屋企老人家唔想去老人院，仲有咩方法

覺得你好慘
但睇到最尾唔爭氣笑咗

你家族應該都係有錢人，唔係個老人家唔會咁惡，後生亦唔會忍佢。

我都好想知

我爸中左風，岩岩出院，
之前護士口快講醫生好似寫咗幫手排老人院，但老人家一聽到就好大反應，個護即刻停左轉介排老人院我做囡既唔敢出聲
但好驚二次中風，好嚴重 。 我媽而家照顧緊佢，我有時會輪住我媽間（呢排放假，之後要番工）

唔知二次中風再嚴重既話，我地家人點照顧佢聽人講排一次要等起碼5-6年， 師兄我地可唔可以排番政府老人院？

私家定政府？

好認同你果句：
「如果佢係無思想任你擺佈仲易搞，但佢唔會聽你講 唔會跟你指示做」

老人家自尊心強，又硬頸真係好難攪

我都有類似既問題，可否add 我tg ?@edupsy123

甘你而家婆婆係老人院定點？

Add Tg , ok? @edupsy123

你問清楚係唔係搵左社工，已經做左評估先？
做左評估，合資格既話，可以排兩樣野
1）社區支援（上門/日間中心）
2）院舍服務
可以2選1，或者夠分排晒兩樣都得
你要問清楚而加做左評估未？ 簡左服務未？
津助院舍，4年左右啦
唔介意私院買位，1年左右就有

搵左醫院社工問最快手

前幾日上黎做左評估，我爸（中風）好強自尊心話咩服務都唔使，只係簡左上門物理治療。 但我見我媽其實有d辛苦照顧佢起居飲食，我媽都想有人上黎幫幫手做支援家務果d 。 有時我放假就頂我媽位，甘我媽就可以落去買餸。如果唔係要長期居家睇住我爸，怕佢有危險。

但因為我爸同社工講咩都唔要，個社工又無問我同媽咪意願，就無幫佢apply other service . 老人院排位更加唔使講… 但學你話一排都要等4/5年，二次中風呢d野突如其來，無人知幾時。我擔心太突然，到時佢自理唔到真係有需要入老人院都要排好幾年。所以想排定先… 因為你永遠唔個第2次中風會幾突然。今日中左 我同我媽都差d攪唔掂，我媽仲有焦慮。所以想好好安排 做好預備，但我爸推哂所有服務，社工就照跟 我真係唔知可以點

Service 未排到，其實都可以改choice (寫信應該改到，加番老人院選項），但你老豆唔可以咁拒絕先
即係你要先說服到老豆，再搵社工講改choice
即係同老豆講，排左先啦，到時可以唔入之類。

明白。多謝哂你既見意。我會試試講通我固執既呀爸

師兄點搵你？

我都想問問，屋企老人家行唔到，而且都要用尿片，又係好抗拒去老人院，
當初醫院社工建議出院後暫住42日果種老人院，佢拒絕，堅持要番屋企

問題就係，屋企只有我同佢兩個人住，我星期一至六要番工，能夠做到ge就只有朝早早d 起身整定早午餐放係佢附近位置等佢自己拎黎食

大小二便我亦都只能夠出門前幫佢換一次，然後擺係佢附近等佢自己換，當然我都預左佢換唔到而搞到周圍都係，我放工番黎再執屎執尿

佢亦都有糖尿病，高血壓，鉀高，腎功能差呢d 問題
今日只係佢第一日出院我就已經搞到一頭煙，但我預想到未來一段長時間都需要每日咁照顧佢同擔心佢，我都唔知自己頂唔頂得順

睇左好多comment,請工人我都有諗過，但主要我住公屋冇多一間房比工人姐姐，老人院佢又唔想去，我都真係諗唔到有咩方法去handle 佢，好迷惘

係咪個post 太舊推唔到

hiii 有興趣想了解下

想知點搵你？