【宋詞趣談】小二，黎一碗東坡肉！！！(多圖餓撚勿入)

巴打你邊間U中文系

巴打你邊間U中文系

文科仔邊間都差唔多

清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

由負約去到回憶，由回憶再去到想像未來
呢首詞真係一絕，讀落好多地方回味

近代都有人寫滿江紅

滿江紅·和郭沫若同志
1963.01.09 毛澤東

小小寰球，有幾個 蒼蠅碰壁。嗡嗡叫，幾聲淒厲，幾聲抽泣。螞蟻掾緣槐誇大國，蚍蜉撼樹談何易。正西風 落葉下長安，飛鳴鏑。

多少事，從來急；天地轉，光陰迫。一萬年太久，只爭朝夕。四海翻騰雲水怒，五洲震盪風雷激。要掃除 一切害人蟲，全無敵。

條契弟擺明想做鳩全中國，終於比佢得償所願，留下一班恬不知恥嘅人。

佢應該係近代係古詩詞最出名嘅人
仲要迫哂成中國睇佢作品

明年今日：互相思念的友誼
共讀東坡永遇樂 (孫巨源以八月十五日離海州，坐別於景疏樓上，既而與余會於潤州，至楚州乃別。余以十一月十五日至海州，與太守會於景疏樓上，作此詞以寄巨源。)

正文第十一章

東坡 永遇樂 (孫巨源以八月十五日離海州，坐別於景疏樓上，既而與余會於潤州，至楚州乃別。余以十一月十五日至海州，與太守會於景疏樓上，作此詞以寄巨源。)

長憶別時，景疏樓上，明月如水。美酒清歌，留連不住，月隨人千里。別來三度，孤光又滿，冷落共誰同醉？捲珠簾、淒然顧影，共伊到明無寐。

今朝有客，來從濉上，能道使君深意。憑仗清淮，分明到海，中有相思淚。而今何在？西垣清禁，夜永露華侵被。此時看，回廊曉月，也應暗記。

我地讀過東坡愛情同兄弟嘅詞作
不妨可以讀埋東坡寫比朋友嘅傑出作品
眾所周知，東坡嘅朋友真係數之不盡
呢種寫比朋友嘅作品，大體可分為二：
有方外之士，即係道士、和尚，反映超脫嘅精神
亦都有同樣進身廟堂嘅士大夫，呈現入世嘅思想

今次我地先讀呢一首
東坡寫比同樣因反對王安石變法而調任地方官嘅朋友
呢位朋友叫孫巨源，東坡同佢係同僚，感情不俗
曾經寫過〈潤州甘露書彈箏〉詩
採桑子(潤州多景樓與孫巨源相遇)、更漏子(送孫巨源)詞比佢


東坡 採桑子(潤州多景樓與孫巨源相遇)
多情多感仍多病，多景樓中。尊酒相逢。樂事回頭一笑空。
停杯且聽琵琶語，細捻輕攏。醉臉春融。斜照江天一抹紅。

呢首係佢地相會係潤州時即席之作
描寫佢地係高樓相會，旁有歌妓唱樂
相對我地要細讀嘅作品，情感雖然唔係好深刻
但頗能一觀佢地相會嘅情況
東坡同世俗嘅朋友，做返俗世嘅事
咁樣，其實先係友情最常見嘅情況

長憶別時，景疏樓上，明月如水。美酒清歌，留連不住，月隨人千里。別來三度，孤光又滿，冷落共誰同醉？捲珠簾、淒然顧影，共伊到明無寐。

呢首詞題目好詳細，點出東坡書寫此作嘅時間、地點、思憶嘅人
東坡因為孫巨源係八月十五日於景疏樓坐別海洲
又係潤洲同東坡等友人會晤歡飲
之後兩個一齊去楚洲，東坡北去密州，孫巨源西至首都開封
東坡三個月後，十一月十五日重遊此地，同新任大守坐食於景疏樓上
有感而發，景在人散，作詞思憶呢位好朋友

上半片力寫東坡於景疏樓上，物是人非嘅感慨
詞人眼見月光如漫天江水，冷冷柔柔灑落四野
諗起三個月前嘅景疏樓，人卻四散，唔知幾時有得再見
「長憶」，主詞缺乏賦予兩個可能：
1.東坡成日諗起之前分離嘅情況
2.巨源成日諗起之前分離嘅情況

我地不妨可以理解做兩者皆是
中國古代嘅知己，本來就係互相嘅想念
東坡想巨源，巨源想東坡，係佢地兩個都確信嘅事
一前一後的景疏樓，空間、景物以至時間契合（同是十五日）
東坡呢種懸想，令自己、朋友有交疊對照嘅感通

「美酒清歌，留連不住，月隨人千里」
美酒清歌，猶是歷歷在目，此刻冷清卻告訴詞人現實嘅無奈
「留連」，不捨
「不住」，再不捨都無法改變
明月高懸，千里係心嘅距離
同時東坡嘅心又有如月光咁照
就算友人遠在開封，仍然都會照到

「別來三度，孤光又滿，冷落共誰同醉」
離別之後三度月圓，月亮又未嘗唔係東坡引發思憶嘅象徵？
月本不孤，孤者在心
相似嘅月圓之夜，人呢？
同醉嘅首要條件，要先有好友
此一反問，盡見了巨源係東坡心中之重

為左睇明月，東坡捲起珠簾，低首思憶
低首卻只見孤獨嘅影子相伴
「淒然顧影」，形影相弔
好友不在，月影相伴，思念而無眠

今朝有客，來從濉上，能道使君深意。憑仗清淮，分明到海，中有相思淚。而今何在？西垣清禁，夜永露華侵被。此時看，回廊曉月，也應暗記。

下半片的由實入虛，盡見詞人想像
巨源嘅朋友，同東坡講：佢都好掛住你呀！
「憑仗清淮」，東坡將想念化成相思淚
再由清淮流入大海，自然澎湃，滔滔不絕
巨源，你Feel唔Feel到？

呢種象徵手法係中國詩詞常見
秦觀：
「便作春江都是淚，流不盡、許多愁。」
岑參：
「渭水東流去，何時到雍州？憑添雨行淚，寄向故園流。」
文學嘅想像，未必要合於現實經驗
無理而妙，想像更能呈現美感

「而今何在？」
此一問句係東坡嘅想像，你而家係邊？
你係咪係中書省清冷嘅宮廷值夜？
「夜永露華侵被」
長夜漫漫，冬寒露氣，透衣入心
呢種冷，同我一樣係因為孤獨

「此時看，回廊曉月，也應暗記」
巨源啊巨源，睇吓回廊月光
月光傳遞緊我嘅思念之情，好似我地相會時嘅明月
你掛住我，我掛住你
有情如此，孤光不孤
東坡好似講緊：就算我唔係你身邊
都唔可以唔記得景疏樓嘅歡樂
回憶嘅美好，友情嘅溫暖
應該可以消除當下現實嘅冷酷吧！

如果想自學中國文學應該點做
唔識點入手

呢個係我開post嘅原因
可以先跟呢邊嘅文慢慢學
然後自己有興趣再睇吓更多作品
自然就會入手

巴打可唔可以講吓有咩入門書

龔鵬程有兩本都幾推薦：
中國文學十五講
文學散步
用字淺白，內容好正

征鴻 其實咩黎?

征鴻 其實咩黎?

遠飛嘅大雁
成日用黎寄托感情

難以超越的現實，無法阻擋的約定
共讀東坡滿江紅(懷子由作)

與君今世為兄弟，又結來生未了因。
——東坡

正文第十二章

東坡　滿江紅(懷子由作)

清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

呢篇最後為東坡子由之情作結
我地只好穿梭時空，跳到東坡五十七歲，子由五十四歲
佢地都已經係老人家啦，東坡仲有七年嘅人生
距離當初嘅約定，似乎仲未有實現嘅一日
但係餘下嘅人生已經唔多，又點會唔令人悲傷呢？
又點會唔再次「懷子由」呢？


清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

上半片用兩個意象起首，我地稱之為「複合意象」
即係呢兩個意象結合起黎，更有力咁表達相似嘅情思
抽象嘅愁借流水具體化，一個「送」字
可以想像係流水相送，詞人眼送
流水之盡之上，只見征鴻遠飛

係中國詩文化入面，「征鴻」往往象徵羈旅飄泊
詞人借物起興，由流水、征鴻中有所「情亂」
愁起不止，有如萬重青山、千疊白浪，紛亂不休
呢兩個意象都係自然現象，自然嘅循環不休
其浩瀚嘅力量，更顯東坡思念之濃烈

「孤負當年林下語，對床夜雨聽蕭瑟」
上面都係虛寫，呢到轉入實事
唔再只係普遍嘅泛情，係東坡個人切身嘅生活經驗
〈辛丑十一月十九日既與子由別于鄭州西門之外馬上賦詩一篇寄之〉：
亦知人生要有別，但恐歲月去飄忽。
寒燈相對記疇昔，夜雨何時聽蕭瑟。

如今東坡老去，回首此約
只覺「孤負」子由，只有感傷悔恨之情
呢兩句實事撐起上半片嘅虛神，虛實相生
家鄉，本係人嘅最終歸屬，本是人嘅心靈渴求
如今卻係「恨此生長向別離中，彫華髮」
聚少離多，或者人生嘅時日也無多


一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

下半片東坡再次落入回憶過往，甚至係幻想
係十五年前，東坡同子由相見於澶濮，小聚於東園
就曾經攞酒對飲，旁邊對住黃河流道
東坡似乎係到幻想，如果我地可以再次一齊
多少往事，也能從頭細說

「相看恍如昨，許多年月」
眼前一切熟悉得歷歷在目，有如昨天才相見會談
衣上縱有過去因孤負流下嘅淚痕，但當我地告老還鄉
果種開心呢，真係喜形於色，連眉間也沾上黃色

「便與君，池上覓殘春，花如雪」
東坡寄詞未來：
呢種幻想嘅開心，仲有機會成真架
我地退休，就可以一齊養老啦
就算係「殘春」、「如雪」，都無所謂
老家池塘，係家嘅歸屬
即使再遲，也總有殘春可覓，花雪足賞

縱觀東坡子由一生，「雨夜對床」，反覆重現
呢種一心想回到家鄉，兄弟安穩老去嘅理想無法失實
不過得兄弟如此，已經好幸福啦
東坡係入獄以為自己就死時寫過：
「與君今世為兄弟，又結來生未了因。」
呢種手足之情，就算有些許遺憾，都足以令人傾慕

兄弟之間互相既感情好到咁的確難得

好多人兄弟姊妹分左家之後通常都會疏遠，即使小時玩得幾埋

好多人兄弟姊妹分左家之後通常都會疏遠，即使小時玩得幾埋

其實係
古代重視骨肉親情
應該唔係現代人可以諗到
當然最重要係佢地志氣相投

難以超越的現實，無法阻擋的約定
共讀東坡滿江紅(懷子由作)

與君今世為兄弟，又結來生未了因。
——東坡

正文第十二章

東坡　滿江紅(懷子由作)

清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

呢篇最後為東坡子由之情作結
我地只好穿梭時空，跳到東坡五十七歲，子由五十四歲
佢地都已經係老人家啦，東坡仲有七年嘅人生
距離當初嘅約定，似乎仲未有實現嘅一日
但係餘下嘅人生已經唔多，又點會唔令人悲傷呢？
又點會唔再次「懷子由」呢？


清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

上半片用兩個意象起首，我地稱之為「複合意象」
即係呢兩個意象結合起黎，更有力咁表達相似嘅情思
抽象嘅愁借流水具體化，一個「送」字
可以想像係流水相送，詞人眼送
流水之盡之上，只見征鴻遠飛

係中國詩文化入面，「征鴻」往往象徵羈旅飄泊
詞人借物起興，由流水、征鴻中有所「情亂」
愁起不止，有如萬重青山、千疊白浪，紛亂不休
呢兩個意象都係自然現象，自然嘅循環不休
其浩瀚嘅力量，更顯東坡思念之濃烈

「孤負當年林下語，對床夜雨聽蕭瑟」
上面都係虛寫，呢到轉入實事
唔再只係普遍嘅泛情，係東坡個人切身嘅生活經驗
〈辛丑十一月十九日既與子由別于鄭州西門之外馬上賦詩一篇寄之〉：
亦知人生要有別，但恐歲月去飄忽。
寒燈相對記疇昔，夜雨何時聽蕭瑟。

如今東坡老去，回首此約
只覺「孤負」子由，只有感傷悔恨之情
呢兩句實事撐起上半片嘅虛神，虛實相生
家鄉，本係人嘅最終歸屬，本是人嘅心靈渴求
如今卻係「恨此生長向別離中，彫華髮」
聚少離多，或者人生嘅時日也無多


一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

下半片東坡再次落入回憶過往，甚至係幻想
係十五年前，東坡同子由相見於澶濮，小聚於東園
就曾經攞酒對飲，旁邊對住黃河流道
東坡似乎係到幻想，如果我地可以再次一齊
多少往事，也能從頭細說

「相看恍如昨，許多年月」
眼前一切熟悉得歷歷在目，有如昨天才相見會談
衣上縱有過去因孤負流下嘅淚痕，但當我地告老還鄉
果種開心呢，真係喜形於色，連眉間也沾上黃色

「便與君，池上覓殘春，花如雪」
東坡寄詞未來：
呢種幻想嘅開心，仲有機會成真架
我地退休，就可以一齊養老啦
就算係「殘春」、「如雪」，都無所謂
老家池塘，係家嘅歸屬
即使再遲，也總有殘春可覓，花雪足賞

縱觀東坡子由一生，「雨夜對床」，反覆重現
呢種一心想回到家鄉，兄弟安穩老去嘅理想無法失實
不過得兄弟如此，已經好幸福啦
東坡係入獄以為自己就死時寫過：
「與君今世為兄弟，又結來生未了因。」
呢種手足之情，就算有些許遺憾，都足以令人傾慕

兄弟之間互相既感情好到咁的確難得

再睇返東坡講千里共嬋娟
特別有說服力

不得了好易入口

好多人兄弟姊妹分左家之後通常都會疏遠，即使小時玩得幾埋

其實係
古代重視骨肉親情
應該唔係現代人可以諗到
當然最重要係佢地志氣相投

大家族已經係現代崩潰左

其實係，我估大陸／台灣可能仲有
香港真係愈黎愈少見
我同自己親戚都唔係咁熟
一年頂多見兩三次咁

不得了好易入口

絕對係精心介紹
包保易入口又學到好多新嘢
東坡肉就係咁好食

好多人兄弟姊妹分左家之後通常都會疏遠，即使小時玩得幾埋

其實係
古代重視骨肉親情
應該唔係現代人可以諗到
當然最重要係佢地志氣相投

大家族已經係現代崩潰左

諗起魏文帝同陳思王，覺得「志氣相投」都不敵政治，或者咁反而顯得蘇軾蘇轍嘅兄弟情更難能可貴。

想聽佢地嘅故仔

等聲滿巴打講

Push

大家早晨

大家早晨

巴打出新文未

大家早晨

巴打出新文未

今晚再出