屋企老人家唔想去老人院，仲有咩方法

大小二便啊
邊有咁抵得諗

屋企有老人家中左風情況同你差唔多，初初請左一個工人再加個日間私家看護，識人直頭請2個工人一個日頭，一個夜晚講真有邊個會想入老人院

搵醫務社工搞買位暫託 係私院一年最多可以住42日 62蚊一日
可以比老人家試下先
完左再睇下你想邊住私位邊排政府院 定係申請私院買位院費$1763一個月
定係請工人

如果你屋企老人極度無咁既意願，依個option應該直接了當，諗其他方法，入老人院本身就要適應，個段時間老人家會好撚炆，加上你話佢本身就極度唔想，都幾可肯定佢入到去，情況一定會極差，可能唔肯食野，不停反抗、咬人，最後比人五花大綁。 到下次你探佢，佢應該唔識比反應你、可能連野都講唔到、眼角濕濕。

https://www.swd.gov.hk/tc/index/site_pubsvc/page_elderly/sub_csselderly/id_daycarecen/
樓豬望望呢個睇下幫唔幫到d手

第三個方法就減輕照顧者壓力
起碼確保佢夜晚有教好瞓 情緒健康
唔使下下失眠
同老人家傾吓 夜晚痾尿嘅話 第朝先換片得唔得
多幾個鐘唔會死

想得閒減輕下 搵長者社區中心
有啲叫陪診、看護服務
但都取替唔到日間護理中心嗰種

連登仔係咪個個都未讀完書？

樓主個case 根本好難係屋企照顧到，就算請工人都好難請到肯做嘅，希望樓主唔好浪費時間同啲低能仔嘈交

以前屋企人都係咁，另一個老人家照顧左幾年之後都係太辛苦要入老人院。老人院未必係等死架，都係睇設施同員工有幾用心。當年老人家住靈實，啲姐姐同設施都好好，同埋兩老有信仰，啲活動岩佢地。唔知依家要幾耐先有位，但可以考慮下呢間

認真答你，老人院唔差的，但係你要揀大機構，排隊起碼排六七年，排緊隊嗰陣可以帶啲老人家去長者日間護理做暫時寄托，你放工係要接返佢。
如果老人家真係唔肯去，佢地會派社工或者護士去你屋企做家訪，說服個老人家，如果都係說服唔到，就要你自己照顧返，冇得強逼。

有無野想問，我係做呢行
想問排老人院可以問我

我都想請到呢啲好嘢, 7000蚊一個月我都肯畀

以前屋企都有類似情況

搵咗醫務社工幫手先
排日間中心同老人院，乜都排定先，因為等好多年當後備方案，到時真係唔想去可以放棄排位。

有啲工人姐姐公司，係專搵喺菲律賓做過護士的姐姐㗎
貴double人工有多，但好處係佢預咗自己執大小二便呢啲工作。不過佢哋主要做照顧，只會做少量清潔、煮飯工作，家務可能要自己/屋企人負責返。
但因為請普通姐姐，除非加好多錢人工，否則可能做一陣就走。

嗰時我就係咁，起初請普通姐姐照顧，起初同佢講要換片、推輪椅都冇乜嘢，佢話以前喺台灣做過照顧老人家，但做咗大半年話要辭職。咁我哋提出加佢人工or請多個專業姐姐，佢都話要走。結果都係要送老人院幾個月，安排新姐姐嚟香港，結果喺老人院嗰陣情況慢慢差，新姐姐未到就走咗

喂大佬啊 頭一兩頁睇完佢嘅回覆，人哋講咗好幾個方法佢都ban 9都係話要送去老人院先係最好嘅方法
我咁樣講一句，你咪又係判官咁樣屌鳩我一野話我冷血
你又知我屋企冇長期病患者，冇老人家？
我咪話係假膠先係冷血囉，你屌鳩我咁樣即係合理呀？我唔想係到off topic同你喺度嘈，係咁先88

疫情探訪+行動不便+不能自理大小便都仲要老人家去老人院=送佢一程

擺得多過半年當你嬴

去大灣區

唔好傻 就算樓主自己都唔太想做 親戚點會想做

做緊老人院答你
無咩事唔好送老人家去老人院（特別係私院）

私院平平地都要6/7千一個月
建議你不如請工人姐姐好過

其實大把老人家呢D情況擺到好耐
利申做過幾年私院文員/會計既工

只能夠講我會為自己人生負責
唔想拖累下一代

"貴double人工有多"
即係大約幾多錢?

衰d講，老人家個感受可以有幾好？
當然唔係話要對佢差啦
考慮下自己就冷血，判官真易做

真呀 樓上果d無撚經歷過 一味話人喉住間屋