屋企老人家唔想去老人院，仲有咩方法

認真，影響到生活真係要認真諗諗佢
一個辛苦好過全家辛苦

經濟方面如何？
上面有啲巴打提到類似療養院之類，環境好好但價錢好貴，呢啲唔知肯唔肯收？

菲傭平成倍，問題係你試過親就知根本無工人肯做

聽講老人院好似政府好過私營
你係咪都排左先 就算到時本身已經入左一間私家 都可以揀轉唔轉

巴打
要照顧多病痛, 行動不便既屋企人
聽到都覺得唔容易

仲係好清醒既就真係得屋企人唔做野去照顧依條路行

呢啲情況最壞係送入院
但醫院環境係相當差

頂著呀巴打

老人家咁差都應該有定期覆診，到時覆診可以問吓轉介啲醫護社工俾你去安排院舍或者最基本上門服務

你呢啲case 除非你大富大貴可以請個姑娘睇著佢之外，如果唔係都冇乜可能喺屋企照顧到，依家搞到你有情緖困擾又同屋企人關係轉差，再加埋影響工作，遲早實會出事

照顧者壓力都係決定入唔入院舍嘅一個考慮因素，兩害取其輕一定係交俾專業人士照顧好過你死攬著喺屋企然後攬炒哂全家

去到最絕望就係打三條九話個老人家行為失常有攻擊性，送咗入院再同醫生姑娘講到有幾慘得咁慘，睇吓可唔可以盡快轉去啲比較好嘅院舍住，但真係最後一步，正正常常邊個想踢個老人家去院舍吖

睇到好驚
擔心自己第日老左都要咁樣麻煩到屋企人
自己又辛苦 又見到屋企人為左自己咁辛苦
希望果時我可以自己選擇安樂死

認真講下自己意見，分析下各個優劣

工人
我見過既工人質素普遍都唔差，當然樓主都要問清楚，interview問多d，問多少少佢點睇老人家之類既價值觀問題，問下佢同之前僱主點相處，如果可以聯絡到上一手僱主就更好
做好少少監察就ok，俾多d信心，對工人好d，俾多d讚賞欣賞，工人做到開心，先會照顧得用心，成個照顧系統先穩定
而家請工人預返幾個月啦，我諗唔使擔心好難請人，樓主呢種case請工人都算普遍，溝通好工作範圍就ok

社區照顧
現時既社會服務都有好多支援樓主親人呢類想留係家居生活既人士，例如「綜合家居照顧服務」、「改善家居及社區照顧服務」、「嚴重殘疾人士家居照顧服務」，呢d服務可以上門照顧，但缺點係做唔到全天候照顧，可能一星期若干次數既運動／沖涼／餐膳支援，其他既照顧就要家人或工人做返

「日間護理中心」就可以俾到日間照顧，通常可以來回接送，但夜晚都要你地照顧返

老人院
俾得起錢，幾萬蚊一個月既話，質素都應該幾好
如果無咁多錢，就可以考慮下排津院，津院要跟SQS，都唔會好差，同埋排左先都無壞，排到佢果陣如果唔想入，可以凍結左先既
最後選擇先係私院啦，入唔入到一間好既，都幾講運氣既

我諗如果唔想入老人院，可能可以諗下請工人既，再加埋家居照顧服務。你可以試下去長者鄰舍中心／地區中心，或者去綜合家庭服務中心問多d意見

同埋我覺得你都要同家人多d溝通傾下，我唔想用妥協之類既字眼，但佢都要清楚你地照顧者既處境／難處，同埋一齊探索下點既決定對佢本人及照顧者兩個party黎講，先係最好既選擇

愈貴價嘅愈唔會收啲奇難雜症
尤其有攻擊性嘅 劍x都未必收

等如私院一有麻煩就會踢你去公立
行得走得嗰啲就非常歡迎你留院上賓招待

唔好入明愛個d
D院長係社工做
仆街到一個地步只可以講虐老

我屋企個工人都係
之前都照顧過老人家
請到一個好嘅真係三生有幸

帶佢打科興？

你最後講個方法算係冇辦法中既辦法

你都戇鳩，請工人仲平撚過入老人院

其實個個人都係咁，都冇得好驚啦

感謝長文分享

咪on9
老人家十個有九個會邊換邊對住你郁手郁腳