俄羅斯的眾沙皇(長文)

樓豬可以留意吓 邊個垃圾post 去到後尾係冇人討論 得條post主係度自己推

列寧因為德軍已經攻入俄國境內，即刻決定退出戰爭，於是佢委派咗托洛茨基做使者同德國講和。1918年3月蘇俄同德國及其盟友簽訂咗布列斯特-立陶夫斯克條約，將愛沙尼亞、拉脫維亞、立陶宛、庫爾蘭（今拉脫維亞西部）、俄屬波蘭等地割讓比德國同奧匈。並且承認芬蘭、烏克蘭同白俄羅斯獨立，俄國損失咗5.7%嘅國土同34%嘅人口，俄國同時要向德國作出鉅額賠款。



蘇俄從此失去咗波羅的海沿岸地區嘅大片領土，彼得格勒因而變得直接位於邊境線上，因此列寧決定決定將首都從彼得格勒遷回莫斯科。

身在西伯利亞嘅尼二世對列寧喪權辱國嘅議和條約大為震怒，痛罵列寧同托洛茨基係賣國猶太俄奸，但佢都自身難保。

自從蘇聯埃接管咗俄國嘅政權之後，對佢哋嘅看守逐步轉嚴。對於尼二世嚟講，軟禁生活嘅最大娛樂就係散步。但蘇俄就開始將佢嘅散步時間縮減為一小時。

不過沙皇一家人亦開始慢慢適應咗無聊嘅農村生活，幾位公主亦都同蘇維埃嘅年輕守衛混熟咗。

1918年4月，蘇俄決定將沙皇一家轉移到葉卡捷琳堡，沙皇夫婦同三女瑪利亞先行出發，5月份另外3位公主同太子都一同前往。

當時沙皇一家已經開始有危機感，佢哋開始將珠寶鑽石等貴重物品縫在貼身衣服上，準備一有機會就逃亡。

就黎沙皇冚家剷係咪啫係就完

係

但最諷刺既係
紅軍要到1922左右年先叫做徹底打贏白軍
結果列寧1924年就香左
或者係謀朝篡位既下場

臨死前講明唔好俾史達林繼位，點知最尾都係佢做

不過史達林帶嚟係更大嘅地獄

喪權辱國

所以點解要30年代大清洗同埋1944年改國歌

列寧唯一一樣叫做做得啱既野
到最後個天都唔俾佢實現

https://www.youtube.com/watch?v=YVYO9MvZqKU
好想親眼見證呢一幕.. 唔知我咁諗是咪好痴線

其實佢段奪權史都幾精采下

托洛茨基鋒芒太露

比老豆用棍扑死 好sad

發現皇族啲名係不斷重覆

尼古拉二世：咁想睇我地死？

Lm

亡國之君好難見到架
緊係想睇下你地點死架啦

前朝軍官同地主對蘇維埃政權並不支持，佢哋由海軍上將高爾察克同鄧尼金將軍率領下，組成白軍同蘇俄對抗，五年嘅俄國內戰就此爆發。



除咗白軍之外，捷克軍團同赤俄亦都成為咗敵人。捷克軍團由居住於烏克蘭西部嘅捷克斯洛伐克裔居民組成，目的係爭取獨立對抗奧匈帝國。軍團喺一次大戰期間支持沙俄，戰時透過吸收戰俘大規模擴充部隊，兵力增長到4萬人。



喺蘇俄同德國講和之後，捷克軍團決定借道西伯利亞鐵路去海參崴坐船回歸祖國。但喺途中經過車里雅賓斯克時，同向西回國嘅奧匈戰俘發生衝突。蘇俄拉咗開槍嘅捷克士兵，捷克軍團官兵為救戰友，占領咗車里雅賓斯克城，槍決咗當地嘅蘇俄領導人。

捷克軍團同蘇俄正式決裂，捷克軍團同白軍結盟，佔領咗西伯利亞所有大城市，更宣布海參崴脫離俄國，成為協約國嘅保護領地。隨後，捷克軍團部隊從海參崴沿鐵路西返，同白軍一齊進攻地方蘇維埃政權。

捷克軍團一路勢如破竹，好快就殺到尼二世所在嘅葉卡捷琳堡。當時紅軍指派咗雅科夫·尤洛夫斯基（見#335）負責沙皇一家嘅看守，佢有猶太人血統，係一個死忠嘅布爾什維克人。而佢嘅任務就係避免沙皇一家落入白軍或捷克軍團手中，不論以任何方法。


尤洛夫斯基喺發現瑪利亞公主同年輕守衛有男女關係之後，開始擔憂守衛會協助王室逃走，決定盡快處決佢哋，以免夜長夢多。



1918年7月17日半夜，尤洛夫斯基將沙皇一家帶到郊區一座別墅嘅地下室，向佢哋宣佈全家處決嘅決定。尼二世未開口抗辯，士兵們就向佢哋開槍。紅軍以機關槍亂槍掃射，沙皇一家身上縫咗金銀珠寶嘅衣服成為了世上最昂貴嘅避彈衣，令佢哋身上多槍先死，大大增加咗佢哋嘅痛苦。



之後尤洛夫斯基將佢哋嘅遺體棄置喺廢棄嘅礦坑，並且淋上硫酸同汽油毁屍滅跡。

完結了

會唔會講埋嗰五年內戰？

帝俄滅亡

寫新文了

期待