【宋詞趣談】小二,黎一碗東坡肉!!!(多圖餓撚勿入)

615 回覆
248 Like 5 Dislike
2017-05-28 09:42:58
北宋最愛蘇軾, 南宋最愛辛棄疾

巴打居然同我一樣
得閒記得吹幾句
2017-05-28 11:41:15
好多人兄弟姊妹分左家之後通常都會疏遠,即使小時玩得幾埋

其實係
古代重視骨肉親情
應該唔係現代人可以諗到
當然最重要係佢地志氣相投

大家族已經係現代崩潰左

諗起魏文帝同陳思王,覺得「志氣相投」都不敵政治,或者咁反而顯得蘇軾蘇轍嘅兄弟情更難能可貴。

想聽佢地嘅故仔

等聲滿巴打講

講佢地志氣相投有啲誇張,志趣相投可能會比較好
設想魏文帝同陳思王都只係一個普通名士,或者詩人,前者同後者嘅關係,會大概好似佢地同建安六子嘅關係咁。

文士相聚,往往都係惺惺相惜,讀魏文帝兩篇《與吳質書》就係如此,例如:
「每念昔日南皮之遊,誠不可忘,既妙思六經,逍遙百氏。彈棊閒設,終以六博。」即係諗返起以前去南皮,真係難忙,大家一齊鑽研六經,又欣賞諸子百家嘅作品。終日都係捉下棋呀咁。
又比如另一篇:
「昔年疾疫,親故多離其災,徐陳應劉,一時俱逝,痛可言邪!」
講緊建安二十二年嘅災疫,六子死咗五個,啲詩友死哂,自然傷心。

曹植寫〈王仲宣誄〉,云:
「吾與夫子,義貫丹青。好和琴瑟,分過友生。
庶幾遐年,攜手同征。如何奄忽,棄我夙零!
感昔宴會,志各高厲。予戲夫子,金石難弊。」
我同夫子(尊稱),都係義貫丹青(丹青唔易甩色,有堅貞之義。)。
大家彈琴瑟相和,Friend過打band。如果未死,大概可以攜手同抗敵人,唉,點解突然間就死咗呢,得我一個人孤零零!

當中想講就係,二人都係好結儒士詩人同遊,鍾意「對酒當歌」,敵概同仇之類。假使佢地只係普通人家嘅兄弟,大概都只會有火花,而唔會相害。曹操剛健,曹丕文風陰柔,曹植兼而有之(有趣嘅係,顧隨對曹植評價相當低。)。可以話三者恰好互相配合,互相「生成」。如果唔係生於帝皇家,只係好似三蘇咁,無爭權問題,關係應該會好得多。不過呢個世界無咁多如果。

曹丕同曹植有截然不同嘅文批觀點,都係源於權,曹丕既成皇帝,所追求之事已經唔係建功立業,而係百世留名,咁寫文章就係最好嘅方法。曹植雖為安鄉侯,但實際上被投閒置散,無業可立,文章對佢而言,只能夠係雕蟲之事。

不過講起上嚟,話二字爭權都有爭議,七步詩固然有機會係以訛傳訛,就曹植嚟講,佢本身都係類不護細行嘅人,未必就適合做繼任人。而作為哥哥曹丕,都叫做保過佢幾次。

但從文章嚟睇,佢地基本上係兩個世界嘅人,文學主張完全唔同。


少少
聲滿巴打講得好正!
令我都好想睇下三曹ar

只係睇過TVB套洛神

2017-05-28 12:27:20
lin登新人巴打留言

終於講到我最愛的東坡,研究左幾年
豪放詞黎講真係無得輸,雖然被李清照話「至晏元獻、歐陽永叔、蘇子瞻,學際天人,作為小歌詞,直如酌蠡水於大海,然皆句讀不葺之詩爾,又往往不協音律者。」但意境黎講,超哂班

巴打真識貨
東坡雖然的確有佢講嘅問題
但呢種係小事啦,東坡當詞係獨立嘅文學作品去寫
唱唔唱到,反而無咩所謂

lin登新人巴打:
無錯,婉約詞寫到太重覆,豪放詞一出,一洗天下文氣
所以佢一讀完莊子就話「吾昔有見於中,口未能言,今見《莊子》,得吾心矣!」個種超脫既思想,完全係「燕雀安知鴻鵠之志」

連蘇軾都口未能言 莊子真係呢

讀豪放詞真係好舒坦
讀李清照愈讀愈鬱結 但又精妙得不能自拔

另外講親蘇軾d老婆都不得不提「不合時宜 惟有朝雲能識我」
2017-05-28 12:39:05
lin登新人巴打留言

終於講到我最愛的東坡,研究左幾年
豪放詞黎講真係無得輸,雖然被李清照話「至晏元獻、歐陽永叔、蘇子瞻,學際天人,作為小歌詞,直如酌蠡水於大海,然皆句讀不葺之詩爾,又往往不協音律者。」但意境黎講,超哂班

巴打真識貨
東坡雖然的確有佢講嘅問題
但呢種係小事啦,東坡當詞係獨立嘅文學作品去寫
唱唔唱到,反而無咩所謂

lin登新人巴打:
無錯,婉約詞寫到太重覆,豪放詞一出,一洗天下文氣
所以佢一讀完莊子就話「吾昔有見於中,口未能言,今見《莊子》,得吾心矣!」個種超脫既思想,完全係「燕雀安知鴻鵠之志」

連蘇軾都口未能言 莊子真係呢

讀豪放詞真係好舒坦
讀李清照愈讀愈鬱結 但又精妙得不能自拔

另外講親蘇軾d老婆都不得不提「不合時宜 惟有朝雲能識我」

朝雲bb
我之後會再講埋東坡後兩個老婆嘅故事同詞作

豪放詞係正嘅,男人都應該要讀
讀黎讀去都係陰柔嘅話,就太偏食
好彩有東坡咁樣開拓,如果唔係詞一定少左一半精彩
2017-05-28 13:21:58
lin登新人巴打留言

終於講到我最愛的東坡,研究左幾年
豪放詞黎講真係無得輸,雖然被李清照話「至晏元獻、歐陽永叔、蘇子瞻,學際天人,作為小歌詞,直如酌蠡水於大海,然皆句讀不葺之詩爾,又往往不協音律者。」但意境黎講,超哂班

巴打真識貨
東坡雖然的確有佢講嘅問題
但呢種係小事啦,東坡當詞係獨立嘅文學作品去寫
唱唔唱到,反而無咩所謂

lin登新人巴打:
無錯,婉約詞寫到太重覆,豪放詞一出,一洗天下文氣
所以佢一讀完莊子就話「吾昔有見於中,口未能言,今見《莊子》,得吾心矣!」個種超脫既思想,完全係「燕雀安知鴻鵠之志」

連蘇軾都口未能言 莊子真係呢

讀豪放詞真係好舒坦
讀李清照愈讀愈鬱結 但又精妙得不能自拔

另外講親蘇軾d老婆都不得不提「不合時宜 惟有朝雲能識我」

朝雲bb
我之後會再講埋東坡後兩個老婆嘅故事同詞作

豪放詞係正嘅,男人都應該要讀
讀黎讀去都係陰柔嘅話,就太偏食
好彩有東坡咁樣開拓,如果唔係詞一定少左一半精彩

有冇十年生死兩茫茫咁正先
2017-05-28 14:01:39
lin登新人巴打留言

終於講到我最愛的東坡,研究左幾年
豪放詞黎講真係無得輸,雖然被李清照話「至晏元獻、歐陽永叔、蘇子瞻,學際天人,作為小歌詞,直如酌蠡水於大海,然皆句讀不葺之詩爾,又往往不協音律者。」但意境黎講,超哂班

巴打真識貨
東坡雖然的確有佢講嘅問題
但呢種係小事啦,東坡當詞係獨立嘅文學作品去寫
唱唔唱到,反而無咩所謂

lin登新人巴打:
無錯,婉約詞寫到太重覆,豪放詞一出,一洗天下文氣
所以佢一讀完莊子就話「吾昔有見於中,口未能言,今見《莊子》,得吾心矣!」個種超脫既思想,完全係「燕雀安知鴻鵠之志」

連蘇軾都口未能言 莊子真係呢

讀豪放詞真係好舒坦
讀李清照愈讀愈鬱結 但又精妙得不能自拔

另外講親蘇軾d老婆都不得不提「不合時宜 惟有朝雲能識我」

朝雲bb
我之後會再講埋東坡後兩個老婆嘅故事同詞作

豪放詞係正嘅,男人都應該要讀
讀黎讀去都係陰柔嘅話,就太偏食
好彩有東坡咁樣開拓,如果唔係詞一定少左一半精彩

有冇十年生死兩茫茫咁正先

別有一番風味
2017-05-28 16:31:37
lin登新人巴打留言

終於講到我最愛的東坡,研究左幾年
豪放詞黎講真係無得輸,雖然被李清照話「至晏元獻、歐陽永叔、蘇子瞻,學際天人,作為小歌詞,直如酌蠡水於大海,然皆句讀不葺之詩爾,又往往不協音律者。」但意境黎講,超哂班

巴打真識貨
東坡雖然的確有佢講嘅問題
但呢種係小事啦,東坡當詞係獨立嘅文學作品去寫
唱唔唱到,反而無咩所謂

lin登新人巴打:
無錯,婉約詞寫到太重覆,豪放詞一出,一洗天下文氣
所以佢一讀完莊子就話「吾昔有見於中,口未能言,今見《莊子》,得吾心矣!」個種超脫既思想,完全係「燕雀安知鴻鵠之志」

連蘇軾都口未能言 莊子真係呢

讀豪放詞真係好舒坦
讀李清照愈讀愈鬱結 但又精妙得不能自拔

另外講親蘇軾d老婆都不得不提「不合時宜 惟有朝雲能識我」

朝雲bb
我之後會再講埋東坡後兩個老婆嘅故事同詞作

豪放詞係正嘅,男人都應該要讀
讀黎讀去都係陰柔嘅話,就太偏食
好彩有東坡咁樣開拓,如果唔係詞一定少左一半精彩

有冇十年生死兩茫茫咁正先

別有一番風味

幾時出到呢邊?
巴打今次係咪會講耐好多?
2017-05-28 17:16:59
lin登新人巴打留言


lin登新人巴打:
無錯,婉約詞寫到太重覆,豪放詞一出,一洗天下文氣
所以佢一讀完莊子就話「吾昔有見於中,口未能言,今見《莊子》,得吾心矣!」個種超脫既思想,完全係「燕雀安知鴻鵠之志」

連蘇軾都口未能言 莊子真係呢

讀豪放詞真係好舒坦
讀李清照愈讀愈鬱結 但又精妙得不能自拔

另外講親蘇軾d老婆都不得不提「不合時宜 惟有朝雲能識我」

朝雲bb
我之後會再講埋東坡後兩個老婆嘅故事同詞作

豪放詞係正嘅,男人都應該要讀
讀黎讀去都係陰柔嘅話,就太偏食
好彩有東坡咁樣開拓,如果唔係詞一定少左一半精彩

有冇十年生死兩茫茫咁正先

別有一番風味

幾時出到呢邊?
巴打今次係咪會講耐好多?

暫時想講嘅仲有好多未講
應該會長過之前兩個文學家差唔多一倍
2017-05-28 18:41:12
今晚出多篇
2017-05-28 19:30:24
果真相識滿天下

其實古代有無文人出名但係一個毒撚無乜朋友?
2017-05-28 19:45:54

快哉閒人:東坡與張夢得之遊 讀東坡〈記承天寺夜遊〉、水調歌頭(黃州快哉亭贈張偓佺)

https://www.youtube.com/watch?v=exLWtpzM4b4



患難見真情,係人生谷底仲陪你嘅先係真朋友
東坡、張夢得係一齊被貶黃州,共處患難
既然大家平時都無事可做,當然成日一齊玩啦
張夢得住係承天寺,東坡有次就同佢夜遊承天寺

東坡 〈記承天寺夜遊〉

元豐六年十月十二日,夜,解衣欲睡;月色入戶,欣然起行。念無與樂者,遂至承天寺,尋張懷民。懷民亦未寢,相與步於中庭。

庭下如積水空明,水中藻荇交橫,蓋竹柏影也。

何夜無月?何處無竹柏?但少閑人如吾兩人耳!


呢篇文好短,得八十四個字
東坡係到證明,咩叫飛花摘葉,皆可殺人
大文學家,隨手拾來,皆成佳構

「夜,解衣欲睡;月色入戶,欣然起行」
美,最難得係偶遇
係漫無目的,心念忽起嘅行動
東坡訓唔著,明朝又無嘢做,於是係月下散步
「念無與樂者,遂至承天寺,尋張懷民」
仲有邊個好似我咁呢?
可以享受閒人之樂,懂得月下散步之美
就只有張夢得呢位朋友

「庭下如積水空明,水中藻荇交橫,蓋竹柏影也」
呢幾句以水喻月,真係神來之筆
庭下就好似水一樣咁清澈
係包含而非侵佔,係透明而非掩蓋
睇落好似水草縱橫交錯咁
原來係竹子同柏樹嘅影子先真
由喻到物,盡顯月色清明嘅動態之景

「何夜無月?何處無竹柏?但少閑人如吾兩人耳!」
其實月亮、竹柏都好常見
但係可以感受到呢種閒適嘅人
或者只係得我地兩位閒人啦
閒人未必能有閒適
往往係對生活充滿情趣嘅人先能感受


東坡 水調歌頭(黃州快哉亭贈張偓佺)

落日繡簾捲,亭下水連空。知君為我,新作窗戶濕青紅。長記平山堂上,攲枕江南煙雨,渺渺沒孤鴻。認得醉翁語,山色有無中。

一千頃,都鏡淨,倒碧峰。忽然浪起,掀舞一葉白頭翁。堪笑蘭臺公子,未解莊生天籟,剛道有雌雌。一點浩然氣,千里快哉風。


話說張夢得係黃州得閒就建左座亭
佢就請蘇軾命名為快哉亭,蘇轍作〈黃州快哉亭記〉
東坡就為張夢得寫首詞,送比佢啦

上半片寫亭景
日落黃昏,捲起窗簾,眼看亭下水色連天嘅美景
知道你為接待我而建亭,新造嘅窗戶似乎油漆都仲係濕
望見此景,突然諗起揚州歐陽修所建嘅平山堂
當時訓係枕頭觀賞江南煙雨
孤獨嘅鴻雁似乎淹沒係呢股迷離嘅氣氛

「認得醉翁語,山色有無中」
醉翁係歐陽修,佢曾經引用王維詩句
山色似乎有,又似乎無,更見動人
東坡既是寫實景,亦都係寫回憶中嘅虛景
亭景似乎實,又似乎虛,彼此映照


一千頃,都鏡淨,倒碧峰。忽然浪起,掀舞一葉白頭翁。堪笑蘭臺公子,未解莊生天籟,剛道有雌雌。一點浩然氣,千里快哉風。

下半片由景入情,兼論人生
江面千頃廣闊,波平如鏡,鏡中倒照青碧山峰
「忽然浪起,掀舞一葉白頭翁」
縱觀全詞,我地可以推論:
呢位白頭翁係東坡對自己,對張夢得嘅比喻
前幾年仲好好地當緊官,忽然浪起,就被貶到黃州啦

我地要理解點解下三句,必須要知邊個叫「蘭臺公子」
蘭臺公子,即係宋玉,「快哉」二字正出自佢嘅〈風賦〉
宋玉話風分兩種:大王之雄風、庶人之雌風
用廟堂嘅政治套入自然界嘅事物
咁白頭翁被「風」起嘅浪搞到動盪不安
東坡自然對「風」對「快哉」有另一種睇法

呢邊東坡就係到笑宋玉:
「未解莊生天籟,剛道有雌雌」
你都未識莊子講風吹而生嘅天籟
風無貴賤雄雌之分
東坡追求嘅風係呢邊已經係講緊自我修為
精神境界夠高,先能夠感受天籟

「一點浩然氣,千里快哉風」
由「風」而亂離,因「風」而快意
東坡既有入世之心,亦有出世嘅精神
達則以浩然正氣嘅儒家思想
退則借超越世俗嘅道家精神
正因為東坡有咁嘅覺悟,先會好霸氣咁講:
咁樣無論我地面對順境逆境,就算投閒置散做個閒人
都可以享受千里快哉風!

睇到咁化,好野
2017-05-28 21:57:51

方外之交,離別超曠之詞
細讀東坡甘聲八州(寄參寥子)


突兀雪山,卷地而來,真似泉塘江上看潮時,添得此老心中十萬甲兵,是何氣象何雄且杰!妙在無一字豪宕,無一語險怪,又出以閑逸感喟之情,所謂骨重神寒,不食人間煙火氣者。詞境至此,觀止矣!
—— 鄭文焯《手批東坡樂府》評讚



正文第十七章

東坡 甘聲八州(寄參寥子)

有情風萬里捲潮來,無情送潮歸。問錢塘江上,西興浦口,幾度斜暉?不用思量今古,俯仰昔人非!誰似東坡老,白首忘機?

記得西湖西畔,正春山好處,空翠煙霏。算詩人相得,如我與君稀。約他年東還海道,願謝公雅志莫相違。西州路,不應回首,為我沾衣。


咩叫做方外之交呢?
本來係指言行超脫於世俗禮教之外嘅人
後黎就係僧道嘅代名詞
東坡識好多方外之交,尤其同參寥子交好
有一日佢地要離別,東坡因此寫下呢首絕妙好詞
絕妙在於:不見悲傷,知情超曠


有情風萬里捲潮來,無情送潮歸。問錢塘江上,西興浦口,幾度斜暉?不用思量今古,俯仰昔人非!誰似東坡老,白首忘機?

首句之妙,在於勸參寥子嘅機智
呢種對「情」嘅思辨,貫穿全詞
東坡借大自然之景象變化,附以「情」之詮釋
睇落幾合理,其實反點出情係人嘅主觀
一如花開花落、草青草枯
以至人嘅相聚離散,莫不合乎自然
潮來潮去嘅比喻,正係說明相聚有時而盡
緣起緣滅,反而係到同參寥子講:
唔好因為咁而傷心,一切都係順其自然咋!

「問錢塘江上,西興浦口,幾度斜暉?」
呢到嘅「問」,既點出空間,亦講時間變化
錢塘江、西興浦口,都係東坡同參寥子共遊嘅景地
佢地兩個曾經度過無數次日出日落
但東坡超越兩人嘅經驗,係到反問:
我地兩個共遊之前之後,錢塘江、西興浦口
唔係依然會繼續受陽光嘅洗禮咩?
人世間嘅自然變化,聚散離合,好正常啫

「不用思量今古,俯仰昔人非!」
東坡自答自解:人類面對時間嘅無情,空間嘅限制
好快咩都會物是人非,又有邊個可以解決呢?
呢到東坡不作濫情感傷之語,轉入更深刻嘅哲理
既然早知如此,何必執著呢

「誰似東坡老,白首忘機?」
「誰似」二字,似乎係同參廖子講:
你會唔會好似我咁忘掉情嘅好惡?
忘機,即無巧詐之心
忘掉彼此嘅猜忌,見出雙方嘅真性情
方外之交,要係面對離別時
超越悲歡,達至超曠,方不失其道呀


記得西湖西畔,正春山好處,空翠煙霏。算詩人相得,如我與君稀。約他年東還海道,願謝公雅志莫相違。西州路,不應回首,為我沾衣。

下半片回憶西湖西畔嘅美景,相聚嘅愉悅
空翠煙霏,乃指空曠山林,青翠欲滴,飽滿潤澤
化用王維《山中》二句
「山路原無雨,空翠濕人衣。」
春山空翠,煙霏迷離,隱約見出禪意
由白首忘機,到詩人相得,再至「稀」
係到講緊,好似我地咁有真性情
又可以超脫情困嘅人,真係好少呀!

「約他年東還海道,願謝公雅志莫相違」
典故嘅呈現,拉出歷史嘅縱深
呢邊引用謝安呢位人,佢年輕時已有名望,隱居東山
到四十幾歲先出仕,一直都記住東山
只等四海昇平,就要返去
可惜謝安最後病危回都,路經西州路,返唔到去啦
佢外甥羊曇,從此不走西州路
「一日,醉過其間,憶起謝安,為之淚下」

「雅志」,當然係東坡自言退隱之志
「西州路」,反用典故,自言唔會似謝安咁
故此參廖子都唔需要好似羊曇咁悲傷流淚
「不應回首,為我沾衣」,盡見東坡對參廖子嘅勸慰
承接全詞嘅機智,貫以真情,以求超越離別嘅悲哀

但係我地又可以諗:如果真係無情
如果真係可以完全超越到,咁仲點會寫詞相勸呢?
正因有情,方有此勸
始能令人讀之感嘆
有情無情,孰好孰壞,端看一心把持
2017-05-28 22:05:50
東坡詞之朋友系列完結
下篇會開始入東坡詞作轉型嘅世界
亦都係豪放詞嘅重要作品
2017-05-28 22:24:52
有情風萬里捲潮來,無情送潮歸。問錢塘江上,西興浦口,幾度斜暉?不用思量今古,俯仰昔人非!誰似東坡老,白首忘機?

哇!
句句都好霸氣!
2017-05-28 22:45:12
果真相識滿天下

其實古代有無文人出名但係一個毒撚無乜朋友?

孤獨就好多,我諗屈原、陶淵明都算係
但呢種比較似為左自己理想而抉擇嘅孤獨人生
本身都唔叫做毒撚性格

孤僻嘅話,可能比較貼近
竹林七賢入面比較多,但可以話係環境迫出黎
我諗要用相對去諗,無咩人多朋友過東坡
2017-05-28 23:02:07
有情風萬里捲潮來,無情送潮歸。問錢塘江上,西興浦口,幾度斜暉?不用思量今古,俯仰昔人非!誰似東坡老,白首忘機?

哇!
句句都好霸氣!

呢首算係我好鍾意嘅詞黎
意境高,章法巧妙,又盡見東坡超然嘅性情
由豪放而至超曠。呢首都係代表作之一
2017-05-28 23:59:22
明日會出篇講東坡同屈原嘅基情
2017-05-29 01:13:11
我都好中意呢首!

神作之一
2017-05-29 16:05:26

東坡少年,最愛屈原
齊讀東坡屈原塔詩




天才者,或數十年而一出,或數百年而一出,而又須濟之以學問,帥之以德性,始能產真正之大文學。此屈子(屈原)、淵明(陶潛)、子美(杜甫)、子瞻(蘇軾)等所以曠世而不一遇也
——王國維



正文第十八章

東坡細個就好鍾意屈原
熟讀佢嘅作品,一生仲成日讚屈原
「屈原作《離騷》,蓋《風》《雅》之再變者,雖與日月爭光可也。」
東坡話,屈原係嘅作品係詩經嘅變格
屈原文句嘅光芒,就算同日月都有得一比!
除左今日讀嘅詩,東坡仲寫過《屈原廟賦》狂讚佢

係中國文學史,屈原係第一個出名嘅獨立作家
之前嘅詩經當然好出名啦,但我地唔清楚作家係邊個
亦有可能係一種集體創作,唔同屈原一個寫哂楚辭
咁我地又係要問一個問題:
點解屈原令我地有得放假?
屈原係中國士大夫眼中代表咩價值?



史馬遷《史記》:
屈平正道直行,竭忠盡智以事其君,讒人閒之,可謂窮矣。信而見疑,忠而被謗,能無怨乎?屈平之作離騷,蓋自怨生也。國風好色而不淫,小雅怨誹而不亂。
屈平,字原,佢呢一生人可以用「信而見疑,忠而被謗」形容
佢對楚國同楚懷王都好忠心,但受小人誹謗
結果兩次流放,佢當然好傷心
寫完楚辭都唔夠,見住楚國衰敗,傷心到投江自盡



東坡 屈原塔

楚人悲屈原,千載意未歇。
精魂飄何處,父老空哽咽。
至今滄江上,投飯救飢渴。
遺風成競渡,哀叫楚山裂。


黃子華曰:
有假放先有資格自殺
咁屈原好明顯有資格自殺嘅
楚人係佢死後,好掛住佢,覺得佢係忠臣
賽龍舟係為左打撈屈原嘅屍體
吳鈞《續齊諧記》:
屈原以五月五日投汨羅而死,楚哀之,每於此日,以竹筒貯米投水祭之。

屈原嘅忠貞,係深入千古文人嘅內心
東坡少年時以儒家用世思想為主
又見到屈原嘅精神,都今時今日都仲有節日紀念
自然對屈原心生傾慕,人如其文
呢個亦係九成古代士大夫嘅心態
2017-05-29 16:05:39


屈原古壯士,就死意甚烈。
世俗安得知,眷眷不忍決。


史馬遷《史記》:
屈原至於江濱,被髪行吟澤畔。顏色憔悴,形容枯槁。漁父見而問之曰:「子非三閭大夫歟?何故而至此?」屈原曰:「舉世混濁而我獨清,眾人皆醉而我獨醒,是以見放。」漁父曰:「夫聖人者,不凝滯於物而能與世推移。舉世混濁,何不隨其流而揚其波?眾人皆醉,何不餔其糟而啜其醨?何故懷瑾握瑜而自令見放為?」屈原曰:「吾聞之,新沐者必彈冠,新浴者必振衣,人又誰能以身之察察,受物之汶汶者乎!寧赴常流而葬乎江魚腹中耳,又安能以皓皓之白而蒙世俗之溫蠖乎!」

呢段寫得極好,以文字建構文人眼中屈原嘅精神
亦都係呢種「士不遇」嘅客觀情況
加上士人理想嘅「忠貞」之情
正正係千古以來好多中國士大夫面對嘅悲劇



南賓舊屬楚,山上有遺塔。
應是奉佛人,恐子就淪滅。
此事雖無憑,此意固已切。
古人誰不死,何必較考折。


呢到係東坡寫詩嘅動機
佢行吓行吓,無啦啦見到有座屈原塔
但果到嘅位置,同屈原係完全無關係架
東坡係到估:
係咪一個信佛嘅人,驚屈原嘅精神會失傳而建嘅?

不過呢件事點都無人知啦
最重要係佢嘅意思已經表達出黎
東坡呢到講出一樣真理:何必考究
好似後世唔少學者對屈原嘅考究
有人話屈原係弄臣,有人話屈原係同性戀
但屈原嘅象徵,係無法改變,真實咁存在

名聲實無窮,富貴亦暫熱。
大夫知此理,所以持死節。


呢到東坡由屈原而進入人生評價
儒家嘅立德立言立功,係可以流傳千古
而富貴呢樣嘢,一時嘅客觀命遇,只係短暫
中國嘅士大夫都知道呢種道理
即使係捨生取義,都係值得嘅!

係呢邊,我地可以見到東坡少年嘅志向
同埋可以知道屈原對中國士人嘅意義
我地今日一齊再讀吓呢首詩啦:

楚人悲屈原,千載意未歇。
精魂飄何處,父老空哽咽。
至今滄江上,投飯救飢渴。
遺風成競渡,哀叫楚山裂。
屈原古壯士,就死意甚烈。
世俗安得知,眷眷不忍決。
南賓舊屬楚,山上有遺塔。
應是奉佛人,恐子就淪滅。
此事雖無憑,此意固已切。
古人誰不死,何必較考折。
名聲實無窮,富貴亦暫熱。
大夫知此理,所以持死節。
2017-05-29 16:11:45
支持
2017-05-29 16:15:19
支持

講講屈原應節
希望大家過節都了解吓屈原啦
2017-05-29 16:18:02
中國達文西
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞