【宋詞趣談】小二，黎一碗東坡肉！！！(多圖餓撚勿入)

樓主會唔會介紹多D東坡最精彩既詩？雖然最出名係詞

原來「好風如水」係出自東坡

---->舊時王謝堂前燕，飛入尋常百姓家

又令我諗起白先勇

首夢醒時份係好好聽

明月如霜，好風如水，清景無限。曲港跳魚，圓荷瀉露，寂寞無人見。紞如三鼓，鏗然一葉，黯黯夢雲驚斷。夜茫茫，重尋無處，覺來小園行遍。

紞如：擊鼓聲
夢雲：夢見女子之意

上半片以倒敘手法，描述詞人一連串嘅客觀經驗
由夢醒至尋覓，尋覓中又見美景，卻有寂寞之情
明月如霜之句，可見全詞寫作嘅規律
明月對好風
霜對水
首兩句對偶，尾句凝聚出焦點
清景無限，全在明月清風

深夜寂靜，三更鼓聲
以至一葉搖曳，都能令人從夢中驚醒
夢醒爾後，猶有昏沈，走出小園
只見夜色茫茫，欲尋回夢中女子不得，再三徘徊
深夜無人，東坡眼見明月灑於池塘

「夜茫茫，重尋無處，覺來小園行遍。」
清風掠過林木，正是美景當前
美景當前，心中卻有寂寞之意
魚跳露瀉，至少有東坡見證
但又有邊個見證東坡此時此刻嘅孤單呢？

https://www.youtube.com/watch?v=2VFKNalvnpo
天涯倦客，山中歸路，望斷故園心眼。燕子樓空，佳人何在？空鎖樓中燕。古今如夢，何曾夢覺！但有舊歡新怨。異時對，黃樓夜景，為余浩嘆。

下半片重於抒情，夢醒尋覓不得嘅情感
東坡自悲身世，仕途幾經波折
詩人多遊宦，四處飄盪
無方法返去家鄉，唯有係做天涯倦客啦
歸路何在？山中之路曲折難行
望斷即不見其終止之處
心眼，佛家之語
此處應指內心嘅渴求
僅能想像而不能達成嘅希冀

「燕子樓空，佳人何在？」
這種情思，更進而成為東坡對歷史嘅悲感
舊時王謝堂前燕，飛入尋常百姓家
東坡有相似嘅感慨，以一設問，自問自答
說出如「逝者如斯夫，不捨晝夜」嘅浩歎
張建封為關盼盼所建之樓，如今卻人去樓空
只有後人憑古蹟見證滄桑
只有燕子仍舊飛至橫樑佇立

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

「異時對，黃樓夜景，為余浩嘆。」
異時，意指不同時代
東坡嘅夢即人生，人生即夢
東坡係後世先見到燕子樓嘅虛妄
呢一個時代，東坡又為百姓所建造黃樓
百年身死，後人唔係都有相同嘅感慨咩？

東坡由歷史嘅縱深，對照哲理嘅高度
從古至今，的確都係好似莊周夢蝶咁樣
個人以至歷史，歷史又回到個人
東坡只得浩歎一聲：
再美好嘅人事，最後
最後都係他人從景物見證自己嘅事跡
我地都係活係夢一般嘅人生
但又無法脫離人生嘅夢呀！

呢首好哲學喎

1.田園
陶淵明創田園詩
東坡創田園詞
雖然東坡係跟隨陶淵明嘅風格開拓
但都從生活上努力實踐耕種嘅辛苦
我諗東坡應該唔算係旁觀者
特別對比好多詩人詞人特登寫田園題材嘅造作
不過當然無陶淵明咁幸運
可以係田園呢個理想地安然生活

主要係蘇軾係父母官，陶淵明係純粹一個比較有錢嘅農民
蘇軾嘅耕作，比較難去到陶淵明果個程度
應該咁講，蘇軾嘅耕唔會去到力耕
佢咁講「人馬正卿哀其令食，於郡請故營地，使躬耕其中。」
畢竟佢係父母官，其實同陶淵明會有一定分別
五首沅溪沙，同陶淵明嘅詩相比會比較易睇出當中嘅分別
其實辛棄疾同蘇軾都差唔多(提到田園比較輕鬆，自在，出世，有意思嘅係，陶淵明嘅田園反而比人感覺係入世積極)，我諗宋詞多數都係咁。除咗少數好似王炎嘅：

山冥雲陰重，天寒雨意濃。數枝幽艷濕啼紅。莫為惜花惆悵，對東風。
蓑笠朝朝出，溝塍處處通。人間辛苦是三農。要得一犁水足，望年豐。


陶淵明呢…所謂世與我而相違，雖則佢歸園田居都尚算有米
可以同人對酒當歌，不過對田園嘅認知
始終同蘇軾好唔同
陶淵明寫〈乞食〉(雖則有學者認為係早年寫)，蘇軾咁樣評價：
「淵明得一食，至欲以冥謝主人。哀哉！哀哉！此大類丐者口頰也。非獨余哀之，舉世莫不哀之也。饑寒常在身前，聲名常在身後。二者不相待，此士之所以窮也。」
猶有甚焉

陶淵明、東坡都係大文學家
但始終唔係大思想家，對於生死大事睇唔穿
東坡的確更加明顯，尤其係佢求仙煉丹
不過大體黎講，佢主要嘅生死觀同陶淵明都好接近
大抵求仙之事都係一個希望，自己都唔太肯定
走向都係人生人世，盡情開心
但面對死亡、變化、親友離別，都係成日好傷心
而呢種感情反而成就文學嘅傑作

我自己覺得陶淵明飲酒唔係逃避，係樂在其中
所謂「春秋多佳日，登高賦新詩。 過門更相呼，有酒斟酌之。」

巴打分享嘅挽歌詩，大概有三首
其中一首臨尾幾句係咁：
「親戚或餘悲，佗人亦已歌。
死去何所道，託體同山阿。」
一方面會覺得生離死別好傷心
另一方面，覺得呢樣嘢又莫非自然
莊子養生主記老子死後以及大宗師寫孟孫才老母死後嘅態度
其實就係安於死亡
另一首講自己死咗之後，我諗比較少人會咁寫
枯槁蒼涼，風格獨特
真係好少人會咁寫
不過莊子有咁寫過，但唔係講自己
當然呢方面係我自己個人解讀，一定混雜咗好多自己嘅情感落去

東坡相對其他人的確幾好彩
大起大落，都叫有起過
係當時文學嘅地位已經好高
我地都知，好多文學家生前都唔受到好高嘅重視
東坡對空幻自有一番體會
好似上篇講「夢」
之後三篇結局篇，都會有所連繫
東坡去到黃州之後，對名利已經睇得好淡
因為知道呢種事隨時都會無左

佢心目中名利所指就係建功立業，為國效勞
人們眼中嘅名利，就係文名、得利
佢得唔到心中嘅名利
無哂，要寄託
自然係享受江上嘅明月，同山間嘅清風
所以有時候呢種感情會出返嚟，有時候會隱入去
可以睇佢首〈八聲甘州．寄参寥子〉：

有情風萬里卷潮來，無情送潮歸。
問錢塘江上，西興浦口，幾度斜暉。
不用思量今古，俯仰昔人非。
誰似東坡老，白首忘機。

記取西湖西畔，正暮山好處，空翠煙霏。
算詩人相得，如我與君稀。
約他年、東還海道，願謝公、雅志莫相違。
西州路，不應回首，爲我沾衣。

印象中係黃州之後作，查返就係1091年作
喺呢一刻，名利(話名利不如話志向，自己表達得差)對佢嚟講仍然有份量
但又會有悲有哀
死去後，亦不應為我落淚
而後先歸於平淡

不過平淡中總帶有一兩點希望
唔似李後主嗰種心死

勁

赤壁三部曲（一）：不可久留之孤高境界
一讀東坡後赤壁賦

作家常有詩文同胎的現象：蘇軾的〈念奴嬌〉與〈赤壁賦〉便是一例。……作家對於自己關心的題材，橫看成嶺，側看成峰，而再三模寫以窮盡其狀，一方面固然是求材盡其用，一方面對自己的彈性與耐力，以及層出不窮的創意，也是很苛的考驗。
——余光中

正文第三十五章

同一題材，點解要寫幾次呢？
呢個係形式同內容之間嘅問題
假如內容係水，形式係杯
咁樣唔同種類嘅杯，就能呈現水嘅唔同形狀
文體、語言係有佢嘅局限
好似詩詞咁，擅長用意象表達情感
而散文呢，比較可以呈現思辨嘅結晶
小說戲劇，可以鋪排細膩動人嘅故事

作為大文學家，東坡又擅寫咁多文體
自然深知一個豐饒嘅題材，唔係用單一嘅文體
唔係寫一次，就能夠充分表達題材嘅複雜
赤壁懷古，三國英雄齊聚嘅赤壁之戰
不論東坡嘅時代，抑或2017年嘅當下，都係好精彩嘅故事
千百年來咁多人用呢個題材創作，不妨視作人類嘅同題書寫
而東坡寫下一首詞，兩篇散文賦
永遠都係三國赤壁文學入面最耀眼嘅作品


係時間而論，東坡係寫念奴嬌(赤壁懷古)先
再寫赤壁賦，最後先係後赤壁賦嘅
亦都係話，東坡寫完詞作，覺得仲有嘢要講
之後再寫其他兩賦，係詞嘅補充，亦都係獨立作品嘅連結
劉少雄：
相較於詞，賦體重鋪陳，發議論，是較理性的文體；而且須具問答的形式，更方便相對論題的開展。東坡另外的赤壁文學，捨詞而取賦體，可見他不想深陷於情緒中，想以更明白理性的態度、更長的篇幅來探索這難解的人生課題。以理導情，融情入景，以臻自然，應是他設定的方針。

我地當然可以由時間順序去睇赤壁三部曲
但亦不妨以詞為中心，倒轉時序黎睇
由前赤壁賦、後赤壁賦嘅思考內容，切入東坡詞作嘅情感抒發
詩詞往往係提煉濃縮嘅精華，需要更多輔助方能深入


東坡 後赤壁賦

是歲十月之望，步自雪堂，將歸于臨皋。二客從予過黃泥之坂。霜露既降，木葉盡脫，人影在地，仰見明月，顧而樂之，行歌相答。已而嘆曰：「有客無酒，有酒無肴，月白風清，如此良夜何！」客曰：「今者薄暮，舉網得魚，巨口細鱗，狀如松江之鱸。顧安所得酒乎？」歸而謀諸婦。婦曰：「我有斗酒，藏之久矣，以待子不時之需。」

呢到首先講東坡同兩位朋友準備返去臨皋休息
經過黃泥路，眼前只見霜露依附係無哂樹葉嘅木幹
但呢種深秋初冬景況，無阻佢地嘅歡樂
似乎有幾分「何夜無月？何處無竹柏？但少閑人如吾兩人耳」嘅意味

東坡於是係到講：
有客人果陣又無酒，有酒果陣又無菜餚
難得月明風清，天氣咁好我地做咩好！
客人就答佢：
我今日捉左條魚，應該幾好食
不過唔知呢個時候邊到有酒呢？
返到去佢地就同東坡老婆講
好彩東坡老婆平時都知佢地鍾意飲酒
特登留返一斗酒比佢地飲咋

于是攜酒與魚，復游于赤壁之下。江流有聲，斷岸千尺﹔山高月小，水落石出。曾日月之幾何，而江山不可復識矣。予乃攝衣而上，履巉巖，披蒙茸，踞虎豹，登虯龍，攀棲鶻之危巢，俯馮夷之幽宮。蓋二客不能從焉。劃然長嘯，草木震動，山鳴谷應，風起水涌。予亦悄然而悲，肅然而恐，凜乎其不可留也。反而登舟，放乎中流，聽其所止而休焉。

馮夷：水神名，即河伯
凜乎：凜，淒清。乎，歎詞

呢邊寫景當然寫得好精妙啦
「江流有聲，斷岸千尺；山高月小，水落石出」
江流、斷岸、山、月、水、石
無一不是對比，兩句都係對偶
「曾日月之幾何，而江山不可復識矣」
離上次黎赤壁都唔係好耐，但景色已經變到認唔到啦

好有趣嘅係，東坡係到強調：
「予乃攝衣而上」、「蓋二客不能從焉」
第一段用咁多筆墨寫兩位客人同遊之樂
但去到第二段，已經連影都無啦
點解會咁樣？
「履巉巖，披蒙茸，踞虎豹，登虯龍，攀棲鶻之危巢，俯馮夷之幽宮」
踏上險峻嘅山岩，撥開紛亂嘅野草
如虎豹可怕嘅怪石，如虯龍嘅樹枝
攀上猛禽雀巢嘅懸崖，下望水神嘅深宮
呢一切，其實都隱喻緊東坡嘅人生

驚起卻回頭，有恨無人省。揀盡寒枝不肯棲，寂寞沙洲冷。
有朋友相伴，去到孤獨前行
東坡於黃州嘅人生經驗，唔係正正係咁咩？
「劃然長嘯，草木震動，山鳴谷應，風起水涌。」
古人於情感翻覆之際，往往無法自制咁長嘯
東坡係呢種日子，寫下無數詞作

「予亦悄然而悲，肅然而恐，凜乎其不可留也。」
不可久留，正是：
我欲乘風歸去，又恐瓊樓玉宇，高處不勝寒。
人生一切高遠之精神境界，都係孤芳自賞
正因如此，只得東坡先見到赤壁嘅壯美

「反而登舟，放乎中流，聽其所止而休焉。」
返到船上，劃至江心，任憑漂流停泊
夜闌風靜縠紋平，小舟從此逝，江海寄餘生。
正如呢首詞一樣，東坡都係必須回到人群之中


時夜將半，四顧寂寥。適有孤鶴，橫江東來。翅如車輪，玄裳縞衣，戛然長鳴，掠予舟而西也。須臾客去，予亦就睡。夢一道士，羽衣翩仙，過臨皋之下，揖予而言曰：「赤壁之游樂乎？」問其姓名，俯而不答。「嗚呼！噫嘻！我知之矣。疇昔之夜，飛鳴而過我者，非子也邪？」道士顧笑，予亦驚寤。開戶視之，不見其處。

翩仙：飄然若仙

第三段有神仙幻想之語
東坡係自己船上，周圍都好靜無人
呢個時候竟然有孤鶴飛至，佢嘅翅膀有車轆咁大
黑色嘅尾巴如同黑裙子，上身嘅白羽如同潔白嘅上衣
長叫一聲，掠過船去到西邊遠處

東坡同客人告別，返屋企訓
夢見道士，著住羽毛織嘅衫黎到東坡屋企
呢位道士問東坡：
頭先玩得爽唔爽呀？
東坡緊係問佢：
喂阿哥你邊個黎？
道士就無出聲答東坡

「嗚呼！噫嘻！我知之矣。疇昔之夜，飛鳴而過我者，非子也邪？」
呵呵，我估到你係邊個啦！
你就係頭先飛鳴而過嘅孤鶴，係咪？
道士一笑，東坡由夢中驚醒

孤鶴，只係得東坡經驗孤高之時見到
道士，仙家之語，一直都係東坡出世嘅想像
呢一種日有所思，夜有所夢嘅渴望
正係暗示東坡若果唔係「凜乎其不可留也」
唔係驚高處不勝寒嘅話
或者佢真係可以成為孤鶴，雲遊四海

「開戶視之，不見其處」
驚醒開門，空無一人
或者我地心目中都有一個閑雲野鶴嘅夢
遠離一切無謂、煩瑣嘅世俗規則
但係正東坡一樣，夢係超乎現實
而夢境係非理性、不可控制嘅內心渴望
有時甚至如鬼魂纏身，伏於暗處
防不勝防，撲出黎令人驚醒

于是攜酒與魚，復游于赤壁之下。江流有聲，斷岸千尺﹔山高月小，水落石出。曾日月之幾何，而江山不可復識矣。予乃攝衣而上，履巉巖，披蒙茸，踞虎豹，登虯龍，攀棲鶻之危巢，俯馮夷之幽宮。蓋二客不能從焉。劃然長嘯，草木震動，山鳴谷應，風起水涌。予亦悄然而悲，肅然而恐，凜乎其不可留也。反而登舟，放乎中流，聽其所止而休焉。

馮夷：水神名，即河伯
凜乎：凜，淒清。乎，歎詞

呢邊寫景當然寫得好精妙啦
「江流有聲，斷岸千尺；山高月小，水落石出」
江流、斷岸、山、月、水、石
無一不是對比，兩句都係對偶
「曾日月之幾何，而江山不可復識矣」
離上次黎赤壁都唔係好耐，但景色已經變到認唔到啦

好有趣嘅係，東坡係到強調：
「予乃攝衣而上」、「蓋二客不能從焉」
第一段用咁多筆墨寫兩位客人同遊之樂
但去到第二段，已經連影都無啦
點解會咁樣？
「履巉巖，披蒙茸，踞虎豹，登虯龍，攀棲鶻之危巢，俯馮夷之幽宮」
踏上險峻嘅山岩，撥開紛亂嘅野草
如虎豹可怕嘅怪石，如虯龍嘅樹枝
攀上猛禽雀巢嘅懸崖，下望水神嘅深宮
呢一切，其實都隱喻緊東坡嘅人生

驚起卻回頭，有恨無人省。揀盡寒枝不肯棲，寂寞沙洲冷。
有朋友相伴，去到孤獨前行
東坡於黃州嘅人生經驗，唔係正正係咁咩？
「劃然長嘯，草木震動，山鳴谷應，風起水涌。」
古人於情感翻覆之際，往往無法自制咁長嘯
東坡係呢種日子，寫下無數詞作

「予亦悄然而悲，肅然而恐，凜乎其不可留也。」
不可久留，正是：
我欲乘風歸去，又恐瓊樓玉宇，高處不勝寒。
人生一切高遠之精神境界，都係孤芳自賞
正因如此，只得東坡先見到赤壁嘅壯美

「反而登舟，放乎中流，聽其所止而休焉。」
返到船上，劃至江心，任憑漂流停泊
夜闌風靜縠紋平，小舟從此逝，江海寄餘生。
正如呢首詞一樣，東坡都係必須回到人群之中


時夜將半，四顧寂寥。適有孤鶴，橫江東來。翅如車輪，玄裳縞衣，戛然長鳴，掠予舟而西也。須臾客去，予亦就睡。夢一道士，羽衣翩仙，過臨皋之下，揖予而言曰：「赤壁之游樂乎？」問其姓名，俯而不答。「嗚呼！噫嘻！我知之矣。疇昔之夜，飛鳴而過我者，非子也邪？」道士顧笑，予亦驚寤。開戶視之，不見其處。

翩仙：飄然若仙

第三段有神仙幻想之語
東坡係自己船上，周圍都好靜無人
呢個時候竟然有孤鶴飛至，佢嘅翅膀有車轆咁大
黑色嘅尾巴如同黑裙子，上身嘅白羽如同潔白嘅上衣
長叫一聲，掠過船去到西邊遠處

東坡同客人告別，返屋企訓
夢見道士，著住羽毛織嘅衫黎到東坡屋企
呢位道士問東坡：
頭先玩得爽唔爽呀？
東坡緊係問佢：
喂阿哥你邊個黎？
道士就無出聲答東坡

「嗚呼！噫嘻！我知之矣。疇昔之夜，飛鳴而過我者，非子也邪？」
呵呵，我估到你係邊個啦！
你就係頭先飛鳴而過嘅孤鶴，係咪？
道士一笑，東坡由夢中驚醒

孤鶴，只係得東坡經驗孤高之時見到
道士，仙家之語，一直都係東坡出世嘅想像
呢一種日有所思，夜有所夢嘅渴望
正係暗示東坡若果唔係「凜乎其不可留也」
唔係驚高處不勝寒嘅話
或者佢真係可以成為孤鶴，雲遊四海

「開戶視之，不見其處」
驚醒開門，空無一人
或者我地心目中都有一個閑雲野鶴嘅夢
遠離一切無謂、煩瑣嘅世俗規則
但係正東坡一樣，夢係超乎現實
而夢境係非理性、不可控制嘅內心渴望
有時甚至如鬼魂纏身，伏於暗處
防不勝防，撲出黎令人驚醒

樓主會唔會介紹多D東坡最精彩既詩？雖然最出名係詞

可能未來再出番外篇
我已經太偏心，寫東坡多好多篇

江流有聲，斷岸千尺﹔山高月小，水落石出。

十個正

前赤壁賦寫景仲正
明日出

原來「好風如水」係出自東坡

東坡出品，必屬佳品

明月如霜，好風如水，清景無限。曲港跳魚，圓荷瀉露，寂寞無人見。紞如三鼓，鏗然一葉，黯黯夢雲驚斷。夜茫茫，重尋無處，覺來小園行遍。

紞如：擊鼓聲
夢雲：夢見女子之意

上半片以倒敘手法，描述詞人一連串嘅客觀經驗
由夢醒至尋覓，尋覓中又見美景，卻有寂寞之情
明月如霜之句，可見全詞寫作嘅規律
明月對好風
霜對水
首兩句對偶，尾句凝聚出焦點
清景無限，全在明月清風

深夜寂靜，三更鼓聲
以至一葉搖曳，都能令人從夢中驚醒
夢醒爾後，猶有昏沈，走出小園
只見夜色茫茫，欲尋回夢中女子不得，再三徘徊
深夜無人，東坡眼見明月灑於池塘

「夜茫茫，重尋無處，覺來小園行遍。」
清風掠過林木，正是美景當前
美景當前，心中卻有寂寞之意
魚跳露瀉，至少有東坡見證
但又有邊個見證東坡此時此刻嘅孤單呢？

https://www.youtube.com/watch?v=2VFKNalvnpo
天涯倦客，山中歸路，望斷故園心眼。燕子樓空，佳人何在？空鎖樓中燕。古今如夢，何曾夢覺！但有舊歡新怨。異時對，黃樓夜景，為余浩嘆。

下半片重於抒情，夢醒尋覓不得嘅情感
東坡自悲身世，仕途幾經波折
詩人多遊宦，四處飄盪
無方法返去家鄉，唯有係做天涯倦客啦
歸路何在？山中之路曲折難行
望斷即不見其終止之處
心眼，佛家之語
此處應指內心嘅渴求
僅能想像而不能達成嘅希冀

「燕子樓空，佳人何在？」
這種情思，更進而成為東坡對歷史嘅悲感
舊時王謝堂前燕，飛入尋常百姓家
東坡有相似嘅感慨，以一設問，自問自答
說出如「逝者如斯夫，不捨晝夜」嘅浩歎
張建封為關盼盼所建之樓，如今卻人去樓空
只有後人憑古蹟見證滄桑
只有燕子仍舊飛至橫樑佇立

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

「異時對，黃樓夜景，為余浩嘆。」
異時，意指不同時代
東坡嘅夢即人生，人生即夢
東坡係後世先見到燕子樓嘅虛妄
呢一個時代，東坡又為百姓所建造黃樓
百年身死，後人唔係都有相同嘅感慨咩？

東坡由歷史嘅縱深，對照哲理嘅高度
從古至今，的確都係好似莊周夢蝶咁樣
個人以至歷史，歷史又回到個人
東坡只得浩歎一聲：
再美好嘅人事，最後
最後都係他人從景物見證自己嘅事跡
我地都係活係夢一般嘅人生
但又無法脫離人生嘅夢呀！

呢首好哲學喎

哲理詩哲理詞
寫得好特別吸引
尤其呢種作品數量唔多

後赤壁賦好精彩
不過睇得出東坡內心都好多掙扎
最後嘅夢醒都幾悲情

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

睇完上一篇解說再睇埋今次呢幾句
「予亦悄然而悲，肅然而恐，凜乎其不可留也。」

真係好慨嘆我地只不過是人非夢
好無力好無力

後赤壁賦好精彩
不過睇得出東坡內心都好多掙扎
最後嘅夢醒都幾悲情

係精彩，好有趣嘅係
前赤壁賦同赤壁懷古都係比較超然
但去到最後嘅後赤壁賦又見其掙扎
都好反映東坡呢個文學家
充滿彈性嘅動態心路歷程

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

睇完上一篇解說再睇埋今次呢幾句
「予亦悄然而悲，肅然而恐，凜乎其不可留也。」

真係好慨嘆我地只不過是人非夢
好無力好無力

巴打讀得好深入，的確如此呀⋯⋯
希望前赤壁賦同赤壁懷古嘅解讀
可以令巴打無咁愁，東坡係前兩作比較超脫
返黎今晚再出文

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

睇完上一篇解說再睇埋今次呢幾句
「予亦悄然而悲，肅然而恐，凜乎其不可留也。」

真係好慨嘆我地只不過是人非夢
好無力好無力

巴打讀得好深入，的確如此呀⋯⋯
希望前赤壁賦同赤壁懷古嘅解讀
可以令巴打無咁愁，東坡係前兩作比較超脫
返黎今晚再出文

之前都有睇過兩篇赤壁賦
當時覺得相比之下後赤壁賦平平無奇
但順住探長介紹佢既生平
如今再讀才忽覺其精闢之處
又諗起佢曾經寫過「平淡，絢爛之極也。」

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

睇完上一篇解說再睇埋今次呢幾句
「予亦悄然而悲，肅然而恐，凜乎其不可留也。」

真係好慨嘆我地只不過是人非夢
好無力好無力

巴打讀得好深入，的確如此呀⋯⋯
希望前赤壁賦同赤壁懷古嘅解讀
可以令巴打無咁愁，東坡係前兩作比較超脫
返黎今晚再出文

之前都有睇過兩篇赤壁賦
當時覺得相比之下後赤壁賦平平無奇
但順住探長介紹佢既生平
如今再讀才忽覺其精闢之處
又諗起佢曾經寫過「平淡，絢爛之極也。」

我當初睇完前赤壁賦
再睇後赤壁賦，都覺得一般
尤其不解仙人之語，怪力亂神
前赤壁賦講得咁超然，但後赤壁賦咁壓抑
睇完會失望，點解又跌返一個層次

但東坡嘢睇多左
自己都大，明白到文學家都係人
要真正理解東坡
就唔可以用文學史片面定型佢
東坡邊有可能每次都咁超脫
東坡同我地一樣，都有好多雜亂嘅情緒
後赤壁賦，相對黎講係好真實
難怪袁枚會話後赤壁賦精彩過前赤壁賦

睇完你地傾
更加期待巴打今日講前赤壁賦

「古今如夢，何曾夢覺！但有舊歡新怨。」
東坡有「古今如夢」之感
「何曾夢覺」，正係化用莊子之哲理
千古如是，後世如是，係人無法脫離嘅生存困境
就算曾有覺悟，但人生種種情感瑣事紛紛襲來
舊歡新怨隨即又成一新夢，令人無法自拔

睇完上一篇解說再睇埋今次呢幾句
「予亦悄然而悲，肅然而恐，凜乎其不可留也。」

真係好慨嘆我地只不過是人非夢
好無力好無力

巴打讀得好深入，的確如此呀⋯⋯
希望前赤壁賦同赤壁懷古嘅解讀
可以令巴打無咁愁，東坡係前兩作比較超脫
返黎今晚再出文

之前都有睇過兩篇赤壁賦
當時覺得相比之下後赤壁賦平平無奇
但順住探長介紹佢既生平
如今再讀才忽覺其精闢之處
又諗起佢曾經寫過「平淡，絢爛之極也。」

凡文字少小時須令氣象崢嶸， 彩色絢爛， 漸老漸熟， 乃造平淡； 其實不是平淡， 絢爛之極也。

哇，即刻查返成句
好正！