【宋詞趣談】小二，黎一碗東坡肉！！！(多圖餓撚勿入)

東坡 西江月(梅花)

玉骨那愁瘴霧？冰肌自有仙風。海遷時過探芳叢，倒掛綠毛幺鳳。

素面反嫌粉涴，洗妝不褪唇紅。高情已逐曉雲空，不與梨花同夢。

朝雲、東坡兩位係晚年同樣有宗教信仰
除死無大事，東坡緊係希望可以通過修行長生不老
而朝雲係呢方面都同東坡一齊努力
可以話佢地嘅愛情入面，充滿宗教嘅色彩

呢首詞雖然題為「梅花」
東坡一生最愛梅花，詠梅詩寫過好多
實則詠梅係表，而悼亡朝雲為裡
入面亦都運用大量嘅神仙典故
「玉骨那愁瘴霧」
嶺南成日都有瘴霧毒氣
呢到嘅王骨當然唔止梅花
更係講緊朝雲埋骨此地

但東坡話朝雲有神仙嘅玉骨
緊係唔怕呢種瘴霧啦！
所以東坡先會講：「冰肌自有仙風」
玉潔冰清，忠貞不二
係到講緊朝雲陪隨東坡幾次苦難
最後知道要去嶺南都未驚過

「海仙時過探芳叢，倒掛綠毛幺鳳」
海上仙人都成日黎睇呢邊嘅梅花
東坡係另一首詩自注：
嶺南珍禽，有倒挂子，綠毛，紅喙，如鸚鵡而小，自東海來，非塵埃中物。
「么鳳」產於四川，羽毛五彩繽紛，形貌如傳說鳳
「倒挂子」產於廣南，性畏冷，綠羽丹嘴，棲集皆倒懸樹枝
呢兩隻唔同嘅鳥，出現係同一句子
係為左令句子更美，更具神秘嘅仙家色彩
海仙、珍禽，都係為左映照朝雲嘅獨一無二


素面反嫌粉涴，洗妝不褪唇紅。高情已逐曉雲空，不與梨花同夢。

素面紅唇，清香襲人，係惠州梅花特殊色態
同時，都係借梅花天然不加任何人工色素嘅素雅
形容朝雲天生麗質難自棄嘅美
洗妝、花謝，都係不改本色

對梅花、朝雲嘅歌頌
人花相寫，不斷同東坡、朝雲嘅相知一生映襯
朝雲本來大把理由唔跟去嶺南惠州
對東坡嘅愛，令佢無好似其他妾侍咁離開
最後亦都因此葬身於惠州

因此，最後兩句已經唔係人花雙寫
而係直接表白自己嘅悼念之情
東坡對朝雲，朝雲對東坡
呢種高尚嘅感情，已經好似早上嘅雲散成空

王昌齡〈梅詩〉曰：
「落落漠漠路不分，夢中喚作梨花雲。」
王昌齡係夢入面將梨花當做梅花
東坡呢到講：「不與梨花同夢」
係講緊此生嘅愛情已經用哂
朝雲死後，東坡無再愛上另一個人

曾經滄海難為水，除卻巫山不是雲
不合時宜，惟有朝雲能識我；獨彈古調，每逢暮雨倍思卿
東坡三位重要愛人，都比佢早死
睇落好似好悲咁，其實已經好幸運
能夠好似東坡咁愛情圓滿嘅人，又有幾多呢？

一直好鍾意呢首 而家先知背後有個咁感人既故事

東坡 西江月(梅花)

玉骨那愁瘴霧？冰肌自有仙風。海遷時過探芳叢，倒掛綠毛幺鳳。

素面反嫌粉涴，洗妝不褪唇紅。高情已逐曉雲空，不與梨花同夢。

朝雲、東坡兩位係晚年同樣有宗教信仰
除死無大事，東坡緊係希望可以通過修行長生不老
而朝雲係呢方面都同東坡一齊努力
可以話佢地嘅愛情入面，充滿宗教嘅色彩

呢首詞雖然題為「梅花」
東坡一生最愛梅花，詠梅詩寫過好多
實則詠梅係表，而悼亡朝雲為裡
入面亦都運用大量嘅神仙典故
「玉骨那愁瘴霧」
嶺南成日都有瘴霧毒氣
呢到嘅王骨當然唔止梅花
更係講緊朝雲埋骨此地

但東坡話朝雲有神仙嘅玉骨
緊係唔怕呢種瘴霧啦！
所以東坡先會講：「冰肌自有仙風」
玉潔冰清，忠貞不二
係到講緊朝雲陪隨東坡幾次苦難
最後知道要去嶺南都未驚過

「海仙時過探芳叢，倒掛綠毛幺鳳」
海上仙人都成日黎睇呢邊嘅梅花
東坡係另一首詩自注：
嶺南珍禽，有倒挂子，綠毛，紅喙，如鸚鵡而小，自東海來，非塵埃中物。
「么鳳」產於四川，羽毛五彩繽紛，形貌如傳說鳳
「倒挂子」產於廣南，性畏冷，綠羽丹嘴，棲集皆倒懸樹枝
呢兩隻唔同嘅鳥，出現係同一句子
係為左令句子更美，更具神秘嘅仙家色彩
海仙、珍禽，都係為左映照朝雲嘅獨一無二


素面反嫌粉涴，洗妝不褪唇紅。高情已逐曉雲空，不與梨花同夢。

素面紅唇，清香襲人，係惠州梅花特殊色態
同時，都係借梅花天然不加任何人工色素嘅素雅
形容朝雲天生麗質難自棄嘅美
洗妝、花謝，都係不改本色

對梅花、朝雲嘅歌頌
人花相寫，不斷同東坡、朝雲嘅相知一生映襯
朝雲本來大把理由唔跟去嶺南惠州
對東坡嘅愛，令佢無好似其他妾侍咁離開
最後亦都因此葬身於惠州

因此，最後兩句已經唔係人花雙寫
而係直接表白自己嘅悼念之情
東坡對朝雲，朝雲對東坡
呢種高尚嘅感情，已經好似早上嘅雲散成空

王昌齡〈梅詩〉曰：
「落落漠漠路不分，夢中喚作梨花雲。」
王昌齡係夢入面將梨花當做梅花
東坡呢到講：「不與梨花同夢」
係講緊此生嘅愛情已經用哂
朝雲死後，東坡無再愛上另一個人

曾經滄海難為水，除卻巫山不是雲
不合時宜，惟有朝雲能識我；獨彈古調，每逢暮雨倍思卿
東坡三位重要愛人，都比佢早死
睇落好似好悲咁，其實已經好幸運
能夠好似東坡咁愛情圓滿嘅人，又有幾多呢？

一直好鍾意呢首 而家先知背後有個咁感人既故事

呢首詠梅悼亡詞，歷來評價都好高
最難得係寫到人物合一嘅境界

二次流放：東坡在嶺南的日子
讀東坡定風波(王定國歌兒曰柔奴，姓宇文氏，眉目娟麗，善應對，家世住京師。定國南遷歸，余問柔：廣南風土，應是不好？柔對曰：此心安處，便是吾鄉。因為綴詞云。)

正文第二十九章

黃州之後，東坡又返去權力核心京師做事
王安石推行嘅新法已經完結
連王安石本人都失勢好耐
不過政治嘅黨爭，成日都好反覆無常
尤其中國行君主專制，皇帝換一個後生嘅
一切以往嘅規則，好快可以改變

咁有個叫章停嘅人，就令到年輕嘅皇帝再次支持新法
之後好多反對新法嘅大臣，包括東坡
自然都係大不敬啦，好多都掛上罪名流放
東坡貶謫到廣東高山大疫嶺以南
更加唔好講後尾仲再流放去海南島

東坡曾經寫過一首詩，佢對嶺南嘅印象係：
問君謫南賓，野葛食幾尺。
逢人瘴髮黃，入市胡眼碧。
窮山惡水，瘴雨蠻煙
生活條件惡劣，慘過去阿魯阿圖


東坡出發去嶺南果陣，有個好淒涼嘅故事
佢唔願意拖累旁人，要獨自過嶺
命長子蘇邁、次子蘇迨攜眷守家宜興，又遣散家中嘅姬妾
鄱陽湖上都昌縣，燈火樓臺一萬家。
水隔南山人不渡，東風吹老碧桃花。
東坡〈與王庠〉云：
「初欲獨赴貶所，兒女輩涕泣求行，故與幼子過一人來，餘分寓許下、浙中，散就衣食。」
除三子蘇過之外，朝雲係陪侍蘇軾過嶺嘅唯一家眷
換句話咁講，即係成頭家都散哂啦

但係當東坡去左嶺南之後，似乎表現得好豁達
東坡〈十月二日初到惠州〉：
仿佛曾游豈夢中，欣然雞犬識新豐。
吏民驚怪坐何事，父老相攜迎此翁。
蘇武豈知還漠北，管寧自欲老遼東。
嶺南萬戶皆春色，會有幽人客寓公。
佢又寫過封信咁形容：
到惠將半年，風土食物不惡，吏民相待甚厚。……今日游白水佛跡，山上布水三十切。雷輥電散，末易名狀，大略如項羽破章邯時也。 自山中歸來， 燈下裁答，信筆而書，紙盡乃已。三月四日
東坡完全唔似受苦咁，過得好開心！
係咪因為經過黃州之後
呢種困苦，係心理上已經唔係難關呢？


東坡 定風波(王定國歌兒曰柔奴，姓宇文氏，眉目娟麗，善應對，家世住京師。定國南遷歸，余問柔：廣南風土，應是不好？柔對曰：此心安處，便是吾鄉。因為綴詞云。)

常羨人間琢玉郎，天應乞與點酥娘。自作清歌傳皓齒，風起，雪飛炎海變清涼。

萬里歸來年愈少，微笑，笑時猶帶嶺梅香。試問嶺南應不好？卻道：此心安處是吾鄉。

呢首詞，係東坡離開黃州後所作
東坡朋友王定國，因受烏臺詩案連累
係東坡去黃州，佢已經去左嶺南啦
直到呢件事結束，先返黎京師
因為咁，東坡同佢嘅情人吹水，作左呢首詞

既然自己累到王定國咁慘
第一句緊要讚吓人地先：
我成日都好傾慕好似王定國你呢種型男架
上天應該係要比返柔奴呢個靚女陪你
清脆嘅歌聲由潔白嘅牙齒傳出
就好似一陣涼風吹起
再辛苦嘅困難，就算好似炎熱嘅大海
都會因為飛雪一般嘅美女相伴，變得清涼


萬里歸來年愈少，微笑，笑時猶帶嶺梅香。試問嶺南應不好？卻道：此心安處是吾鄉。

東坡見到王定國，好好奇咁
點解你係窮山惡水返黎，睇落仲年輕左嘅？
柔奴微笑，似乎仲有半分嶺南梅花嘅香味
東坡忍唔住問：
果邊嘅環境，唔係好差咩？
柔奴繼續笑住咁講：
只要我能與己心相安
又有邊個地方唔係可供安頓嘅鄉土呢？

我地可以想像，東坡聽到之後係大受感動
甚至話去到嶺南以至海南島，東坡都抱持咁嘅諗法
而呢首詞好似預言咁：
王定國、柔奴
蘇東坡、朝雲
竟然出奇咁相似，既然係咁東坡又點會灰呢！
不論古今中外，女性係文學之象徵
往往都係純潔、救贖，比人好大嘅力量

此心安處，便是吾鄉
東坡晚年雖然都唔叫過得安穩
面對好多困難，但仍然識得自我解脫
呢種，正正係東坡最令人激賞嘅地方

佢係咪最唔捨得細仔所以比佢一齊去廣南？

佢係咪最唔捨得細仔所以比佢一齊去廣南？

因為巴打咁講，令我搵左少少資料
先發現蘇過嘅文學成就唔低
東坡寫過首讚講三個仔：

皇 天 遣 出 家 ，臨 老 乃 學 道 。
北 歸 為 兒 子 ，破 戒 堪 一 笑 。
披 雲 見 天 眼 ，回 首 失 海 潦 。
蠻 唱 與 黎 歌 ，餘 音 猶 杳 杳 。
大 兒 牧 眾 稚 ，四 歲 守 孤 嶠 。
次 子 病 學 醫 ，三 折 乃 粗 曉 。
小 兒 耕 且 養 ，得 暇 為 書 繞 。
我 亦 困 詩 酒 ，去 道 愈 茫 渺 。
紛 紛 何 時 定 ，所 至 皆 可 老 。
莫 為 柳 儀 曹 ，詩 書 教 氓 獠 。
亦 莫 事 登 陟 ，溪 山 有 何 好 。
安 居 與 我 游 ，閉 戶 淨 灑 掃 。

我諗係文學入面，細仔最得真傳
加埋當時細仔可能未成家室
唔係大仔二仔自己都有家庭要照顧
所以細仔就陪住老豆

呢度用左「飛雪」暗喻靚女？？

有時形容女子「冰雪聰明」係同呢個象徵有關？

呢度用左「飛雪」暗喻靚女？？

張巴打咁理解都幾好
「飛雪」一定有令王定國面對困境都開心嘅意思
更樣諗，「飛雪」嘅形態，應該係讚緊柔奴

有時形容女子「冰雪聰明」係同呢個象徵有關？

東坡好鍾意用「冰」、「雪」、「仙」等等讚女仔
咁樣連結，呢邊的確有呢層深意

萬里歸來年愈少，微笑，笑時猶帶嶺梅香。試問嶺南應不好？卻道：此心安處是吾鄉。

東坡見到王定國，好好奇咁
點解你係窮山惡水返黎，睇落仲年輕左嘅？
柔奴微笑，似乎仲有半分嶺南梅花嘅香味
東坡忍唔住問：
果邊嘅環境，唔係好差咩？
柔奴繼續笑住咁講：
只要我能與己心相安
又有邊個地方唔係可供安頓嘅鄉土呢？

我地可以想像，東坡聽到之後係大受感動
甚至話去到嶺南以至海南島，東坡都抱持咁嘅諗法
而呢首詞好似預言咁：
王定國、柔奴
蘇東坡、朝雲
竟然出奇咁相似，既然係咁東坡又點會灰呢！
不論古今中外，女性係文學之象徵
往往都係純潔、救贖，比人好大嘅力量

此心安處，便是吾鄉
東坡晚年雖然都唔叫過得安穩
面對好多困難，但仍然識得自我解脫
呢種，正正係東坡最令人激賞嘅地方

呢段經典

簡介基本古典文學概念：閒適
並讀浣溪沙(徐門石潭謝雨，道上作五首，其四、其五)

又或公退獨處，或移病閒居，知足保和，吟玩性情者一百首，謂之閒適詩。
——白居易

正文第三十章

閒適係中國詩詞傳統入面，其中一種主要嘅風格
呢種風格嘅起源，係來自陶淵明嘅詩
孟夏草木長，繞屋樹扶疏。
衆鳥欣有託，吾亦愛吾廬。
用閒心觀察自然萬物，抒發個人感情

白居易首先提出閒適呢個概念
係相對主流為政治而發嘅諷喻詩傳統嘅
孔子講：
「小子何莫學夫詩？詩，可以興，可以觀，可以群，可以怨」
詩係古代社會，係一種社會文化交流工具
而我地以前曾經講過
陶淵明係開拓退隱田園嘅世界
自然所寫嘅詩歌，可以無關政治
自成一格，文成法立，文學風格係大文學家創造嘅


東坡極愛陶淵明，終其一生和左百幾首陶詩
但係除左和陶詩之外，我地係東坡最出名嘅作品
好難睇得出東坡同陶淵明嘅相似之處
其實東坡係「閒」之字，係幾有陶淵明嘅精神
之前讀過嘅〈記承天寺夜遊〉入面有句：
何夜無月？何處無竹柏？但少閑人如吾兩人耳！

閒適，首重內心之閒
有好多人即使有多餘嘅時間
但面對世間萬物，都做唔到心靈嘅放鬆
閒適，係一種精神境界
文學家將呢種心閒嘅境界呈現係文學作品
就係中國文學傳統嘅閒適


東坡 浣溪沙(徐門石潭謝雨，道上作五首，其四)

簌簌衣巾落棗花。村南村北響繰車。牛衣古柳賣黃瓜。

酒困路長惟欲睡，日高人渴漫思茶。敲門試問野人家。

繰車：古時抽繭出絲嘅工具
牛衣：亂麻衣服

東坡四十三歲，做緊徐州太守果陣
春天出現嚴重嘅旱情，東坡沐浴齋戒
去到當地的傳說地石潭祈雨
過無耐，竟然真係落雨
咁佢緊係好開心，一口氣寫低五闕〈浣溪沙〉詞
心誠則靈，要感謝神明賜雨

上半片寫東坡道上眼見農村嘅風景，人民嘅生活
馬過樹蔭，棗花紛紛落於衣巾，擦過東坡
擊打身體，爾又墜地，簌簌之聲不絕
呢個時候響起更大嘅聲音
原來係農人用緊繰絲之車，輪旋轉以收絲
睇遠少少，身穿亂麻衣服嘅百姓，係柳蔭下叫賣黃瓜
三種聲音，貫穿鄉村之景
其中又有觸覺、視覺
交錯變化，帶出簡樸之美


酒困路長惟欲睡，日高人渴漫思茶。敲門試問野人家。

下半片寫東坡嘅感受，悠遊嘅興致
東坡酒飲得太多，飲到好想訓
呢個酒醉又唔太醉，有一份閒情
既然心閒，路再長都唔會苦
烈日當空，東坡想飲返杯茶嘆吓，略解酒困
係呢個安和平樂嘅鄉村
東坡好放鬆，輕快又無任何機心咁
隨便去敲門問吓其他人，相信就有茶水飲啦

東坡係路上嘅一切遭遇，都隨意安之
連半分著急、焦躁之意都無
不論詞句，農村生活，都顯得平易近人
呢種可以話係東坡嘅「田園詞」，同陶淵明一脈相連

東坡 浣溪沙(徐門石潭謝雨，道上作五首，其五)

輭草平莎過雨新。輕沙走馬路無塵。何時收拾耦耕身？

日暖桑麻光似潑。風來蒿艾氣如薰。使君元是此中人。

輭草：軟草
蒿艾：泛指野草

上半片寫東坡眼見祈雨後嘅情況
同時生出對田園嘅盼望
田野嘅莎草經雨洗滌，更顯清新
馬過濕沙，連半點灰塵都無揚起
東坡本非士族出身，係佢伯父蘇渙考取進士前
幾代都沒人做官，以務農維生
東坡少年生長於田園，係官場入面一直抱有歸隱田園嘅心
所先會反問自己：
幾時先返鄉下耕田呀？

土之進退，離開城市廟堂
如果唔入山林，就就去田園
城市廟堂代表物質文明、權力爭鬥
取田園而棄山林，因為山林係完全隔絕人世
文人多重情，隱居之地，多數係離人而非絕世
並未徹底受文明管治，同時又可以養到自己
陶淵明話：「結盧在人境」
好似〈桃花源記〉嘅理想生活，盡在田園
否定君臣嘅權力結構，擁抱父子嘅天倫之樂，離人而非絕世


日暖桑麻光似潑。風來蒿艾氣如薰。使君元是此中人。

蒿艾：泛指野草

下半片側重農材二景，並強調自己嘅意向
首景重在視覺，日光如潑灑在桑麻
光線顯現出桑樹嘅層次、紋理
日光曬得耐啦，纖維暖烘
慢慢舒展，好似重新復活一樣咁

次景重於嗅覺，風吹來野花嘅氣味
好似薰出層層疊疊嘅香氣，撲鼻而來
「使君元是此中人」
東坡自言：
我本來就係活在田園嘅人！
睇到呢邊
相信大家都唔難理解佢鍾意陶淵明嘅原因啦

呢首詞三年後，東坡因「烏臺詩案」眨至黃州
係黃州東坡親自耕作，用身體回答「何時收拾耦耕身」嘅反問
經仕途打擊、生死大難
從此開始有「超曠」嘅傾向，更著重於回歸田園嘅美夢
畢竟東坡係「使君元是此中人」啊！

有睇陶淵明Post嘅巴打有福了
由呢篇起進入東坡同陶淵明嘅對照閱讀
除左豪放之外嘅創格
比大家睇東坡另一創舉：田園詞

巴打高汁 其實我都好鍾意宋詞嘅細膩 希望下次可以講下柳永


利申：婉约派

巴打高汁 其實我都好鍾意宋詞嘅細膩 希望下次可以講下柳永


利申：婉约派

會慢慢講
婉約可能會講李清照
東坡嘅婉約詞我都有講唔少

想問下探長有無寫過杜甫？
最鐘意就係佢

想問下探長有無寫過杜甫？
最鐘意就係佢

李白、杜甫都會講
可能講完宋詞再返轉頭講

巴打係咪有個blog? 小弟想得閒回顧下溫下書

寂寞沙洲冷

先補充一啲上網查到既資料，寂寞唔一定解心境
例如楚辭所謂「巡陸夷之曲衍兮，幽空虛以寂寞」，王逸注為「無人聲也」
本身覺得寂寞指向既係心境，但諗唔倒重有呢個意思

但無論如何，最後一句寂寞比楓落好
其一在於，整首詞，全部都係講寂寞

但先講楓落好處同壞處
其實都好直接
楓落，即煙雨飄零、草木黃落
表示遲暮、表示孤獨
因為以景物描寫，容易令人意會，觸景生情
簡單幾個例子
宋玉九辯：「悲哉，秋之為氣也，蕭瑟兮草木搖落而變衰。」
漢武帝秋風辭：「秋風起兮白雲飛，草木黃落兮雁南歸」
魏文帝所謂「秋風蕭瑟天氣涼，草木搖落露為霜」
相信巴打都睇到，草木搖落，大多表現為一種「孤獨」既心境
更多既係遲暮，亦有淒惻既感覺
呢種並唔係正面、積極既

舉多幾個例子
落英繽紛，屈原〈離騷〉所謂「攬木根以結茝兮，貫薜荔之落蕊」，「落」喺呢度，重要在其「潔」
所謂「落紅本是無情物，化作春泥更護花」
表現既意象其實係正面、積極
但「楓落」比較難令人留意到呢樣野

揀盡寒枝不肯棲，楓落吳江冷
表現出，作者孤傲，所以落得如此下場
因為楓落係景，比起寂寞會略為間接
表現出淒惻既感覺
所以感覺上「好似」表現得更好

但實際唔算好
缺點在於連接唔強，感情亦唔太呼應得到

分析寂寞之前，先睇下整首詞講咗D乜
缺月、靜、幽人、獨、縹緲、孤鴻
無人、寒枝、寂寞(楓落)

月有陰晴圓缺
所謂夜靜春生空
所謂空山松子落，幽人應未眠，所謂絕代有佳人，幽居在空谷，所謂哀吾生之無樂兮，幽獨處乎山中，幽人，表示孤獨之人，其實，係孤傲
獨、縹緲、孤鴻，例子多不勝數
可體現為萬里雲羅一雁飛，又所謂既「李陵之雙鳧永去，蘇武之一雁空飛」
不過基本上用返蘇軾既作品和子由澠池懷舊就得
表現為寂寞、「無痕跡」，鴻又有另一意思
即所謂燕雀不知鴻鵠之志

無人唔講
寒枝句，獨棲寒枝，意象其實好早已經有
莊子逍遙遊話
「鷦鷯巢於深林，不過一枝；偃鼠飲河，不過滿腹」
先去理解呢句，即係好似鷦鷯喺林中築巢，所用不過數枝樹枝
表示既，係「知足」，「知止」(當然唔一定喇)
不過引出既係咩呢?
「歸休乎君，予無所用天下為」

左思詠史八首「巢林棲一枝，可為達士模」
杜甫所謂「已忍伶俜十年事，強移棲息一枝安」

呢種意象，最終表示既係「隱居」、「退隱」
當然大家都見到蘇軾反用呢個意象，講明自己唔肯咁樣
你估佢係咪真係揀盡呢?
所以佢寂寞，寂寞無人見
「古來聖賢盡貧賤，何況我輩孤且直」
「古來聖賢皆寂寞，惟有飲者留其名」
寂寞，表現出自己孤寂既心境之餘，其實都表現出自己既傲氣
我唔肯好似D達士咁，所以寂寞
配合返初頭所引，寂寞不單止講情，重講景，重將成首詞一次過概括哂
所有「意象」全部都指向寂寞
你突然講句楓落吳江冷，係咪好九唔搭八呢

杜甫秋興既「魚龍寂寞秋江冷，故國平居有所思」
又係咪好九唔搭八呢

我講既野，又係咪好九唔搭八呢

我想拋返個問題出來

楓落，又能否表現呢種意象呢?
大家可以從「喬木生雲氣，訪中興，英雄陳跡」去諗

所以，我講既野確實好九唔搭八
大家繼續

巴打旁徵博引
真心佩服
結合前人點用寂寞呢兩個字
的確多咗角度去比較兩句

「楓落吳江冷」係咪好九唔搭八？
就算呢句及唔上寂莫吳江冷
都唔一定要話係完全九唔搭八既
而且探長與樓上各位巴打都有講下楓落吳江冷好喺邊度 (如聲音、鏡頭)

再補充一點
當話寂寞呢個詞太直白、太外露既時候
我地較傾向採用而家對呢個詞既理解
而多於蘇軾
或者甚至係蘇軾之前既文人既用法同涵意
蘇軾原本係用邊句應該都無人知道
不過其實就算佢用既係邊句
都可以再比對下
文學好玩之處就係呢度

好似最近睇《白先勇細說紅樓》咁
佢都對唔同版本點樣去塑造角色有自己睇法
唔一定版本最早（甲戌本）就藝術效果最好

sorry 少少 & 1999

巴打係咪有個blog? 小弟想得閒回顧下溫下書

http://deliver90.blogspot.tw/
歡迎巴打得閒入去

寂寞沙洲冷

先補充一啲上網查到既資料，寂寞唔一定解心境
例如楚辭所謂「巡陸夷之曲衍兮，幽空虛以寂寞」，王逸注為「無人聲也」
本身覺得寂寞指向既係心境，但諗唔倒重有呢個意思

但無論如何，最後一句寂寞比楓落好
其一在於，整首詞，全部都係講寂寞

但先講楓落好處同壞處
其實都好直接
楓落，即煙雨飄零、草木黃落
表示遲暮、表示孤獨
因為以景物描寫，容易令人意會，觸景生情
簡單幾個例子
宋玉九辯：「悲哉，秋之為氣也，蕭瑟兮草木搖落而變衰。」
漢武帝秋風辭：「秋風起兮白雲飛，草木黃落兮雁南歸」
魏文帝所謂「秋風蕭瑟天氣涼，草木搖落露為霜」
相信巴打都睇到，草木搖落，大多表現為一種「孤獨」既心境
更多既係遲暮，亦有淒惻既感覺
呢種並唔係正面、積極既

舉多幾個例子
落英繽紛，屈原〈離騷〉所謂「攬木根以結茝兮，貫薜荔之落蕊」，「落」喺呢度，重要在其「潔」
所謂「落紅本是無情物，化作春泥更護花」
表現既意象其實係正面、積極
但「楓落」比較難令人留意到呢樣野

揀盡寒枝不肯棲，楓落吳江冷
表現出，作者孤傲，所以落得如此下場
因為楓落係景，比起寂寞會略為間接
表現出淒惻既感覺
所以感覺上「好似」表現得更好

但實際唔算好
缺點在於連接唔強，感情亦唔太呼應得到

分析寂寞之前，先睇下整首詞講咗D乜
缺月、靜、幽人、獨、縹緲、孤鴻
無人、寒枝、寂寞(楓落)

月有陰晴圓缺
所謂夜靜春生空
所謂空山松子落，幽人應未眠，所謂絕代有佳人，幽居在空谷，所謂哀吾生之無樂兮，幽獨處乎山中，幽人，表示孤獨之人，其實，係孤傲
獨、縹緲、孤鴻，例子多不勝數
可體現為萬里雲羅一雁飛，又所謂既「李陵之雙鳧永去，蘇武之一雁空飛」
不過基本上用返蘇軾既作品和子由澠池懷舊就得
表現為寂寞、「無痕跡」，鴻又有另一意思
即所謂燕雀不知鴻鵠之志

無人唔講
寒枝句，獨棲寒枝，意象其實好早已經有
莊子逍遙遊話
「鷦鷯巢於深林，不過一枝；偃鼠飲河，不過滿腹」
先去理解呢句，即係好似鷦鷯喺林中築巢，所用不過數枝樹枝
表示既，係「知足」，「知止」(當然唔一定喇)
不過引出既係咩呢?
「歸休乎君，予無所用天下為」

左思詠史八首「巢林棲一枝，可為達士模」
杜甫所謂「已忍伶俜十年事，強移棲息一枝安」

呢種意象，最終表示既係「隱居」、「退隱」
當然大家都見到蘇軾反用呢個意象，講明自己唔肯咁樣
你估佢係咪真係揀盡呢?
所以佢寂寞，寂寞無人見
「古來聖賢盡貧賤，何況我輩孤且直」
「古來聖賢皆寂寞，惟有飲者留其名」
寂寞，表現出自己孤寂既心境之餘，其實都表現出自己既傲氣
我唔肯好似D達士咁，所以寂寞
配合返初頭所引，寂寞不單止講情，重講景，重將成首詞一次過概括哂
所有「意象」全部都指向寂寞
你突然講句楓落吳江冷，係咪好九唔搭八呢

杜甫秋興既「魚龍寂寞秋江冷，故國平居有所思」
又係咪好九唔搭八呢

我講既野，又係咪好九唔搭八呢

我想拋返個問題出來

楓落，又能否表現呢種意象呢?
大家可以從「喬木生雲氣，訪中興，英雄陳跡」去諗

所以，我講既野確實好九唔搭八
大家繼續

哇，巴打好用心！
即刻收返入Blog先得！

巴打嘅理解好好，仲特登搵返唔同嘅意思，用唔同方法去解讀，別有洞見
我係度諗，呢樣或者就係古人點解覺得「寂寞」二字好嘅地方
現代嘅解讀，同古人嘅解讀，審美觀都好唔同

寂寞沙洲冷

先補充一啲上網查到既資料，寂寞唔一定解心境
例如楚辭所謂「巡陸夷之曲衍兮，幽空虛以寂寞」，王逸注為「無人聲也」
本身覺得寂寞指向既係心境，但諗唔倒重有呢個意思

但無論如何，最後一句寂寞比楓落好
其一在於，整首詞，全部都係講寂寞

但先講楓落好處同壞處
其實都好直接
楓落，即煙雨飄零、草木黃落
表示遲暮、表示孤獨
因為以景物描寫，容易令人意會，觸景生情
簡單幾個例子
宋玉九辯：「悲哉，秋之為氣也，蕭瑟兮草木搖落而變衰。」
漢武帝秋風辭：「秋風起兮白雲飛，草木黃落兮雁南歸」
魏文帝所謂「秋風蕭瑟天氣涼，草木搖落露為霜」
相信巴打都睇到，草木搖落，大多表現為一種「孤獨」既心境
更多既係遲暮，亦有淒惻既感覺
呢種並唔係正面、積極既

舉多幾個例子
落英繽紛，屈原〈離騷〉所謂「攬木根以結茝兮，貫薜荔之落蕊」，「落」喺呢度，重要在其「潔」
所謂「落紅本是無情物，化作春泥更護花」
表現既意象其實係正面、積極
但「楓落」比較難令人留意到呢樣野

揀盡寒枝不肯棲，楓落吳江冷
表現出，作者孤傲，所以落得如此下場
因為楓落係景，比起寂寞會略為間接
表現出淒惻既感覺
所以感覺上「好似」表現得更好

但實際唔算好
缺點在於連接唔強，感情亦唔太呼應得到

分析寂寞之前，先睇下整首詞講咗D乜
缺月、靜、幽人、獨、縹緲、孤鴻
無人、寒枝、寂寞(楓落)

月有陰晴圓缺
所謂夜靜春生空
所謂空山松子落，幽人應未眠，所謂絕代有佳人，幽居在空谷，所謂哀吾生之無樂兮，幽獨處乎山中，幽人，表示孤獨之人，其實，係孤傲
獨、縹緲、孤鴻，例子多不勝數
可體現為萬里雲羅一雁飛，又所謂既「李陵之雙鳧永去，蘇武之一雁空飛」
不過基本上用返蘇軾既作品和子由澠池懷舊就得
表現為寂寞、「無痕跡」，鴻又有另一意思
即所謂燕雀不知鴻鵠之志

無人唔講
寒枝句，獨棲寒枝，意象其實好早已經有
莊子逍遙遊話
「鷦鷯巢於深林，不過一枝；偃鼠飲河，不過滿腹」
先去理解呢句，即係好似鷦鷯喺林中築巢，所用不過數枝樹枝
表示既，係「知足」，「知止」(當然唔一定喇)
不過引出既係咩呢?
「歸休乎君，予無所用天下為」

左思詠史八首「巢林棲一枝，可為達士模」
杜甫所謂「已忍伶俜十年事，強移棲息一枝安」

呢種意象，最終表示既係「隱居」、「退隱」
當然大家都見到蘇軾反用呢個意象，講明自己唔肯咁樣
你估佢係咪真係揀盡呢?
所以佢寂寞，寂寞無人見
「古來聖賢盡貧賤，何況我輩孤且直」
「古來聖賢皆寂寞，惟有飲者留其名」
寂寞，表現出自己孤寂既心境之餘，其實都表現出自己既傲氣
我唔肯好似D達士咁，所以寂寞
配合返初頭所引，寂寞不單止講情，重講景，重將成首詞一次過概括哂
所有「意象」全部都指向寂寞
你突然講句楓落吳江冷，係咪好九唔搭八呢

杜甫秋興既「魚龍寂寞秋江冷，故國平居有所思」
又係咪好九唔搭八呢

我講既野，又係咪好九唔搭八呢

我想拋返個問題出來

楓落，又能否表現呢種意象呢?
大家可以從「喬木生雲氣，訪中興，英雄陳跡」去諗

所以，我講既野確實好九唔搭八
大家繼續

巴打旁徵博引
真心佩服
結合前人點用寂寞呢兩個字
的確多咗角度去比較兩句

「楓落吳江冷」係咪好九唔搭八？
就算呢句及唔上寂莫吳江冷
都唔一定要話係完全九唔搭八既
而且探長與樓上各位巴打都有講下楓落吳江冷好喺邊度 (如聲音、鏡頭)

再補充一點
當話寂寞呢個詞太直白、太外露既時候
我地較傾向採用而家對呢個詞既理解
而多於蘇軾
或者甚至係蘇軾之前既文人既用法同涵意
蘇軾原本係用邊句應該都無人知道
不過其實就算佢用既係邊句
都可以再比對下
文學好玩之處就係呢度

好似最近睇《白先勇細說紅樓》咁
佢都對唔同版本點樣去塑造角色有自己睇法
唔一定版本最早（甲戌本）就藝術效果最好

sorry 少少 & 1999

巴打嘅睇法都好好！
我諗呢樣已經關係到文學（東坡詞）接受史嘅問題
唔同嘅表達手法，唔同嘅字眼，係唔同嘅時代都有獨特嘅接受過程
詞有「隱括詞」，東坡都有寫過
就係將其它詩文剪裁改寫爲詞，大體跟返內容，多數改字詞
往往係後人將前人詩文，以詞嘅形式表達
雖然好多人對呢種詞評價唔高，但以接受史角度去睇，好值得思考
即係：
點解要隱括？
點樣隱括法？