【宋詞趣談】小二，黎一碗東坡肉！！！(多圖餓撚勿入)

點解開左個新post嘅？

連登外用嘅圖網死左
為長遠計
都係決定開新post
目前離我預計講完仲有好耐

我地先講東坡同王安石
王安石主張新法，東坡係反對嘅，兩個係政敵
除左係朝廷互相爭論，私下成日互串
王安石對文字學有研究，寫左本《字說》
但其實入面唔少對字嘅解釋都係鳩吹

有一日東坡見到王安石
東坡好好聲語咁講：
你本書好勁！你話鳩字係從九從鳥，一早就有證據啦！
王安石好開心咁問：
吓？係咩？我自己都唔知
東坡笑笑口咁講：
《詩經》話「鳲鳩在桑，其子七兮。」
七隻雀仔，加埋爸豆老母，咪九個囉！

東坡又問：
王大師，坡字點解係咁寫嘅？
王安石就話：
土嘅皮，即係坡！
東坡笑住咁講：
哇！咁滑字咪係水嘅骨頭囉！

東坡把口真係好閪

古代連登仔黎
出名嘅假膠

可以將佢生平迭事拍返套白面蘇東坡

蘇東坡都算成日比人拍劇
Tvb Atv 大陸都有
不過無咩邊套拍埋佢假膠果陣

清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

由負約去到回憶，由回憶再去到想像未來
呢首詞真係一絕，讀落好多地方回味

應該係波者水之皮也，即波，唔係坡。

王安石整字說，目的並唔喺文字訓釋，更加似係推廣自己嘅理論，所以問題多多。

呢到有兩個講法
坡同波係古籍都有記載
故事有兩個版本咁
我見唔太重要就選東坡嘅坡

王安石將學術變做政治目的
難怪東坡會笑佢
當時佢權傾一時，敢笑佢嘅人好少

嗯，確實如此，我讀得唔夠全面。

文字算學術，但又唔算學術，政治同學者嘅文化影響比較大，王安石既然講到祖宗不足法，行事大刀闊斧，字說自然係佢嘅武器。呢點，其實同說文差唔多。

古書成日都兩個版本，得閒可以考證吓

都係...學術好多時都離唔開政治，尤其古代點會講咩學術獨立自由。中國文革之後，有段時間嘅中國學術研究都係好明顯嘅例子，咩都同馬克思有關。

呢方面我知道，自己讀詩經會留意三家詩同毛詩異同，文選亦如是，會留意尤袤同胡克家個版本對讀。

文革後，改革開放前嘅研究係垃圾，唔係用馬克思，列寧，就係用毛澤東。

其實都幾有趣，意識形態同學術研究之間嘅關係，古代如是，現代如是
大陸都好多勁嘅學者，但普遍黎講都仲係好參差
講古典方面，台灣學者都仍然比較高質

文章既內容有無修改過?
定原汁原味搬過來??

文章既內容有無修改過?
定原汁原味搬過來??

有校對，但無修改內容
張巴打可以直接睇返最新嘅兩篇

清潁東流，愁來送、征鴻去翮。情亂處，青山白浪，萬重千疊。孤負當年林下語，對床夜雨聽蕭瑟。恨此生長向別離中，彫華髮。

一尊酒，黃河側。無限事，從頭說。相看恍如昨，許多年月。衣上舊痕餘苦淚，眉間喜氣沾黃色。便與君，池上覓殘春，花如雪。

由負約去到回憶，由回憶再去到想像未來
呢首詞真係一絕，讀落好多地方回味

近代都有人寫滿江紅

滿江紅·和郭沫若同志
1963.01.09 毛澤東

小小寰球，有幾個 蒼蠅碰壁。嗡嗡叫，幾聲淒厲，幾聲抽泣。螞蟻掾緣槐誇大國，蚍蜉撼樹談何易。正西風 落葉下長安，飛鳴鏑。

多少事，從來急；天地轉，光陰迫。一萬年太久，只爭朝夕。四海翻騰雲水怒，五洲震盪風雷激。要掃除 一切害人蟲，全無敵。

應該係波者水之皮也，即波，唔係坡。

王安石整字說，目的並唔喺文字訓釋，更加似係推廣自己嘅理論，所以問題多多。

呢到有兩個講法
坡同波係古籍都有記載
故事有兩個版本咁
我見唔太重要就選東坡嘅坡

王安石將學術變做政治目的
難怪東坡會笑佢
當時佢權傾一時，敢笑佢嘅人好少

嗯，確實如此，我讀得唔夠全面。

文字算學術，但又唔算學術，政治同學者嘅文化影響比較大，王安石既然講到祖宗不足法，行事大刀闊斧，字說自然係佢嘅武器。呢點，其實同說文差唔多。

古書成日都兩個版本，得閒可以考證吓

都係...學術好多時都離唔開政治，尤其古代點會講咩學術獨立自由。中國文革之後，有段時間嘅中國學術研究都係好明顯嘅例子，咩都同馬克思有關。

呢方面我知道，自己讀詩經會留意三家詩同毛詩異同，文選亦如是，會留意尤袤同胡克家個版本對讀。

文革後，改革開放前嘅研究係垃圾，唔係用馬克思，列寧，就係用毛澤東。

其實都幾有趣，意識形態同學術研究之間嘅關係，古代如是，現代如是
大陸都好多勁嘅學者，但普遍黎講都仲係好參差
講古典方面，台灣學者都仍然比較高質

我鍾意大陸學者多啲，對台灣無咩感覺。
一來台灣出相關嘅書，作者好多都嚟自大陸，缺少本土嘢。二嚟即使有，有時候都係承繼嘅多，開創嘅少。當然都有例外，例如蔣勳同歐麗娟。
講詩詞講得最好果個，我諗係葉嘉瑩?雖則我極唔鍾意佢嗰種風格。

但書嘅版本方面，台灣點都好過大陸，大陸書紙質垃圾，因為政治原因而對某啲篇章作出刪節更加係罪無可恕。(例如高步瀛嘅《唐宋詩舉要》)中國書店嘅版本，叫做有返哂評語同批點。不過文字舛錯多，簡繁混雜。

台灣龔鵬程、顏崑陽，絕對係首屈一指嘅中國古典研究學者
唔知巴打有冇睇過佢地嘅論著，算係目前台灣走得好前嘅古典研究學者
台灣其實好早已經強調本土，加埋佢地台灣學者已經好多都本地人，尤其有所謂嘅獨派

我讀過龔鵬程嘅中國文學史，顏崑陽就純粹知道有呢位學者。有冇書可以介紹下。

之所以咁講，因為我見台灣大書局多數都只係重印大陸學者嘅書，例如張鳴宋詩選，又或是龍榆生嘅唐宋名家詞選，有啲自家製嘅好似朱自力等選嘅元曲選，注得麻麻，注出處，少解釋。又或者歐麗娟嘅唐詩選注，當年喺書局讀兩讀，唔太留到深刻印象，至少無錢鍾書本宋詩選注咁強烈。(雖然選得唔太好)

可能我鍾意睇嘅係個人風格強烈嘅書，想睇作者自己睇法。

至於話缺少本土，我表達得差，我指係缺少破格嘅作品，例如一望就知係台灣人注嘅詩詞。不過三民書局嘅注譯系列幾好，有心有力。

不過，大概因為我孤陋寡聞，先入為主所致，自己始終少見台灣書。

龔鵬程應該算係公認好有個人睇法嘅學者，佢本本論著都係插緊主流講法，好有獨到嘅見解，搞到有班人好唔妥佢

顏崑陽最新出左三本新書：詩比興系論、反思批判與轉向：中國古典文學研究之路、詮釋的多向視域：中國古典美學與文學批評系論。我估圖書館都應該入左

我無點留意台灣注嘅選本，都係睇佢地嘅論著多，暫時覺得古典研究論文入面，比較深刻

我愛探長！我愛探長！

多謝推介，我去搵嚟讀讀。

我自己比較少睇古典研究論文，一般鍾意讀注同選。以前會成日睇呢啲論文，不過後嚟睇睇下無咩心力再睇落去。或者我學力有限，精神又唔好，開始無法「理解」，啲字變哂符號咁。

近年都係鍾意睇選注，一來可以自己領悟，二來可以睇注者睇法，例如中研院本《唐詩選》，馬茂元趙昌平《唐詩選》就非常好，本來前者應該係今也詩無敵，純粹以注者嘅志趣同喜好去選，完全唔考慮讀者(選者有余冠英、王水照、錢鍾書、陳友琴等等)，但你知喇，文革前後，一切毀於一旦。最後只能夠用政治第一，藝術第二去選，初稿乜撚都無哂，可以睇下王水照嘅文章：

http://news.xinhuanet.com/book/2003-09/25/content_1099217.htm


馬茂元嘅《唐詩選》，初版都係60年代，修訂本80-90年代完成，好得多。

葉嘉瑩有本《詞學新詮》，可以一睇。

哇，巴打專攻選本，好正，學到嘢！

我會再特別留意呢方面，選本係好有趣，唔同選本代表唔同文學批評觀，選本研究都幾多人搞

葉嘅風格，其實我自己都麻麻地，不過佢真係無法忽視嘅高山黎

我愛探長！我愛探長！

I Love u too

巴打出新文未

明日出
最好推埋呢頁啦

如果想自學中國文學應該點做
唔識點入手

我讀過龔鵬程嘅中國文學史，顏崑陽就純粹知道有呢位學者。有冇書可以介紹下。

之所以咁講，因為我見台灣大書局多數都只係重印大陸學者嘅書，例如張鳴宋詩選，又或是龍榆生嘅唐宋名家詞選，有啲自家製嘅好似朱自力等選嘅元曲選，注得麻麻，注出處，少解釋。又或者歐麗娟嘅唐詩選注，當年喺書局讀兩讀，唔太留到深刻印象，至少無錢鍾書本宋詩選注咁強烈。(雖然選得唔太好)

可能我鍾意睇嘅係個人風格強烈嘅書，想睇作者自己睇法。

至於話缺少本土，我表達得差，我指係缺少破格嘅作品，例如一望就知係台灣人注嘅詩詞。不過三民書局嘅注譯系列幾好，有心有力。

不過，大概因為我孤陋寡聞，先入為主所致，自己始終少見台灣書。

龔鵬程應該算係公認好有個人睇法嘅學者，佢本本論著都係插緊主流講法，好有獨到嘅見解，搞到有班人好唔妥佢

顏崑陽最新出左三本新書：詩比興系論、反思批判與轉向：中國古典文學研究之路、詮釋的多向視域：中國古典美學與文學批評系論。我估圖書館都應該入左

我無點留意台灣注嘅選本，都係睇佢地嘅論著多，暫時覺得古典研究論文入面，比較深刻

略略睇過呢幾本書嘅介紹，似乎顏崑陽專門研究文心雕龍，難怪聽過佢個名。

佢基本上古典範範都有研究，最出名應該係李商隱詩，另外文學批評都好有見解

如果想自學中國文學應該點做
唔識點入手

呢個係我開post嘅原因
可以先跟呢邊嘅文慢慢學
然後自己有興趣再睇吓更多作品
自然就會入手