【宋詞趣談】小二，黎一碗東坡肉！！！(多圖餓撚勿入)

盡快
下首講東坡詞神作

其實呢首詞最後一句有兩個版本：
1.揀盡寒枝不肯棲，寂寞沙洲冷
2.揀盡寒枝不肯棲，楓落吳江冷

直白嘅「寂寞」，含蓄嘅「楓落」，各有妙處
同樣以景作結，彷彿係東坡仍然仲未適應遠方嘅冷清
世人常稱東坡豁達，但卻不知東坡之能如此，必先經過一大困境
而呢首詞，不妨視作東坡一生一大轉折嘅心境呈現
另外亦都可以問吓自己：
兩個版本，你又鍾意邊一句結尾呢？

又係有兩個版本
真正版本係咪已不可考？
我自己就buy「楓落吳江冷」多D，婉轉含蓄D

我都中意『楓落吳江冷』，一來正係婉轉含蓄，二來『楓落』聲音好聽過『寂寞』，三來天寒葉落，前後襯托。

其實呢首詞最後一句有兩個版本：
1.揀盡寒枝不肯棲，寂寞沙洲冷
2.揀盡寒枝不肯棲，楓落吳江冷

直白嘅「寂寞」，含蓄嘅「楓落」，各有妙處
同樣以景作結，彷彿係東坡仍然仲未適應遠方嘅冷清
世人常稱東坡豁達，但卻不知東坡之能如此，必先經過一大困境
而呢首詞，不妨視作東坡一生一大轉折嘅心境呈現
另外亦都可以問吓自己：
兩個版本，你又鍾意邊一句結尾呢？

又係有兩個版本
真正版本係咪已不可考？
我自己就buy「楓落吳江冷」多D，婉轉含蓄D

我都中意『楓落吳江冷』，一來正係婉轉含蓄，二來『楓落』聲音好聽過『寂寞』，三來天寒葉落，前後襯托。

巴打好有見地
楓落吳江冷，楓落嘅動態係好美嘅
如果諗埋鏡頭嘅轉換，係慢鏡聚焦放大咁墜落
寂寞二字就失去呢種鏡頭，直抒心境

個人認為寂寞沙州冷完勝楓落吳江冷

願聞其詳

個人認為寂寞沙州冷完勝楓落吳江冷

願聞其詳

巴打快講幾句，又可以放入Blog

人生三境：東坡超曠詞之代表
共讀東坡定風波(三月七日沙湖道中遇雨。雨具先去，同行皆狼狽，余獨不覺。已而遂晴，故作此。)



我喜歡東坡在黃州給朋友寫信的一段話，他說，在市集喝酒，為醉漢推罵，「自喜漸不為人識」。東坡年輕就有盛名，因為有「名」，容易沾沾自喜。「名」當然只是自己執著，到了鄉下荒野市集，拉車賣菜的，誰知道你有「名」？市集裡當然沒有人認識東坡，喝醉了酒，跌跌撞撞，推倒東坡，還罵他兩句。東坡大概最初也生氣，但想一想，沒有人認識他了──「自喜漸不為人識」，多麼高興，漸漸沒有人知道他是誰了。
——蔣勳

正文第二十四章

東坡 定風波(三月七日沙湖道中遇雨。雨具先去，同行皆狼狽，余獨不覺。已而遂晴，故作此。)

莫聽穿林打葉聲。何妨吟嘯且徐行。竹杖芒鞋輕勝馬。誰怕？一蓑煙雨任平生。

料峭春風吹酒醒。微冷。山頭斜照卻相迎。回首向來蕭瑟處。歸去；也無風雨也無晴。

東坡超曠之作不少，我地都已經讀過幾首
例如甘聲八州(寄參寥子)、水調歌頭(黃州快哉亭贈張偓佺)等
都係讀落好明快，兼之富有東坡嘅人生哲學
但係我地讀過嘅詞作，都無呢一首咁出名咁深入人心

呢首詞嘅序寫得明確，係一個好嘅「定向閱讀」
三月七日係沙湖道遇雨，但雨具又唔係手喎
東坡係到恥笑同行嘅人都好狼狽不咁狂奔
喂有咩值得咁做，唉濕哂唉唔撚驚啦！
等一陣真係變返晴天，東坡因此特作此詞



莫聽穿林打葉聲。何妨吟嘯且徐行。竹杖芒鞋輕勝馬。誰怕？一蓑煙雨任平生。

首句「莫聽」，係呼叫嘅語氣
東坡係到講：落雨，又有咩好怕喎！
暴雨之中，雨水點點穿擦竹林，滴滴打響綠葉
突如其來嘅變化，引起眾人嘅驚慌
甚至係無意識咁就拔足奔逃

其實無雨具，跑得再快咪又係濕哂
正因為咁，東坡先勸大家唔好驚慌失措
由此，生出「何妨」
既然點都係濕，不如乘著雨水吟嘯高歌，慢慢感受
東坡呢種超越常人嘅霸氣貫穿全詞嘅情景


「竹杖芒鞋輕勝馬。誰怕？一蓑煙雨任平生。」
竹杖、芒鞋，係馬嘅對比
前者係慢慢散步嘅工具，後者則係趕路用嘅動物
形容東坡嘅悠閒，暗示詞人面對逆境都唔會匆忙慌亂

「誰怕」乃一反問，引出東坡嘅超曠
風雨之逆境，係詞人眼中都係平常事，影響唔到心境嘅平淡
「一蓑煙雨任平生」，披住草蓑，任煙雨沾上
面對逆境，平常處之，其實都無咩好怕

料峭春風吹酒醒。微冷。山頭斜照卻相迎。回首向來蕭瑟處。歸去；也無風雨也無晴。

下半片由逆境轉入順境，再由東坡超曠嘅哲理收筆
春風一吹，詞人酒醒，原來佢之前飲醉左
呢種醉意，亦都令佢催生「吟嘯且徐行」嘅瀟脫
酒醒之後，略有寒意
東坡嘅心境更為澄明，哲眼觀世更加清晰
此時風雨盡去，陽光斜照，可謂一可喜之順境

凡人處世，常因客觀境況，主導喜怒哀樂
就算樂境也好，苦境也罷，都係被外界決定
「悲喜不由己」，東坡不欲如此
故有第三境，「也無風雨也無晴」之寧境


「回首向來蕭瑟處。歸去；也無風雨也無晴。」
詞人於沙湖道中回首前路，落葉殘花，同行狼狽
歷歷在目，凝固風雨蕭瑟之不堪
咁樣嘅逆境已經過去啦，眼前暖陽斜照，好似好美好

詞人舉足相迎，雙目卻回顧後路
無喜無悲，順逆不動
係呢一刻，東坡已經超越外在環境
由相迎到回首，回首至歸去
「歸」之一字，即生命之歸宿
人生最後安頓之處，東坡意指，應係家鄉嘅「根」

歸去係東坡安頓嘅夢想，而係達成呢個夢想之前
人生所經，東坡希望做到「也無風雨也無晴」
簡單黎講，即係平常心
做到不以物喜，不以己悲嘅境界先係最難

東坡當然都唔係成日做到啦，但至少佢係呢一刻嘅人生境遇做到
由人生順逆之景，生出超曠嘅理境
用豁達嘅心，解脫受外界控制嘅心境
呢首詞入面，我地見唔到議論
東坡高明嘅地方，係用具體常見嘅風雨隱喻人生
我地嘅人生何嘗唔係成日都有風雨？
東坡同緊我地講：
何妨吟嘯且徐行，驚咩？

回首向來蕭瑟處。歸去；也無風雨也無晴。

好鬼有型!!!

呢首係好多人最鍾意嘅東坡詞作
寫得淺白又有畫面，真係做到流傳千古
都幾可惜香港教科書好似無

樓主係唔係中學老師黎

樓主係唔係中學老師黎

做老師要影相先架
我都無影

回首向來蕭瑟處。歸去；也無風雨也無晴。

好鬼有型!!!

呢首係好多人最鍾意嘅東坡詞作
寫得淺白又有畫面，真係做到流傳千古
都幾可惜香港教科書好似無

有。CE其中一篇範文。

回首向來蕭瑟處。歸去；也無風雨也無晴。

好鬼有型!!!

呢首係好多人最鍾意嘅東坡詞作
寫得淺白又有畫面，真係做到流傳千古
都幾可惜香港教科書好似無

有。CE其中一篇範文。

DSE好似無左

溫柔賢淑，賢妻良母王閨之
讀東坡蝶戀花(同安君生日放魚，取金光明經救魚事)

正文第二十五章

東坡 蝶戀花(同安君生日放魚，取金光明經救魚事)

泛泛東風初破五，江柳微黃，萬萬千千縷。佳氣鬱蔥來繡戶，當年江上生奇女。

一琖壽觴誰與舉，三箇明珠，膝上王文度。放盡窮鱗看圉圉，天公為下曼陀雨。

我地之前講王弗同東坡浪漫動人嘅愛情故事
係王弗死後三年，王弗嘅堂妹王閨之就嫁比東坡
有可能，係王弗病重果陣，已經按排呢頭親事
因為王閨之仲係細路女，就好崇拜東坡架啦

王閨之嘅性格好溫順，同王弗會教吓東坡做人唔同
王閨之呢，就只會盡心咁聽老公仔話
既然同為王氏家族，自然對王弗生嘅仔視如己出
生左兩個仔，為東坡提供和諧安穩嘅家庭


小兒不識愁，起坐牽我衣。
我欲嗔小兒，老妻勸兒癡。
兒癡君更甚，不樂愁何為？
還坐愧此言，洗盞當我前。
大勝劉伶婦，區區為酒錢。

東坡曾經寫過一首詩，係佢密州做太守果陣
遇上蝗災四起，百姓饑饉，民不聊生
王閨之為佢提供最大嘅支持同動力
阿仔唔識性，係到煩住老豆
老豆鬧到佢仆街啦，個仔即刻痴住阿媽

王閨之又哄阿仔，又倒茶比東坡
王閨之笑笑口咁講：
阿仔係痴人，點知你仲痴過佢
做人最緊開心呀！
東坡呢刻就好感激王閨之嘅無限支持啦

王閨之陪伴東坡大半生
特別係經過烏臺詩案同黃州時期嘅困苦
見住老公比人捉，雖然嚇都死死吓
但依然堅守家庭，忠貞不二
足足計落有成二十五年，真係夫復何求
王閨之死後，東坡寫過一首悼亡詞


東坡 蝶戀花(同安君生日放魚，取金光明經救魚事)

泛泛東風初破五，江柳微黃，萬萬千千縷。佳氣鬱蔥來繡戶，當年江上生奇女。

繡戶：大戶人家

詞題係講緊東坡係王閨之生辰果陣
買魚放生，行善以求超渡死者
有趣嘅係，我地會見到東坡悼亡嘅態度已經好唔同
相比之前寫比王弗嘅「十年生死相茫茫」
呢首悼亡詞係無咁悲傷，甚至幾睇得開
主要係因為東坡對死後嘅世界，睇法唔同左
特別經過黃州困苦，對佛家嘅思想更有研究
因此即使面對生死大事，都無之前咁灰

東風吹來，天時漸暖
又到王閨之初五嘅生日啦
呢到嘅江邊嘅柳樹有微微嘅黃色
樹幹枝葉隨風而擺，萬萬千千縷
萬萬千千縷，都好似東坡對老婆嘅思念

東坡遙想，當年王閨之出生大戶人家
家鄉眉州青神，江山秀美，岷江穿境而過
「佳氣」、「鬱蔥」、「奇女」
都係歌頌王閨之嘅美德，出身之不凡
正係情人眼中出西施


一琖壽觴誰與舉，三箇明珠，膝上王文度。放盡窮鱗看圉圉，天公為下曼陀雨。

圉圉：擠迫

呢杯賀喜生日嘅壽酒
東坡又可以向邊個舉起呢？
「三箇明珠」，係講緊東坡三個仔
「膝上王文度」，借用晉人王述典故
王述極愛其子王坦之
「雖長大，猶抱置膝上」
呢到東坡講王閏之對三個仔都好好

「放盡窮鱗看圉圉，天公為下曼陀雨」
呢到講緊東坡放生魚嘅數量好多
望落去好似堆魚都迫埋一齊咁
上次東坡為王弗種樹，今次為王閨之放魚

東坡呢邊借用佛教典故
傳說係西方極樂世界
有種極芬芳美麗嘅花叫曼陀羅花
不論晝夜都無間斷咁從天上落下，滿地繽紛

《阿彌陀經》:「晝夜六時，天雨曼陀羅花。」
曼陀羅，梵語音譯，意為悅意花
表層係話，上天可憐堆魚咁迫，落雨增加水量
深層黎講，係指希望上天可以保佑死者安樂

東坡哀而不傷，以佛家作寄託
經過咁多事情，對生死離別都無咁極端
三位情人都比東坡早死
每一首悼亡詞，都有唔同嘅呈現
大家不妨細細品味當中嘅深情

回首向來蕭瑟處。歸去；也無風雨也無晴。

好鬼有型!!!

呢首係好多人最鍾意嘅東坡詞作
寫得淺白又有畫面，真係做到流傳千古
都幾可惜香港教科書好似無

有。CE其中一篇範文。

DSE好似無左

我地老啦
下年dse有範文但無定風波

樓主係唔係中學老師黎

做老師要影相先架
我都無影

莫聽穿林打葉聲。何妨吟嘯且徐行。竹杖芒鞋輕勝馬。誰怕？一蓑煙雨任平生。

首句「莫聽」，係呼叫嘅語氣
東坡係到講：落雨，又有咩好怕喎！
暴雨之中，雨水點點穿擦竹林，滴滴打響綠葉
突如其來嘅變化，引起眾人嘅驚慌
甚至係無意識咁就拔足奔逃

其實無雨具，跑得再快咪又係濕哂
正因為咁，東坡先勸大家唔好驚慌失措
由此，生出「何妨」
既然點都係濕，不如乘著雨水吟嘯高歌，慢慢感受
東坡呢種超越常人嘅霸氣貫穿全詞嘅情景


「竹杖芒鞋輕勝馬。誰怕？一蓑煙雨任平生。」
竹杖、芒鞋，係馬嘅對比
前者係慢慢散步嘅工具，後者則係趕路用嘅動物
形容東坡嘅悠閒，暗示詞人面對逆境都唔會匆忙慌亂

「誰怕」乃一反問，引出東坡嘅超曠
風雨之逆境，係詞人眼中都係平常事，影響唔到心境嘅平淡
「一蓑煙雨任平生」，披住草蓑，任煙雨沾上
面對逆境，平常處之，其實都無咩好怕

好鍾意上半片最後自問自答

莫聽穿林打葉聲。何妨吟嘯且徐行。竹杖芒鞋輕勝馬。誰怕？一蓑煙雨任平生。

首句「莫聽」，係呼叫嘅語氣
東坡係到講：落雨，又有咩好怕喎！
暴雨之中，雨水點點穿擦竹林，滴滴打響綠葉
突如其來嘅變化，引起眾人嘅驚慌
甚至係無意識咁就拔足奔逃

其實無雨具，跑得再快咪又係濕哂
正因為咁，東坡先勸大家唔好驚慌失措
由此，生出「何妨」
既然點都係濕，不如乘著雨水吟嘯高歌，慢慢感受
東坡呢種超越常人嘅霸氣貫穿全詞嘅情景


「竹杖芒鞋輕勝馬。誰怕？一蓑煙雨任平生。」
竹杖、芒鞋，係馬嘅對比
前者係慢慢散步嘅工具，後者則係趕路用嘅動物
形容東坡嘅悠閒，暗示詞人面對逆境都唔會匆忙慌亂

「誰怕」乃一反問，引出東坡嘅超曠
風雨之逆境，係詞人眼中都係平常事，影響唔到心境嘅平淡
「一蓑煙雨任平生」，披住草蓑，任煙雨沾上
面對逆境，平常處之，其實都無咩好怕

好鍾意上半片最後自問自答

我都好鍾意
古典文學嘅問句好緊要

今個星期有大搞作
各位記得留意

咁純粹既忠貞到底而家仲存唔存在

留名

咁純粹既忠貞到底而家仲存唔存在

你講邊一方面？
東坡對國家都忠貞架
佢絕筆詩第一句都係讚皇帝