如果係驚出面班人 噉問題嘅關鍵就番番到點解唔地嗚
呢個問題上 現家作者只係俾咗兩個辯駁嘅論述
一、這是不對的,倫理道德上是最不能夠接受的惡行
二、艾倫的初衷是驅逐巨人,要將巨人帶嚟嘅仇恨鏈斬斷,地嗚與之係矛盾
前者,呢個係作者描述嘅極端環境下以保艾族命前提下,冇辦法之中嘅辦法,而且出現矛盾,奪去世界八成人命和十成人命的罪惡大致相若,噉難道十成就唔好、八成就可以?(呢度唔係講緊Armin嗰段)作者給出的解決方法不能服眾,甚至就連自己亦都質疑結局的說服力,今次仲要從部分成功改成失敗 仲要間接佐證咗地嗚(有人話都唔係艾倫問題,關艾倫咩事,首先從常理諗,呢一回嘅內容係理應有所關聯,強行拗話呢單嘢係幾百年後,雖然唔可以話錯,但左上角Mikasa老死其實已經明示,噉樣梗硬話上一格同下一格唔關事實在係太過格硬嚟。第二樣野就係艾倫係直接用地嗚極大激化起雙方仇恨,明明有能力但不斷絕一方而繼續讓人心恐懼,創造出極度不利嘅環境強迫艾人行軍國主義求存,但某部分讀者不斷強調係因為艾人現家行軍國主義先導致呢個田地,係完全忽視前因後果。而且佢係樹立地嗚派、直接及間接殺害雙方政要,不留下雙方理性行事餘地嘅罪魁禍首,有人或者會反駁話佢地地唔地嗚都係死性不改想滅艾島,唔關艾倫事,首先你要注意我用嘅用詞係激化,而且如果要講,Armin嘅主張就係一種辯駁,佢地都係人,佢哋可以同其他人討論,你係咪抹殺緊未來會和平嘅可能性?一個出監倉嘅犯人洗心革面,你係咪抹殺緊佢變好人嘅可能性?Gabi已經係漫畫中一例。有人可能用138艾笠記憶嚟辯駁我和平無可能,首先作者其實無詳細講過呢段記憶係艾倫基於現實推演、平行時空定係個人幻想,兼且係入面艾倫係逃走,變相Armin係無bargaining power先至失敗。講番例子Armin,佢已經無辦法而且無機會實施自己原本心目中計劃,我地亦都無可能再見到理性嘅人點樣可以坐埋一齊研討如何處理呢個仇恨問題,事關艾倫用佢嘅蠻力強迫所有人執行佢嘅計劃,不留一點反對嘅聲音,現家就好似一個小朋友揸住支槍強迫所有人陪佢玩佢嘅遊戲,而唔係玩其他遊戲,全世界被佢逼到牽住鼻子走,然而原來佢做咗噉多野最後原來件事仲衰咗,我實在講唔出點解唔關佢事)
後者,我早前有更為完善嘅論述,喺度簡單覆述一次,時世變遷,隨著巨人認知加深,佢地唔再係未知敵人,而係自己友,而且身陷住極端局勢需要倚仗巨人作出反擊,以往嘅說法已不合時宜,兼且只要地嗚後讓艾族人忘記巨人之力的歷史,也變相是一種驅逐巨人
作者應要加頁提供更適當嘅理由嘅使部分讀者死心唔好諗地嗚,建議如下:
一、地嗚最後會無可避免自相殘殺或者招致無法預測嘅惡果,只有死八成先最延續到條命,從結果論收埋其他結局皮,噉無人奈得你何
二、地嗚線Mikasa會憎恨佢一輩子,又修改唔到Mikasa記憶,但艾倫好愛佢,於是乎選擇唔地嗚
不過作者唔寫呢啲去合理化個故仔,反而令艾撚變成極端on9
佢哋睇到嘅係地獄盡頭之物,呢個可能係希望,亦都可能係地獄,只有不斷前進嘅人先至可以知道。
屌你 我求神拜佛求求你唔好再前進