下篇開始入黃州同東坡嘅個人感受
詞作非常精彩
仲會特別講東坡名畫
對中國畫有興趣
好快出架啦
【宋詞趣談】小二，黎一碗東坡肉！！！(多圖餓撚勿入)
戈登探長
615 回覆
248 Like
5 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁
好快出架啦
下篇開始入黃州同東坡嘅個人感受
詞作非常精彩
仲會特別講東坡名畫
好期待巴打講中國畫
下篇開始入黃州同東坡嘅個人感受
詞作非常精彩
仲會特別講東坡名畫
好期待巴打講中國畫
希望唔會令你失望
講起豪放就自然諗起李白，李白都係一位我好崇拜嘅詩人，唔知樓主會唔會講埋？
講起豪放就自然諗起李白，李白都係一位我好崇拜嘅詩人，唔知樓主會唔會講埋？
李白、杜甫都係無法忽視嘅大詩人
之後一定會返轉頭講
應該會講多一兩詞人先
巴打可以睇住先，一定會等到
東坡最大的挫折：烏臺詩案
兼讀東坡〈予以事系御史臺獄，獄吏稍見侵，自度不能堪，死獄中，不得一別子由，故作二詩授獄卒梁成，以遺子由，其一〉
長途押解，猶如一路示眾，可惜當時幾乎沒有什麼傳播媒介，沿途百姓不認識這就是蘇東坡。貧瘠而愚昧的國土上，繩子捆扎著一個世界級的偉大詩人，一步步行進。蘇東坡在示眾，整個民族在丟人。
——余秋雨
講起東坡詞最動人嘅作品，我地一定會提到黃州
特別因為東坡係黃州寫下驚世傑作：
念奴嬌(赤壁怀古)
前、後《赤壁賦》
正因為咁，我地先要睇返係佢因咩事去黃州
而今日要講嘅「烏臺詩案」，就係答案
係發生呢件事之前
東坡係對自己嘅聰明才智
對自己嘅詩詞文章好鬼自豪
但發生「烏臺詩案」之後，佢曾經講過：
「某自得罪，不復作詩文，公所知也。不惟筆硯荒廢，實以多難畏人，雖知無所寄意，然好事者不肯見置。開口得罪，不如且己。」
寫過一首對自己仔女寄望嘅詩：
人皆養子望聰明，我被聰明誤一生。
但願生兒愚且魯，無災無難到公卿。
「烏臺詩案」，係東坡成世人最大嘅挫敗
因為呢件事，令佢重新審視自己嘅人生
同時，亦係佢嘅詞作由豪放而致超曠
國家不幸詩家幸，文窮而後工
如果無發生過「烏臺詩案」，如果無人生挫敗
或者我地嘅課室，就唔會再有誧讀「大江東去」嘅聲音
事情起於御史台彈劾東坡嘅文句
話佢蔑視朝廷，又話佢不忠於君
甚至有個叫李定嘅人，居然話東坡嘅罪係：
「起於草野垢賤之餘」
「初無學術，濫得時名」
「所為文辭，雖不中理，亦足以鼓動流俗」
其實當時皇帝、太皇太后都好鍾意東坡
而東坡又係名動一時嘅文化巨星
但正因為樹大招風，引起好多妒忌
人言可畏，群而攻之，係一股極大嘅力量
東坡最初收到風都唔驚
但後黎知道愈黎愈多人插佢
好似有個叫李宜之嘅小官
或者可以解釋點解咁多人攻擊東坡
學者李一冰講：
「他也來插上一手，無他，一個默默無聞的小官，若能參加一件扳倒名人的大事，足使自己增重。」
落井下石，見風轉舵，小人嘅性格古今同之！
終於直到成堆官差黎湖州捉東坡
東坡當然好驚，佢連自己犯咩罪都唔知
咁東坡就講：
至少比我見埋屋企人最後一面
通判祖無頗目擊說：
頃刻之間，拉一太守，如驅犬雞。
余秋雨寫得好：
長途押解，猶如一路示眾，可惜當時幾乎沒有什麼傳播媒介，沿途百姓不認識這就是蘇東坡。貧瘠而愚昧的國土上，繩子捆扎著一個世界級的偉大詩人，一步步行進。蘇東坡在示眾，整個民族在丟人。
東坡係揚州渡江果陣，曾經計劃跳河自殺
我地可以想像，佢陷入一種巨大嘅落差
前一刻都仲係一個充滿前途嘅文人
下一刻居然變做連自己犯咩罪都唔知係犯人
東坡唔知自己會唔會連累自己屋企人、朋友
係呢一刻，佢曾經自豪嘅文學，變成佢受難嘅原因
以藝術入罪，以政治審判藝術，令人悲嘆
控告者、審判者都係憎恨東坡嘅人
東坡自然百口莫辯，係牢房入面飽受侮辱同折磨
案卷記錄經常出現嘅句子：
「逐次隱諱，不說情實，再勘方招。」
佢知道，唯有嘅解脫嘅方法，就係認罪
林語堂《蘇東坡傳》：
對蘇東坡的指控，有的十分牽強。最有趣的指控中，有一條是寫兩株老柏的七律。詩里說柏樹「根到九泉無曲處，世間惟有蟄龍知。」這兩句詩認為是對皇帝大不敬，因為龍是皇帝的象徵，而今皇帝正在位，作者應當說有龍在天，不應當說在九泉地下。另外還有一首牡丹詩，在詩內作者歎造物之巧，能創造出牡丹種類如此之繁多。御史解釋此詩為諷刺新當政者能制定如此多之種種捐稅。《菊賦》的序言裡曾提到吃妃菊的苦種籽，御史認為作者是在直接諷刺全境百姓的貧窮，尤其是指朝廷對官吏薪俸的微薄。「生而盲者不識日」是諷刺科舉考生的淺陋無知，諷刺考生不通儒學，只知道王安石在《三經新義》里對經書的注釋。
一首又一首詩嘅審判
經歷嘅時間好長，亦都係咁先分到真朋友
杭州嘅父老百姓求神明保佑東坡
朝中嘅范鎮、張方平寫信求皇帝
甚至王安石嘅弟弟王安禮都話：
「自古大度之君，不以言語罪人」
太皇太后死前講：唔好再屈東坡啦！
聖主如天萬物春，小臣愚暗自亡身。
百年未滿先償債，十口無歸更累人。
是處青山可埋骨，他時夜雨獨傷神。
與君今世為兄弟，又結來生未了因。
話說，東坡同佢大仔蘇邁約定用飯菜傳遞消息：
如果皇上唔殺佢，就送肉和蔬菜
如果皇上要殺佢，就改送魚，不送肉和蔬菜
但係有一日蘇邁唔得閒，就決定叫朋友叫飯
點知佢朋友竟然整左條糖醋魚比東坡
東坡一見到就嚇到流哂馬尿
獄卒本身都好同情佢，就問明原因
東坡就求佢，幫佢送兩首絕筆詩比子由
其中呢一首詩好簡單
大家可以自己慢慢品味東坡死前嘅真情
最後皇帝決定：
蘇東坡貶往黃州，官位降低
充團練副使，但不准擅離該地區，無權簽署公文
係牢獄經過一百零三日，東坡終於重見光明
而經過呢件事，去到黃州嘅苦困
從此改變東坡嘅人生態度
東坡真係有咁耐風流有咁耐折墮....
落差好大真正嘅食家除左甘甜，其他各種味道都要一一品嚐，佢寫嘅食經先至會令偏好唔同嘅人都產生共鳴，得到各階層背景嘅人認同依條友堅係識食
真正嘅食家除左甘甜，其他各種味道都要一一品嚐，佢寫嘅食經先至會令偏好唔同嘅人都產生共鳴，得到各階層背景嘅人認同依條友堅係識食
東坡可以成為大文學家，或者從佢嘅飲食觀可見一斑
黃州之後，東坡能夠欣賞嘅味道，已經唔止甘甜，苦澀、辛辣，都係人生美嘅提煉
呢一點，或者係佢比李白杜甫更受大眾愛戴嘅原因！
就快出下篇
扭曲的怪畫：與世不容的正直
讀東坡畫論，看偃松圖
東坡 枯木怪石圖
何謂文人畫？即畫中帶有文人之性質，含有文人之趣味，不在畫中考究藝術上之工夫，必須於畫外看出許多文人之感想，此之所謂文人畫。
——陳師曾
正文第二十一章
中國繪畫藝術，有一派相當重要：文人畫
咩係文人畫呢？
即係士大夫呢種文人階級嘅畫
所以又稱做士人畫
正好似東坡講嘅：
「觀士人畫，如閱天下馬，取其意氣所到。乃若畫工，往往只取鞭策皮毛槽櫪芻秣，無一點俊發，看數尺許便倦。漢傑真士人畫也。」
追求嘅唔係畫匠作品嘅形似
而係要求神似，要有言外之意
「詩不能盡，溢而為書，變而為畫。」
亦都係呢個時候開始，詩書畫三樣嘢結合埋一齊
繪畫、書法、詩詞缺一不可
東坡 瀟湘竹石圖
東坡正係中國文人畫嘅先行理論創造、實踐者
其實更早對東坡有知遇之恩嘅歐陽修已經提倡：
「古畫畫意不畫形」，客觀嘅外形並唔係最重要
「此畫此詩兼有之」，文人作詩重意，畫亦同之
東坡接受呢種講法，論述得更加細膩：
論畫以形似，見與兒童鄰。
賦詩必此詩，定知非詩人。
詩畫本一律，天工與清新。
邊鸞雀寫生，趙昌花傳神。
如果繪畫只求形似，咁同細路仔有咩分別？
即係好似寫詩寫唔出新意，一定唔係一個勁嘅詩人
唔係話形無用，但形之外有更高追求
我地必須注意「詩畫本一律，天工與清新」
呢到正係文人畫好強調嘅詩、畫合一，其理相通
而家嘅人話王維係「詩中有畫，畫中有詩」
呢句評語正正係出自東坡口中
咁呢種意要點反映呢？
東坡話，作品嘅高度建基於個人嘅修養
於潛僧綠筠軒可使食無肉，不可居無竹。無肉令人瘦，無竹令人俗。人瘦尚可肥，俗士不可醫。旁人笑此言：「似高還似痴？」若對此君仍大嚼，世間那有揚州鶴！
世間嘅俗人，畫匠詩匠只求外在嘅價值，外在嘅形似
而真正嘅雅士係可以追求內在嘅修養，再將佢表達出黎
東坡將內在嘅追求，比喻對竹嘅欣賞
俗士會笑呢種君子之竹，根本係無用多餘
如果對住雅事仍抱住俗世肉慾，又點會有真正嘅藝術？
東坡 偃松圖
我地不妨係到觀賞東坡嘅名作偃松圖
東坡嘅畫主要題材係「枯木竹石」，成為文人畫主要嘅題材
睇呢幅畫作嘅時候，我地一定會比主角「偃松」吸引
偃松，即係躺臥嘅松樹
睇到呢邊，一定會有一個疑問：
點解要畫呢棵咁奇形怪狀嘅樹？
再更進一步
我地要問點樣東坡咁鍾意「枯木竹石」？
呢到正正扣連東坡受「烏臺詩案」之累
去到黃州呢個窮鄉僻壤嘅地方
因為詩文而受累，東坡轉而全心投入於詞於繪畫
繪畫嘅形式，容許東坡以隱約嘅手法表達自己嘅真情
從畫作當中，反映東坡經苦難後嘅人生態度
畫入面嘅偃松，係東坡自身嘅映照
因為客觀外在條件的不幸，偃松唯有橫向生長
面對呢種困難，佢依然能夠征服
粗壯嘅枝幹，多重嘅扭曲，表達一種壯美
呢種壯美係不甘於環境嘅局限
極力掙扎，於世界種種限制中周旋衝突
一切嘅不自然，一切嘅奇形怪狀
東坡曾經受過嘅誹謗，曾經受過嘅殘酷
種種災難，都唔係輕描淡寫可以忽略
人生真正嘅不幸，必然會係生命形成無數傷痕
東坡知道：
我地無法改變事實，但我地唔可以一蹶不振
偃松曲線嘅怪異，係人生必定經驗嘅挫敗
但我地睇東坡呢幅畫，並唔會覺得偃松好無生氣好慘
反而從東坡嘅線條，東坡特意扭轉嘅形狀
細看之下，就能夠感受偃松翻騰於雲霧嘅美感
正因為偃松出生嘅不合自然，成就偃松整體嘅壯美
正如東坡偃松圖自題：
「怪怪奇奇，蓋是描寫胸中磊落不平之氣，以玩世者也。」
東坡「枯木竹石」之主題，必須連結佢嘅人生觀賞
物純得形似，只係死物
而東坡以詩心觀之，深入物之本質，投注自身性情
「枯木竹石」，經大苦困之人方可成就大美
東坡諸多畫作，應作如是觀
睇完梵谷嘅畫，到呢邊又有得睇東坡嘅畫
偃松曲線嘅怪異，係人生必定經驗嘅挫敗
但我地睇東坡呢幅畫，並唔會覺得偃松好無生氣好慘
反而從東坡嘅線條，東坡特意扭轉嘅形狀
細看之下，就能夠感受偃松翻騰於雲霧嘅美感
正因為偃松出生嘅不合自然，成就偃松整體嘅壯美
中國文人畫係幾有趣
http://big5.china.com.cn/gate/big5/art.china.cn/voice/2011-01/19/content_3972597.htm
巴打有興趣可以睇吓
簡介基本古典文學概念：婉約、豪放
並讀東坡江城子(密州出獵)
正文第十九章
東坡 江城子(密州出獵)
老夫聊發少年狂！左牽黃，右擎蒼。錦帽貂裘，千騎卷平岡。為報傾城隨太守；親射虎，看孫郎。酒酣胸膽尚開張。鬢微霜，又何妨！持節雲中，何日遣馮唐？會挽雕弓如盈月；西北望，射天狼。
詞有豪放、婉約兩大派
婉約係詞之本色，即係原本最初大家都咁寫嘅主流
豪放則係詞之變格，由東坡開始創變，後人跟隨
呢兩種係風格嘅唔同，我地不妨由典型嘅作品做介紹
晚唐溫庭筠、韋莊係婉約詞風嘅開山祖師
下開宋代柳永、秦觀、李清照、歐陽修、晏殊、張先……
人數遠超東坡嘅豪放派
就連東坡門生之一嘅秦觀都唔寫豪放詞
溫庭筠 菩薩蠻六首之一
小山重疊金明滅，鬢雲欲度香腮雪。懶起畫蛾眉，弄粧梳洗遲。
照花前後鏡，花面交相映。新帖繡羅襦，雙雙金鷓鴣。
屏風上嘅金碧山水，隨往光而明滅
黑髮如雲之鬆散，映照女子早上臥床嘅臉龐雪白
待在閨房，情人不在，也無心打扮
古代女子喜用前、後各一鏡化妝
髮髻嘅花，美女嘅臉，互相前後相映
新嘅衫繡左一雙一對嘅鷓鴣，女子卻孤身一人
婉約詞，題材多係女子閨怨之情，多用代擬
抒發自己嘅情感、思想，當時主要用詩黎表達
當然都有例外啦，但直到東坡先咁明顯「以詩為詞」
即係用寫詩嘅態度寫詞，唔再局限係愛情閨怨
抒情言志，家國天下，無一不可
題材擴充，自然書寫嘅風格都多變啦
當中同婉約最相異嘅，就係豪放
老夫聊發少年狂！左牽黃，右擎蒼。錦帽貂裘，千騎卷平岡。為報傾城隨太守；親射虎，看孫郎。
呢首詞可謂東坡詞風轉為「豪放」之代表作
東坡雖然豪放詞寫得唔多，但文學史素來以創變為高，故總以豪放稱其詞風
東坡係《與鮮于子駿書》談及此詞：
「近卻頗作小詞，雖無柳七郎風味，亦自成一家。呵呵。數日前獵於郊外，所獲頗多。得一闋，令東州壯士抵掌頓足而歌之，吹笛擊鼓以為節，頗壯觀也。」
呢首詞係因為打獵而寫，仲同埋成堆壯男一齊高歌
就算無柳永嘅詞風，無詞之本色
唔寫女人寫男人，咪都可以自成一家，呵呵
上半片記東坡出獵嘅情境
古人四十而稱「老」，東坡寫呢首詞已經四十歲啦
都係老人家，但突然有少年嘅興致
東坡唔讀書，去打獵，都幾見佢嘅活力
「左牽黃，右擎蒼」
黃、蒼，舉一代全，意指黃狗、蒼鷹
「千騎卷平岡」
「卷」之一字，真係好有氣勢呀！
「為報傾城隨太守」
除左豪放嘅想像，仲想與民同樂
打多幾隻老虎返去BBQ
東坡仲用孫權自喻，即刻親手射返隻老虎先！
酒酣胸膽尚開張。鬢微霜，又何妨！持節雲中，何日遣馮唐？會挽雕弓如盈月；西北望，射天狼。
下半片寫東坡狂放嘅心理
「酒酣」，係用酒將壓抑嘅情緒釋放出黎
生出下句：「鬢微霜，又何妨！」
多幾條白頭髮，老子什麼鬼都不怕！
有聲
成班人係度吆喝可以壯膽
點解有「呵呵」兩個字咁有趣？
點解有「呵呵」兩個字咁有趣？
證明「呵呵」兩個字好早已經出現
當年我第一次睇到呢句都笑左
緊係有種假膠嘅味道
有首詞直接用埋「呵呵」
菩薩蠻 韋莊
勸君今夜須沉醉，尊前莫話明朝事。尊重主人心，酒深情意深。
須愁春漏短，莫訴金杯滿。 遇酒且呵呵，人生能幾何？
點解有「呵呵」兩個字咁有趣？
證明「呵呵」兩個字好早已經出現
當年我第一次睇到呢句都笑左
硬係有種假膠嘅味道
有首詞直接用埋「呵呵」
菩薩蠻 韋莊
勸君今夜須沉醉，尊前莫話明朝事。尊重主人心，酒深情意深。
須愁春漏短，莫訴金杯滿。 遇酒且呵呵，人生能幾何？
點解有「呵呵」兩個字咁有趣？
證明「呵呵」兩個字好早已經出現
當年我第一次睇到呢句都笑左
硬係有種假膠嘅味道
有首詞直接用埋「呵呵」
菩薩蠻 韋莊
勸君今夜須沉醉，尊前莫話明朝事。尊重主人心，酒深情意深。
須愁春漏短，莫訴金杯滿。 遇酒且呵呵，人生能幾何？
真係估唔到好好笑