府狀態嘅時候，皇后依然同身在最高統帥部嘅沙皇滙報一切很好，認為只要氣溫下降啲人就會返屋企唔再出嚟。



到咗3月14日，尼二世終於決定動身返去首都，沙皇乘坐嘅火車喺小維舍拉比革命黨阻斷鐵路攔截，被迫改行到普斯科夫。

當列車到達普斯科夫嘅時候，以魯茲斯基為首嘅軍官團決定迫宮要求尼二世退位，讓位予太子阿列克謝。軍官們都係君主主義者，期望沙皇嘅退位可以平息民憤，避免內戰。

羅曼諾夫王朝嘅權力依賴於軍隊，如今尼二世眼見軍隊都已經背棄咗佢，心知大勢已去。終於決定喺第日宣佈退位，但就因為太子阿列克謝身患惡疾，改為傳位予皇弟米哈伊爾。

留名

就嚟完lu

此時嘅首都實際上已經被兩派勢力所控制，一派係由逃兵、工人、流氓所組成嘅蘇維埃政權，一派係杜馬臨時委員會嘅議員們。而能夠作為兩者橋樑嘅就只有亞歷山大·克倫斯基，佢既係杜馬議員，又係社會革命黨成員。



身在彼得格勒嘅米哈伊爾眼見風頭火勢，對於是否接任沙皇猶豫不決，佢向群臣詢問是否能夠保證佢嘅人身安全，但被野心家克倫斯基以天下大亂相威脅。米哈伊爾於是放棄繼承皇位，三百零四年嘅羅曼諾夫王朝至此滅亡。

王朝滅亡之後尼二世一家被臨時政府以武力控制，佢被送到聖彼得堡市郊嘅皇村，待英王佐治五世同意後，將會流亡到英國。



克倫斯基雖然有爭奪天下嘅野心，但畢竟仲有底線，佢始終唔想致沙皇家族於死地。而另一個野心家列寧當時正處身喺瑞士，同克倫斯基由細玩到大嘅佢將會突破底線，將俄國拖入地獄深淵。

1917年4月，列寧帶住德國人比佢嘅五千萬金馬克，坐上一列以阿麻布密封嘅列車，回歸闊別多年嘅俄國。



臨時政府喺大俄羅斯愛國主義影響之下，犯下咗一個致命錯誤。佢哋喺奪得政權後並未停止戰爭，當時前線嘅士兵士氣已經到達谷底，佢哋唔願意再發動毫無意義嘅進攻，白白犧牲，甚至連防守嘅意欲都冇，逃兵數目有增無減。



而布爾什維克人則對俄國沒有絲毫嘅愛惜，佢哋大多為少數民族出身，例如列寧有猶太人血統，托洛茨基亦係猶太人，而史太林則是高加索人。佢哋同俄羅斯人本身就有著不可磨滅的鴻溝，喺布爾什維克人心目中，俄國只不過係世界革命嘅引線，就算燃燒殆盡亦不可惜。因此佢哋得以正視同利用冷酷嘅事實，將逃兵稱為自發嘅革命先鋒。

回國後嘅列寧提出咗《四月提綱》，反對俄羅斯繼續參戰，以免被資產階級國家利用。逃兵們得到鼓舞，不再畏懼軍官。

而另一方面，英國人因為皇后嘅德國背景，害怕接收尼二世一家會乸屎上身，最終拒絕佢哋前來英國。尼二世一家被安置喺西伯利亞嘅托博爾斯克，等待著佢哋嘅悲慘下場。