除咗左翼嘅布爾什維克之外,極右派嘅勢力亦都喺俄國抬頭。1905年,兩名低級官員杜布羅溫同普利希克維奇創立咗俄羅斯人民聯盟,佢哋主張屠殺猶太人,鄙視沙皇對議會民主派嘅妥協。
俄羅斯人民聯盟甚至有一個民兵組織"黑色百人團",佢哋同革命者鬥爭及到處攻擊猶太人,係納粹主義出現前嘅納粹黨。
因為封閉嘅俄國始終缺乏一個俾反對派合理表達訴求嘅空間,因此民間政治勢力變成咗恐怖團體嘅養蠱場,所誕生嘅極端主義預演了20世紀嘅恐怖世界。
亦另一方面俄國政府嘅改革開放路線亦繼續進行,1906年2至3月,俄國舉行咗杜馬選舉,結果由立憲民主黨獲得壓倒性勝利,取得3分1議席。
但沙皇始終對杜馬採取不信任態度,為咗鉗制佢嘅力量,沙皇將國務委員會改組為上議院,由佢委任貴族大地主擔任議員。若國會中通過嘅方案被認為對政府不利,上議院有權駁回。
到咗1906年4月,沙皇頒佈咗"俄羅斯基本法",宣佈法律制定必須經由杜馬同上議院審查通過,但最終一定要由沙皇核准才能生效。若國家杜馬在休會期間,允許立法程序可由上議院直接轉給沙皇核准,無需經過杜馬。
換言之呢個所謂基本法只係一個空有其表嘅立憲制度,沙俄政府仍會透過施加各種限制,喺事實上封鎖自由。沙皇一方面喺檯面上給予自由,但當人民打算行使時,又會喺另一方面奪去。
首相維特對於尼二世嘅敷衍態度深感不滿,決定劈炮唔撈。尼二世任命應聲蟲戈列梅金接替佢嘅職位。